رواية (حلمت في يوم )
للكاتبة :نور أحمد
    البارت الخامس
خش وسام ومها كان قلبها يرفع ويواطي مها بتسكر الباب تسمع صوت طفولي  يقول:متشكريشي اني بلا(angel)
فتحت لقت نواره  اخت وسام الصغيره عمرها 3سنوات(نواره  كانت زي الملاك ديما تضحك وتخليك معاها  زي النسمة وانتم عارفين الصغار عاد)
مها فتحت الباب بسرعه :ياناري نويرتي   خشي ياسمحه
نونو: شكرا بس مفروض تتأشفي
مها :هههه اسفه اسفه اسفه ياميره
وسام :(surprised)نونو شي نزلك من السياره قتلك شوي ونجيك

نونو: اشلا من جياتك اني شايه لشاحبتي نور
مها جتها برائه نونو زي المهدئه اللي رخي اعصابها:ماشي ياميرتنا خشي تلقي نور داخل
نونو ماصدقت خشت تجري داخل
وسام: اشا الشفشه هدي ماسئلتني حتى بالكدب  طارت تجري داخل
مها :مزالت صغيره اكيد نست

وسام :أو ممكن حست انا راي من رأي حبيبتي

مها "خشت في بعضها وجهها ولا كيف الطماطمه"

وسام :مها اني اسف اني مقدرتش نحكي أمس بس صدقيني اني واثق فيك كلا الثقه  والسكوت  كان ردة فعل ع الصدمه   بس اني اليوم جاي وكلي أمل انك تعطيني قلبك وكل شي فيك وعمرك متفكري انا اللي صارلك ح يأثر في علاقتي أو نظرتي ليك كنتي بن.."سكت شوي" أو مكنتيش هدا مش ذنبك انتي طاهرة وشريفه وعمرا ما هالشي بيدنسك انحبك  يامها انحيك ونبيك مرتي وام صغاري  وارجوك ماترديني خايب

مها" خنقتها العبره " :شكرا وسام شكرا لانك وثقت فيا ومعاش اللي يردك خايب  
وسام "فرحان بيطير" :خلاص معنتا  عرسنا ح يتاجل اسبوعين  ع شان أختك بس
مها : لما يجي بابا تفاهمو(shy)

وسام "من الفرحة معاش عرف شي أدير" :الله وأكبر الله اكبر والله كان مش حرام راني تعنقتك  لين دخلت في قلبي بيش تحسي بحبه ليك (inlove)(inlove)(inlove)

مها " ارتبكت ومعاش عرفت شي اتقول ":أمم ت ت توا اناديلك نويره
وسام ضحك ع حجه مها البرئيه: ههههه لزه عيني عينك يعني
ع العموم ناديهالي هالشفشه خن نروح بيها  بيش انلحق ع الدوام المسائي 
مها مشت بتنادي نويره لقت خواتها ميتات   من الضحك ونويره  متعفلقه
مها :خيركم شي الشي اللي مخليكم تضحكو هكي 
نويره "بزعل ":يضحكو عليا 
مها :ياروحي خيرهم يضحكو عليك

نويره: يكولولي كولي وشام  في القشتنتينه (قولي وسام في القسطنطينه)
مها شاده ضحكتها  بالسيف ع حكي نويره وتصطنع الغضب:تو نوريهم قعدني ضارتهم طريحه  اسكتن بسرعه 
هيا حبيبتي وسام يراجي فيك برا

نويره" برقت فيهم":(yummi)
ومشت لوسام "وسام كان طاير من الفرحه وصل اخته  ومشي لعمله بكل نشاط"

