يحلوين حاولو تعلقون بين الفقرات او الروايه حتى يصعد التفاعل ❤️❤️
_______________________________

عيونهاا احلا وطن
______________

عسل

وصلنه ديمه للمستشفى لحضات خوف وقهر اباوع لسيف يحوس من الخوف كل ما يطلع احد من الغرفه يسأل بس يريد يطمن

اراي واكف بصف سيف يواسي بي ويطمنه

وره مده طلع الدكتور

سيف: دكتور طمنييي شنوو شلونها مرتي وطفلي هاا شلونهم

اباوع للدكتور نزل راسه وحجه بنبره قهر

-سوينه العلينه بس -

بس كال هيج سيف راد يوكع لزمه اراي سنده

كمل كلامه

-بس ماكدرنه ننقذ الجنين اتوفه اثر نزيف الام جان وضعها كلش تعبان والجنين مات ماتحمل مات ببطنها  -

نزلت دموعه حجه بقهر

سيف: ومرتي دكتوررر

-الحمدالله مابيها شي كدرنه ننقذها-
نزل راسه ساكت

••••••
زينب

ماعرف شسوي من الرعب الحسيت بي اريد احجي اريد احذرهم ماحسيت غير خاله ام اراي واكفه بصفي تباوع الضاهر هيه هم فزت ع دفرت الباب شهكت من الخوف

ام اراي: دخيلك ياعلي منوو هذول

البيت جان فارغ مابي احد بس اني وخاله ام اراي و كارمن
مرت اراي ببيت اهلها و الولد طالعين ويه ابوهم عدهم شغل ولميس بيت خالها

باوعتلي والكارمن الواكفه ترجف لزمت ايدي سحبتني بسرعه بصف كارمن واكفه وره الباب  باوعت النه وكالت بنبره حزينه ودموعها تنزل وتحجي سريع

ام اراي: ابقو هنا ولو شيصير لا تطلعون ابد لحد ما اكولكم واذا ما اجيتكم ابقو بمكانكم لحد ما تسمعون صوت ولدنه

ردت احجي سكتتني كملت كلامها بحزن وسريع

ام اراي :يلا اني رايحه مثل ماوصيتكم يمه لا تطلعون منا ابد أمن شي المطبخ ماتوقع يجون بي

زينب: شدتحجين خاله وين رايحه انتي لا تعوفينه ياذوج ابقيي هنا

كارمن:لا عمه عليج الله ضلي يمنه لو نموت سوه لو نعيش سوه

ابتسمت تطمنه اباوع لوجها نوراني مريح كلش 

حجت  سريع كل شوي تباوع من جهه الباب خايفه يجون

ام اراي :لا ان شاء الله ماكو شي بس لخاطر لخاطر الحسين لا تطلعون منا ابقو هنا وامانت الله ورسوله ابروني الذمه خاف فد يوم اذيتكم

نزلت دموعنه بجينه بدون مانطلع صوت ضلينه نددعي طفت الضوه علينه وطلعت قفلت الباب علينه بعد ماسمعنه شي
انهد حيلنه اباوع لـ كارمن حاطه ايدها ع حلكها وتبجي
الوضع مرعب شكد ماتتخيلون تحبس الانفاس تفكير رعب خوف وقلق.
اجه ببالي التلفون الانطته الي عسل جنت خايفه اتحرك اخذت نفس وحاولت اقوي نفسي استجمعت قوتي

همس بصوت ناصي بس اني وكارمن نسمعه

-نادي علي مضهر العجائب تجده عوناً لك في النوائب كل هم وغم سينجلي بـ ولايتك يا علي يا علي -

و ركضت ادور بالمكان ضلمه كلشي ماشوف لكيتتته قريب عليه حمدت الله وشكرته فتحته بسرعه ادعي يطلع بي سيمكارت اول مانفتح كلشي مافهمت منه رجعت لكارمن انطيته الها همست بصوت كلش ناصي

زينب: شوفيي بلكت بي رقم اراي بسرعهه بسررعه

سحبته من ايدي شافت رقمين موجودات واحد اسم اراي والثاني ايمن

اتصلت ع ايمن مارد رجعت اتصلت ع اراي

.....
ديمه

كعدت بغرفة المستشفى حطيت ايدي ع بطني ماعرفت اذا اكو طفلي لو لا صرخت بصوت عالي اريد اعرف شصار وشبيه اني وطفلي شصار ويا

