رواية حلمت في يوم 😍
للكتابة نور أحمد 💛

الحلقه 27
متابعه ممتعه ياحلى متابعين 😍 😍

نور : نعم نعم معقوله هكي حرام عليك من ربي انتي تعرفي ان محمد فعلا مش خو بوسي الشقيق هوا ولد عمها وخوها بالرضاعه بس

حنين :لامستحيل فيلم هندي هذا  مش استاذ محمد

نور:والله بجد نحكيلك استاذ محمد عيلته ميته في حريق لحوشهم وهوا الوحيد اللي طلع من الحريق عايش كان عمره وهذاك الوقت كانو لكل مش مستعدين يتحملو مسؤوليته فرباه عمه ابو بوسي لان مرته مرضعته في صغره  ومن ساعتها محمد عنده عقده من اي حد يجيب سيره الاهل او التربايه واني لولا ان بوسي مأمنتني مانحكيها كنت حكيتهلك من اول ماعرفت انا استاذك

حنين بدت تبكي :لا نور مش بجدك كيف هكي مش معقوله والله ما معقول شي مندير توا مسكين ياريتا انقطع لساني قبل لنحكي

نور :هدي روحك ياقلبي خلاص توا تريحي وبكرا ربي يييسرها  اصلا وسام صاحبه وتو بكرا نشوفو مها

حنين خشت بترقد بس ماجاها النوم وهيا تفكر كيف كسرت بخاطره وذكراته بالماضي وهوا يتيم وقهراته

~~~~ الصباح
حنين كانت ساهره طول الليل واول ماطلع الصبح  طول اتصلت بمها واكدتلها انها ضروري اتجيهم

نور :حنو إن شاء الله مارقديش من امس

حنين وعيونها مخوخات من البكي:كيف تبيني نرقد واني قاهره يتيم انتي عارفه  انا هالشي ذنبه عظيم طول  الليل واني نفكر شي اندير بيش نعتذر ولقيت فكره بس لو وسام يخليه يرجع بس يوم للثانويه واني حندير كل جهدي بيش نردله كرامته ولو ع حساب كرامتي

نور :كيف شي بديري

حنين:"حندير............

نور :الله بجد فكره مش عاديه وهكي زي ماهنتي قدام الكل ترديله اعتباره قدام كل الطلبه

حنين :غير هاتيه ايجي هوا بس

نور :ان شاء الله وسام يحلها

عند مها

مها:وسام حبيبي نوض وقت على عملك

وسام : يتكسل بس مزال ساعه ع العمل توا الساعه 7 راه

مها:اي حبيبي ماهو منمشي لاهلي حنين اتصلت وتبيني انجيها ضروري وانت عارف حالتها ياقلبي

ناض وسام خش دوش وبغدها جي لقي مها موتيه لفطور قمعز ع الطاوله ياكل

وسام :ااام مهوشتي

مها:نعم حبيبي

وسام:اليوم موعد الدكتور

مها طول عيونها رقرقو بالدموع :بس انت وعدتني وعدتني ياوسام ولا بتخلف بوعدك وبدت تبكي

وسام:له له له غير استهدي بالله والله ماخلفت بشي ياقلبي  غير قلت نطمنو ع البيبي

مها: حقا حبيبي يعني مش حتجبرني انزله (teary)(teary)

وسام:هبلتي انتي هذا ولدي حتى اني رغم ان مش هاين عليا انغامر بيك بس قدر الله وماشاء فعل ومن يتقي الله يجعل له مخرجا.

مها :صدق الله العظيم

وسام :مش قلنا هذي بدعه ومعاش نحكوها

مها :سامحني بس هكي ماشيه في لساني

وسام:اخر مره ياقلبي هي نوضي البسي وقت علينا

جت مها لاهلها  وحكتلها حنين ع اللي صار

مها،:لاحول ولا قوة الا بالله العلي العظيم مسكين هالشاب حاضر تو نتصل بوسام نشوفه
رغم ان وسام امس كان مشغول عليه بس لهي معايا

نور :ليش شي صاير

مها ماتبي تحكي لاهلها بيش مايخافو:لا ولاشي بس عرسان (flirt)(shy)

حنين:غير هيا اتصلي بيه يامها ضميري بيقتلني وانتم تهدرزو

مها اتصلت بوسام وحكتله كل اللي صار
وسام استاذن من العمل وعدا للمكان اللي متاكد ان حيلاقي محمد فيه

محمد كان مقمعز في الحوش اللي انحرق واللي قاعد زي ماهوا بأمر من عمه  كان مقمعز يذكر في اهله وكيف صار معاه الحادث

وسام خش للحوش :محمد محمد

محمد مارد بولا حرف

خش وسام يدور فيه لقاه في دار الصغار

وسام انت هنا ياراجل واني قالب الدنيا عليك
خيرك مسكر نقالاتك وكيف رقدت هنا

محمد  :كنا هنا اني وخوتي نلعبو كنا 4 اني وعمر وعائشه و رناد وماما كانت تتصل ببويا وشاده اميره في حجرها  هذاك اليوم كانت معصبه مني لاني ماكتبت واجبي (بدو دموعه ينزلو) وهيا مش فاضيه لانها اديرلي في البيتزا اللي خاطري فيها بس اني هبلتها وضربت رناد طريحه مش امي جت وهزبتني وضربتني ع ايدي بديت نبكي ورقدت من المغرب لفيت روحي بالبطانيه كالعاده ورقدت كان وقتها شتي وبويا كان شاريلينا دفايه اجديده خايف علينا من الصقع رقدت دافي بس نضت وكانت الدنيا ضباب كان الدخان في كل مكان شفت النار شاعله في الدار وكانت تاكل في عمر نضت نجري نخبر في ماما وبابا مبوش اينوضو  بعدين ناضو وصارت امي تهدي فينا وبويا كان يقول ان منطلعو وفتح الباب وطلعني وقالي يا محمد نادي الجيران اني منخش انطلع خوتك امشي دق عليهم كلهم  كنت ندق بيدي بس يدي كانت توجع لان النار حارقتها هيا ورجليا كنت قصير ماطقيت الجرس ومحد واعي من الجيران ع دقاني  بعدين رحت نسمع في امي تخبط في الباب وكنت نجري بيش انوض حد من الجيران بس ماحد وعي وبعد فتره وعو بس كان حوشنا ملا مسكر يالنار محد قدر ايخش لان لو خش حيموت معاهم اتصلو بالمطافي الساعه 4 الفجر بس المطافي جي الساعه 6 وبعد ماطفى النار وطلعو اهلي كانو كلهم ميتين كان عمر هيكل كان رافعه خالي كان فحمه امي بويا وخوتي كلهم كلهم كانو محروقين
رقدت وعيلتي تتكون من 7 افراد نضت لقيت روحي بروحي والدنيا ترمي فيا كل مره في حوش  اجتهدت في قرايتي بيش نقعد مثقف والناس تترحم علي عيلتي ونكون خير خليفه ليهم سافرت وكرست عمري للعلم بس هذا كله ووبنت  ماتعرفني عرفت اني بلا عيله واني كنت بروحي عرفت اني مش ولد عمي ماعرفت نرفع راسهم ياوسام ماعرفت
وسام جي وتعنقه :محمد متحكيش هكي البنت اكيد كانت مش بوعيها صدقني انت فخر لكل الليبين مش لعيلتك بس محمد انت بطل لو خد مكانك كان هبل كان مات انت شفت اهلك يموتو قدامك وكان عمرك بس 7 سنوات  ومعا ذالك قعدت مكافح وتعلمت احسن تعليم

محمد: كان بس ساكت

وسام:طيب ارجع للثانويه وخلي البنت تعرف انك غير وانها فاهمتك غلط

محمد :انت عارف يامحمد انها عاحبتني وحبيتها هالبنت بس بكلامها هذا كرهتني في كل شي مش بس هيا  اني منبعت للندير رساله باستقالتي وخلاص

وسام :عيب ياراجل الراجل وثق فيك وعطيته كلمه ولا تبيهم ايقولو محمد ولد الشبخ مصطفى كلمته مش كلمه

محمد:مدام هكي الكلام عندا عندي ورقه الاستقاله والاعتذار ومنرجع منين ماجيت لان هالبلاد مش ح تخليني ننسى ابدا

وسام:الله يكون في عونك ياصاحبي وبدا ينصح فيه ويغيرله في جوه وطلعه من الحوش

