رواية حلمت في يوم (inlove)(inlove)
للكاتبه نور أحمد
متابعه ممتعه ياحلى متابعين 😍

~~~~~~
البارت 23

نور بتحكي

انفتح الباب 
ماهر بحركه سريعه شد ايد نور ومشي بيها ورا الحوش
نور كانت مصدومه

ماهر بعد ماوصلو للباب الخلفي: اسف واجد حبيبتي اطلعي من الباب الخلفي وتعالي دقي من اجديد ع اساس هدا وين جيتي

نور كان عقلها بس في  لمسه يده وكلمه حبيبتي تشبحله بصدمه

ماهر: نور نور  نوووور

نور : اااا شن شن

ماهر : هي زي ماقتلك واسف واجد بس معنديش غير هالحل

نور  مش مستوعبه شي  : ح ح حاضر

نور طلعت من الباب وتحاول تستوعب شي صار : اوووف ياربي شي هالاحداث لو فيلم مش هكي ماهر ماهر ماهر كل شي فيا يحبه ويعشقه ومن اول ما صار الموقف  اااااه وخلاص  (وقبل ماتوصل للباب)  وووووه عليا الكيكه ع الطاوله  يناري تو تشبحها  ام بوسي  يناااااري  شي بتقول عليا

ماهر  رجع  لقي اهله خاشين  والتوتر واضح ع وجهه

ام ماهر : خيرا وجهك هكي شي صاير

ماهر :اااا  ولا شي بس حمو  شوي

ام ماهر : حمو شن تحني في عز الشتي

بوسي  وهيا خاشه للحوش:هههههه  شكلا جوا بروحه ماهر 
ااااالل الله تورته انت جبتهالي مهوووور

ام ماهر : ههههه صار هالخجل كله عشان جايب لاختك مفاجأه
ماشاء الله شي هالكيكه تجنن منين شاريها

ماهر : اااااا من من نسيت اسمه المحل

ام ماهر :لكن كانها  عمل حوش  ريحتها تهبل

ماهر معاش عرف شي يرد

بوسي شبحت لماهر:اي ياماما المحل هذا اني نعرفه زين زين كيكاتهم يجننن وكلهن عمل حوش  والريحه ديما سابقه الكيكه عندهم لا وشوفي كاتبلي عليها لاحلى بسبوسه ربي مايحرمني منك مهوووور

ماهر فنص في بوسي:ااا الله يسلمك تستاهلي بوسي قصدي لا بسبوسه

رن جرس الحوش

ام ماهر:  ماهر افتح الباب

ماهر :عدي بوسي افتحي

بوسي فهمت الوضع :لا اني مرييييضه انت افتح وخشت لاحوش

ماهر :تي تعالي هنا بوسي تعالي هنا افتحي

ام ماهر :خلاص خلاص تو اني نفتح وامري لله
خش ماهر داخل

بوسي تشبحله بمكر : هلا باوخيي الغالي

ماهر :خير تشبحي هكي

بوسي :ولا شي بس تعرف عندي صاحبتي  كيكتها زي المحل هدا بالزبط ياسبحان الله لا ونفس خطها اللي كاتب ع الكيكه ونفس

قطعتها امها :بوسي بوسي نور جاتك

بوسي:ههههههه لا لالا  بعد هالصدفه هذي مافيش جت نور اللي زي الكيكه هذي من اخاصاصها

ماهر تلبك : اي اي عرفناه صاحبتك فالحه خلاص عدي خير ماتروح

بوسي طلعت وهيا ميته ضحك : قال فالحه قال تو نوريك ياماهر لمنجننك اااااخ نور بتريحي مرت خويا الله (inlove)(inlove)(inlove)

نور اول ماشبحت بوسي تعنقتها تجري و هيا ترعش

بوسي :نور خيوك حبيبتي ترعشي هكي

