اول مرة ياكل کلبي الخوف
اول مرة ادخن حتى الكطوف .!

~~~~~~~~~~~~~~~~~~~~~~~~~~~
اراي
رجعت من الشغل تعبان صعدت سبحت وبدلت ملابسي خليت عطر ونزلت اشوف اهلي جود وكرار وسيف طالعين نجم ماعرف وين امي وابوي بـ بيت عمي باقيه مرت ابوي وبريه واختي لميس و ديمه مرت سيف كلهن فوك نايمات. نزلت للمطبخ ادور شي اكـله سمعت صوت كوثر تصيح وتغلط تعصبت كلش لان مبين تحجي على عسل دخلت شفتها حاطه راس عسل بالسطله البيها ماي مال مسح وصخ كلش وتكلها
كوثر: بعد لا تتقربين من زوجي
وعسل متسوي شي اعرفها تخاف على شغلها من اشوفها هيج انقهر عليها كلش رغم دائما اقسي عليها واقهرها مشيت يم كوثر دفرتها قوي حتى تعوف البنيه لزمتها من شعرها وضربتها خليت راسها بالماي مثل ماسوت بـ عسل صيحت عليه وغلطت

اراي:انه بحياتي كلها ما مـاد ايدي ع بنيه بس انتي تجبريني اكسرج تكسر لسانج لزمي حتى ماكصه الج

سحبتها من شعرها و طلعتها برره المطبخ

عسل

نزلت راسي مقهوره على كرامتي الانهانت وماكدرت اسوي شي بچيت بقهر اقترب مـني مسح وجهي بـملابسه لزمني من ايدي سحبني للماي غسل وجهي و فتح شعري غسله جاب شامبو على شعري وغسله واني مصدومه شعري طويل شفته هواي تعب خطيه جاب شفقتي وغسلها سحبني لغرفة جود طلع شسوار ونشف شعري هذا كله واني بس صافنه ماعرف شحجي شسوي عافني وراح ضفرت شعري و نزلت للمطبخ كملت شغلي

ابد مالي واهس تعبانه كلش ومقهوره ملابسي شوي مبللات

دخلت عليه العجوزه ماخلص اليوم منهم

وبريه:سويلي چاي بسرعه وخلي خاشوكتين شكر

سويتلها ونطيتها شربت شوي وجان تشمر الكلاص وتصيح

وبرريه:تااااارسته شكر تريد تصعد السكر عندي وتموتنيييي الرخيصصصه تربيت الشوووارع

واكفه عادي مامهتمه لكلامها لميت الكزاز بدون ماباوع بوجها ماحس اله نسحبت من شعري ينترر بوجهي بصوت عالي

نجم:تريدييين تموتين اميييي بنت الكلب اليوم محد يخلصج من ايدي اليوم اذبحج

باوعت بوجهه ممقهوره ولا مهتمه وهوه يسحب بشعري اقوى يكفر ويفشر سحب شعري صارر وجهي بوجهه تفل بوجهي ويكفر

اراي

طلعت ويه سيف وكرار و جود همه يسولفون وانه تعبان اريد انام

جود: چا ولاك سيوفي هسه انته مقتنع بمرتك؟

سيف: انجب چا غير بنت عمي وابوي خبصني بيها اله تزوجها وانه ماحبها بس زواج تقليدي
وبعدين يصير حب

جود: چا انته اله تسمع كلام ابوي

سيف: يول غير هذا الشيخ فاقد

جود:يول خالي سالفتكم تقهر هذا اراي انجبر يزوج كوثر علمود يسد حلك عشيرتها وانته سويف ازوجت ديمه علمود كلام ابوي چا ضليت انه ماتزوجوني وتكسبون بيه ثواب

كرار: انجب لك بعدك زعطوط

جود: وحـق علي بس كرار عنده حض ازوجها عن حب

كرار: يول لا تحسدني يول

اراي: بس خل تنسد سالفة نجم نهائياً اطلكها واخلص

كرار: چا واذا حملت شلون؟!

