عمري بنياتي لا تنسون التصويت والتعليق 💜

_____________________________

رحت البس عبايتي حتى اروح لبيت حجي حازم اكمل شغل واني جاي البس جفوفي شميت ريحة قويه كلش طلعت ادور على مصدر الريحه فتحت باب الشارع انصدمت من شفت دخـان اسود قوي طالع من بيت زينب اقتربت على بابهم شفت النـار صيحت بصوت عـالي كلش الطم واصيح التمو الناس حاولو يطفو واني ابجي على الرجال لان اكيد جوه مريض مايكدر يكوم

زينب

واخيرا راح نوصل متت تعب بس اريد ارجع اشوف ابويه خطيه وانام دخلنه للمنطقه اسمع الناس تتصايح اقتربنه شوي ناس تركض منا وناس تركض مناك وناس تصيح رجاال جوه وناس تصيح وين الاطفاء واني اقترب من بيتنه اراي يسوق بطيئ كلش بسبب ازدحام الناس اباوع على الفرع البي بيتي كل الناس متجمعه هناك وتصيح احترك البيت مات الرجااال لا اله الا الله واني مفاهمه شكو الناس متجمعه كلما نتقدم كلما قلبي ينبض سريع افكار توديني وافكار تاخذني ادعي الله يكون البالي مو صحيح

نزلت من السياره وبديت اركض سريع بعد ماسمعت يكولون بنته ويا يمكن بنته زينب؟ويااا؟
اهنا قلبي وكف ركضت بنهيار عيوني انعمو من الغواش الاجاني فجأه بديت اردد كلمات تطلع مني بالكوه

اللهم اني استودعتك قلباً لا اقوى العيش بدونه اللهم احفظه

اركض واردد هذا الدعاء وابجي وصلت للبيت حاولت ادخل بس............
________________________________

كـارمن

ضايجه منتضره كرار يجي كلت انزل احضرله اكـل لان دائما اول مايجي ميت جوع نزلت للمطبخ

الضهر الاضويه مطفيه لان هسه كلهم نايمين شغلتها وبديت احضر اكـل وره دقايق نزل جـود

جـود:هلا مرت اخوي

كارمن: هلااا بالجود ابو النسوان

يضحك ويهز ايده مستهزه بكلامي

جـود: خايبه يا نسوان هوه بطرك وحده وراح تصير خطيبة ايمن

كارمن: بيني وبينك تحبها لهاي الورطت ايمن بيها؟

باوعلي صفن شوي خله ايده على عيونه ذب حسره وكال

جـود: لا ماحبها بس كارمـن مقهور على ايمن السويته بي ماينعقل البنيه كلشي شايف منها بحيث تدزلي صور جسمها بدون ملابس وتحجي وياي سوالف كبار

فتحت عيوني مصدومه من كلامه صحت بي بصوت ناصي واني اخزره

كارمن: اكيد انته جنت تطلب منها وهيه لان تحبك وفطيره وافقت

جـود: كارمن اني ماطلب هيج سوالف ابد هيه الدزتلي والله

كارمن: اوووف منك

نزل راسه بقهر وكال

جـود:عود اجيت لان جوعان بس انسي شبعت

عافني وراح اول مره اشوف جـود هيج مقهور

استغفرت وكملت طبخ ونضفت المطبخ

وبريه :ها خيه دتنضفين هسه صرتي نضيفه

التفت الها ابتسمت وكملت شغلي

وبريه:شوكت تجيبين طفل اريد اشيله قبل ماموت

التفت عليها مصدومه صارلي سنه من مزوجه ومجاي يصير عدنه طفل وهاي خبلتني بالاطفال

كارمن: ماعرف عمه ترا بيد الله سبحانه مو بيدي

تباوعلي وتغلط خزرتني وكالت

وبريه: شوفي لج اذا ماتخلفين كوليلي حتى ازوج ابني كرير ترا اريد اشوف احفادي

اتجاهلت كلامها كملت تنضيف عفتها تغلط وصعدت للغرفه انتضرته يجي اتاخر عفته ونمت محسيت اله على جسمه وراي يسحبني اله شوي شوي ايده حاوطت خصري قرب وجهه من وجهي همس بـ انفاسه الحاره بـ اذاني

