ربي إني رجوتگ فرحة تسر بيهآ خآطري 💕

في المطار :
حسام : ااااه واخيرا 😍
رؤى : بلادنا محلاها 😍😍
لطيفه تكر في صفاء بكروستها : والله هدا وين ارتحت ❤
حسام يضحك : جسمي متكسر 😂
رؤى خبطاته علي يده : مش منك امس مخليت مكان ممشيتله 😂
حسام قرب من ودن رؤى : انحبك انحبك انحبك 😍
رؤى : اسس يا مجنون 😅
حسام : قوليها والا تو نقولها بأعلى صوت راه 😡😍
رؤى قربت منه : نموووت فيك يا مجنوون خلاص بلا فضايح 😅
حسام نفخ صدره : ايواه 😌😁
لطيفه : شن تتوشوشو انتو الزوز 😂😂
حسام : شي شي 😅
لطيفه : باه باه 😂
ركبو السيارة وروحو للحوش 🏡😍
خشت لطيفه وصفاء للحوش لوطه ورؤى وحسام ركبو لشقتهم فوق ❤
رؤى تحول في كبوطها : حبيبي اليوم بنمشي للبنات راه 💓
حسام ممتد عالسرير : وراسك خليها غدوة تعبان 😩
رؤى : حسوومي بالله اليوم استاحشتهن 😟
حسام : امري لله غير خليني ناخد نومه والعشيه نوضيني 😫
رؤى : تمام يا أحلى حبيب في الدنيا 😍
حسام مشى في نوم عميق 😂

عند لطيفه :
صفاء رقدت ولطيفه قعمزت مجاهاش نوم فقررت تتصل بسعاد
رنن رنن 📞
سعاد ردت : الو
لطيفه بفرحه : كيف حالك يا اسعوده وكيف حال عادل والصغار
سعاد بفرحه : روحتوو الحمد لله علي السلامه 😘
والله كلنا طيبين كيف حال رؤى توا
لطيفه : كلنا بخير ورؤى الحمد لله مروحنا نين تأكدنا انها اجتازت المرض بفضل الله ❤
سعاد : طيب فيكم طيب فيكم
لطيفه : وفيك يا اسعوده حقا انتي وينك معاد ريناك من يوم العمليه
سعاد بحزن : الله غالب صارلي ظروف معش قدرت نجيك 😔
لطيفه : خيرك انشاء الله خير احكيلي 😟
حكتلها سعاد علي كل الي صار وقديش هيا كانت متعدبه كل الفترة هدي 💔
لطيفه : يا لطيييف يا لطيف هدا كله صارلك 😞
سعاد تبكي : اي والله ولتو مبت اتسامحنا 😢
لطيفه : والله بنكلملك رؤى تكلمها وانشاء الله ترضى وترجعلك ياااارب 😞
سعاد تبكي : ياااريت والله اتكلمها ياااريت 😢
لطيفه : هي شويه نمشي نشوفها ونرجعلك
سعاد : حاضر نستنى فيك 😢
وسكرت 💥
ركبت لطيفه بسرعه لرؤى
دق دق دق ✊✊
رؤى كانت بترقد بس ناضت 🚶
فتحت الباب : خير يا اعميمه خشي
لطيفه حشت بسرعه : تعالي نبيك في موضوع مهم 👌
رؤى خششتها للصاله وقعمزن : نعم يا عمتي انشاء الله خير
لطيفه : تعرفي البنت صاحبتك ألاء الي جت للعياده مرة
رؤى باستغراب : اي خيرها !
لطيفه : هدي بنت سعاد الي جتنا مرة تلاقت هيا وياها وألاء قالتلها مستحيل نسامحك وليها شهرين متعدبه يناري 😔
رؤى شهقت : هيييي معقوله عمتي سعاد ام الاء و ولاء اختها 😧
لطيفه : اي والله يا بنيتي وسعاد قالتلي نكلمك بيش تقنعيها 😞
رؤى : اكيد يا اعميمه اني اليوم ماشيه وكلمي عمتي سعاد تجهز روحها بنرفعها معاي 👌
لطيفه حضنت رؤى : ربي اخليك ليا يا بنيتي 😘
رؤى : وليا يا اعميمه 😘
ونزلت لطيفه كلمت سعاد 📞
لطيفه : خير يااسعودة
سعاد بحزن : شن صار بشريني 😔
لطيفه بفرح : وتي روحك رؤى وافقت وبترفعك معاها بعدين ❤
سعاد تبكي : ايبشرك الله بالخير خلي نمشي نقول لعادل 😢❤
لطيفه : اي باه عدي وانشاء الله ميصير خاطرك الا طيب 💞
سعاد : اميييين ياااارب 💓
سكرت منها ومشت لعادل 🚶
سعاد : عادل
عادل قعمز : نعم يا سعاد
سعاد قعمزت حداه : كلمتني لطيفه وهيا متكفله البنت يلي مع ألاء و اليوم مروحه من السفر بتمشيلهن وقالت تو نرفعكم معاي ونقنعها
عادل : ربي ايبشرك وايبشرها بالخير لان هالحمل في قلبي معاد حول 😔
سعاد : انشاء الله تسامحنا قول امين 😔
عادل تنهد : ياااارب 💔
طلعت سعاد وركبت فوق لولاء واحمد :
ولااااء احمددد
طلعو من ديارهم : نعم يا امي
سعاد : نبيكم تمشو معاي لأختكم عشان تسامحنا
ولاء بحزن : حاضر يماما 😞
احمد بحمق : منييش ماشي 👐
سعاد : خيرك يا وليدي امشي معانا
احمد : بعد مش عارفه كم سنه جايين تقولولي عندك اخت وليش وعشان شن خليتوها مش عارف . كيف بتسامحكم بس 👌
سعاد تبكي : ربي يهديك وخلاص 😢
ولاء حضنت امها : خلاص يماما اني بنمشي 😔
سعاد مسحت دموعها : ربي ما يحرمني منك
احمد طلع وقرفع الباب 💥

