رجوت عَينِي أن تكفُ دموعِها .
أغمضتِها كي لا تفِيضُ فـ امطَرت ..
^^^^^^^^^^^^^^^^^^^^^^^
ايمن

ردت عليه

-الي الحق اتدخل اني راح اصير مرتككك

ضحكت مستهزء

ايمن: هوه انتي اسمي متعرفي ياا مرتي يا زفت

اقتربت مني خلت ايدها على وجهي قربت شفتها من شفتي
انصدمت كلش دفعتها قوي واني اتلفت خاف احد شافنه

ضحكت بستهزاء وكلت

ايمن:هاي السخافه مو يمي انه ابن شيوخ مايمشي عندي الحرام ولا احب السهل

همست بصوت ناصي

-هاي شبيك حبيبي نسيت اتصالاتنه باليل والحب مو جنت تكولي احبج وماعوفج للموت چا شمالك تغيرت

ضجت كلش وبقلبي اسـب بجـود الورطني

-رجعت قتربت مني وكالت جنت تكولي اسمك احمد بس قبل ماتخطبني كتلي هذا مو اسمي ومن ردت تكلي اسمك اجو علينه خطار واني بعد مافتحت الموبايل وره ثلاث ايام انته خطبتني وعرفت اسمك ايمن حبيبي

حسيت بالذنب كلش حرام علينه نچذب عليها

ابتسمت دفعتها عني و نزلت وچان المح وحده واكفه على الدرج عرفتها من نضراتها من خجلها من صدمتها من شافتنه ويه بعض من سمعت خطوواتي خافت رادت تنزل صحت عليها. -شدتسوين؟!- توترت وكالت

زينب: ها لا دامسح الدرج

ضحكت بصوت عالي وكتلها

ايمن:اول مره اشوف وحده تمسح الدرج بدون وصله چا شني تمسحي بيدج

زينب:هاااا لااا جاي اصعد اشوفك تريد هذا امم هااا جاي جاي تريد

هزيت راسي لا اقتربت منها همست

-ماحـب الفضوليات ترا -

زينب: اسفه اسفه مو قصدي والله

ايمن: خوش

عفته وركضت اجيت يمج

زينب:انقهرت كلش من كالتلي خدامه

عسل :غلسي زينب نتحمل علمود عيشته

هزيت راسي ساكته

زينب: عسل صدك بعدج تشتغلين بالمزرعه مو

عسل:طبعا

خلصت العزيمه وكل واحد راح لبيته واما الشباب كلهم طلعو والنسوان كلهن بغرفهم من عدا كارمن مرت كرار نزلت يمنه

كارمن:هلاو يحلوات

عسل: هلا

زينب: كل الهلا

كارمن:عسل عوفي المواعين اني اغسلهن

عسل: لا حبيبتي ارتاحي اني اغسلهن

كارمن: لا عوفيهم اني اغسل وانتي شوي ارتاحي

زينب: كارمن اكدر اسألج سؤال

كارمن: يي طبعا اسألي

باوعت عليها وكلت
- شنو قصة حبكم انتي وكرار وشلون ازوجتو-

انتبهت على عيونها بيها لمعه حلوه تشرح الحب البينهم بس ملامحها غريبه صفنت شوي وجان يوكع الماعون من ايدها صحت عليها بسرعه انتبهت و بتعدت وهيه ملامحها غريبهه صوت انفاسها عالي ركضت الها وكعدتها ع الكرسي وعسل جابتلها ماي

عسل: هاج اشربي اشربي

شربت شوي ومقبلت بعد كعدنه نطمن عليها وهيه ساكتـه كلشي متحجي

عسل: شبيج كارمن فهمينه

كارمن:مابيه شي بس شوي دخت راح اصعد لغرفتي

كامت حتى تصعد و جان تصير كدامها ديمه و كوثر

كوثر: لج سويلي فـواكهه خل اكل

عسل: اسويلج اكل ؟

خزرتني وكالت

كوثر:حيوانه معليج انتي سوي الكتلج عليه اصلا مسويه دايـت

كارمن
ردت اصعد لغرفتي وجان تصير كدامي كوثر ف كلت خل ارجع اكعد يمهن لان خطيه تضوجهم ضليت اسمع حديثهن بس من كالت مسويه دايت اهنا انفجرت من الضحك وكلت

