رجوت عَينِي أن تكفُ دموعِها .
أغمضتِها كي لا تفِيضُ فـ امطَرت ..

'''''''''''''''''''''''''

غميتها وهيه تمشي بس مشافتني صاح صوت وراي رجفني التفتت بسرعه واني ميته خوف
وارجف

سيف: بعد غميها خويه بعد وحده

ضحك وهوه هم غمها انصدمت من رد فعله نزلت راسي وكملت اشتغل حتى لا اباوع بوجهه

وكف كدامي عكد حاجبه وكال

سيف: بـس ترا حـرام تغمين واحد بدون علمه

نزلت راسي خجلت كلش من السويته

كمل كلامه وهوه يضحك
سيف:بس عادي الحيه تستاهل صدك انتي منو؟؟؟

جاوبته واني خايفه من هذا البيت

عسل:الخدامه

خزرني وكال

سيف:قصدج المساعدة مو خدامه

ابتسمت وعفته كملت شغل هوه هم طلع. رحت سويت الچاي صعدته الها خزرتني واشرت على الميز البصفها خليته وكلتلي طلعي
نزلت حضرت الاكل ومسحت المطبخ طلعت ارتب الصاله والديوانيه مالتهم اني ارتب وجهالهم يخربطون كملت شغل ورجعت كعدت بالمطبخ دخل يمي ولد عمره بالـ19

جود: سلام عليكم

عسل:وعليكم السلام

جود: چا شلونج

جاوبته نفس كلامه
عسل: چا زينه

ضحك وكاال
جود :چا دوم

ابتسمت وكلت
عسل:چا تريد اكلك اني منو قبل ماتسأل ؟!

ابتسم وكال

جود:چا انه ادري انتي المساعده شيختنه كالتلي

سمعت صوت ناس تصيح وتسولف بالديوان
عسل: شنو هل هوسه شكو؟

جود: خويه هاي مصيبه مسويها عشيره ثانيه وابوي ديحلها

ابتسمت
عسل:ابوك شيخ؟

ضحك هز ايده وكال
جود: چا شني ماتدرين غير ابوي الشيخ فاقد معروف

كمل كلامه وكال
جود: چا خل اكيلج عليهم اول شي ابويه فاقد الفويسد هوه شريف بس انه هيج احجي المهم مخلف اراي و سيف وانه وبعد ثنين مزوجين بس خويه بيني وبينج ابوي يكول مافرحان بيهم بس من انه اجيت لهل دنيا الكشره ذبح ثور مو بس طليان

ضحكت وكتله
عسل: بس انتو الخمسه؟

هز ايده بـ ستهزاء رفع حاجبه وكمل

جود:چا انتي كل عقلج هذا ابـويه الفاسد ابو النسوان يكعد راحه غير مزوج ثنين امي وهاي ثانيه اسمها يضحك

عسل:شنو اسمها؟

ضحك وكال
جود:وبريه اسمها ههه معنى اعتقد وبر الحصان فهمتي؟ المهم مخلف منها خمسه كرار و نجم و لميس وثنين مزوجات

عسل:يااا يعني اذا نجمعكم تصيرون عشره؟!

هز راسه لا

فتحت عيوني مصدومه

عسل:شلون؟! غير عشره لا تكولي مزوج ثنين بالسر

ضحك وكال

جود : و ايـمن ابن عمي عايش ويـانه من الطفوله صـديق اراي المقرب والمفضل كلش

استغربت كتله
عسل:ليش ابو وين؟

ابتسم
جود: ابو عايش بس جانو عايشين بنفس البيت ويانه وايمن صار صديق ارااي الوحيد يعني اقرب من الكل اله يخاف عليه ويدافعله وهيج فـ ابو ايمن تمرض وصل للموت لهذا سافر هوه وام ايمن لـ اربيل حـتى يتعالج ايمن ضل هنا مكدر يعوف المكان العايش بي وميكدر يعوف اراي ضل هنا وشتغل ويه اراي و كل فتره ايمن و اراي وابوي يسافرون لعمي يشوفو ويرجعون

ابتسمت وكتله

عسل:بس شو هواي يجون زلم ونسوان بيتكم ويطلعون باليل

ضحك وكال

جود: چا غير اعمامي ونسوانهم شوفي احنه بيت هذا بي عائلتنه والبستان مالتنه واما البيت البصفنه بيت جدي بي عمامي ونسوانهم ودلهم فهمتي؟ والبساتين مالتهم

