الـبـارت 8
شـكو مستـشـفـى بالدنيا..وجعـها بـگلبي تلـكونه
•••••••••••••••••••••••••••••••••••••••••
نـزل راسـه ضـايـج حجه بصوت مقهور
جـود:من رحنه نخطبها شفناها من بعيد جان ضهرها علينه ضفيرتها طويله وصفره امي كبل فرحت اليكول راح ازوج شعرها المهم اعمامي كاعدين وابوي كـال جيبوها حتى يشوفها النضـره الشرعيـه فـ هيه هم دخـلـت وياريت مادخلت
عسل: شكوووو شصار من دخلت
سحـب نفس من الجكـااره وكال
جـود: وجها كلـه عمليات تجميل
سـحب كـرسـي كعد هز ايده مستهزء
جـود: علميات تجممميل هواااي وجها مو طبيعي تخوووف كلش..امي من شافتها خافت لج تخوف جاي تفتهمين انه ردت كون نازكه مبينه بنيه موش وحش
خزرته وكلت
عسـل:ليشش تتنمررر
جـود: يول مو اتنمر بس الله خلقج خلقه شكو تخربيها بعمليات التجميل وياريت طبيعي لج وحش تخوف هاي اذا اشوفها باليل اخترع
عسل: يي وهسه شراح تسوي
جـود: امـي هناك تكلي نخطبها عـيب من اعمامها. كتلها لا ماريدها تكلي چا اذا مشايفها المن تقبل بيها
عسل: صدك هيه حبيبتك اكيد شايفها طالع وياها شي
سحب نفس من الجكاره هـز ايده وكال
جـود: مجانت ترضه تطلع وياي وانه الحمار ماطلبت منها صورتها لان توصـف روحها وانه مصدكها نازكـه شـعرها طـويل اصفر حنطاويه عيونها صـفر ضـحكت عليـه
اني وزينب متنه ضحك وهوه يحجي مقهور ويدخن خلص علبه كامله
عسل: وهـسه خطبتها لو شنو
ضحك وكال
جـود: لا عمي شني مخبل قبل ما ابوي يبده يحجي بالخطبه انه حجيت قبله كتلهم
خويه اجـينه نخطب بنتكم الابنـه ايمـن على سنة الله ورسوله من حجيت هيج اعمامي كلهم انصدمو وايمن هم ضل صافن ممستتوعب الورطه الانه ورطته بيها والحمدالله البنيه جانـت مـشايفتني مدازلها صورتي ابد بس احجـي وياها مكالمه وماعتقد عرفت صوتي
فتحنه عيونه مصدومين
حجت زينب
زينب: صدك تحجي لو تشاقه
ابتسم وكال
جـود: اي والله صدك
عسل:زين وبعد شسوو من كلت هيج
جـود: مادري لان عفتهم وشردت
حجيت واني مستغربه
- شلون كدرت تطلع-
ضحك وكال
جـود: جااايه عليه يول انه جـووود اسمعي شسويت راسلت صديقي كتله اتصل عليه وهوه هم دقايق واتصل فتحت الخط وضليت اصيح بالمكالمه عود منو بالمستشفى وشلون سوه حادث وهسه شلونه وسويت نفسي مقهور وعصبي واسمع عمامي يصيحون شكو ومنو وشصار مجاوبتهم عفـتهم وشـردت من بـيت البـنيه
بـس ابـوي راسـلني يكلي سوالفك ماتمشي عليه بس اشوفك اكسرك تكسر
واحـنه نسولـف سمعنه صـوت صياح بـرا وصـوت ابو اراي يصيح
شيخ فاقد: ويـن الكلب المامتربي ويـنه اليوم اكسـره تكسـر ال** عـود اعتبرنا چبير وخطبناله هيجج يفشلنه يـورط ايمن ويشرد الكلب ابن الكلب اليوم محد يخصله مني