اجاني يركض وضعه كلش تعبان كل شوي يبلع ريك ويحجي بهدوء

سيف: ها حبيبتي شبيج

باوعتله مصدومه من كلمة حبيبتي

ضيقت عيني بضوجه وكتله

ديمه :منو حبيبتك؟

اقترب مني كعد مقابيلي لزم ايدي ويحجي

سيف: انتي حبيبتي وروحي وعمري وكل حياتي

سحبت ايدي بهدوء خزرته وكلت

ديمه:طفلي شلونه شلون حالته شكال الدكتور شصار وياي

ذب حسره ونزله راسه وحجه بقهر

سيف: جان عندج نزيف حاد

بلع ريك ودموعه نزلت
كمل كلامه وكال
سيف: طفلنه طير من طيور الجنه

فهمت قصده هزيت راسي بقهر

ديمه:لا سييف لاااا لا اريده طفلي ويننن سيف اريده اريد اخلي بحضني انومه اشمه واحضنه اغنيله اريدد يكبر كدامي  والله مايهمني ولد او بنيه سيييف

احجي وابجي  دخلو على صوته عسل واراي بديت الطم ركض سيف حضني وبعد ايدي

دفعته حيييل عني

ديمه: ابتعد عنييي اياك تلمس شعره مني فهمت لو لا ما كدرت تثبت شي مو بس لا تخاف اني عند وعدي ارجع واذبحني عود

هز راسه بقهر

كملت كلامي وكلت

ديمه: ياريتتت ياريت انعمت عيوني قبل ما اشوفك جنتتت جنت عيوني ونضرها بس هسه صرت ولا شي اكرهك

راد يحجي قاطعته وكملت كلامي

ديمه: والله متندمه امدانييي لان حبيتك امداني

نزل راسه جسمه يرجف اباوعله راد يوكع ركض اراي سنده حجه بصوت مقهور ومهزوز

سيف: حقج شنو تحجين حقج بس لا تعوفيني اني روحي بيج صرتي كل حياتي وثمرة فؤادي

اخذه وطلعو بره

كعدت كبالي عسل حجتلي كلشي وشلون عرفو اني بريئه وهيج

حجيت واني ابجي

ديمه:راح ضحيت الضلم طفلي

شوي ورجعو دخلو كعدو كبالي ماطيق اباوع بوجهه جاي يريد يكومني حتى نرجع للبيت اجه ل اراي اتصال باوع مستغرب للتلفون

اراي: هذا رقم زينب

كامت عسل بس سمعت اسمها

طلع من الغرفه وفتح الاتصال طلعت ورا اسمع
ماجان منتبه الوجودي
صوت التلفون جان ينسمع

ماسمعت بس صوت بجي

اراي: الووو  احجي شكو صاير شي  بيكممم شي احجي ضل بالي

كارمن: الو اراي اني كارمن الحكننننه اراي الحكككنه

اراي:دخيلككك يا علي بابااا شكو احجي شصايرررر

كارمن:ثنين ملثمين دخلو علينه بيدهم اسلحه اراي راح نموت الحككككنه محد موجود بالبيت بس اني وزينب وعمه ساعدنه مااعرف ماعرف رقم الشرطه
سد التلفون مصدوم راد يركض وجان ينتبه الي

بجيت وكلت
عسل: اجي وياككك اخذني وياك زينب هناك اموت والله بدونها

استغفر وحنه نفسه شوي لمستواي وكال

اراي: ماكدر اخذج تتاذين او شي ضلي هنا ديري بالج ع ديمه خطيه

سكتت ماريده يتاخر عليهم كمل جملته وركض ركض سيف ورا مافاهم شي انتضرت ساعه ماكو لا سيف ولا هوه الضاهر راحو رجعت للغرفه عند ديمه

حاولت تكوم ماكدرت ركضت عليها اساعدها باوعت بوجهي وحجت بقهر
ديمه:شبيج ليش تبجين وترجفين؟