راد يكمل كلام وجان امه تصيحه

جود: اجييييت شيختنه اجيتتتت

راح واني ضليت صافنه كلت مدام اكو هوسه وناس هواي فـ اكيد لازم اسويلهم چاي
رحت بسرعه طلعت للديوان ماعرف عددهم بس كلت احسب الاحذيه (حشاكم) حسبتهم طلعو بالتسع اشخاص جاي ارجع للمطبخ وجان انلزم من ايدي حيل رفعت عيني صار كدامي خازرني ولازم ايدي قوي يمشي واني ورا احاول اسحب ايدي منه ماكو دخلني للمطبخ ودفعني قوي لزمت ايدي بـوجع و استغفرت واني اباوع بعيونه واخزره

حجـه من بين سنونه وهوه خازرني ومعصب حيل

اراي:انتتتـي مخبله شلون تطلعينن

رفعت راسي واني اباوع بعيونه بثقه

عسل: طلعت اشوفهم شكد حتى اسوي چاي على عددهمم ومالك الحق تلزمني فهمت

خزرني وهوه يقرب ويباوع بعيوني

اراي: لـج كلچ على بعضچ خلك خدامه لا تخلين عينج بعيني حتى لا اعميچ

حجيت بدون اهتمام

عسل:بضبط اني خدامه فـ مالك الحق تدخل بيه

هز ايده وحجه بستهزاء وهوه يباوع ببوجهي

اراي : الـي الحق اتدخل حتى لا تسوين تصرف او يشوفوج وتطلع سمعه علينه احـنه الشيوخ بسبب خدامه

اباوعله مستغربه هسه هذا مال الزمه واكسر الموعين كلهن على راسه هفف قاطع افكاري وهوه يمسح حذائه بالحايط مال مطبخ ويكلي

اراي : نضفي

استغفرت وطلعت وجبت الماسحه رحت امسحه وهوه واكف يباوع. دخل جود لابس سماعه ويتمركص يهز جتف ويضحك

جـود: يـمـه نـباااك رجـلـي داده نـبـاك رجلي

خـزره اراي ويأشرله اطلع

ضحك وكمل يركص ويصيح

نـص اليل غـطيته كعـدت الصبح مالكيته وداده نـباك رجـلي

لزمه اراي من كتفه وهوه خازره يمكن اني لو بدال جود ابچي من الخوف بس هوه يضحك وممهتم كـانو متعود على اخو ضحك وكام يصيح احوي احوي ويضرب على وجهه بضحك

صاح اراي وهوه خازره

اراي: چلب حيوان امشي اطلع بره لامسح بيك الكاع امشي مابراسك خير

ضحك وكال
جـود: والعـباس ابو فـاضل ماعوفك تروح تفترس البنيه وهيه فقيره

ضربه راشدي قوي اعصابه نار ويرجف عافه وطلع

وجود بعده يضحك ويهز بجتفه
انقهرت عليه نزلت راسي حتى لا يفشل من يشوفني شفته من انضرب

ضحك وكال
جود : خايبه متعود والعباس ابو فاضل معذور اخوي اراي هموم الدنيا كلها فوكا

هزيت راسي اي وكملت يا معذور شنو هل حقد اليخلي يضرب اخو هيج وشنو هـل طيبه الخلت جود ممهتم ومانقهر ولا عصب على اخو كملت شغل لحد اليل اجت طفله كلش صغيره سلمت عليه ابتسمت الها وكتلها انتي شسمج

لميس: اني لميس عمري 10سنوات اخت الشباب

ابتسمت امبينه بريئه وحبابه ضحكت وياها شوي وسولفت لحد ما اجت ام اراي

ام اراي: هلا حبيبه

عسل: هلا خاله حبيبتي اني كملت شغلي بعد لازم ارجع للبيت

هزت راسها اي. حضرت ملابسي عدلت نفسي وكملت طلعت من المطبخ فتحت باب البيت حتى اطلع وجان يصيحنني رجال التفت لللبيت وشفت رجـال چبير لابس بشت وعكال ولازم بيده سبـحه يسبح ويحجي مادري شلون عمره بال50 وكفت مستغربه