عند البنات :

يآرب غير أقداري إلى ما أتمنى واجعلهآ للأفضل 💕
وخذ معگ ذنبي وهمي وتعبي 👌
وأرني الجمآل فيمآ نبقى لي من عمري ❤

انسام تنهدت : زعما رؤى شن صار فيها
اسماء : انشاء الله ميصيرلها إلا الخير 👌
انسام : امييين يارب ❤
اسماء : اني شاغلتني ألاء تغيرت هلباااا من هداك اليوم 😔
انسام : اي والله عندك حق راحت ديمه سارحه والإرهاق في عيونها والوجع زاد بان علي ملامحها 💔
اسماء : اي والله ، تعالي نشوفوها ترا 😞
انسام ناضت : هي
مشت خشن للدار حداها كانت جالسه علي سريرها ومسنده راسها عالساس وتشبح للروشن
اسماء قعمزت عالسرير : لولي بالله ساد حزن ساد ارجعيلنا زي ما كنتي استاحشناك 😔
ألاء تشبح للروشن وساكته 💔
انسام : والله اسماء عندها حق سادك حزن والله هكي تقتلي في روحك 😔
ألاء بوجع : اصلا نبي نموت
اسماء وانسام : استغفري الله يا ألاء خلي ايمانك قوي
ألاء غمضت عيونها : تعبت وحق ربي تعبت 💔
حضننها البنات : سلامتك من التعب سلامتك 😔
وقعدن حداها ايواسن فيها وايرممن في اوجاعها 💔