ضحك بستهزاء
اراي:اكسر راسها واطلكها

كرار:يول ماعندك قلب انته يول غير ابنك

اراي: يمعود ماداخل عليها اصلا ليش تخليني احجي هيج كدامكم بعدها بنيه

جود: يول انته شكد شريف يول مادنت نفسك عليها

اراي: لو تصير ملكة جمال ماباوعلها اصلا مابقيها عدنه الماتحترم ابوي وامي بالنعال ماحترمها دتشوفون اكومها بكتله وانومها بكتله مجاي تجر عدل خبلتني

سيف: ع اساس العندي شلونها خرب لو ما ابوكم چان ولا ازوجها

جود: چا ضلينه بس انه و ايمن ما مزوجين

اراي: دكوم كوم زعطوط ويفكر بالزواج كومو خل نروح للبيت تعبت

رجعنه جود راح لغرفته وسيف راح يسبح
وانه وكرار سولفنه شوي وجان نسمع صوت نجم يكفر ويفشر على عسل رحنه بسرعه شفنا تفل عليها وضربها ركضت انه جريته من تشيرته ودفرته ببطنه وضربته راشديات خوفي على هل بنيه عماني صرت اضربه قوي وجهه اتدمه حلكه طك دم ايده طلع منها دم

عسل
انسحب قوي من تيشيرته انطك راشدي

غسلت وجهي بسرعه دموعي اختلطت ويه الماي غسلت مره ثانيه حتى لا ابين باچيه

كرار: تتعده على بنيه كلب لك لو بيدي اتبره منك وحق علي

كرار يصيح على اخو واراي لازمه من تيشيرته ويضرب بي

نجم:لاكك تضربنييي علمود بنييييه

اراي:هاي البنيه تسوه راسك تسكت على اهاناتكم وضربكم الها بس حتى لا ترجع تشتغل بالشارع وحتى تاكل بالحلال مو مثلك رجال شكدك وشكبرك تاخذ فلوس من امك كلب خايس ثاني مره اذا شفتك سويتلها شي وحق علي. اخيسك بالسجن

كفر وراح وجهه كله دم وامه راحت ورا تبچي وكرار راح يصيح على امه لان مدللته

واكف كدامي العطف واضح بعيونه نزلت راسي كدامه لثاني مره انهان وماكدر ادافع لنفسي اقترب مني رفع راسي وهمس يم اذني

اراي: شلون احميج فهميني؟

دفعت ايده على كيف والتفتت اكمل شغل واكف وراي اقترب مني مسح دموعي. وهمس

اراي: دافعي لنفسج لتسكتين محد يكدرلج وانه بضهرج

سكتت كملت شغل وهوه طلع جكاير دخن وذب حسره وراح

صبيتلهم العشه خلصو غسلت المواعين رتبت بسرعه الصاله ورجعت للمطبخ حضرت نفسي حتى اطلع صارت كدامي ام اراي

ام اراي: انتضري ابني يوصلج بنيتي

هزيت راسي لا
رجعت عادت جملتها

عسل: لا خاله عوفيني اطلع وحدي كلش مخنوكه عوفيني حبابه

هزت راسها ساكته عبرتها وطلعت من الباب اتمشى وحدي ضلمه وغيوم ومطر قوي وهوه بارد من الجهتين بساتين بس شارع الاني امشي سيارات كلش قليله ويه كل خطوه امشيها احس بيها تعب سنين ويه كل دمعه تنزل مني احس وراها انهيار واستسلام مشيت ممهتمه للشارع اليخوف الامشي بي بس ردت اوصل للبيت وابچي براحتي

مشيت ويه كل خطوه اذكر وفاة اختي الجوع
الفقر العايشين بي اذكر من اتصنع القوه كدام امي حتى لا تنقهر عليه اذكر اعصابي الالزمها من كوثر تاذيني وتهيني ومن نجم ضربني وتفل بوجهي اذكرت كلمة خدامه التنذكر هوتي هواي اذكر انهيار ابويه كدامي وهوه ينهان وينضرب حتى بس يجيب اكل النه اذكرر المرض الزاد عليه واتوفى

اذكر وصيته من يكول امج واختج امانه عندج حافضي عليهم وعلى نفسج كلشي اتحملي بس لا تبيعين نفسج الاحد كلشي انطي بس لا تنطين شرفج لو تنجبرون تعيشون بالشارع عيشو بس لا تنطون شرفكم

مكدرت احافظ على اختي يابويه مااتت من الجوع كدامي اشتغلت ليل ونهار علمود اجيبلها الاكل بس ضلموني ومانطوني فلوسي تعبي راح ابلاش
من راحت يابويه انهد كلشي
انهدم حيلي يا بويه
تعبت كلش يا بويه وينك ساعدني وينك خلصني يابويه ليش ماخذتني وياك باابا ليش عفتني بـ هاي الدنيا تعبت كلش انكسرت