شيخ فاقد(ابو اراي):وين رايحه ووحدج تعاي بويه خلي واحد من ولدي يوصلج

عسل:لا عمو اني اروح ماريد اتعبكم وياي

ابو اراي: لا بويه ميصير شني زلم شكدنه شكبرنه مو عيب نخلي بنيه تطلع وحدها بهل ليل

هزيت راسي اي مستسلمه اكيد ماكعد اناقش شيخ كلامه صح

صاح لـ اراي حتى يجي يوصلني

صحت بخوف بسرعه
عسل:لاااا عـمو دخيلك خلي غيره

انتبه وهوه مصدوم ابتسم وكال

شيخ فاقد: خوش لعد خلي جود ابو المصايب يوصلج

ابتسمت راضيه

صاح جود وياريت مصاحـه نزل ويا اراي و بصفهم كوثر

ابتسمت بقلق واني خايفه يخلي اراي يوصلني

شيخ فاقد :جويد ابو المصايب يـول انگلع وصل البنيه البيتها

هز راسه اي اتقدم رفع ايده الابو ويكله

جود: ورق العزيز شيخنه ورق حتى اوصلها

ضرب ايده خفيف
شيخ فاقد:امشي يول وخر من وجهي لاسمطك براشدي ماعندي فليساتي خلصن

جود: چا بويه شني مزوج بـ سر وجاي تصرف عليها هوه منو ماخذ منك فلوس غيري

خزره وضربه بالسبحه خفيف

شيخ فاقد: ولاااك امشي وصلها لا تجلطني

ضحك هز راسه اي اتقدم يمي وچان نسمع صوت التفت مستغرب

اراي:تعال لك تعال جوود...بويه شني مودي هذا العار يوصلها ويضل دايح ميرجع للبيت بعد

ضحك وكال
جود: چا انته شعليك قابل مرتي وتريدني ماتاخر

خزره وكال
اراي:انجب جود ماكو طلعه وهاي انه اوصلها

اتقدم كدامي طلع واني طلعت ورا اسمع صوت كوثر تصيح ورانه

كوثر: ماكو مايوصلها والله اذا يوصلها انتحر وابليكم خلي سيف لو واحد من الولد يوصلها ليش انته والله ادمركم

التفت خزرها واشرلها تسكت هيه بسرعه سكتت وصلنه لسيارته صعد..اني ضليت واكفه اشرلي صعدي صعدت واني ميته قهر لان هذا المكروه راح يوصلني

ساق سريع واني ميته خوف نكدر نكول اني مخايفه من الموت لان ماكو واحد يضل عايش بس خفت اذا متت بسبب هذا المكروه منو يضل الامي

صحت بصوت ضايج

عسل:راح نندعم شبيك

نتر بصوت عالي وهوه خازرني

اراي: لج احجي عدل ماشتغل عندج لتخليني هسه اخليج كدام السياره وادعمج

استغفرت واني اتلافه اباوع بوجهه اليخوفني

كمل كلامه
اراي: لا عمي دخيلك خلي غيره انتي كلتيها مو؟! اكسر سنونج ثاني مره اذا سمعتج تحجين عليه فهمتي

مهتميت الكلامه صح انقهرت وضجت بس مبينت وصلنه للبيت نزلت وهوه راح دخلت للبيت شفت امي تسوي اكـل سملت عليها وكعدت الجو مطر قوي وبرق

عسل:شنو ماما ماكلتي؟!

ام عسل: يي يممه انتضرتج ناكل سوه

هزيت راسي اي صبت وكعدنه ناكل ونسولف كملت شلت الصينيه غسلتها بسرعه وكعدت يم امي

عسل:ماما

رفعت راسها ساكته باوعتلي كانو تعرف الاريده من نبرت صوتي

كملت كلامي

عسل: ماما لا تشتغلين بعد فلوسي بعد تكفي حبابه عوفي الشغل

اقتربت مني جرت راسي على رجليها تلعب بشعري وتحجي

ام عسل: ماماتي فلوس المسواك والايجار والغاز والملابس ميكفي راتبج حبيبتي لازم اني هم اشتغل خلينه نساعد بعض