نور تحاول تبان عاديه: ولا حاجه بس استاحشتك واجد وينك معاش جيتينا ولا مسمعتيش شي صايرلنا

بوسي :اي والله سمعت الدنيا كلها انطبلت بخبر مرض عمي علي بس شوفت عينك  التغديه في ايدي ليها اسبوعين و ياراقده يت دايخه ومنطرحه والله واجعتني اني ماقدرت انجي ونقالي انكسر يومها  معاش صلحوهلي

نور : ههههه خلاص متزعليش حبيبتي سامحتك عارفتك لو بيدك ما تقصري

بوسي :ههههههه  حقا قلبتها حزن اني  تعالي خشي  نكملو هدرزتنا داخل

نور :لالا خلينا هنا احسن

بوسي: هههه يلا هنا هنا تعالي نكسدو ع الطاوله
قمعزو ع الطاوله
بوسي:هيا بسرعه احكيلي كل شي صار معاكم بالتفصيل الملل

نور :هههه من يومك ملقوفه  وحكتلها كل شي صار

بوسي:اووور مااااي قااااااد بجد ولا في الافلام الله الله ولا فيلم هندي  من بطوله شاروخان

نور :ههههههه هذا مسرح ليبي بطولت حسام

بوسي :بجد طلع راجل وسيد الرجال البي يسمغ القصه يحسابه بيفوتها لكن بجد اثبت رجولته

نور :تعرفي يابوسي رغم ان ساره غلطت واجد بس كانت نيتها صافيه وحبته بجد والله تقول ميته لما سيبها

بوسي:نيالهم بجد ع هالحب عيني ماضرهم ياحنه بس ع سيره الحب ♥ يام حب تعالي هنا ياخاينه يا غداره يا قرده القرود

نور:خيرني شي درت(surprised)

بوسي :احكيلي شي بينك وبين ماهر بسرعه والله ملاحظتك من اول ماشبحتو بعض

نور:منعرفش

بوسي :ماشي يانور اني ابسط كلمه نسمعها نحكيهالك وانتي قصه حب بكبرها ولا من خويا وداسيتيها عليا

نور:ههههههه درتيها قصه حب وكبيره معاها والله مافي حاجه

بوسي:كذابه وفي عينك نور انتي تؤم روحي نعرفك من عيونك والله لو ماحكيتيلي نقول لماما كيكه نور هاذي

نور :ههههههه باهي ياهمي بس راهو نهارك حتى بينك وبين روحك متحكيش اللي منقولهك  وحكتلها كل شي من يوم المحل اليوم

بوسي :اخ ياقلبي شنو هذا سنوات الضياع و لا شبنام وسليم ااااخ  محلاها القصه تنفع روايه نور وماهر حتى اسمائكم شاعريه (inlove)(inlove)(inlove)(inlove)(inlove)(inlove)

نور خبطتها ع كتفها: ههههههه وين مشيتي انتي

بوسي :ههههههه والله بجد همت مع القصه بس تعالي هنا ليش مارديتي عليه

نور شي منرد انتي بجدك اني لما نشبحه لساني يرتبط وحرارتي ترتفع ونقعد نرعش مع بعضي

بوسي:(happycry)(happycry)(happycry)
هذا حب ولا ضربت برد

نور :والله جد كعاش تتسهوكي عليا

بوسي:طيب خلاص بس احيكلي ع شعورك تجاهه

. نور:شي منحكيلك بجد نحس بفرحه غير طبيعه لما بخطر ع بالي لما نشبح اعيونه رغم كل شي يصير فيا بس نحس بالأمان نحس بالحب نكس اني نفهم في كل شي بداخله وديكا في بالي كل مانحاول ننساه يخطرلي شي يسموه هذا

بوسي:طبعا حب الا عشق شغف 💘

