رواية (حلمت في يوم)
للكاتبه :نور أحمد
البارت 11(inlove)(inlove)(inlove)
~~~~~~ طلعت الممرضه من قسم العمليات

يزيد و الام:شي صار البنت شي فيها
الممرضة:انا لله وانا اليه راجعون

الام:شن شن شششش شي اتقولي انتي بنتي(surprised)

الممرضه:لا اطمني ياخالتي بنتك بخير بس البيبي العوض بسلامتكم

الام:شي اتقولي شن تخرفي

الممرضه: قوي عزمك ياعمتي الله غالب هوا الولاده في الشهر التامن ديما خطره بس الحمد الله بنتك وراجالها اصحيحين

الأم :أما شهر تامن اني بنتي مش مزوجه
الممرضه:مش انتم اهل خديجه عبد الحفيظ
الأم قمعزت ع الكرسي براحه

يزيد :لا احنى اهل نور علي

الممرضه :معليشي ممكن دخلوها للغرفه اللي معانا في القسم

يزيد :مشي سئل ع نور في الاستعلامات قالوله انا نقلوها ع غرفه خاصه
جاب خالته وامشو للغرفه لقو الدكتور رافعها للتصوير لحقوه

اول مطلع الدكتور
الدكتور:انتم أهل المريضه نور علي

الأم وهيا قاعده ترعش:أي يادكتور طمني بنتي شي فيها

الدكتور:البنت بخير والحمد الله الضربة جت سطحيه بس ممكن يكون عندها نزيف داخلي لهدا نخلوها
تحت الملاحظه
الأم تنهدت براحة :ااااوووف الحمد الله الحمد الله ياربي ياسيدي الحمد الله

يزيد تنهد براحه:الحمد الله ع سلامتها ياخالتي ،نقدرو نشبحوها يادكتور

الدكتور :أي تقدرو بس هيا قاعده تحت تاثير المخدر ومزال موعتش تبي شويه تاني وتنوض نستاذنكم توا والحمد الله على سلامتها

الأم ويزيد خشو للغرفه لقوها تحت تاتير المخدر وعليها تبع النبض والبخار

الأم قربت لنور وحطت يدها ع ايدها وانهدت بالبكي :نوضي ياقلبي ياريته يدي انقطعت قبل لنمدها عليك ياريت تبكشت قبل لنعلي صوتي عليك نوضي ياروحي نوضي نطي واجري ودير المقالب في خواتك ووعد وعد مني لا نعاركك لا نقولك ولا حاجه بس نوضي نوضي يانويره راك شينه وانتي تحت الاجهزه (cry)(cry)(cry)(cry)(cry)(cry)(cry)(cry)(cry)(cry)(cry)(cry)(cry)(cry)(cry)(cry)(cry)(cry)
ياااااااربي ياربي ياسيدي نوضلي بنيتي كرهت المستشفيات ياربي سادني نار خوهن اللي مزال تحرق في كبدي وكل يوم تكبر ياربي اشفيلي ابنياتي واحميهلي بجاه كل من ليه جاه عندك ياربي ااااااااه (cry)(cry)(cry)(cry)

يزيد دموعه نزلن بلا راده ع منظر خالته جي حط يده ع كتفها:خلاص ياخالني هدي روحك نور الحمد الله بخير والدكتور قال جرح سطحي و يومين وتطلع وترجع زي قبل وأحسن

الأم شبحت وابتسمت ع جنب :يااااارب
~~~~~~~
في الحوش
كلهم مقمعزين في وسط الحوش التؤام متعنقات بعضهم ويبكو وساره تحاول تتصل بي أمها ويزيد لكن ميردوش (الأم ناسيته ويزيد صامت)
والأب في عالم تاني يعالج في الناس ويعرفش انا بنته بين الحياه والموت
حنين راقده بعد ماخدت الدوا لأن في نسبت منوم كبيره

مها وخالتهم مقمزين ع الطاولة

مها تبكي: اااخ ياخويله شوفي دمها كيف معبي ايديا ياناري ياوخيتي ياريتا فيا كل مني ياريتني ماطواعتك ولا خشيانله هالمحل كلا من اني(cry)(cry)(cry)(cry)(cry)(cry)

الخالة منى تهدي مها: هدي روحك ياروح اخويله قدر الله وماشاء فعل هدي مشيئته سبحانه وتعالى ادعي ادعيلها ربي يلطف بيها وينجيهلنا البكي مايفيدش

مها (cry)(cry):يااااارب لا اعتراض على حكمك ياربي بس أحفظ اختى بجاهك يا رحمان ارحمنا نحن الضعفاء وانت القوي فجعل لنا مخرجا يارب العالمين ااااااااهه

