ربي إني في أشد الحآجه إليك💔
فلآ تخذلني😔

جا الصبح وجا الوقت يلي خايفين منه الكل
جا الوقت يلي بينحسم فيه كل شيئ عند حسام 💔
كان راقد الوطا ودموعه علي خده 💧
خشت اشعه الشمس علي عيونه 🌞
فتحهن بالشويه وعرف إن الصبح جي 👐
ناض بسرعه ونفض دبشه
شبح من القزاز لرؤى بنضره أسى : رؤى متخلييينيش 💔
طبس راسه ومشى للحمام غسل وجهه وتوضى وصلا ودعى لربي من كل قلبه 💕
ياااااارب نجيهااا ياااااارب 💔
تم صلاته وطلع من المستشفى للحوش 🚗
وصل للحوش 🏠
خش وبصوت واضح فيه الارهاق والألم  : امي امي
جاته لطيفه وكانت موتيه روحها هيا وصفاء : جيت يا وليدي
حسام : هيا يا امي وقت
لطيفه تاخد في شنطتها : حاضر هي 😔
طلعن لطيفه وصفاء وركبو السيارة ومشو للمستشفى 🏥

في حوش سعاد :
سعاد خشت لدار صفاء  : ولااء نوضي بسرعه والا مصارلكش مشي معانا
ولاء ناضت بسرعه : لا بنمشي شويه بس
سعاد : باه نراجو فيك
نزلت سعاد 🚶
احمد ياكل : شن مالا بتمشي ولاء
سعاد : اي بتمشي بالله متكلمها
احمد : باه اصير خير ❤
فطرو احمد وسعاد ونزلت ولاء مطبسه راسها 😔
احمد : تعالي افطري
ولاء هزت راسها : لالا منبيش 😔
احمد حركلها الكرسي : قتلك تعالي قعمزي
مشت ولاء قعمزت جنبه
احمد : كولي
ولاء بدت تاكل
احمد كان يشبحلها و واجعاته لان معنداش غيرها اخت و هوا خايف عليها وهيا كانت نادمه علي يلي داراته لخوها بأنها كلمت صاحبه وخانت ثقته 💕
تمو اكالهم وناضو 🚶🚶
طلعو ركبو السيارة 🚗ومشو للمستشفى عشان العمليه

في المستشفى :
وصلو حسام واهله ونزلو للمستسفى
خشو لمكان رؤى لقو الدكاترة خاشيلها وهما قعدو يشبحولها 💔
الدكاترة حطو رؤى علي سرير هيا واجهزتها وطلعوها
كلهم يشبحولها ويبكو 😢
حسام يبكي: رؤى متخلينيش بالله 💔
صفاء : ينااااري يا رؤى 😢
صفاء حضنت امها ويبكو 💔
وكان منظر مؤلم إن البنت يلي كانت معاهم تضحك وتهدرز اصيرلها هكي وبتخش لمكان مش معروف هل حتطلع منه او لا 👌
خشت رؤى لغرفه العمليات 💔
وهما قعدو برا يدعولها ويبكو عليها
صح لو كان عندها اب وام راه بكو عليها وراه حسو بيها بس للأسف هيا كانت وحيده بس ربي عوضها بي ناس هكي اخافو عليها 💕
وصلو احمد واهله
ولاء مشت تجري لصفاء حضنتها 💔 : يناااري رؤى يناااري 💔
سعاد حضنت لطيفه : والله وجعتني في اكبيدتي ربي اسلمها يااااااارب 😢
احمد قعمز حدا حسام عالارض وكان حسام مرفع رجليه وحاط راسه علي ركبيه
احمد : ادعيلها يا صاحبي 😔
حسام : خايف متنوضش 💔
احمد حط يده علي كتف حسام : ادعي بس وربي مشحا يخيب ظنك 😔
حسام من اعماقه وبكل وجع : يااااااارب 💔
وعم الصمت ورؤى داخل مش معروف هل حتعيش او حتتوفى وتخلي جرح كبير في قلب حسام وقلب صاحباتها إلي ميعلمنش بيها لتوا 👌