عند رؤى :
حسام : طالع بسرعه هيا
رؤى تحط في هدايا في الكيس : شويه بس 💕
حسام : بسرعه قلت عارفتيني منحبش نراجي 😡
رؤى حطتهن بسرعه في الكيس : هي هه 😓
طلعو الزوز وركبو السياره 🚗
وصلو لحوش عادل 🏡
نزل حسام ضرب الجرس 🔔
طلعله عادل : خير كيف حالك يا ولدي
حسام سلم عليه : بخير يا عمي وانت
عادل : بخير والحمد لله
حسام : جيت بنكلم عمتي سعاد عشان نرفعها معاي
عادل : توكل يا ولدي واحنا وراك بالسيارة
حسام : تمام يا عمي 👍
عادل نادى سعاد ورؤى وركبو سيارتهم وحسام كذلك ركب ومشو 🚗🚗
وكان احمد وراهم بس ميعلموش بيه 🚗
وصلن السيارات وكانن القلوب في السيارة التانيه ينبضن بسرعه 💕 خوف علي شوق علي ندم علي فرح 💙
احاسيس كانن مختلطه 👌
نزلو وخشو استقبلهم مراد وكان فرحان ويتمنى من ألاء تسامحهم ❤
اول شي خشت رؤى للداخل وهما قعدو في الحجرة برا
رؤى : دق دق دق ✊
ليلى : مني
رؤى بصوت واطي : افتحي
ليلى فتحت وعرفت انها رؤى لان كانن رموشها طايحات وحواجبها وكيف باديات ينبتن من وراء الكيماوي
سلمت عليها وحمدتها علي سلامتها
رؤى : وين اسماء وانسام والاء
ليلى : في الدار حدا الاء 💞
رؤى : تمام 👍
خشت رؤى بالشويه بالشويه وفتحت عليهن الدار : مفاااجئه 😍😍😍
كلهن عيطن : رؤى 😍😍😍😍😍
ناضنلها يجرن حتى الاء وحضننها وسلمن عليها وحمدها عالسلامه 😘😍😍😍
انسام حاضنتها : استاحشتك وحق ربي 😍
رؤى : حتى ني هلباااا 😭😭
اسماء والاء : الحمد لله علي سلامتك 😘😍😍
رؤى : الله ايسلمكن 😍
البنات : ومبرووك عالزواج 😘😍
رؤى : الله ايبارك فيكن 😂😂😍 شن جوكن 😁
الكل : بخير الحمد لله وانتي 😘
رؤى : حتى اني تمام التمام وتوا في حاجه بتصير لو تمت علي خير حنكون اكتر فرح 😍
الكل : شن هيا 😮
رؤى بصوت عالي : عمتي سعاد عمي عادل
ألاء قلبها طول شدها وهما خشو والدموع في عيونهم ومعاهم ولاء  💔😢😢
ألاء قعدت تبكي ومشت صبت ودارت وجهها للروشن : ليييش يا رؤى لييش وانتو شن اتديرو جاايين 💔
رؤى : بالله اسمعيهم 😔
عادل بصوت مبحوح مع بكاء : بنتي ألاء 💔
ألاء تبكي : بنتك ماتت من يوم خليتها وامشيت
سعاد تبكي : بالله اسمعينا وسامحينا 😢
الاء : مفيش حاجه تنسمع بنكمل حياتي هنا 💔
سعاد مشتلها تجري حضنتها : بالله سامحينا بالله والله هالسنين كلهن لا ليلي ليل ولا نهاري نهار والله منسيتك يا بنياي والله 💔
الاء فكت روحها وتبكي بالعبرة وعلت صوتها : شن عدركم شن 14 سنه واني في الدموع والهم والعذاب 💔
اني يلي لا نهاري نهار لا ليلي ليل اني يلي انحرمت منكم علي سبب مش عارفه شن هوا 💔 اني يلي عشت ايام يلي مفروض ايكونو احلى ايام عمري بأبشع صورة 💔 اني يلي عانيت واني يلي تحملت واني يلي توجعت مش انتو 👌
عادل يبكي : والله دورت عليك وجيت هنا قالولي مهناش والله 💔
الاء تبكي : مش عذر مش عذر
سعاد : تدكري هداك اليوم يوم انلم في الشناطي
الاء تسمع وتبكي
سعاد : قتلك تو ايجي يوم وتدكري هالكلام وسامحينا 😢
الاء بدون رد غير الدموع 💧
عادل قعمز عالوطا ويبكي : كنت نشتغل مع وحدين أوهموني أنهم كويسين وقعدت نشتغل معاهم قريب سنه 💔
لعند يوم من الايام كنت نشتغل خشو عليا شادين شاب وكان معذب بأبشع طرق التعديب ، وقفوه ومدولي سلاح وقالولي صفيه 💔
الكل يسمعو ويبكو 💔
عادل : رعشت وقتلهم كيف شن دنبه ؟
قالولي تصفيه والا حياتك حتنقلب جحيم 😢
هداك اليوم اني وياك وامك قررنا نطلعو من المدينه وطلعنا ،
بعد شهرين وكان كل شي تمام جتني رساله مكتوب فيها { بنتك وحيدتك حتبكي دم علي فراقها }
عادل يبكي : اني كنتي انتي عندي بالدنيا ولما قريت الرساله نين جمدت 💔 روحت للحوش ومدورتش وبعدها بيوم جتني رساله تانيه { عرفنا موقعك وقرب هلبا يوم الفراق }
جمدت معش عرفت شن اندير 💔
ولاء مشتله تجري حضناته وتبكي 😢💔
عادل : خليني نكمللها
بعد هديك الرساله طلعت العشيه وضربوني بالرصاص في سيارتي وبعد روحت لقيتهم كاتبين علي السيارة { بنتك في رحمه لله قريبا }
انجنيت معش عرفت شن اندير فخبرت امك وكانت بتهبل عليك 💔
اليوم يلي بعده بعتولي رساله قالو جهز روحك اليوم 💔
معش عرفت شن اندير فقررت نهرب اني وامك وانتي نحطوك في الملجأ عشان لو متنا انتي تعيشي ولو عذبونا انتي ميصيرلك شي 💔
الاء تبكي : ولما وليتو ليش مجيتوش خديتوني ليش مسألتوش عليا 💔
عادل : جيت وسألت وقالولي مش هنا 💔 روحت ودموعي علي خدي
سعاد تبكي : ياما عانينا من فراقك يا بنتي ياما 💔
الاء تبكي : بس مشحا نسامحكم 💔
مراد وانسام واسماء و ولاء وباقي البنات : ألاء سامحيهم 💔
ألاء تبكي : مستحيل 💔
ناض عادل يبكي وسانداته سعاد : احنا في انتظارك يا بنتي وعندك الحق 😢
خش احمد عليهم : ألاء
ألاء شبحتله
أحمد نزلت دمعته ومسحها بسرعه : سامحيهم 💔
ألاء نزلت راسها 💔
جو بيطلعو عادل وسعاد وهما يبكو 💧
ألاء مشتلهم تجري : ااااااه استاحشتكم مسامحتكم والله اااااه 💔
سعاد وعادل يحضنو فيها وايبوسو فيها : ألاء يالغاليه الحمد لله الحمد لله 😢
الاء : معش تخلوووني بالله معش تخلووني راه عانيت هلبا في غيابكم والله 😢
عادل : وحق من خلق النفس معاد انخليك 😢
ولاء واحمد كانو يبكو وجوها حضنوها : طلعتي اختنا😢😢
الاء : اي سبحان الله 😢