عسل: ماكو شي حبيبتي

ديمه:وينهم وين سيف واراي؟

رفعت كتافي بمعنى مادري سكتت محتاره باوعتلي ونزلت دموعها بقهر

ديمه:اعتذر عن كل افعالي وياج اتمنى تسامحيني عسل

عسل :ولا يهمج حبيبتي انسي كلشي

ابتسمت وباوعت ع علاليك الجانن ع صفحه

سيف

نزلت اجيب اكل شوي وصعدت شفت اراي واكف بالباب يخابر وورا واكفه عسل عفتهم ودخلت بالغرفه اجت عيوني عليها
شكد حلوه جانت اول ما اجتني سمارها يهد الحيل بـعيونها احلا وطن ضحكتها التسحر الناضرين جانت نعمة ربي الي بس انه م ماجنت حاس بالنعمه هاي اذيتها كسرت قلبها ذبلتها

انتبهت لوجودي باوعتلي نضره سريعه ونزلت راسها قربت منها اجت عيني بعيونها خزرتي ورفعت اصبعها تحجي بتهديد

ديمه:اياااك تقرب حدكك لهنا لا تقرب مني

باوعتلها ساكت ماريد اناقشها ماريد اقهرها واذيها اكثر عفت العلاليك ع صفحه وطلعت من الغرفه شفت اراي يحجي بالتلفون متخبل شوي وسده مدري شحجه ويه عسل وركض ركضت ورا مامفتهم السالفه بس من ركض عرفت اكو مصيبه

صعد للسياره مستعجل صعدت ورا

سيف: شكو اراي شبيك

اباوعله يرجف وعيونه حمرررر كلش

التفتلي وحجالي كلشي

سيف: دخيلككك يااا علي شدتحجيي انته امي والبنات هنااااك

اراي: انزل من السياره

سيف: شنو انزل واعوفك شبيك بابا

صرخ بوجهي

اراي: انزززززل البنات هنا شنوووو تعوفهمممم وتجي ويايي مخبل انته

سيف : مانزل والبنات عسل موجوده ماعليهن شي بس نرجع لبغداد اطمن ع اهلي ونرجع

حجه بنفاذ صبر

اراي: انزل لا احرك الدنيا عليكك انزل سيف ماخذك وياي لو تموت اذا صارلك شي شسوي

سيف: ترااا الي ببغداد اهلي مو بس اهلك كافي حرك السياره البنات ما عليهن شي

استغفر وحرك السياره

سيف: لك بابا كل عقلك نلحك الهم خل اتصل ع الولد يرحون احنه بمحاااافظه بعيده اراي

صرخ بوجهي مقهور

اراي:ولككك بابا نضحييي بولدنه اذا صارلهم شي

صرخت بوجهه بقهر

سيف: لعد وامي والبنات اذا صيرلهممم شيي

اباوعله يسووق سريع ويضرب قوي ع الستيرن ويصرخ بقهر

طبطبتت ع كتفه اهدي

اراي: مااااعرف ماعرف لك اذا صارلهم شيي شلووون شلوووون فهمني

سيف: خل اتصل بالنجده شييي

فتحت تلفوني اتصلت بالنجده حجيتلهم السالفه ومامفتهم منهم شي

رجعت فتحت تلفوني اتصلت ع كرار شوي وفتح التلفون

سيف: انتتته وينننن كرار

كرار: شبيك يمعود ويه ابويه عدنه شغل  شنو اول مره شكو صاير شي

سحب اراي التلفون من ايدي وحجه بعصبيه

اراي: شلون تعوفون البيت بددون احد شلون مخلين البنات وامي وحدهم وين  وين الباقين

كرار: اراي شبيك اهده وفهمنييي شكو

اراي : ارجعو للبيت بسررعه داخلين ثنين ملثمين ع بيتنه رجعو احنه هسه بالطريق بعدنه بالنجف بس جايين واخابرنه النجده

كرار:شدتحجييي انته

بعد مافهمت من كلامه شي انغلق التلفون

فجأه وكفت السياره باوعت لـ اراي مستغرب

اراي:راح انزلل اجيببب ماي

سيف: وكتككك هسه شبيك

اراي:عطشانه شلون يعني

استغفرت وسكتت مو مال اناقشه لازم نوصل هناك بـ اسرع وقت نزل دخل للاسواق انتضرته يطلع ماكو دايخ كلش خليت راسي ع الستيرن وغفيت من التعب ماحسيت اله فتره من الوقت  كمت مفزوع باوعت للساعه وللسياره ماكو اراي اتصلت عليه جاوبني