ام اراي تهـدي بـي و ايمن يصيح
-ورطني الكلب ورطني-
هـوه يـدخن ويـذب حسرات مامنتبه اندفر على ضهره مـن ابـو
ابـو اراي: كلب انوبه تدخن اليوم موتك على ايدي
لزم ضـهره بوجـع وكال
جـود:خاب بويه المفروض تحمد ربـك چا غير انه ردت اورطك انته واكول اجينه نخـطب االبنيه الابويه بس كلت خاف امـي تنجـلط
ابو اراي: ولك حيوان تريد تجلطني فشلتنه كدامهم مو عيب
جـود: بويه وين فشلتك چا غير سويت هاي المكالمه حتى اشرد غير تكلهم يمكن واحد من ولدنه سوه حادث وانتو هم تشردون
ابو اراي: ولاك شـنو ذنب ايمن والبنيه ورطتهم
جـود: ذنبها انو ترست روحها عمليات تجميل وفوك هذا كله تارسه روحها مكياج چا انه اريد اصبـح على وجهه حلو مـوش سعلوه وايمن مالكيت غيره ردت اورط اراي بيها بس مزوج
يريد يضربه وسيف لازمه تعب كلش عافه وراح
ضل سيف واراي يحششونن على جـود كلش انقهرت عليه خطيه
اراي: ها لك *** من البارحه تنعثل علينه وراح اخطب وانتو نجبرتو هسه وينك شو شردت
جـود: انـجـب انـته شفتـها شلون تخـوف
ايمن:لك كلب ورطتني بيها هسه ادفنك هنااا
جـود: يول ضحي شبيك مثل سيف و اراي
ايـمن: استغفرر الله كون اكدر اصبر عليك ومااموتك بيدي
عافو وراحو جـود ضل يضحك ويحجي اشكالهم من ورطـهم وشرد
كملنه شغل سوينه عشه الهم وحضرنه حتى نرجع للبيت
عسل: يلا زينب فضيها خل نرجع بعد
زينب:انتضري بس اغسل وجهيي
كملنه طلعـنه من البـاب وجـان يجون ركض بـ زي عسكري اسود و لثـام اسود على وجوهم بس عيونهم طالعه
اراي : بعد ممنوع تطلعون بدون علمـنه دامكم بـبـيت الشيخ فاقد انتـو على مسؤليتنه
هزينـه راسنـه اي
صعد بالسياره وبصفه ايمن اشرلنه نصعد وره
طول الطريق ايمن واراي يسولفون عن مداهمه لـ عصابه تخطف الاطفال وتخليهم يشتغلون بالتقاطعات
رفعت عيوني بالمرايه وحجيت
عسل: مهمه خطره ؟!
رفع عيونه بعيوني وكـال -اي-
عسل: متخافون؟!
ضحك وكال
اراي:ليش نخاف واحنه راح نصير شهداء؟! بس الخوف الحقيقي هوه خـوفي انو اخسر ايـمن بـهاي المداهمات
ايمن:يول شبيك لتخاف كـاعد على گلبك
هز راسه ساكت
درت وجهي على زينب ابتسمت وسألتها
ايمن: زينب بيتكم قريب لو بعيد على بيت عسل ؟
زينب: كبـال بيتها كلش
رفعت راسـي انتبهت لنضراته الـي واضح بـيها اعجاب ابتسمت ونزلت راسي
وصلونه للبيت و راحو
عسل
دخلت للبيت عيوني تدور على امي خايفه عليها شفتها كاعده تخيط والاكل حاضر بالصينيهه ركضت عليها بستها وكعدت اكـل وياها
ام عسل: يمه اليوم من رجعت للبيت كلت اروحن اطمن على ابو زينب خطيه رحت سويتله اكل ورجعت للبيت
عسـل:يي ماما زين سويتي خطيه بس لو تجمع فلوس علاجه يتحسن
ام عسل: اي والله خطيه ضل يتشكرني
سولفنه شوي ورحنـه انـام
