رواية (حلمت في يوم)
للكاتبه :نور أحمد

البارت السادس 💕💕💕
متابعه ممتعه(flirt)

^^^^^^^^^^^^^
لاستاذ :لا نبيها هيا تحكي
حنين "معصبه بس شاده روحهها لأن  مهما كان هدا استاذها":..........
الأستاذ :تكلمي خيرك ساكته
حنين برقت في نظره غضب: بصراحه حسيتك  تقصدني لما قلت ع الناس الذكيين هدا بيش
الأستاذ بمكر : لا بالعكس  حكيت  ع الناس عامه اني بس صاحب العله ينخصنا   مرافقه
حنين ودموعها ينزلو بلا راده وتتكلم بغلل :ع فكرة مش منحقك  تهيني هكي شي شفت مني
الأستاذ عصب من كلمه انت:والله يانسه اللي تغلط في استاذها قدام الطلبه ومتعتدرش وبزياده اتقوله (انت ) هدي متستحقش اتنين بيش يقول  انها قليله ادب
حنين "تحس في روحها بتطربق" ؛لو سمحت ياستاذ لاهنا وخلاص انت جاي بتعلمنا والا بتهينا
الاستاذ:جاي منعلمكم بس التربيه قبل  التعليم ياطالبه
حنين خلاص  معاش قدرت تشد روحها لولا انا رشا مسكت ايدها بمعنى هدي راك زودتها  فسكتت
الاستاذ: كل  متنوضي الصبح ادكري انك جايه تتعلمي مش
"قطعت عليهم الابله منى( ابله اللغه العربيه  عمرها26 سنه عسل وقريبه من طالباتها وخاصه حنين)"
ابله منى :معليش ياستاذ الحصه ليها عشره دقايق خالصه
الاستاذ: معليشي يابله منتبهتش
وطلع
حنين انهدت بالبكي عمرها متوقعت اطيح في موقف زي هدا من جهة هوا استاذها ومهما كان مفروض سكتت  مردتش ومن جيهة  هوا شاب متغطرس ووقح معاها عكس معاملة لطالبات الاخرات
استئنت حنين من الابله وبعدها من الاداره واتصلت ببوها بيش يروح بيها
~~~~~~~~~~~~~~~~~~
في الحوش
نور امقعمزه  تفطر هيا وسارة  ركزت انة في علامه ع رقبتها
نور :ساره شي العلامه  هيا منين جاتك
ساره ارتبكت بس حاولت تبان عاديه :هدي لميه الساخنه حرقنتي وإني في الدوش امس
نور شكت في الموضوع  بس مشاته لأنها واثقه في اختها: اها قلتلي رد بالك منها لميه الساخنه مره تانيه
جت اريج قمعزت معاهم :صباح الورد امتى بتطلع جوري زعمك
نور :السبت قال الدكتور
اريج: واااااو مزال 4ايام ع السبت شن هدا
نور :أحمدي ربك انها بخير مش تقولي واااو

اريج : الحمد الله ربي العالمين(teary)(teary)

نقال اريج رن

اريج :ايوا بابا

الاب : حنين كيف حالها توا
اريج : قاعده راقده شي صايرلها هيا يابابا
الاب :قالت راسي يوجع فيا تلقيها مش مسكره درجه انتي عارفتيها ،في شي ناقصكم للغدي
اريج:شوي بس
مها في شي ناقص للغدي
مها:قوليلا بكيوه 
اريج:قتلك مها بكيوه
الاب:تمام تو نجيب معاي سلام
اريج:سلام
نور :شي قالك بابا
اريج: مافي شي قال راسها يوجع فيها  واكيد مش مسكره الدرجه بس مذ عارفه انحس انا الموضوع مش موضوع قرايا
نور:حتى اني زيك نعرف تعصيبها  ع القرايا بس المره هدي اوفر الصراحه