اراي: اني بالطريق اجرت سياره وراجع ارجع انته للبنات سيف

حجيت بعصبيه مختنك كلش

سيف: ليشش ولك ليش مو سيارتك يمي شلون تعوفني وترجع هيج مو متفقين نروح سوه

اتنهد بقهر كوه ينطق الحرف خايف وتعبان

اراي: سيف مو مال نرجع ثنينه ع الاقل واحد يبقى يم البنات ديمه تعبانه حالتها مو حمل اذيه اكثر خايف عليكم والله روحي راح تطلع لحد ما ارجع وخايف عليك وعلى امي والبنات ماريد منك شي بس ادعي خويه ادعي

سد التلفون وراح اعصابي تعبت ضربت ع الستيرن قوي من القهر حاولت استجمع نفسي استغفرت اعرفه هواي يخاف علينه نتاذه وهم علمود البنات مايقبل يضلن وحدهن رجعت اتصلت عليه مايرد رجعت للمستشفى حاجيت الدكتور علمود اجرائات خروج ديمه كالي مابيها شي ومايحتاج تضل يوم ثاني وعادي تكدر تسافر بيها

رجعت للغرفه بعد ماخلصت الاجرائات شفتها كاعده تسولف الـ عسل عن معاناتها وتعبها بالحمل وخسارتها للجنين انكسرت قلبي عليها رغم حالي مو احسن من حالها ضميري موتني احس اعصابي تعبانه ذبييت حسره وحجيت

سيف: حضرو نفسكم نرجع للبيت

كامت عسل متفاجئه من وجودي نزلت دموعها وتحجي بتوسل

عسل: شصار زينب شلونها شلووونهم ها ليش رجعت مو اهلك بخطر

ردت اجاوبها وقاطعتني ديمه تحجي بخوف

ديمه:شنووو ليش بخطر شبيهم اهلك هااا

اتصنعت الابتسامه وحجيت
سيف: ماكو شي حبيبتي

باوعتلي صفح مامصدكه كلامي سكتت وكامت كوه تمشي ركضت ساعدتها وطلعنه صعدتها بالسياره ضل بالي ع اهلي كل شوي اتصل ومايردون لا كرار ولا اراي ولا ايمن ضل بالي كلش ادعي مايصيرلهم شي حسيت الطريق صار كلششش طويل بس اريد اوصل اطمن عليهم وصلت للبيت داطبك وماشوف غير
ايمن

كاعدين بالشغل ويه عمي ابو اراي. تلفوني جان مطفي شحن اججه اتصال لـ كرار باوع للتلفون وكال

كرار:  اراي يتصل

فتح المكالمه وحجه وياي مافهمنه السالفه كرار بس يصيح سد التلفون وكام كمنه ورا

ابو اراي: شكوووو فهمنه شصار شبي اراي

حجه كرار مستعجل

كرار:بسرعه بالطريق احجيلكم بسرررعه

كمنه ورا نركض صعدنه للسياره بده يسوق ويحجي الصار

ابو اراي: ياااا علي دخيلك ولك بويه نسوانه اهنااااك

روحنه طلعت بهاي الدقايق بس نريد نوصل صرنه نسب ونغلط ونصيح

ايمن: بس خل الزمهم وعلي اله انعل والديهم الك*** يدخلون البيتتت الحيوانات

كرار يسووق متخبل وصلنه للبيت انصدمنه من الهوسسه الكبال البيت

زينب

كاعدين بالمطبخ نبجي وندعي عشنه لحضات رعب وخوف باوعت لـ كارمن ترجف وتدعي ضل بالي

كارمن:عزااا العزاني عمه اتاخرت خاف صارلها شي

باوعتلها بخوف وحجيت

زينب: اششش ابقي هنا هسه اجي

لزمتني حيل من ايدي احس اضافرها نبتت ب ايدي اباوعلها عيونها ذبلانه من الخوف والبجي ترجفف

كارمن: وييين ولج وييين رايحه لا يصيرلج شي لا تتخبلين

باوعتلها داجاوبها هيه لحضات لحضات و…

يتبعع

خلص البارت.