مهمآ طال البعد وطال 👌
ومهمآ كان الجرح عميق 👐
سيأتي يوم وينجبر بإذن الخالق ❤

بعد البكاء والوجع البنات باركن لألاء عشان لقت اهلها وبتعدي معاهم وفرحنلها هلباااااا 💕
وألاء كانت مش مصدقه ان جا هاليوم يلي كانت تراجي فيه 😢
لمت دبشها وودعت البنات وكانت بتبكي بس حلفنها متبكيش وان هدا أخر يوم للدموع 👌
طلعت معاهم وكان مراد مصبي وشبحلها بنظره حب وشوق وهيا كذلك ❤
ركبت السيارة وروحت للحوش و رؤى روحت وكانت فرحانه لان ألاء رجعت لهلها 💖

بعد مرور شهر :
الاء تسيق في الصور وشعرها مشفشف وسروالها مشيع والسماعات في ودنها وتغني 😂
سعاد : الاءء الجرس ايرن افتحي الباب
الاء متسمعش فيها نين بصدفه شبحتها تتكلم حولت السماعات : نعم 😮
سعاد : افتحي الباب 😂
الاء : حاضر 😁
ولاء مشت للباب وفتحاته وتطلع مرا 😧
معاد عرفت شن اتدير اتسكره في وجهها والا تهرب بمنظرها هدا 😨😰
المرا : نخش والا نقعد هنا 😅
الاء فطنت روحها : تفضلي تفضلي 😅
خششتها وألاء تقول للمرا تفضلي انتي الاولى عشان تقعد هيا الورا بمنظرها هدا ،😂😂
خشت المرا للصاله ومشت الاء لامها تجري وتخبط في وجهها : ياااعاري في مرا جايه وشبحتني هكي 😰😰
سعاد تضحك : عادي عادي حلوة في جميع اوقاتك 😂
الاء : اي اي مجامله يا نبع الحنان 😅
سعاد : يا مجنونه عدي بدلي وديري قهوة فيسع 😂
خشت الاء لبست وساوت روحها وحكت لولاء عالموقف و ولاء قعدت تضحك عليها 😂
دارت القهوة وطلعت بيها ☕🍪🍩
مدت للمرا : تفضلي 😅
المرا : زاد فضلك 😘
الاء مدت لامها وحطت الصفره وجت بتمشي 🚶
المرا : وين ماشيه قعمزي حدانا 😊
الاء ولت : حاضر 😅
المرا : طبعا اني جايه بنخطب بنتك ألاء لولدي مراد 😘
الاء لما سمعت اسمه قلبها دار دربوكه زحست روحها بيغمى عليها 😨 ناضت تجري 🏃
سعاد : تحشمت 😅
المرا : اي 😂 المهم ولدي يبيها ونتمنى منكم توافقو 😘
سعاد : والله الشور شور بوها نقوله ونرد عليك
المرا شربت قهوتها : تمام بينا تليفون 📞 وناضت
سعاد : خيرك مزال
المرا : لالا ايراجي فيا برا 😊
وطلعت روحت 🚶
بعد يومين ردو عليهم ووافقو عليه وكانت الاء فرحانه بتطير 😍😍😍 وحددو العرس بعد شهر مع ولاء واحمد 😘

