هلاو فرولاتي 💚

~~~~~~~~~~~~~~~~~~~~~~~~~~~~
فتحت الماي البارد ردت اخلي جان ايدي تنلزم رفعت عيوني بعيونه خازرني سحب ايدي يباوعلها حمره كلش وبيها فركاسات منفوخه طلع عصاره من جيبه فتحها وخلاها بـ حذر على ايدي الاحسها نار يمسح خفيف على الحرك ارتاحيت كلش لان العصاره بـارده يخلي وينفخ خلص عاف العصاره والتفت حتى يروح صحت عليه وتشكرته

عسل: شـكرا

جاوب بدون اهتمام

اراي: ثاني مره دافعي لنفسج لا تضلين جبانه

باوعت بوجهه واني احجي بثقه

عسل:لو ما اخاف انطرد من الشغل جان دافعت النفسي

بدون ميحجي عافني وطلع اجت ام اراي خايفه وجود وياها

ام اراي : يمه تأذيتي ؟ حسبي الله عليها

هزيت راسي لا

جود : چا يمه ماتخافين عليه هيج هاي لو انه احترك چان هلهلتي

ام اراي: عزا شبيك يمه شني هل حچي

ابتسمت والتفت حتى انضف وكف كدامي وهوه يضحك

جود: ولج لو تشوفين والعباس انطكت راشدي فر وجها فرر ههه

استغربت باوعت عليه مفاهمه ضحك وكال

جود: من انتي ركضتي تبچين اليكول شمرت عليج قنبله المهم اخوي اراي كام وهفها براشدي وخزرها حتى تصعد

عسل: ليش هاي شتصير منكم؟

ضحك وكال
جود: چا غير مرت اراي

عسل: هاااا لعد حقها تغار عليه

ضحك مستهزء هز ايده معاجبه
جود: والله بطرانه روحي روحي بعدج متعرفينه

استغربت حاولت اغير الموضوع لان عيب اتدخل هيج

عسل: شنو معنى اسم اراي؟

ابتسم وكال

جود: اسم من اسماء الأمام علي عليه السلام

عسل: عليه السلام شكد حلو اسمه

هز راسه اي

عسل:صدوك انته شكد عمرك؟

ضحك وكال
جود: انه 19 وسيف 24 و اراي وايمن 26 اراي اكبر من ايمن بشهر

عسل: لعد ولميس

جود:لميس 10 سنوات ...وانتي؟

عسل: العمر كله اني عمري 20 يعني لازم تحترمني

ضحك وغمز كال
جود: انه احترمج بس حتى لا يجيني راشدي من اراي

سكتت معرفت شحجي راح واني بديت اشتغل طلعت للديوان نضفته و عدلته لان كله اكلاصات وصخه و نفاضات الجكاير شلتهم عدلته وسمعت صوت صياح ركضت اشوف شكو وجان اشوف اراي و اخو نجم

اراي: كافي تسوي مشاكل كل يوم كعده عشائريه بسببك شتريد انته ها شتريد ولك قبل فتره سويت مشكله ورادو لميس فصليه كوه سويناها بـ فلوس واليوم من اطلع مداهمه للملاهي اليليه الكاك هناك وانه الاطلعك نجم تحترم نفسك وتمشي عدل لاكسر راسك

نجم: وانته شعليك لك انته شكو لميس اختي مو اختك انه الاحميها مو انته مالك دخل

اراي :حيوان لميس اختي وغصب ما عليك وانته هم اخويه انه المسؤول عليكم من بعد الوالد خوش تحميها بسبب مشاكلك رادوها فصليه لو ما انه وابوي قنعناهم بالفلوس

عيون حمر خازره ويحجي
كمل كلامه
اسمع زين نجم وحق الخلقك  اذا طلعت مداهمه ولكيتك بـ ملهى اكسر رجلك واخيسك بالسجن فهمت

اجـه كرار على صوتهم سمع اليحجو وكال

كرار: لك نجم تجر عدل وتسمع كلام اراي وغصب ما عليك

عافهم وطلع

اراي: لك كرار راح يخبلنييي كلما اطلع مداهمه اشوفه هناك يشرب ويتمركص اضل حاير هذا اخويه اسجنه لو لا بس اكول اذا سجنته شيخلصنه من السان امك وبريه

ضحك واخذه وطلعو

رجعت للديوان ارتب خلصت وصعدت لغرفة خاله ام اراي نضفتها ورتبتها حسيت احد وراي التفت بخوف خزرته

عسل: اتفضل؟محتتاج شي؟

نجم: لا مامحتاج

عسل: ماشي لعد شعندك هنا ؟!!!!

ابتسم وهوه يباوع بوجهي اتقربلي لزم خصري بيده و قرب شفته ضربته بصدره قوي وضميت شفتي بحلكي واني ابچي دفرته قوي على مكان حساس صرخ بصوت عالي واتقرب ضربني راشدي قوي صيح صوت ورا ركض لزمه من تيشيرته قوي وضربه راشدي دفعه وتفل عليه

اراي: كلب حيوان اليوم افلش وجهك

صرخ بصوت عالي وهوه خازرني
نجم: اني شعليه هيه تحارشتتتت بيه

رجع اراي ضربه راشدي

اراي: عبالك مشفت ولك كلب شفتك ردت تبوسها اليوم اربيك من جديد
ابتعد جر الحزام وبده يضرب بي.