مها وخواتها بمجرد ماطلعت نويره بدو يضحكو من جديد
مها :بس عيب هكي قدامها عيل تو تركبوها عقده
نور :ههههه  انتي ماسمعتي غير كلمه مال كان سمعتي حكايه اللاشيفر (اللاسيفر)
حنين:ههههه وربي لعسل كل متكسدي  بعدين جيباها وخليها تهدرزلك جوووها من لاخير
اريج :(laugh)(laugh)لا أقوى شي قشتطتينيه لكن
ساره:وراك تنسي شاره شربت تاشت مشروبه هههههه
مها:ههههه ربي يحفظها عسل

اتصل نقال ساره
ساره :بابا بابا واخيرا اتصل
ردت:ايوا بابا وينك  قداش لينا  نتصلو بيك نقالك  مقفل
الأب :ايوا ساره كيف حالكم شي في أن شاء الله خير
ساره :حكت لبوها كل اللي صار
الأب :هدا كله صاير معاكم ومتحكوش
ساره :نتصلو  بيك ديما مقفل  معرفناش كيف انخبروك بس الحمد الله وسام وقف معانا وقفت رجاله 
الأب :والله انا وسام راجل يتقل يالدهب بس شي طلعاها اختك من التانويه اصلا
ساره :والله ماسالنا كان كل همنا هيا ع العموم امتى بتروح انت يابابا
الاب:والله قبل بنزيد يومين بس مدابنا الوضع هكي توا منطلع وبإذن الله  نوصلكم المغرب
سلام توا
ساره ؛سلام
مها شي قالك بابا
ساره :قالي بيروح المغرب
مها :الحمد الله  ساد منا وسام تعبناه معانا
نور :الله الله خايفين ع تعبهم لولاف

حنين:شكلا الجحر لان والتلج داب

اريج:شكلنا منحصلو عرس قريب

مها خشت في بعضها رمت  عليهن المخده وناضت:والله ماينقعد معاكم

نور :مهاااوي غدااك ع الدولاب ولا شبعنا من شوفت الحبايب(happycry)(happycry)

             ............
ومر اليوم عادي روح بوهم ومشو للمستشفى  اطمنو ع جوري ورفعولها دبش الدكتور  طمنهم ع جوري وقالهم ان صحتها كل يوم خير من اللي قبله وروحو طبعا الام باتت مع جوري الاب روح مع بناته لأن ميقدرش يسيبهن  بروحهن

في الليل وسام كلم مها وكانت أحلى مكالمه من يوم خطوبتهم لتوا

ساره تكلم في حسام 
حسام:حبيبتي غير اطلعيلي والله مشتاقلك مووووت
ساره :والله حتى اني بس بابا خايفة يشوفنا
حسام :غير اطلعي والله شويه بس
ساره :ماشي لكن مش حنطولو رآه

حسام:ربي يخليلي المرضي اني

ساره مشت للبوابه الخلفيه لقت حسام ناط  من السور
طول تعنقها
ساره وهيا تبعد فيه :مجنون انت كيف تنط كان  شافك حد توا
حسام :وهوا يبوس فيها ع خدها هدا كله من الشوق والله حرام عليه بوك حارمني منك 7سنين
ساره: الله غالب ياعمري
حسام "بعد عليها وحضن وجهها بيديه" :والله نحبك وعمري مانرضى الا انك تكوني ليا
ساره :ربي لا يحرمني منك والله نموت كان مناخدك
حسام "حط أيده ع فمها":  معاش اتقولي هكي ربي يحول من عمري ويحط في عمرك أن شاء الله
ساره :امين يارب "وتعنقاته"
ساره" بعدت عليه": اني لازم نخش بابا مرات ينوض
حسام :خليك شوي تاني والله ماشبعت منك
ساره :خلاص حبيبي أن شاء الله نزوجو وتشبع وتمل مني
حسام باسها ع (kiss) :عمري مانشبع منك ياعسل
وطلع كيف ماخش
ساره كانت مصدومه من حسام بس وعت وخشت تجري داخل
"والحمد الله ملقتش حد نايض بس ياترى هل ديما بتسلم الجره"
              ..............
صباح اليوم التالي
ناضت حنين  متأخرة  لبست بسرعه ونوضت بوها  فطرو جميع ورفعاها للمدرسه
في السياره
الأب :اريج خيرها غايبه
حنين :قالت منمشيش بلا جوري انت عارفها يا بابا  ماتخطي  خطوه بلاها