~~~~~~~
في الحوش
ساره تبكي في الدار

حنين :خلاص سارونه ليش البكي توا معقوله وجعاتك عمه بابا لدرجه هذي احني حتى عمرنا ماشبحناها

ساره:اني وجعني عرسي اللي بيتاجل شهرين والله حرام عمري ماشبحتها ولاسمعت بيها وتوا يتاجل عرسي ع خاطرها

حتين:ههههههههه والله انك عديمه احساس المرا راحت ع القبر ماتت ياختي وانتي تبكي ع عرسك واني اللي جايه نهدي فيك واوخيتي حساسه وجو وانتي طلعتي ماعندك جنس الاحساس نهائي

جوري :اوف ورحله الثانوية ان شاء الله مننحرموا منها

حنين :اما رحله

اريج:أن ماسمعتيش بالرحله اللي مافي وحده في الثانويه ماسمعت بيها بيرفعونا لدزني لاند  قصدي للملاهي المتجول

حنين :اما ملاهي متجول إن شاء الله في ملاهي هنا بكل  هيا

جوري:هذا ملاهي يجي للمدينه يقعد 3 ايام او اسبوع ويحول زي السيرك

حنين :اااا خلاص عدو تني ماخاطري نهائي

اريج :لالا  بيش بابا يزيد يقوللنا لا ارجوك حنو سايرينا والله مايخلنا بلاك تسلمي امشي معانا

جوري :بالله عليك حنو والله احني متفقين مع الشله ونستنو فيها ملتفسديش علينا

حنين :خلاص تو نشبح لبنات بكرا

شوي ونور خشت

نور:سرو خيرك تبكي ووين ماما

حنين:ياحنه عمه بابا توفت وماما وبابا عدو لطرابلس وهاذي المطفوقه سالت بابا ع عرسها تخيلي

نور:نننعم  وشي قال طيب

حنين:قاللها شهرين يتاجل وهذا بيش قلبتها مناحه  تقول نعذبو فيها

نور : ههههههه شيك جو واني قلت شكلا وجعتها عمه بابا

حنين:لالا تطمني

~~~™™™
ماهر:بوسي بوسي

بوسي :نعم مهوري

ماهر:مهوري (huh) طيب ع العموم روحت نور قصدي البنت

بوسي :اي روحت تبي شي

ماهر:لا شي ولا نقولك قصدي ماحكتلكش شي

بوسي:شي زي شنو مثلا

ماهر:اي شي

بوسي وهيا شاده ضحكتها :لا محكت شي ولالا حكت عليك حقت

ماهر:شي قالت شي قالت

بوسي :قالت انك وقح وديما تتعرضلها وانها تحب واحد وانت حرج فيها

ماهر(surprised)(angry)،:الخق فيا اللي مانبيش نحرجها حولي من وجهي حولي

بوسي:هههههههههههه تستاهل مالا تاخد تؤم روحي بالساهل بينه انحرق اشويه

، ~~~~~~

في صباح اليوم التالي
في الثانوية

حنين:ريري سمعتي بالرحله

رشا:اي اكيد وكل ما نبي نقولك نلقاك تراجعي

حنين :ظيب شن بتمشي

رشا :اي اكيد منمشي هذي اكبر ملاهي متجوله بتجينا

حنين :طيب معنتا نمشي معاكم

رشا :اوووو اول مره تمشي لرحله مدرسيه

حنين:ماهو بابا يانمشو كلنا يا مانمشوش وخواتي خاطرهم  منبيش نكسو بخاطرهن

رشا :الله الله ع الحنيه لكن بجد حنحصلو جو غير طبيعي حتكون رحله نار  واستاذ محمد حيكون معانا

حنين: حقوو (surprised) لالا خليني معنتا

رشا :احح منك ياحنين والله استاذ محمد يهبل علم وجمال وثقافه اني حتى لو طلبني نوافق نجري  مستحيل نلقى زيه

حنين:اشبعي بيه حبيبتي اني لو يقعد اخر ذكر في الدنيا مانقبل بيه هيا خلينا نطلعو

طلعوا

حنين ورشا(surprised)(surprised)(surprised)(surprised)(surprised)

....... يتبع