عند البنات :
ناضت انسام مخلوعه من نومها : رؤى 😫
ياااربي والله رؤى فيها حاجه عارفه احساسي هكي ليا ايام 💔
ليلى شبحت انسام نايضه واشبح كيف جوها مشتلها : خيرك نسومه
انسام حاطه اديها علي وجهها : مخنوووقه والله حاسه ان صاحبتي فيها شي
ليلى حطت يدها علي رجل انسام : استهدي بالله 😞
انسام : لا اله الا الله 😔
الاء ناضت من نومها : خيركن شن في
ليلى : انسام حاسه روحها مخنوقه
الاء ناضت من سريرها لأنسام : انسام خيرك ليش حاسه هكي 😞
انسام تبكي : والله رؤى فيها حاجه والله
الاء حضنتها : اسسس انشاء الله مفي الا الخير 💔
انسام : كلموها بالله كلموها 😢
الاء : تمام راجي شويه شويه  👐
طلعت الاء للمسؤولات 🚶
الاء اتدق عالباب : دق دق ✊
وفاء : ادخل
الاء خشت : كيف حالكم اليوم
وفاء وسعاد : الحمد لله وانتي
الاء : بخير بس بالله نبي تعطوني رقم يلي تكفل صاحبتنا لان من لما طلعت مكلمتناش ومشغولين عليها
وفاء ناضت اتدور في الاوراق : راجي شوي👌
وفاء دورت دورت وملقت شي : اسمعي تو نتصل بمراد ونسألها اكيد هوا يعرف
الاء : باه تمام 👍
وفاء طلعت تليفونها بتتصل وخش عليهم مراد ❤
مراد : السلام عليكم ، وشبح لألاء 👀
الكل : وعليكم السلام
مراد : خير في حاجه
وفاء : قوليله يا الاء 👐
الاء : خير بس في صاحبتنا تكفلوها الفترة يلي فاتت واحني مشغولين عليها ياريت تعطينا رقم الشخص يلي كفلها بنكلمو
مراد : شن اسمها
الاء : رؤى
مراد : تمام اني حندور في الملفات يلي في مكتبي ونكلمه ونجيكم باهي 👍
الاء هزت راسها : باه 💕
مراد : هي عدي توا واني تو ندوره ❤
الاء : تمام 💓
عدت مراد للبنات
انسام : شن صار 😞
الاء قعمزت جنبها : قالي مراد ادوره واجيبه متخافيش خلاص 😞
انسام : باه وانشاء الله يطلع احساسي خطأ 😔
الاء حضنتها وقعدت تهدي فيها مع ان عندها نفس الاحساس 💔
في مكتب مراد :
مراد افتش في الملفات وايدور نين لقى ملف مكتوب عليه رؤى 📁
فتح الملف ولقى المعلومات عليها و ورقه امتاعت الكفاله وكان مكتوب فيها رقم حسام
خدا الرقم اتصل بيه 📞
رننن رننن رننن 📞
مفيش رد 👐
عاود مرة تانيه : رننن رنننن 📞
رد حسام بصوت مخنوق : ايوا
مراد : السلام عليكم معاي حسام ال .... ؟
حسام : تفضل
مراد : اني من ملجأ .... وحاب نسألك عالبنت يلي كفلتوها منا لأن صديقاتها يبن اكلمنها
حسام بوجع : رؤى حاليا في العمليات 😔
مراد : لا حول ولا قوة الا بالله خيرها ؟
حسام بغصه ودموع : كانسر ،💔
مراد : لا حول ولا قوة الا بالله العظيم 😔 اما مستشفى ؟
حسام : مستشفى ال ......
مراد : تمام منطولش عليك 😔
حسام : تمام
وسكرو 💥
سكر مراد وكان خايف كيف بيقول للبنات وكيف حيخبرهن وخايف علي ألاء شن بيصير فيها لان عارفها ضعيفه 💔
قرر يمشيلهن لان معنداش حل وسيورهن يعرفن 💔
عدا مراد لمكان وجودهن ودق عالباب ✊
فتحتله ليلى : خش استاد مراد
مراد : نبي نكلم ألاء
ألاء جاته : ها شن صار ؟
مراد مطبس راسه : البسي عبايتك انتي ويلي تبي تمشي بنرفعكم ليها
الاء بخوف : خيرا شن في هيا بخير ؟؟!
مراد : اي بخير غير هيا 👐
خشت الاء بسرعه وقالت لأنسام ولبسو وطلعو 🚶🚶
ركبو السيارة ومشو للمستشفى 🏥
انسام تبكي : كنت عارفه فيها حاجه والله 💔
الاء تبكي وشدتلها يدها : انشااء الله خير اسسس 💔

نرجعو للمستشفى :
لطيفه : حسهم طولو داخل 😢
سعاد : اصبري اصبري تو تطلع سالمه بإذن الله 😔
لطيفه : انشاء الله 😢
حسام مقعمز وحداه احمد : زعما تمووت 💔
احمد : وحد الله يا راجل 😔
حسام حط اديه علي وجهه : لا اله الا الله
حط ايده علي قلبه : والله هدا موجووووع 💔
احمد : انشاء الله تسلم وتفرح يا صاحبي 😔
بينما احمد ايهون علي حسام رن تليفونه 📞
لقاه رقم غريب مرد
عاد من جديد رنننن 📞
احمد ناض : استغفر الله مش وقته بكل
رد عالتليفون : الو 😠
راجل : لو سمحت بنقولك صاحب الرقم داير حادت وتوا في مستشفى ال ...... بس حالته كويسه
احمد انصدم : متأكد هدا بووي 💔
الراجل : اي وانت اخر رقم متصل بيه بس متخافش مفيه شي
احمد : تمام تمام
سكر بسرعه ومشى لحسام : سامحني بس بوي داير حادت بنمشي 😔
حسام بصدمه  : شن صارله؟
احمد : لالا بسيطه قالولي
حسام : تمام عدي والف سلامه عليه 👐
احمد مشى حدا امه : امي هيا بنروحو
سعاد استغربت : خيرك شن في ؟
احمد : عندي موعد مستعجل هيا انتي و ولاء
سعاد : باه
كلمت ولاء : هيا بنروحو خوك اشبح شن جاه موعد ما موعد
ولاء : لالا خلوني وعدو منيش ماشيه 😢
سعاد : باه تمام
كلمت لطيفه : سامحيني يا لطيفه مضطرة نروح وتو نوليلك وقت تاني واهي ولاء معاك 😔
لطيفه : صحيتي وبارك الله فيك علي جيتك عدي 😢
سعاد مشت هيا واحمد 🚶🚶
وفي نفس الوقت كانت ألاء خاشه هيا وأنسام ومراد يبكو 😢
وتلاقن في نفس الممر بس مفيش وحده ركزت للتانيه 💔

صحيح أنّ عيناي لم تلتفت يا أمي لرؤيتگ 👌
ولكن قلبي عندمآ احس بگ إلتفت 💔

انتهى البارت 💕