اني واكفه مصدومه وبس ابچي وارجف

اجه سيف على صوتهم يركض صاح عليه ااراي حتى ياخذني للمطبخ سمعت كلامه ونزلت للمطبخ واني ابچي وارجف

بچيت بقهر

عسل: اراي ضرب اخو بسببي

سيف:لا تخافين يمعوده هذا مكفخه متعود ينضرب مرات اراي يوصله للموت وهذاك ميجوز من سوالفه

كعدت خايفه مسحت دموعي
عسل: شلون يضربه هذا مو طفل حتى يسكت خاف يأذي اراي

سيف: لا ميكدر انه وكرار وايمن وجود ويه اراي شحده يوصله

ابتسمت مطمئنه مسحت دموعي ووكفت
عسل:هوه هذا نجم شكد عمره؟!

ضحك وكال
سيف: ماعرف شلون راح اصارحج نجم عمره 30سنه وكرار 27

فتحت عيوني مصدومه
عسل:عزا. اكبر من اراي لعد شلون اراي يضربه

هز كتفه يعني مادري

التفتنه الجود يخرمش بوجهه بضحك ويصيح

جود:يبوووي يبووووي شبيها عسيله تبچي بس لا كتلتها كوثر

ضحكنه هزيت راسي لا

سيف:امشي ولي مطي

جود: عسل والعباس هذا هم مزوج واذا مرته شافته هنا والله تسحححله

سيف:تتخسه لك موش انه التمشيني مرتي

جود: خاااااب دنجب منو البارحه الجان يتوسل الها تعوفه يطلع ويه جماعته وهيه لازمتلك الصونده ومتقبل

سيف: ههه تخسه حيوان

دخلت لميس يمنه شالها سيف يبوس بيها

جود: تعاي لميس باعي كولي الابوج ابو النسوان خل ينطيج فلوس وتعاي انطيهم الي خوش خيتي؟

هزت راسها لا

جود: خوش تحلمين انطيج موبايلي بعد

سيف: انه انطيج لموسه معليج

اباوع عليهم مبتسمه شكد حلوين سوه غيرولي نفسيتي راح جود وسيف واخذو لميس وياهم ضليت اني كاعده ماعندي شي

دخلت المره الجبيره تتوعد وتصيح تفشر

وبريه:انتي لووو شريفه متتحارشين بـ ابني

فاتحه عينني مصدومه هاي وياي دتحجي لو شنو
لزمت شعري حيل جرته وتضرب بيه دفعتها عني على كيف صيحت

وبريه: يبووووووي تضربنييي ولكم الحكوني

اباوع عليها ماعرف شسوي هوه اني حتى مدفعتها قوي

دخلت ام اراي تدافعلي وهذيج اتفشر وتصيح

ام اراي صح جبيره بس حلوه بس مدري شلونها مو معقوله مزوجها الشيخ ضليت صافنه لحد اجتني ضربه على حلكي طلع دم

دخل ااراي متخبل صيح عليها وطردها من المطبخ وهوه يغلط على نجم

طلعت وام اراي هم طلعت وراها بقه اراي واكف كبالي اقترب ومسح اصبعه بحلكي غسل ايده وكلي

اراي:غسلي حلكج

رحت غسلت ووكفت كباله لزم ايدي وشافها صارت زينه شوي بي اثار حرك بس احسن من قبل

اراي:خلصتي شغل؟

هزيت راسي اي

اراي: خوش خل اوصلج للبيت

طلعت ورا واني اسمع صوت مرته تصيح

كوثر: شكو انته توصلهاااا لك شكو انته شعندك وياها

حسيته تعبان كلش ماله خلك يناقشها خزره وطلع صعد السياره واشرلي اصعد

صعدت وطول الطريق ساكتين
هيه ام اراي رادتني ابات بس مستحيل اكدر اعوف امي وهم همه يخوفون ماعرفهم كلشي يصير

وصلنه للبيت نزلني وراح دخلت للبيت سلمت على امي السوده عليه متاكل الا تنتضرني اجي
كعدت يمها سولفنه انتبهت لـ الايدي صاحت بخوف

ام عسل:يممه هاي شنو منو ماذيج شنو هناك يعذبوج بعد ماترحييين والله ماخليج

ابتسمت وكعدت اطمننها

عسل:ههه لا ماما فتحت الماي الحاره لان عبالي بارد واحتركت

جرت حسره قويه ابتسمت بقهر وهيه بس ترمش تنزل دموعها

ام عسل:لا تشتغلين عسل خليني اشتغل شغلين بيوم ولا انتي تشتغلين بنيتي

ابتسمت اقتربت مسحت دموعها بستها من راسها وشلت ايدها بستها

عسل: ماما متكدرين انتي خليني اني اشتغل احسن ماتخسريني مثل ماخسرتي اختي الصغيره حبابه عوفيني احسن ماتخسريني