فزيت على دكت الباب كمت بتعب فتحته
-منووو-
زينب: عسوله فتحي الباب اني زينب
كمت فتحت الباب دخلت محضره نفسها
-يلا بدلي-
هزيت راسي اي كمت بدلت سلمت على امي وطلعنه وصلنه لبيت الشـيخ تلكتنه لميس سلمت علينه رحنه للمطبخ شفنه ام اراي تطبخ
ومخبوصه
عسل :هلو خاله حبيبتي
ام اراي: هلا يمه
عسل:خاله ليشش دتشتغلين عوفي غير تنتضرين احنه نجي نسوي
تحجي وهيه تتحرك بين السنك والطباخ
ام اراي :يمه اليوم عيالـي معزومين وكله نسوان وزلم و اطفال منلحك
هزيت راسي اي وبدينه نشتغل وياها ونسوي الاكل
ام اراي:اكلج يمه شنو ولا وحده منكم عدها تلفون
هزينه راسنه لا
ام اراي: لعد شلون اذا احتاجكم تجون
عسل: والله خاله ماعدنه
زينب:خاله هوه احنه فلوس علاج ماعدنه انوبه تلفون
حجيتها واني اذكـر ابويه لو مو مريض جان اني ماشتغلت خدامه اتجمعت الدموع بعيوني نزلت راسي حتى لا تشوفني
ام اراي: علاج مالـ شنو
نزلت راسي مكدرت اسيطر على دموعي تنزل بدون توقف
زينب: عـلاج الابويه اتمرض وحتى حركـه ميكدر يتحرك
ام اراي: لا حول ولا قوة الا بالله
اجت مرت كرار ساعدتنه كملنه الاكل ونقلنا بالديوان
عسل
اول مادخلت ضليت صافنه من الناس الهواي
الديوان متروس زلم ونسوان خفت كلش كمت ارجف احس الصينيه تهتز وياي منضرهم حلو ويخوف زلم نسوان اطفال شي حلو بس يخوف لان الكل عرفني خدامة بيت الشيخ
اتقدمت بتجاهم احس الانضار كلها صارت عليه واسمع جمـل بس ماعرف من اليكولها هلكد ما هوسه
-هاي الخدامه مالتهم-
-يكولون هاي الخدامه رخيصه تبيع روحها ماعرف الشيخ شلون قابل تشتغل عنده-
-چا هاي اهلها شلون خلوها تتشغل بالبيوت-
انتبهت لمجموعه بيها نسوان ووبنصهم كوثر جانو يحجون بصوت شبهه عالي
-خايبه كوثر ديري بالج على رجلج لاتخطفه هاي الخدامه-
انقهرت كلش بس غلست عليهم اما الزلم الميعجبه والنضراته غير لائقه والممهتم مشيت واني شايله الصينيه وخايفه اوكع كدامهم واتفشل ضليت اردد بقلبي
-خدامه ولا ابيع نفسي - انتبهت الـ اراي اول مدخلت جان يباوع بالتلفون ومن اتقدمت وكلهم سـكتو صار هدوء انتبهلي خزرني وكـام بتجاهي شـال الصينيه مني وهمس بصوت ناصي -طلعي-
رجعت للمطبخ بعد صواني هواي لازم اوديها بس خاف اراي ميقبل لا شنو ميقبل غير هذا شغلي يمكن هوه خجل مني لان مبهذله بس لا شنو غير اني مجرد خادمه ماله الحق
احجي واجاوب نفسي رجعت اخذت صينيه و فتحت الباب اتمركزت عيوني على اراي الجان هوه هم يباوعلي خزرني وكـام هم اخذ الصينيه مني وهمس بصوت ناصي -اكسـر رجلج اذا اجيتي بعد - جاوبته بصوت ناصي -هذا شغلي ترا- خزرني وهمس-مثل ماكتلج اكسر رجلج اذا اجيتي - اخذ الصينيه وراح
واني رجعت للمطبخ