هزيت راسي مستسلمه اعرف كلامي مراح يفيد هيه تنقهر اذا تشوفني اتعب واشتغل وهيه كاعده لازم هيه هم تتعب مثلي

نمت على رجلها براحه وامان

كعدت الصبح بسرعه كمت اكلت هواي حتى ماجوع هناك بدلت بنطرون فوكا بلوز طويل وشعري سويته ضفيره ولبس فوكا شفقه وطلعت للشغل

دخلت للمطبخ بسرعه خاله كلتلي غسلي المواعين مال بارحه وهيه هم خطيه غسلت وياي بس مكدرت تعبت واني كملت
سوينه ريوك وكلتلي ودي الهم طلعت ممن المطبخ اول مره اشوفهم مجمعين وفارشين السفره بالكاع االشيخ فاقد بصفه لميس الصغيرونه وبصفه من الجهه الثانيه جود و يمهم اراي وسيف و البنيه الخبيثه و ايمن ونجم ومره جبيره ماعرفها و بنيه هم وياهم دخلت يمهم نزلت الاكل محد من الشباب رفع عينه غير نجم الحسيته يباوعلي  طردت هل افكار وكملت صبيتهم اجت ام اراي كعدت يمهم ابتعدت وكفت بععيد  انتبهت لجود يسويلي يأشر على المره الماعرفها وراها يأشر على ابو اتجاهلته و التفتت حتى اروح وجان يصيحني

شيخ فاقد: تعاي بويه اتفضلي ويانه

عسل:لا عمو بالعافيه شكرا

الشيخ فاقد: تعاي عمو لتخليني اعيد كلامي

ضحك جود وهوه يأشر على كرش ابو  وكال

جود: تعاي تعاي نسويج مثل كرش ابوي شني هاي ضعفج انتي

ضربه ابو على راسهه خفيف وضحكو كلهم
ضليت واكفه خجلانه ماعرف ارروح لو اني خادمه ميصير اروح صاحلي ام اراي هم

طفرت الحيه من يمها ووهيه خازرتني

كوثر: عمي هيه خدامه شني تخليها ويانه بمستوانهه

اتجاهلها وصاحني خجلت منه ورحت ماكو مكان انتبهت لمكان يم جود رحت وجان اراي يسويلي مجال وهوه ساكت وياكل رحت كعدت يمه لان اذا يم جود اتقيد ماكو مجال

كعدت اباوع مستحيه ماعرف شسوي استحي امد ايدي

اراي
من ردت اوصلها انه جنت اريد اطلع ومردت جود الحيوان يطلع لان بعد ميرجع للبيت وانه مانعه باليل يطلع ...واحنه جاي ناكل ابوي لح عليها حتى تجي يمنه وهيه رافضه لحد ماكلها لتخليني اعيد كلامي اجت ماكو مكان اني سويتلها وكعدت بصفي انتبهت الها ماتاكل قربت الاكل الها وانطيتها خبزه وصبيت الها جان بدون مارفع عيني عن الاكل وهيه هم بدت تاكل

اباوعله مصدومه قـرب الاكل و صـبلي الچاي بدون مايرفع عينه ولا يحجي شي

نترت بصوت عالي وحاقده هبطتني والله

كوثر:شننني خلي تاكل بالمطبخ وحدها يعني شكو اله يمنه شنو هل سخافه

انتبهت للشيخ ضاج كال الحمد الله وكـام  وجود يضحك ويهمس بصوت ناصي

جود: يمه نبـاك رجلي داده نبـاك رجلي

خزره  اراي سكت بس يضحك

اتخبلت كوثر وجان تشمر ماعون الشوربه حاره على ايدي كمت بسرعه احتركت ايدي لان الشوربه كلش حاره ودموعي تنزل ضليت ابچي وانفخ على ايدي مامقهوره لان اتوجع بس لان صار هذا كبال الولد ركضت للمطبخ واني ابجي فتحت الماي البارد ردت اخلي جان ايدي تنلزم رفعت عيوني بعيونه خازرني …………

يـتـبـع 💜
لـمن يحيط بيـكم الضلم من كل الجهات وتتكبر براسكم ناس زفت تضطرون تسكتون حتى تحافضون على شغلكم برأيكم شـنو راح تـسوي بطلتنه تسـكت للضلم لـو توكـف بوجه الضلم؟!