بچت بحسره وهيه تدعيلي يحفضني الله الها بچت وهيه تدعي الاختي بالرحمه بچت وهيه تذكر اختي من ماتت من الجوع بوكتها اني مشتغلت بس هيه اعتمدنه عليها جانت تمنعني اشتغل وهيه فلوسها مجانت تكفي لحد ما اختي ماتت من الجوع بچينه ولطمنه واخذت وعد على نفسي مستحيل انام يوم بدون شغل بچت وهيه تتذكر كلمات اختي قبل ماتموت دائما ترددهم

*عسسسل لازم نفتخر لان احنه من ايتام الأمام علي عليه السلام * جانت تحجيها بـفخر وحب يومين مماكله مانمحت ضحكتها نامت والموت خذاها ماكعدت كعدناها ماتكعد امي تخبلت تلطم على وجها وتكطع شعرها واني صافنه بوجهه اختي الذبلان خلصت من الفقر راحت عند رب العالمين اجو الناس على صوتنه اخذوها من عدنه وامي راحت وياهم واما اني طلعت ملابسها واحضنها واشمها

*اوف يا كـسـرتي الماكو منها *

تعبنه من اذكرنه وفاتها نمت بحضن امي التبجي من تتذكر اختي

كعدت الصبح تريكت وبدلت وطلعت وصلت لبيت الشيخ كعدت اشتغل بتعب وقهر ابد مالي خلك مشاكل

عند اراي
طبعا شغلي كلش يتعب اني ضابط برتبت نقيب كل فتره نطلع مداهمه على تجار مخدرات او ملاهي اليليه تلعب نفسي كلش من ادخل لهذيج المنطقه واتعب كلش اول مادخلت ملهى ليلي لعبت نفسي من اشكالهم ووجوهم وسوالفهم كلش انقرفت لزمتلي كم وحده مو زينه لو بيدي احركهن ولزمت كم خنيث

اول مارجع للبيت اختنك كلش من اشوف كوثر انه ماحبها ازوجتها بسبب اخويه نجم الكلب سواله مصيبه ويه عشيرتها ونطوني بنتهم مـو فصليه بس حتى نتناسب واحنه انطيناهم فصل اول مادخل تتلكاني هيه تحبني بس ماتعرف تكسبني شكلها ابد مايهمني واسلوبها يلعب النفس اتخبل منها خصوصا من تأذي امي ودي اكتلها بس مجبور ازوجها لحد ما تنسد الساالفه نهائي اطلكها نجم مطلق وعنده طفلين يم طليقته

رجعت للبيت تعبان وروحي طالعه انه اروح الصبح وارجع الضهر ومن يردوني مداهمه باليل يتصلون اروحلهم

رجعت الضهر تعبان صعدت لغرفتي بدلت ونمت فزيت على دكت الباب

اراي: منوووووووو

عسل
اول مدخلت اتلكتني كـوثر

كوثر:لج بعد ماسمحلج تخلين زوجي يوصلج فهمتي لو لا

عسل: اني شعليه جايتني روحي لزوجج كليله

تفلت عليه وراحت والله لو ما هذا الشغل اخاف انطرد جان لعبت بيج طوبه

كعدت اسوي الغده صبيتلهم كعدو

الشيخ فاقد:وين اراي المكرود

عسل: مادري عمو مانزل

الشيخ فاقد:چا مرته وين

جاوبته ام اراي

ام اراي:امها اجت عليها وطلعو للسوك

سكت شوي وكلي حضري الغده لـ اراي وصعدي اله للغرفه
فتحت عيوني مصدومه ماكدرت احجي هزيت راسي وسويت اكل وصعدته

دكيت الباب صاح منو مجاوبته والله استحي

اراي:الباب مفتوح

فتحت الباب على كيف واني شايله الصينيه دخلت خليتها على الطبله انتبهت لـ اراي يباوع ساكت رحت حتى اطلع وجان يلزم ايدي الفتت عاكده حواجبي وخازرته ابتسم يباوع بيدي وكال اتحسنت راح الاثر سحبت ايدي حتى اطلع وجان يصيح

اراي: اكعدي اكلي وياي

هزيت راسي لا بسرعه خزرني واني ميته خوف وخجل كمت حتى اطلع وجان يسحب ايدي حيل انضرب جسمي بجسمه وجهه صار بوجهي ذب حسره وصار يجر النفس كوه بعدني عنه واخذ ماي شربه وغسل وجهه شوي وكال

اراي: اكعدي اكلي ماعيد كلامي

هزيت راسي اي وكعدت اكل واني ميته خوف وهوه كل شوي يخلي كدامي انضرب الباب قوي وصوتها رج البيـت رج اقتربت مني لزمت ايدي قوي جرتني دفعتني من الدرج و………

يـتـبـع

حسابي الانستا o.za.h