الـبــارت 6
امـي ضـحكـه لـكل يتيم
~~~~~~~~~~~~~~~~~~~~~~~~~~
دخلت للبيت عيوني تدور على نضر عيني على امـي صـرخت بصوت عـالي دخل على صوتي اراي وكف مصدوم من شاف امي واكعه بالكاع ماتحرك ايد ولا رجل ركضت عليها متخبله ابچي واحضن بيها
اراي: رايح اجيب سيارتي وناخذها للمستشفى
ماسمعت الكاله كل الاشوفـه بـس امـي ضربت على وجهي وصحت بـ انهيار
عسل: ماتتتت ماااااتتت
دفعنـي وحط اذانـه على قلبها وحط ايده على نبضها
صاح
اراي:بيها نفس بيها نفسس رايح اجيب سيارتي ابقي يمها ورشي على وجها ماي
طلع عشر دقايق واجه شال امي واني صعدت بالسيااره خلاها بحضني
عسل: يلااا اراي بسرعه حباب بسرعه
اراي: لا تخافين انتي بـس ادعـي
عسل: ماما حبيبتي لا تعوفيني حبابه ماتحمل والله خسرت ابويه واختي ماكدر اخسرج..عليج الله كعدي يمه كومي كومي ابوس ايدج كومي محتاجتجج لا تحركين قلبي عليج يمه
وصلنه للمستشفى و اراي موبايله ماسكت كل شوي متصلين عليه دخلوها لغرفه وكلولنه ابقو بره
عسل: تكدر تروح شكرا مقصرت تعبتك وياي
اراي:لا ما روح لحد مارجعج للبيت
عسل :لا اراي روح مقصرت والله شكرا
هز راسه لا ااتصلو عليه جاوبهم وطلب انو ميطلع للمداهمه خلي غيره يطلع
دموعي تنزل بدون توقف وكف يمي ابتسم وكال
اراي: ليش هل بجي زينه مابيها شي
عسل: ماريد اخسرها اذا خسرتها منو يضلي
هز راسه ساكت
كعدت واني دموعي تنزل خليت ايدي على وجهي ولميت رجلي لصدري حجيت بصوت يرجف ماضل بي فرح
عسل: خسرت ابويه
اراي: انه موجود
عسل: خسرت اختي
اراي:انه يمج
عسل: ماريد اخسر امي
اراي: لا تخافين تكوملج بالسلامه
ابتسمت مطمئنه نضراته غريبه ماعرفت افسرها عطف لو شنو
طلع الدكتور ركضت عليه بسرعه سألته كال زينه بس من الارهاق هيج وكعت راح اراي دفع كل المصاريف خمس دقايق ورجع شايل علاكه سوده
اراي
رحت دفعت مصاريفهم وجبت الادويه من الصيدليه واشتريت اكل من مطعم بصف المستشفى ورجعت دخلت للممر البـي عسل شفتها من بعيد تبچي منهاره حسيتها كلش تعبت لزمت راسها قوي ووكعت بالكاع ركضت عليها خليتها على رجلي وضربت وجها خفيف غمضت عيونها بتعب طلعت ماي من العلاكه وشوي رشيت عليها و شربتها منه
اراي: عسل كومي اكلي شي راح تموتين
هزت راسي لا
خزرتها وكلت
اراي: كومي لج لتعصبيني
كامت بتعب كعدت كدامي طلعت لفة كباب و عصير خليته بيدها شوي شوي تاكله طلع الدكتور ردات تكوم خزرتها واشرتلها تاكل كمت اني وسألته
اراي:دكتور شوكت نكدر نطلعها ؟
الدكتور:خل يخلص المغذي وطلعوها
ارااي: مـاشي شكراً
رجعت يم عسل عافت الاكـل بتعب خزرتها تاكل بچت وهزت راسها لا
اراي:ليش تبچين قابل رافع عليج مسدس
عسل: ماريدد شبعتتت
اخذت الفه وقربتها من شفتها خزرتها تاكل هيه هم خطيه اكلت..شربتها عصير لحد ماخلصته
انتبهت لموبايلي اجاني اتصال فتحته وخليته على اذاني اجاني صوتها يرعدد
كوثر: انتتتته ويننننن
رديت عليها ببرود
اراي: شعليج؟
كوثر:سااعه بال2باليل وانته ماكو الـزي العسكري موجود يعني مطالع للشغل وين رحت ها وينن رحتتتتتت
جاوبت ببرود
اراي: جاي اخونج عوفيني متونسس
كوثر: اراي وينك لتخبلنييي يم الخدامه الرخيصه بنت الشوارعع مووو
اراي :احجي عدل لاجي افرك حلكج لج لا تتصلين بعد انگلعي انطمري
سديت المكالمه
عسل
صوت مرته كلش عالي بحيث الموبايل يم اذانه وما مشغل سبيكر وصوتها يوصلني تصيح ومتخبله لان طالع مرات اعذرها لان حقها تغار على رجلها ومرات اكول طبها مرض كله من تصرفاتها واخلاقها الزفت
عسل: اراي تكدر تروح امي مطوله اهنا
اراي: ماعندي شي ضال شنـي كل عقلج اعوف بنيه وحدها هنا شايفتني ناقص غيره؟
عسل: لا لا حشاك
اجا اتصال على موبايله شاف الاسم واستغغر
اراي: استغفر الله ربي هذا شيريد
عسل: منو؟!