زينب
اني احضر الاكل واصبه و عسل تودي الهم
اخذت الصينيه وراحت وره دقايق رجعتلي ترجف سالتها شبيج حجتلي عن الناس وكلامهم هزيت راسي ساكته
اجت ام اراي وجهت كلامها الي وهيه تلهث من التعب
ام اراي: زينب ماما صعدي الصينيه لـ ايمن بغرفته
كملت كلامها وهيه تباوع لعسل
-عسل حضري الجاي بسرعه حتى من يخلصون نصب
عسل: تمام
واحنه دنحجي اجه اراي جود اخذو الصواني الباقيه وراحو
زينب
حضرت الصينيه صعدت بيها فوك دكيت الباب ماكو رد رجعت دكيته هم ماكو رد فتحت الباب بخفه دخلت الصينيه وشفته نايم ضليت حايره اكعده لو شسوي
اتقربت منه شعره مبعثر على وجهه حاضن المخده حيل اليكول راح تهرب
صحت بصوت ناصي
-اخـي اخـي -
ماكو ميرد رجعت رفعت صوتي شوي
اخـي اخـي
هم ماكو رد قربت من اذانه صحت بصوت عالي
-اخييييي -
فز مخروع صفن بوجهي حتى يستوعب كام بسرعه اشرتله على الاكل
ضحك بصوت عالي وكال
ايمن: هسه حسيت بمعانات جود من نكسر الباب على راسه ونصيح بصوت عالي حتى يكعد چا هوه هيج تكعدين الواحد رحمه لوالديج
ابتسمت وكتله
زينب: ترا مسويت شي
ايمن: يا مسويتي شي چا انه غير ردت اسطرج راشدي لو ما لزمت رووحي
زينب: اسفه بس هذا الاكل
ايمن :لا تعتذرين
ابتسمت التفتت حتى اطلع وجان يطفر كدامي
ضليت صافنه نزلت راسي بخجل وحاولت اطلع بس كل ما اصير بجهه يصير كدامي
همس بصوت ناصي
-لا تكولين اخي بعد -
رفعت عيوني بعيونه مصدومه
ابتسم يباوعلي
حاولت اطلع لزم ايدي قوي سحبها عليه
صار كدامي كلش خـزرته عاف ايدي بسرعه
ايمن:اسف بس ردت اسالج لو انتي بدالي وورطج جـود شسوين؟!
ابتسمت وكلت
زينب: اذا اكو أمل انو تحبها فـ كمل الخطبه رسمي بس اذا متتقبلها عوفها احسن ماتعلقها بيك وتكسرها
هز راسه اي عفته وطلعت
عسل
داحضر الجاي وحسيت شخص وراي التفت شفته اراي اقترب كلش خمس خطوات تبعدنه عن بعض
طلع جكاره ورثها سحب نفس كال بحسره
اراي: صـرت كلما اشوفج ادخن بهذلتي احوالي
رفعت عيوني بعيونه ساكته ممستوعبه كلامه
ابتسم ابتسامه خفيفه قرب مني اكثر نزل رااسه عيونه على شفتي الترجف من الخوف ابتسم اقترب مسافه قريبه بين شفته وشفتي يلهـث عيوونه ذبلانه يراقبني خـله ايـده على خصري يضغط قـوي
انصدمت ضربته حيل ع صدره باوعلي ساكت وابتعد شوي خزرته همست بصوت ناصي
عسل: مستحيل تكدر توصلي انتبه مانطي نفسي اني مو رخيصه اني مجرد انجبرت ع هل شغل لا عبالك ابيع روحي علمود الفلوس
خزرني ابتعد وحجه بعصبيه
اراي: لا عـسل انه مو هـيج انـه اشوفج مثل الطفله بريئه مستحيل اقتربلج بالحرام
اقتربت خزرته وكلت
عسل : تحاول تضحك عليه اااانته مزوج اصلا وهذا التصرف السويته قبل دقيقه شنو مو حرام؟!