كارمن :ولج يا دايت هوه انتي غير اكلتي اكل المعازيم كلهم يادايت بعد

خزرتـي وكالت

كوثر :وانتي شعليج شكو تدخلين وبعدين وزني72حتى ميحتاج دايت بس اني علمود زوجي حبيبي اراي

كارمن:واضح

عسل
سويتلها فواكهه اخذته وصعدت لغرفتها وكارمن هم خطيه صعدت

خلصنه شغلنه وحضرنه حتى نرجع للبيت

عسل: زينب يلا نروح

زينب: ديلا اني هم كملت

طلعنه سوه نتمشى سـاعه بـ12:00 ضبط الشارع يخوف مابي احد بس بساتين من الجهتين ضلمه كلش وصوت نباح الكلاب ضلينه نمشي بخوف نريد بس نوصل للبيت بسرعه

زينب: عسل لاحضتي شي؟

عسل: لا شنو

زينب: لاحضتي نضرات اراي

عسل: يانضرات شبيهم

زينب: عسل لا تسوين نفسج متفتهمين لاحضتي اكيد

وكفت خزرتها وكلت

عسل: يمعوده يا نضرات كلشي مفهمت شدتحجين انتي

زينب: اراي يحبج

ضحكت بصوت عالي مستهزئه بكلامها الغريب هزيت ايدي وكلت

عسل: انتي شجاي تخربطين ششيحب مني بابه الزلمه مزوجج مزوججج

زينب: ماعرف بس نضراته الج بيها حب اسلوبه كلامه عنج مبين يحبج

عسل: زينب الصمي احسن انتي تخبلتي اكيد

زينب:واذا مزوج ترا مرته حيه ومبين ميحبها

عسل: حيه او حبابه يحبها او يكرهاا المهم مزوج واني مستحيل اخذ واحد من مرته فهمتي هاي مو اني هاي مو تربيتي وبعدين شمدريج بغرفتهم شيصير هاا

زينب: صدكيني والله يحبج بـ بيش احلفلج حتى تصدكيني

انصدمت منها شو تحجي بثقه

واكفين بنص الطريق

عسل: زينب مستحيل يحبني هاي الكلاوات بالقصص تلكيها

زينب: يـحبج وهسه تشوفين

ضحكت بصوت عالي كلش استهزئت بثقتها واستغربت بكلامها مستحيل يحبني اني مجرد بنيه فقيره فلاحه وخادمه مستحيل يحبني

ردت احجي بس سكتني صوت عالي ورانه التفتنه بسرعه وجان نشوفهم

اراي: وجع حتى وجع لهل ضحكه شبيج لج

كلي هيج انصدمت وجان اباوع على زينب همست بصوت ناصي يمها

عسل: هذا اليحبني مو؟

محجت شي ضلت ساكته اقتربو من عدنه وجان يخزرونه

اراي: ليش تكسرين كلامي

عسل : خويه يا كلام ذكرني؟
اقترب مني وحجه من بين سنونه

اراي:متطلعين بدون علمي

اقتربت وهزيت ايدي كدامه

عسل:اني خدامه مو وحده من اهلك حتى قبل مارجع لبيتي اكلك

اراي: انتي وحده من اهلي

حجه هيج وجان ينصدم من كلامه حاول يعدل كلامه بس صار يتئتئ حاول ايمن يغلس ع الموضوع وضل يكحكح ويضحك

اراي: ضحكني وياك

ايمن:لا ماكو شي

اراي: المهم اقصد يعني انتي و زينب صرتو من البيت فـ اي شي يصيرلكم احنه نوكع بيها

عسل: خوش لعد لتخاف ميصيرلنه شي ميحتاج حضرتك اتعب نفسك ويانه

اراي: شو متعرفين تحجين انتي

زينب:اراي شكرا خويه

ايمن: اليوم ماكو سياره راح شوي اتعبون بالمشي

زينب: لا احنه متعودات انتو مدللين الماما راح تتعبون

ايمن: شهل حجي چا هاي الشوارب الكدامج وتكولين مدللين الماما

اراي: الزلمه مو بالشوارب خويه الزلمه افعال لان اذا ع الشوارب حتى جـود عنده شوارب

ضحكو واني صافنه عليهم وافكر شجابهم ورانه هذوله كـملنه مشي سـوه اراي وايمن يسولفون على الشغل واني وزينب ساكتات

حجيت بـستغراب بعد مانتبهت على ايدهم

عسل: اكدر اسألكم سؤال

هزو راسهم اي

عسل: وين حلقاتكم انتو مو مزوجين؟!!