اراي: جـود جاي يتصل
ضحكت وتغيرت نفسيتي من كال جود لان يضحكني وحباب وياي كلش اعتبره اخويه
عسل: يييي جاوب جاوب
خزرني عيونه صارت حمر لزم ايدي قوي وكال
اراي: ليش فرحتي هلكد على جود؟
بعدت ايده وكلت
عسـل: لان جود الوحيد الحباب وياي واعـتبره مثل اخوي
اراي: چا انه شني حقير؟
عسل: لا لا انته كل شوي شخصيه مجاي اعرفك
ابتسم طلع جكاره ورثها جر نفس وكال
اراي: من شفتج واكفه بـ باب الديووان عقل مضل عندي صح انتي مو من عشيرتي بس غيرتي ماتسمحلي يشوفوج او نكدر نكول غيرتي صارت عليج ماعرف ليش
حجه جملته وفتح خط على جود الكل دقيقه يتصل
اراي: شتريد حيوان
جود :يول وين طالع بنص اليل ماعدنه زلم تطلع بنص اليل
اراي: الزلم تطلع بنص اليل بس النسوان المثلك يبقون بالبيت من حشه ابوي طبعا
جود: چاا انه هم راح اطلع
اراي: شحدك اكسر رجلك غير
جود: يول انته ماعندك شغل وعمل بس تكـسر بينه يول
اراي: جـود احجيلي من الاخير شرايـد؟
جود: ههه ولاك مرتك شهرتنه طلعت برا البيت تصيح يخخوووووني يخووووني الحكوني
اراي: صدك تحجي انته ولاك خلي سيف يضربها ويدخلها للبيت وحق علي ترا اجي اموتها
جود: يول يملعون تلعب من ورايي چا ما اخذتني وياك بس اباوع ماسوي وكاحه
عصب وصاح بصوت عالي
اراي: حيوان سد حلكك ولتعصبني و هاي الكلبه بنت الكلب دخلوها للبيت بس ااجي اكسر راسك وراسها
جود:چا انه شعليه؟
اراي: احبسوها بالغرفه ومن اجي انه احاسبها
ختم المكالمه وسد الموبايل
ضجت عليه خطيه انفضح بسببي اقتربت منه وكلت
عسل: اراي تكدر تروح والله مقصرت
نتر بوجهي بعصبيه
اراي:دنجبي وسدي حلكج
من الخوف احس انخرست معرفت احجي شي ضلينه ساكتين لحد ماخلص المغذي كلولنه طلعوها اخذناها ورجعنه للبيت دخلتها وشغلت الهيتر
ام عسل: وين الوليد الجان وياج يمه
عسل: ديغسل ايده
ام عسل: لتخلي يروح اله اسلم عليه
هزيت راسي اي وره دقايق اجه راد يترخص امي صاحته
ام عسل: تعال يمه اريد اشكرك والله تعبناك ويانه بعد روحي مقصرت معـدل
اراي:لا خاله صـدك كـذب ماسويت شي
عسل: ربي يحفظك ويخليك وينور طريقك ويدزلك بنـت الحلال التصونك وتراعيك (وبعد هواي دعوات اتعاجز اكتبهن)
من كالت ويدزلك بـنـت الحلال اذكـرت كوثر فـ ماسيطرت على نفسي وضحكت خليت ايدي على حلكي حتى لا يطلع صوت ضحكتي
عسل: لا ماما عنده بنت الحلال الرجال متزوج ترا
ام عسل: يااا يمه چا غير تكول الله يديمكم ويرزقكم الذريه الصالحه
اراي: لااااا خـاله بـروح ابوج لا تدعين بعد اشكرج وعـلي