ساره:ربي يستر
~~~~~
بعد المغرب
حنين هدا وين نايضه حاسه راسها دايخ من كتر  لعياط: الساعه كم يا نور
نور "كسده ع النت تتفرج ع الهدايا ع شان عرس صاحبتها":7:50
حنين:حي عليا المغرب ادن مصليتش
الظهر ولا العصر
نور:عاد ماشاء الله عليك نومت أهل الكهف مش هكي انوض فيك تقوليلي باهي وتولي ترقدي
حنين "ادكرت اللي صار"  :كلا منا ربي ياخده
نور :من هوا
حنين عصبت:هدا الاستاد الجديد وحكتلها اللي دارا
نور:(surprised) ماهادا ياهدا خيرا خاش بقوه واندفاع
حنين:بس حتى اني مسكتلاش وحكتلها شي ردت عليه
نور:حي عليك مهما كان مفروض محكيتيش هكي هدا استاذك وكان غلط بابا يمشيله توا هكي يحط في راسه ويسقطك
حنين:فشر اصلا معاش منحضر حصصه بكل خليه ينقع
نور:لا ياخايبه انتي هكي تباني الغالطه وتخليه يسقطك وهوا متريح معاها  بس امشي واحضري وسكري درجاتك واحرقيله دمه زي محرقلك دمك
حنين حسا انا كلام نور صح:انقولك شي فعلا   مندير زي محكيتي
بس توا مندير حمام بيش نهدى
شوي
نور :باهي ماطوليش راهو لميه مقطوعة نشرو فيها شري
حنين:ولو قطعوها أن شاء الله افففففف
ومشت للحمام
مهاخشت لدار  ومشت خدت عبايتها بتلبسها
مها :خيرها حنين
نور :خليك منها انتي وين ماشيه
مها :للزياره بابا قال وحده بس تمشي  منمشي  منرفع اكل ودبش ل ماما  وجوري
نور :سلملي عليهن(sad)
مها :متزعليش مزال اربع ايام ويروحن باذن الله
نور:ولا يهمك
~~~~~~~~~
مر اسبوع وكان كالتالي
رجعت جوري للحوش بصحه وسلامه
وكانو كلهم فرحانين بيها وطبعا كل يوم جيران يجوهم يستحمدولهم
حنين والأستاذ يتناقرو وخلاص
ساره وحسام يتلاقو في الليل شبه يوميا
نور راحت تلاحظ في العلامات اللي ع ساره بس مستنيه تشد حاجه قوية
مها ووسام عايشين احلا ايام  الخطوبه  وتاجل عرسهم اسبوعين
~~~~~~~~
ع البحر
وسام :شي جو العمل وشي جو الطرف معاك
محمد تعصب:معاش تجيب سيرتها صح هيا قنينه بس قليلة ادب ومش محترمه نهائي
وسام :غير وسع بالك ياراجل مش هكي
محمد:تي والله شي يشيب الراس ياخي في الحصه تشرح اكتر مني تي تخيل امبكري قلتلها نوضي اشرحي مكاني وخلاص قول شي ردت
وسام:شي ردت ياشيخ
محمد:قالت "يعايب في صوتها "من بعد اذنك ياستاذ وناضت تشرح  من جدها 
وسام شاد ضحكته:شرحها كويس
محمد:ممتاز اااا قصدي اكيد متعرفش تشرح  قليله الادب، فكنا من سيرتها انت شي جو العمل معاك شن جاهز للعرس
وسام :والله العمل في صعوبات شوي بس العرس(teeth)جاهز جاهز جاهز جسديا وعاطفيا و ماديا
محمد:هههههه مركز ع الاوله انت اااه
وسام:هههههه تركيز مركز يخي 10 اسنين انحبها ونحلم بيها 
وتقولي هكي تي هرمت اني عشان هاللحظه هرمت
محمد:هههههههه ربي يكملك ع خير يابو رفيق

~~~~~~~.