انهاريت واني اذكر كل هاي المواقف كعدت بالكاع ابچي بصراخ ماهمني احد يشوفني بكد الكسره والحزن البقلبي قطرات المطر التنزل على وجهي ماتطفي نار قلبي كعدت ابجي واكول تعبت تعبت كلش تعبت اااااخ يانار قلبي اوووف ياكسرتي الماكو منها تعبت وحق رب العباد تعبت ماضل عندي حيل اتفاجئت بـشخص يحضني الدموع جانت بعيومي ماشوف غواش صحتتت بخوف

عسل: منووو منو انت منوو عوفني والله لتسويلي شي حباب

عند اراي

بالغرفه كاعد اكلب التلفوون الجو كلش بارد الهيتر مشتغل كدامي وهاي كوثر تفتر فوك
راسي وتحجي على امي

كوثر:تراضه ترضه تكلي كومي سوي چاي انييي كوثر بنت جاسميه امك تكومني اسويلها جايي انه مووو خدامه هيج تكومني امك

اراي:كملتي لغوه؟ كومي سويلها چاي يلا بسرعه

كوثر: كل عقلككك تحجي.خليت الخدامه عسل تسويلها

اراي: اذا ثاني مره سمعتج تكولين خدامه انهيج فهمتي

نزعت دشداشتها واقتربتلي عود تريد تغويني دفعتها حيل وكتلها

اراي:كومي سويلي جاي بسررعه

كوثر: ماسوي سوي لنفسك كوم انته

خزرتها لزمتها حيل من شعرها

اراي: كومي لاكسر راسج

حجت وهيه خايفه
كوثر: ماااعرف ماعرف

اراي :استغفر الله كومي خلي عسل تسويلي كومي كليلها ويا ويلج اذا شفتها ضايجه بسببج ادفنج هنا فهمتي

كوثر:مموجوده مموجوده الخدامه راحت

فتحت عيوني مصدوم

اراي: وين راحت ومنو وداها

كوثر: راحت وحدها للبيتها كون عساها ولا رجعت هل رخيصه بنت الشوارع

غلست عليها وكمت بسرعه نزلت ادور عليها ماكو صيحت بصوت عالي

اراي: ساعه بـ 12باليل شلون تخخلوها تروح وحدها

طلعت امي على صوتي

ام اراي:هيه مقبلت احد يوصلها جانت مخنوكه كلش تكول اريد اتمشى

اراي: بربج يمه چا غير هيه بنيه وحدها بنص اليل هسه اذا صارلها شي يبلونه النه

ركضت صعدت للغرفه جريت السويج والتلفون وركضت للسياره شغلتها وسقت

دورت عليها بنفس الطريق التمشي بي ملكيتها
استسلمت وكلت ارجع من تقدمت سيارتي شوي لمحتها ويه هاي المحه رجف قلبي عليها كاعده بالكاع وجها وملابسها كلهم مبللات تبچي انهيار وصوت عالي شايله هموم بكد الجبال نزلت من السياره واني اباوع عليها مسمعت صوت خطواتي بسبب صوت المطر القوي كعدت بمستواها وحضنتها قوي تصيح بخوف مني قطرة المطر على عيونها مبينه غواش مكدرت تتعرف عليه قويت حضنتي عليها
ا

راي: اششش اششش انه اراي انه اراي لتخافين

هدئت شوي صار اسمي يطمنها بعدها عني محبيت احرجها واسألها ليش تبجي واضح همومها كبيره

اراي: تعاي اوصلج

هزت راسها لا

اراي: عسل ماخليج تمشين وحدج احنه بـ ريف بغداد المكان خطر عليج

عسل: خليني هيج مرتاحه جوه المطر والله عوفني اني ارجع

اراي: خوش چا انه هم امشي وياج اعوف سيارتي هنا ونتمشى

هزيت راسي اي

راح لسيارته اخذ التلفون منها وسحب السويج بجيبه وتمشينه سوه

اباوع بوجهه حيل رجف قلبي عليه ملابسه كلها مبللات شعره متخربط ومتبلل وجهه كله ماي ابتسمت مجرد شفت شكله

اراي: شكلي يضحك مو؟

عسل:لا بالعكس

ابتسم ورجف قلبي على ابتسامته ونضراته ماعرف افسرهن

اراي: من شفتج رجف قلبي

رفعت عيني بعيونه احس غركت بنضراته ابتسمت و وصلنه.
وكفت بالباب وهوه يبتعد

صحت بصوت شوي عالي

عسل:شلون راح ترجع؟

ابتسم وكال

اراي:مثل ما اجيت

عسل:مشي؟

اراي: لا زحف

ضحكت وهوه ابتسم لضحكتي

اراي:اي مشي عادي السياره قريبه اصلا

عسل: لعد ممكن تنتضر اجيبلك ماي بسرعه؟

اراي: ماشي راح انتضرج بالباب استحي ادخل

دخلت للبيت عيوني تدور على نضر عيني على امـي صـرخت بصوت عـالي دخل على صوتي اراي وكف مصدوم من شاف ...............

يـتـبـع

حسابي الانستا o.za.h