رواية (حلمت في يوم)
للكاتبه : نور أحمد

البارت الثامن💕💕💕

متابعه ممتعه(flirt)

^^^^^^^^^^^^^^^

رشا تصرخ:ياستاذ الحقناااا
محمد:(surprised) خ خ خيرها شي صارلها
رشا: مش عارف كانت اتقول راسي وبعدين  داخت
محمد :ط ط طيب خلاص تو اناديلها الممرضه
مشي الاستاذ يجري جابلها الممرضه وطلع من الفصل  بيش تاخد راحتها
الممرضه طلعت
محمد:شي صار شي فيها
الممرضه: لا ما فيها شي بس سكرها هابط
محمد تنهد براحه:الحمد الله
حنين ناضت واتصلت بي بوها روح بيها
~~~~~~~~
مها :نور
نور : خشمها
مها:هههه وربي بارده باهي
نبيك تمشي معايا للسوق بعدين باهي
نور :الله الله الله مليون طلب زي هالطلب يابعد شبدي انتي
مها:(happy) تمام معنتا في العشيه نمشو
نور :نمشو حتى  توا شي ورانا
مها : ومن بيدير الغدي

نور :افففف اختنا العوده شي ادير مافالحه غير في السهر للفجاير والنوم للقوايل

مها  تنهدت   :والله حالها ماهو عاجبني بكل والباين انها مستحيل تنسى اللي اسمه حسام والله ما واجعني غير اسنين عمرها اللي ضاعو
نور:مايوجعك غالي بس لو بابا يوافق ويزوجها

مها:مرات ازوج هوا اصلا

نور:تي من اللي يزوج كنهدا راهو مش هكي حالها اختك في حد عاطيها أمل  واسمعي مني

مها:اااخ ياوخيتي يعني احني ضروري الدنيا اطلعلنا في الرز اعظام يانحبو الشخص الغلط يا احنى انكونو  غلط والاتنين مش بالايد

نور:الشخص الغلط حسام احني غلط من(meh)
مها:ولا شي حبيبتي متشغليش بالك
بس راك تنسي اتصلي بالسواقه انتي عرفه بويا حاصل في المستشفى
نور (teeth): من عيوني من عيوني لو تبي عمري انا احبك حب جنوني حتى لو تقسى عليا
وناضت تجري بتتصل  بالسواقه

مها:هههههههه وربي مجنونه باهي
الأم :خيرها  نور
مها :بنتك والسوق ياحنه  قلتلها منشري الحاجات لعرسي بدت اتغني

الأم :فرحت قريب أطير :من حقاها تفرح لوخيتها (teeth)(teeth)
مها وجها احمر:ااا اي منمشي مننشر الدبش شكله الغساله وناضت بسرعه
الام:ربي يهنيك ويفرح قلبك  يا بنتي

حنين خاشه تدردح

أريج شبحتها جت تجري:حنونه خيرك شي فيك
حنين "بصوت مرهق ويادوب طالع  :اريج تعالي بسرعه
أريج "جتها تجري وسندتها وخششتها لداخل"
مها تنشر في الدبش في الجنان : اريج(surprised) خيرها حنونه 

اريج:تعالي اسنديها معايا  مش عارف  خيرها  خشت توا  بالحاله هدي

حنين  سيبت الدبش ومشت تجري شدت حنين : بسم الله  الذي لا يضر مع اسمه شي بسم الله
اتصلو بي بوها ولا للحوش
الأم :ياعلي البنت مغمى عليها من امبكري(cry)(cry)
الأب :خيرها نزلتها قتلي حالي باه

اريج:والله مانعرف  خيرها شفتها تدردح سندتها
الأب :جيبي العده من المكتب بسرعه

اريج :مشت جابتها وجت بسرعه
الأب :فحص حنين 
مها:شي صار بابا شي فيها
الاب:(surprised)سكرها هابط واجد بسرعه جيبلي عبايتها ووشاحها ضروري تندارلها تغديه

الأم : منمشي معاك حتى اني

الأب :مافيش داعي خليك متريحه  توا نطمنكم عليها

الأم: لا والله رجلي ع رجلك

الأب :باه البسي بسرعه هيا وقت
مها لبست حنين العبايه وحطت الوشاح ع راسها

"الأب  رفع  حنين للسياره ومشى هوا وامها للمستشفى دارولها تغديه وخلوها ترقد في المستشفى
لان كان سكرها هابط واجد لو تاخرو عليها  كانت ميت (بعيد السو طبعا)"

رقدت حنين في المستشفى وقعدت امها معاها
~~~~~
صباح اليوم
في الثانويه
محمد خش للفصل وقعد يدور بعيونه عليها 
رشا لاحظت الشي هدا:ادور في حاجه ياستاد
محمد انتبه لروحه:ااا لالا  شي
السلام عليكم
GOOd Morning
رد البنات
Good morning Teacher
وبدا يشرح و عقله مش معاه وكل شوي يسرح
كان يتمنى يسئل عليها بس حسها بايخه
~~~~~
في الحوش
نور تفطر هيا ومها:مهوش امتى بتروح حنونه
مها :بعد الظهر

نور :يعني منمشو للسوق بعدين

مها:لا بايخه اختك مريضه

نور:والله ماهي بايخه نمشو شوي ونروحو بالله عليك نبي نشري قفطان لعرس   خدوجه

مها:فكنا يانور

نور:بالله عليك بالله عليك

مها:ليش الحليف توا هي

نور:معنتا منمشو

مها:اففف باه باه

نور تعنقت مها:انت احلى اخت في العالم

اذن الظهر وروحت حنين والحمد الله حالها تمام

في العشيه
نور ومها في السوق
 
نور :تعالي نمشو لهداكا

مها:معبي ناس فكنا منا

نور :في قفاطين يبهلو المديل اللي نبيه عشاني مهوشه

مها :مغلا عليك لفراره في السوق هي نمشو وامري لله

خشو للمحل

وبدن يدورو بين القفاطين

نور حست انا في حد يشبحلها تلفت لقت ولد واقف ويشبح فيا من فوق لالوطا  تجاهلاته وغيرت الاتجاه بس  لقاته يلحق فيها

نور:مها خلينا نطلعو بسرعه دبشه يرعش

مها:سبحان الله مش هدا اللي قبل اشويه ميته  عليه
 
نور:بس قماشاته شينات هيا نطلعو

مها:سبحان المغير نطلعو هي

نور ومها طالعات من المحل بس كان زحمه وقفن يراجو في اللي قبلهم يطلعو

نور حست بيد تتحس في خصرها وتنزل 
نور التفتت وطول عطاته كف:
انت قليل ادب وواطي وحقير
الناس كلهم يشبحولهم
الولد  :انتي اللي تتلصقي فيا  يا...
........يتبع