الأب :هدوم التوامه هكي ديما أن شاء تطلعلنا جوري بخير وسلامه ويرجعو مع بعض للقرايا

وصلو للتانويه  وخشت بسلاسه  بيش محد يشوفها خبطت في حاجه رفعت راسها لقاته شاب  شكلا يوحي انا عمره بين 25-30
حنين :خيرك انت واقف هنا اصلا من سمحلك تخش لتانويت بنات
الشاب :معلشي  يانسه   بس خشي بسرعه راك متاخره
حنين :مصح الله في وجهك قليل أدب مركز اني متاخره ومش مركز انا موقعك غلط(mad)
تلامحت المديره جايه  ناحيتهم هربت جري
الشاب : خيرها هدي(huh)
خشت  للفصل   تريحت لما لقت الاستاذ مزال مجاش وقمعزت في مقعدها
رشا ؛صباحو عسل الحلو
حنين :فرقت العسل قولي صباح الغم  والهم والاهمال  تخيلي لقيت ولد وسط الساحه واقف لا حيا ولا مستحى لا ويقولي متاخره بزياده(weak)
رشا :هههههه حلووو ولا قلابه
حنين:يجفل تربيه
دق الباب دقه محترمه وبعدين انفتح
حنين اول ماشافت اللي خش انصدمت
حنين :انت كيف  تتجراء تلحقني لا هنا
الشاب" تنرفز بكل"   : احترمي نفسك ياطالبه اني الاستاد الجديد تبعكم وح نقريكم في ماده اللغه الأنجليزية
حنين انصدمت "حست  موقغها بايخ لين خلاص"
رشا 'بتلطف الجو ":تشرفنا ياستاد
الأستاذ "بدأ يحكي  ع نفسه وانا كان عايش برا وقال انا حيكون معاهم لفتره بسيطه"
حنين بهمس  :الحمد الله انا بسيبنا
الاستاذ"انتبه أن حنين اتمتم":ياطالبه شي تحكي سمعينا
حنين معاش عرفت شي اتقول قعدت ساكته  وخلاص
الاستاذ :طيب من اللي تنحح الاوله وقديش المعدل
رشا :حنين ياستاذ ديما 100%
الأستاذ "فاجاء':ما شاء الله  بس منحكيلكم شي عمركم ماتقيمو الإنسان بمستواه العلمي ياما ناس ياخدو في المراتب  الاول لكن يقعدو قليلين ادب ومش محترمين
ومتكبرين لكن في ناس رغم بساطة ذكائهم لكنهم يملكو  اخلاق  عاليه وتواضع يغني ع كل شي
البنات كانو كلهم دايبات في الاستاد الجديد وكلامه الراقي 
حنين "حست انا كلامه  ليها اشكرا ومعاش  قدرت تتحمل لأنها عمرا محد هزبها بدو دموعها ينزلو ف حط راسها ع المقعد ع شان ميشوفهاش ويشمت  فيها"
الأستاذ "ركز عليها يحسابها راقده تنرفز وجي لمقعدها  :ارفعي رأسك ياطالبه ارفعيه
حنين" تحاول تبان عاديه بس ماعندها ما ادير رفعت راسها  وكانو عيونها كلهم دموع
الأستاذ تفاجا  من دموعها مكانش متوقعها  حساسه هكي:ليش تبكي من ضايقك
حنين ساكته وفي خاطرها"ومن غير حظرتك" 
رشا "فهمت حنين وتحاول تغير الجو":ياستاذ حنين اختها مريضة واكيد ادكرتها
الاستاذ:لا نبيها   هيا تحكي
حنين :.......
........يتبع