في الحوش
الباب يطق
اريج تو نفتح اني ياماما
فتخت بدت اتصرخ :خالتو منى جييييت
تعنقت خالتها:انستينا ياخويله توحششستك واااااااجد
منى :واني استاحشتكم  هلبا هلبات 
أريج بعدت من على خالتها:خشي تفضلي  اخويله
منى شبحتلها من فوق لي لوطا: ماشاء الله ماشاء الله عروس عروس   تي وين نغيب شوي نرجع نلقاك وحده تانيه
اريج: تي اما شوي ياخويله انتي من الشتي اللي فات ماجيتنا
منى :خلاص ديما منغيب بيش تحلو هكي
جت ساره تجري  تعنقت خالتها ووراها نور ومها وحنين
سلمو علي خالتهم وخشو معاها للحوش
اريج بتسكر الباب
.. .:احم احم
اريج :(straight) ياحليلي راجل خالتي
افففف شي اندير بايخه نطلع هكي اريج :شوي ياعمي
خشت تجري خدت زي الصلاه وطلعت :تفضل ياعمي تفضل
خش اريج لما شافته انطمست
يزيد:معقوله اني عمك ياختى انتي عمرك 20واني 18 راه رزينه عليا كلمه عمي
اريج:هلا يزيد معليشي بس تعودت على عمي وزياد يجو واخويله قالت زياد مش جاي هدا بيش
يزيد:اول مره نشوفك متحشمه وين نور القديمه
اريج  فهمت ليش قاللها عمرك 20وهيا مسكرتش  16 وفعلا في شبه كبير بين نور والتؤام:اني اريج مش نور تفضل للمربوعه
يزيد:(surprised) لالا هلبا عليا هكيدايا راه انتي اريج امتى كبرتي
اريج "موقح عمه":خش تفضل خش يزيد المربوعه 
وخشت اريج لداخل
نور :اريج دخلتي عمي في المربوعه 
اريج:لا مش عمك جابها داره الكبد يزيد
نور :اووووو يزيد والله ليه وحششه هالقرد خن نمشى نشوفه كيف رايح
  نور :حنين تعالي نمشو ليزيد
حنين:قصدك هدكا المستكه هوا اللي جايب خالتي
نور:والله جوا كيخ من الاخير تعالي معايا
مشو للمربوعه وكسدو عليه شوي وخشن
نور: وربي بعد هكي بعع
حنين :والله يزيد نكته
~~~~~~~~
مشى اليوم عادي  وبعد ايام  من الكساد والروتين
في الليل مقمعزين يتعشو  هما وخالتهم
الخاله منى :حنون تعالي كليلك لقمة وانتي من الصبح تقري
حنين :ياعميمه بكرا عندي امتحان والاستاد هدا متراكيني يبي يسقطني بالسيف 
الام:غير تعالي يابيتي شي فيها كان نقصاتك درجه
حنين: بالله عليكم كولو ومتعدلوش عليا اني خلوني ع راحتي
الخاله منى :والله نحمق منك يا حنونه
حنين ناضت من على كتاباتها:حاضر كلا ولا زعلكم منون وطمطم
الخاله منى :سلم بنيتي ياربي
~~~~~~~~~~
في الصباح
الأم :حنونه نو..(surprised) خيرك ساهره
حنين تبكي:مقدرتش نحفظ حاسة اني مش حنسكر  الدرجه(cry)(cry)
الأم :غير استهدي بالله يابنيتي  أن شاء الله تسكري وجيبي اعلى من الدرجه معاها (smiley)
حنين تعنقت امها:ادعيلي ماما ادعيلي
امها:أن شاء الله يابيتي ربي يفتحها عليك  ومايضيعلك تعب
حنين باست امها ع راسها:ربي لا يحرمني  منك  ياحنونه
حنين لبست ومشت للثانويه بروحها لانا  خواتها مزالن غايبات
خشت حنين  وشوي وخش الأستاذ محمد ووزع الورق
حنين اول ماقرت الاسئله تقول حد عطاها كف ......
....يتبع