من كال هيج بسرعه ضحكت حيل وخطيه امي صافنه متعرف شنو السالفه
اراي: يلا اترخص اني بعد
ام عـسل: ياااا ولج يمه چا غير تقدميله شي
اراي: لا والله كلشي ماريـد لازم ارجع انـام وراي شغل باجر
ام عسـل: ماشي خاله...كوومي يمه عسل كومي وصلي للـباب
مشيت ورا كعد يلبس احذيته وكفت كباله اجـت عيوني بـعيونه نزلت راسي من الخجل وكف كبالي كلش قريب رفع وجهي بـ اصبعه يباوعلي بنضرات غريبه ابتسمت وتشكرته
واني ميته خجل
ابتسم وكال
اراي: اطلبج چاي تسويلي باجر
هزيت راسي اي واني اضحك ابتسم ورجع كبالي يباوع بعيوني ماعرف شعور غريب ابتسمت بغباء وكلت
عسل: عيونـك بـلون الحشيش شكد حلوه
اول مره هيج اتعمق بنضراتي لشخص جنت ابد ماباوعله لا هوه ولا غيره دائما اتلافه اباوع بوجه شاب هم خجل وهم اكول عيب
ضحك غمزلي وكال
اراي: ههه هسه يلا انتبهتي شكد فاهيه لونهم اخضـر
صعد بسيارته وراح ضربت على كصتي بغباء هسه عباله انعجبت بييي ثول شكد ثوله انيييي وفاهيه رجعت للبيت كعدت يم امي حضنتها بخوف
عسـل: ماما خفت عليج خفت افقدج
ام عسل: يابعـد روحها الامج
نمت بدون ماحس من التعب والخوف كعدت الصبح اتريكت ويه امي وحضرت حتى اطلع للشغل
عسل: ماما لكيت شغل لزينب
ام عسل: اي خطيه يمه
طلعت لبيت زينب حتى اخذها وياي تشتغل دكيت الباب دقايق وفتحته
عسل: هلا يحلوووه
زينب: هه هلا
عسل :باعي هسه بدلييي بسرعه حتى اخذج تشتغلين وياي خدامه عند ناس
زينب: كلش فرحتيني جنت محتاجه الشغل كلش انتضريني ابدل بسرعه
رحت بدلت بسرعه وشفت ابويه شنو يحتاج وطلعت لـعسل اخذتني وياها لبستـان منضره يجنن ومن ندخل بي بـيـت كلش جبير دخلنه اتكلتنه مره جبيره بس مبينه حبابه
زينب: هاي المره مبينه كلش حبابه
ضحكت مستهزئه
عسل: انتي الحبابه والله
اقتربت من عدنه وجان تكول
وبريه:منيي هاي الجايبتها وياج شني بيتج بكيفج تدخلين الرخيصات بي ؟
عسل : منووو الرخيصه اححتررمي نفسج
حدج لهنا اني سمحتلج تحجين عليه بس صديقتي اكص السانه الحجي عليها فهمتي
اني واكفه مصدومه عود كلت هاي حبابه طلعت حقيرهه رجلها بالكبر وتحجي ع الناس
زينب: عسوله عوفيها لا تهتمين
زينب
اتقدمت بتجاهنه وهيه تغلط وتفشر لزمتني من شعري وضلت تجر بي وعسل متخبله شوي وتضربها
اني مصدومه بعدي بسم الله كم دقيقه مطولت بهذا البيت وحصلت كتـله
صـاح صوت من ورانه اتقدم يمها لزمها من ايدها وسحبها بعيد
...:.........
يـتـبـع
Bạn đang đọc truyện trên: AzTruyen.Top