ساره ترعش ود موعها زي المطر وواقفه تراجي قدام الباب وتحاول تتصل بلا جدوى
انتفح باب الحوش

ساره طول طلعت تجري لقاته بوها تعنقاته وزادت في البكي

الأب رعش:شي في شي صاير

ساره:نوووور يابابا نووور(cry)(cry)(cry)(cry)(cry)

الأب زاد قلبه طاح:ساره وقفي عياط وفهمني شي صاير

ساره:نور اغمى عليها وطاحت ع حاشيه المدخل راسها انفتح ورفعوها للمستشفى ومعاش عرفنا شي صار اااااه(cry)(cry)(cry)(cry)(cry)(cry)(cry) بابا شوفهم خيرهم نور شي فيها ليش معاش ردووو

الأب بلا وعي طول عدا للمستشفى اللي فيها نور وقعد يتصل بيزيد واﻹم

~~~~~~~
يزيد والام طلعو من الغرفه وقعدو مقمعزين قدامها
يزيد أذكر البنات :حي عليا نسيتهم بكل خلي نتصل انطمنهم
طلع نقاله لقى 120 اتصال من ساره وكيف بيرد عليها اتصل الأب

الأب قلبه يرعش ودموعه في عيونه :الووو يزيد كيف حال بنتي
شي صارلها

يزيد :هدي روحك نور بخير والحمد الله

الآب تنهد براحه كبيييره:اااااااااه الحمد الله الحمد اللله رب العالمين

الأب سكر من يزيد اتصل بساره وطمنهم

~~~~~~

ساره :الحمد الله نور بخير الحمد الله

مها فرحانه بالطير:بالله تحكي جد سروره

ساره :جد وجد الجد معاها

الخالة منى:لولولولولولولوليييي الحمد الله الحمد الله قتلكم ربي مايخيب عبد دعاه

حنين نايضه تسمع في الزغايت طلعت شافت الدم ع المدخل وخواتها يتباكن ويتعنقو في بعضهم ::
شي في شي صاير وين ماما ونور

كلهم ضحكو ع منظر حنين

وتم اليوم هدا ع خير ومر اسبوع كالتالي
نور الحمد الله حالتها الجسديه بخير بس قاعده نفسيتها مدمره وراحت هاديه بكللل

حنين غايبه ع التانويه هيا وخواتها لأن في الأول مرض نور وبعدها بدو العزايم والعشوات ع سلامة البنات

عرس مها بعد اسبوع وشارقين يوتو ((وماغباكم في الحوسه)

مها :جوري نوضي جيبي المقاعد

جوري :رجلي قولي لي أريج

مها:نوضي رجلك صحت خلاص أريج توتي في المسير

جوري :اففف وناضت

الأم :نوور نووور

نور :نعم ماما

الام:حبيبتي نوضي قمعزي بحدانا بره نوتو في المقاعد

نور:مخاطريش في شي خلوني بروحي شوي

الأم تنهدت وسيبتها لأن الدكتور قلهم متغطوش عليها

الخاله منى:شي صار معاك

الام:قاعده ع حالها خلوني خلوني

الخاله:لا حول ولاقوة الابالله متغشاشيش روحك ياوخيتي
تو بشوي بشوي ترجع زي قبل واحس

الباب يدق

مها :حنين افتحي

حنين مشت بتفتح من

محمد قاعدين في الحوش

حنين هدا الصوت مش غريب عليا وفتحت

محمد تفاجأه:حنين "سكر اعيونه وفتحهم" حنين

حنين السانها انعقد:اسستاذذ

محمد :أ أ ني أني

بوسي نزلت من السياره :هوا خويا المغترب ياحنه
"بوسي بنت عم محمد اتقول خويا لاسباب نعرفوها بعدين عمرها 20 صاحبت نور روح بالروح جوها اطلع طوول بنت رقيقه وطويله وحنطاويه"

حنين:ااااااه بوووسيي

بوسي:ههههههه اييي انييي وتعنقتها

محمد وقف بعيد ويشبح في حنين بشووووق لين مفوت

محمد :خشي داخل تعنقيها

بوسي :ححي نسيت روحي يانجي وخيي الغيور وخلاص اني

خشو للحوش

بوسي:خشت تجري وبدت تتعنق وتبوس وادوق في الاكل تبع عشي الرجاله
وينها وينها الكئيبه الله لايجيب كابه

خشت لدار لقت نور مهناكش
بوسي التفت لحنين:وينها مهناكش راه
حنين: لا هنا وين مهناكش

وبدو يدورو فيها وقعد نص ساعه من التدوير والبنت اتقول فص ملح وداااب
الأم بدت ترعش وتبكي :البنت وين طارت وين مشت وهيا هكي ياااااربي

....... يتبع