انتبهت لملامحهم اتغيرت اراي مبين ضايج ومقهور اما ايمن امبين متوتر وخجلان

كملت كلامي
عسل: اسفه ماقصد اتدخل

ابتسم وكال

اراي:نسيتها من جنت اغسل ايدي

ايمن: انـي يمكن ضاعت مني من

حجه جملته وسكت واضح عليه القلق رجع كمل كلامه

ايمن: من جنت اكل لان تعرفون الدليميه تنوكل بالايد ف خفت الحلقه تتزفر

يحجي وهوه مبين عليه متوتر كملنه طريقنه ساكتين الطريق صار طويل هلكد ما كلما نحجي نوكف

نمشي وجان يـدك تلفون طلع التلفون من جيبه فتحه ورد

كوثر: وينننك اراي
اراي: نعم

كوثر:انته وين ها وين رحت

اراي:طالع اتمشى ويه ايمن

كوثر:ليش مكلتلي مو مرتك اني

اراي:نسيت

كوثر:منو بعد وياكم

اراي:محد

كوثر:محد لو هذني بنات اليل عسل وزينب

حجه بعصبيه

اراي:كوثر الزمي حدودج لاكسر راسج وراس الخلفج

كوثر:اذا هسه مترجع افضحك والله ارجع احسلك

اراي:خوش ومن ارجع اطلقج هم

كوثر:يمه شدتحجي اراي شدتحجي حبيبي بس والله اخاف عليك من هذني خطافات الزلم

اراي:ولي نامي لج

كوثر:ما نام واذا مترجع اكول الابوك عليك والله

اراي:مع السلامه

سـد التلفون ورجعه بجيبه جـر حسره وسحب جكاره ورثها وصار ياخذ نفس ويمشي بدون كلام

وصلنه للبيت انتضرونه ندخل وراحو

دخلت للبيت كبل نمت بدون اكـل

ام عسل:يمه متاكلين؟

هزيت راسي لا

نزلت راسها وكالت

ام عسل: تعبتي من هل عيشه مو؟

كمت عدلت كعدتي ابتسمت وكلت

عسل :بسـم الله الرحمن الرحيم
{إنّي تَوَكَّلتُ عَلَى اللَّـهِ رَبّي وَرَبِّكُم ما مِن دابَّةٍ إِلّا هُوَ آخِذٌ بِناصِيَتِها إِنَّ رَبّي عَلى صِراطٍ مُستَقيمٍ} صـدق الله العضيم

كملت كلامي

متوكله على الله سبحانه هوه يـدبر امرنه.يـمه الله موجود ويعلم بحالنه الله يحكم بالحق والعدل

ابتسمت وحضنتني نمت بين ايديها

7:21صباحاً

احس جسمي متكسر مابيه حيل اكوم اريد ارجع انام بس الـضـوه و صوت العصافير جان زاعجني شلت المخده من جوه راسي خليتها فوك راسسي وضغطت عليها حتى ماسمع صوت وميصير بوجهي الضوه نمت شوي وجان افـز اذكرت وراي شغل بالمزرعه كمت سبحت ولبس دشداشه بنفسجي منقط ابيض لبسي مو كلش حلو ماهتم اله مجرد البس لبس يستر جسمي طلعت اشتغل رحت وكلت الدجاج وزرعة بتيته وبيتنجان ونضفت الحضيره تعبت تعب مصاير كعدت شوي ارتاح حسيت نفسي جوعانه
حميت جاي و طلعت خبز امي مسويته بالتنور وجبت دبـس وزيتون وبيض وكعدت اكل شوي وجان اذكر انـو ماعدنه حليب واني متعوده ااشرب حليب قبل ماكل كلشي رحت للحضيره جبت بقره وكعدت احلب بيها وديت الحليب للبيت ورجعت احلب الثانيه والثالثه بالرابـعه كاعده احلب وماحس اله حـركه وراي التفتت بخوف شفته واكف مبتسم ابتسامه جانبيه ويباوعلي مستهزء

حجيت واني خايفه

-شجابك هناااا؟!-
__________________________________

يـتبـع
ولو اتاخرت عليكم بس شسوي ماكو واهس