~~~~~
عند ماهر
ماهر جي قمعز جنب امه ومتوتر مش عارف شي يقول كالعاده قرر يحكي طول وخلاص

يامي نبيك تخطبيلي

ام ماهر:شي خطر عليك هالسيره توا

ماهر:خيرك يامي مافرحتيش مش كل ام تتمنى تفرح بولدها

ام ماهر:لا فرحتلك اكيد ياماهر بس انت عارف ان محمد الكبير وهوا الاول بعدين انت واني منبيش محمد بحس ان مليشي اهل احني اهله ومافي زواج الا بعد زواجه

َماهر اضايق:بس انتي عارفه ان محمد رافض هالفكره نهائي  لا متعقد منها

ام ماهرعصبت:لا بسلامته ماهو معقد معاش تحكي عليه هكي ونحكيهلك من توا قبل محمد مافي خطبه لو اطير

ماهر:كلا ولا اعصابك يامي مايصير خاطرك الا طيب

ام ماهر:تسلملي يتولدي اني نبيك ترقف جنب محمد وتحسسه ان احني عيلته نبيه يفكر يعيش ويزوج ويجيب صغار في بلاده ويحول فكره هالعيشه برا من راسه

ماهر:اااخخ ياربت يامي ياريت  تو ندير جهدي وربي يسهلي

~~~~~~

الصبح حنين عرفت ان محمد بيجي للثانويه اليوم واكدت ع الموعد اللي بيجي فيه  واتصلت بالبنات واتفق معاهن

محمد جي وقدم ورقه استقالته واعتذر وجاي بيطلع من الثانويه جاته الابله منى

ابله منى :ارجوك ياستاذ محمد الطالبات كلهن طالباتك ويبنكن تركب لفصلهن شوي اني اول مره نطلب منك طلب ونتمنى انك ماتردني

محمد:بس ياابله

ابله منى:لا بس ولاشي هيت دقايق بس وانت بعدها معاش تشبحنا بكل

محمد :طيب تمام

ركب محمد لقي الفصل هادي وكل الطالبات اول ماخش صبن واعذرن كلهن عاللي صار  واللي عصب محمد ان حنين ماكنت بينهم وكان يحساب انها  ضد هالشي

شوي وخشت حنين

وقبل ماتحكي ولا كلمه

(surprised)(surprised)(surprised)(surprised)

..... يتبع