في يوم العرس :
ولاء وألاء بالفيلوات متاعهن عالكوشه
الاء : طلعنا نهبلو يا وخيتي 😍😍
ولاء : اكيييد 😍😍
الاء : حسه بطني تلوي 😅
ولاء : والله زيك 😅
شويه وخشت عليهم بشرى بفيلويها ومع موسيقى وقعمزت حداهن 😍 وكانن هنا التلاته وحده تغطي عالتانيه 😍
جا وقت العشا والناس يتعشو
الاء : نعن شكلهم جيعانه 😟
ولاء : اي ظلم ريتي كيف ياكلو 😟
بشرى تضحك : خليك مع المرا يلي لابسه مخطط عاليمين  طايحه واحد وستين ايكال وتهز عالموسيقى😂
الاء و ولاء شبحنلها واطربقن ضحك : وووو 😂😂
بشرى عالهزاز : بلا فضايح 😂
الاء : وحق ديني بنوض ناكل 😂
ولاء شبحتلها : اهفتي 😂
وقعدن ايعلقن نين جا وقت خشوش العرسان 😮
كل وحده نزلت الطرحه علي وجهها والقلوب دايرات دربوكه 😂
اول واحد خش احمد لان هدكنا خواته الزوز يعني عادي وكان طالع ربي ايبارك 😍 ومن التوتر لما وصل وركب الفوق جت تصبايته قدام الاء يحسابها بشري ومن الموسيقى والاغاني ميسمع في شي 😂😂
الاء : تي اني الاء عدي غادي يا همي 😂
احمد ميسمعش فيها وكلهم يضحكو 😂
احمد ميعلمش بروحه : ورفعلها الطرحه 😱
كلهم يضحكو 😂😂
الاء : يا مهبول اني الاء 😂
احمد : هدي انتي بشرى وين 😲😧
الاء : الاخيرة بشرى الاخيره عدي😂
احمد ردلها الطرحه بسرعه : باه 😅 معاد عرفتكن بكل 😅
صبا قدامها ورفعلها الطرحه وكان تقول خانقينه من الحشم 😂
وطلع بيها 😍
و الاء و ولاء كل وحده طلعت لراجلها في سيارته 🚗🚗 ومشو كل وحده مع حبيب قلبها ❤  ✨
وعاشو حياه ورديه 💕😘😍

وبعد سنين :
الاء راحو عندها زوز بنات توأم بيشيبنها هيا ومراد  😂
ولاء عندها ولد ديمه طايح في بنات الاء ضرب 😮😂😅
واحمد عنده بنت وحده بس 😍
ورؤى محصلتش صغار بس كانت عايشه حياه ولا احلى مع حسام 😍
امال طلعت من الحبس وفوزيه بعد سنتين من الحبس توفت من الهم ✨
والبنات بدن يقرن ويطلعن زي اي بنات عاديات ❤
وعاشن حياتهن يلي كانن محرومات منها 💕

مهمآ صعبت علينآ الحيآء 👌
ومهمآ قست 👌
ومهمآ كان ظلام الليل حالكآ ✋
لابد للشمس أن تكسر قانونه وتخرج من جديد 💓
فمآ بعد الصبر إلا الفرج 💖

انتهى البارت حبايبي 😘😍
وانتهت الروايه 💕
ونتمنى تكون نالت اعجابكم ✨
ونشكر كل من دعمني سواء صديقاتي علي الوات او صديقاتي في الدراسه ❤
ونشكر بنت عمي رقيوة 😘 وصديقتي فطومه ❤
وصديقتي عالوات فطومه حسن يلي ساعدتني في بعض الحاجات والفكر 💞
وربي ايوفق الجميع وربي ايحقق اماني كل من قرا روايتي ودعمني 💕
استودعتكم الله 💓