طلـع جكاره حاول يورثها ماشتغلت الجداحه
خزر الجداحه (مدري ليش) جـر نفس قوي وشمر الجداحه بالحايط دور على جداحه ثانيه اقترب مني مـد ايده خزرته دفعته قووي جبل مايتحرك ثابت ميـل راسه شوي وعـيونه بـعيوني التفتت ماد ايده على الجداحات الوراي اخذ وحده وابتعد ورثها وكال
اراي: مسيطرت ع نفسي كدامج اضعف.
رفعت اصبعي بوجهه اهـدده
عسل: لا تتقرب مني احسلك شنو ذنب زوجتك هيج تسوي بيها
سحب نفس من الجكاره ابتسم بستهزاء
اراي: انـه مزوج بس بالاوراق بس بالاسم يعني
صفنت عليه يحجي ويدخن تخلص الجكاره يورث غيرها. سحب اخر نفس خلصها
اببتسم وكال -سوي اكل بالصينيه-
هزيت راسي اي سويت بسرعه باوعت عليه ابتسم و كال
-خلي بالكاع-
خليته اتربع كدام الصينيه اشرلي اكعدي خزرته وهزيت راسي لا كام قرب مني يخزرني حجه من بين سنونه -كعدي -
كعدت مـد ايده وبـده ياكـل واني صافنه عليه ابتسم وكال
-اكلـي-
عسل : ماريد
اراي: اكـلي كتلج لتعانديني
عسل :ليش متاكل يمهم بالديوان
اراي: مايعجبني اكلـي وسكتي
مديت ايدي اكل شوي شوي وهوه يباوعلي مبستم. رفع ايده يريد يوكلني همست بصوت ناصي -ليش هيج دتسوي- اتجاهل كلامي خزرني وهمس -اكلـي- سمعت كلامه واكلت
نزل راسه على الاكل وكـال
-الحلوه تاكل من ايديه -
باوعت بوجهه نضراته حلوه اول مره هيج يباوعلي ابتسم وهمس
اراي: لتخافين نيتي صافيه
عسل: ماخايفه بس متسغربه تصرفاتك وياي
ضحك وكال
اراي: حقج هوه انه هم مستغرب من نفسي
كملنه اكل شلتهه صبيت جاي شرب شوي وانطاني اشرب من نفس مكانه شربت وهوه هم رجع شرب من نفس المكان
نزلت زينب يمنه واراي عافنه وراح
زينب :لجج لو تشوفين شصار
عسل :شصار؟
زينب: من اخذت الاكل الايمن
طلعت من غرفته صارت كبالي بنيه اول مره اشوفها حشه خلقة الله كلش شكلها مقرف يعني مثل جـود من وصف هذيج الراد يخطبها المهم باوعت عليه من راسي لـرجلي اليكول تاخذلي سونار خزرتني وكالت
-شعندج هنا؟!
زينب : صعدتله الاكل
-انتي خدامه هنا؟!
زينب: اي
-خوش بعد ممنوع تصعديله الاكل خلي اخوانه يصعدو
حجه جود من وراها
جود: بعدج مصايره زوجته وهيج تـتأمرين بكيفج
باوعتله صفح وكالت
-قرينه الفاتحه
عدل شعره. ابتسم وكال
جـود: بعدج محرمه عليه
صفنت ع جود شوي وهمست
-صوتك يشببه صوته
توتر كلش فتح عيونه مصدوم ابتعد وراح
طلع ايمن بيده الصينيه اشرلي حتى اخذها اقتربت منه اخذتها وصارت ايدي على ايده ابتعدت بسرعه وكفت ع الدرج متوتره سمعت صوته وهوه يصيح عليها ويكلها
ايمن: لا تدخلين بعد ووممنوع تحجين ويه زينب هيج
ردت عليه
………
يـتـبع
طبعا ماننسه فوز العراق بخليجي 25 ❤️
Bạn đang đọc truyện trên: AzTruyen.Top