كرار: رقيقتي الجميله شوكت تكعدين مشتاقلج

بحلضتها اكيد حسدت نفسي على هذا الصار من نصيبي

كـارمن: هلا بيك ياروح رقيقتك

اتقرب مني اكثر همس بصوت ناصي

-احبج فوك الحب اضعاف-

باوعتله مامفتهمه

ضحك وحضني قوي اله شوي ويكسر اعضامي
يهمس بـ اذاني

كرار: الرقيقه النازككه الحلوه مـالتي الاحبها الاعشقها انتي

ابتسمت وحضنته اقوه

همس بصوت ناصي وكال

كرار: كـون تجينه بنـيه تشبهج

همست بصوت ناصي
كارمن: ان شاء الله

شوي وابتعدت عنه حجيت بجديه

كارمن: اذا طلعت ماجيب شتسوي؟

ضحك وكال

كرار: شنو هل سؤال

نزلت راسي بقهر وكتله

كارمن: احجي

اقـترب مني رفع وجهي بـ اصبعه وكال

كرار: امـي ضوجتج بكلامها؟!!

هزيت راسي بسرعه لا

استغفر وكال

كرار: خرب بيومج داكلج خل نطلع بيت وحدنه انتي الازكه اهنا

باوعتله مصدومه بثواني صار عصبي

حجيت بقهر

كارمن: انت تعرف كلش زين اخاف ابقه وحدي بعد شكو هيج تحجي

لزم مزهريه وشمرها بالكاع وصاح بصوت عالي

كرار: لج اتخافييين من هذاك ال*** واني موجود غير انعل والدي اذا يوصلج

كعدت بالكاع وبچيت قوي
اول ماشافني هيج اخترع ركض عليه يتأسف ويمسح بدموعي
حجه بهمس ممزوج بحنيه

كرار: اسف يا روح كرارچ اسف يحيلي

حجيت واني ابجي واشهك

كارمن: كال حتى لو تزوجين اخذج يعني اخذج لو اعرف اكتل رجلج

كرار: اعرف اعرف وحق ربج مايوصلج وانه عايش لتخافين طول ما انه وياج

حجيت بقهر
كارمن: حبيبي ماخايفه على نفسي خااايفه عليك كرار كلما تتاخر مليون فكره تجي ابالي واضل ادعيلك اخاف اخسرك

ابتسم وحضني قوي يحاول يطمني

كرار:حبيبي لتخافين زلم وراي

ابتسمت وحضنته اقوه
دنسولف وجان يـدك تلفون كرار كام فتحه وحجه بي

كرار: الو الـو

كرار: شنو ليش شكو وين

كرار:خـوووش خوش جاي

اباوع عليه يحجي وهوه متوتر بسرعه سد الاتصال وراح ركض اخذ بصمتة سيارته وطلع
_______________________

ايد منعتني التفتت اباوعلها ودموعي بعيوني جان ايمن حجيت ويا بتوسـل

زينب: هـد ايـدي

هز راسه لا

زينب :عوفني حباب عليك الله

خزرني وكال

ايمن:اني راح ادخل ابقي اهنا ممنوع تدخلين

كمل كلامه ودفعني على عسل و اني بعـدي جاي استوعب كلامه بـثواني شفته دخـل للبيت الصاير رمادد

ماخايف على روحه قررر يضحي بشبابه !!!!!!

صيحت اني واراي من شفنا دخل

اراي: لككك وين راااايح مخبلللل

زينب: عزاااا العززززاني ووووين دخل

حاولت ادخل ورا بس عسل منعتني صديقتي وروحي ملجئي. باوعت عليها

حجت وهيه تبجي ولازمتني قوي تمنعني ادخل

عسل: وين دااخله يروحي خطرر

باوعت عليها بلعت ريكي الصار كأنو كزاز يجرحني حجيت بغصه

زينب: لجج عسل جـووه ابويه وايمـن! حبابه عوفيني خل ادخل

هزت راسها لا

كملت كلامها وكالت

عسل: زينب ادعيلهم

صيحت عليها بدون وعي
- عوفيني عسل عوفيني -

ادفع بيها بـ انهيار واني ابجي على الديصيرلي صرخـت بقـوه صرختي جانت كفيله تخلي عسل تهدني صرخت بـ اسم يخليني اقشـر

-يااا عــلييي ياا مولاي -

ويه صرختي اغمه عليه ماحسيت بس على اصوات الاسعاف والاطفاء ماحسيت على نفسي بعـد

كعدت على صـوت سوالف فوك راسي فتحت عيوني شفت اني بيت عسـل

كرار و عسل كاعدين كدامي كرار يحجي اتصال ويه مرته ويشرحلها الصار وعسل ساكته بس تباوعلي

حجيت بصوت ناصي كوه انطق

زينب : شصار شلونهم؟!!

ابتسمت عسل تطمني

عسل: الحمدالله طلعو ثنينهم سالمين وهسه نقلوهم بالمستشفى

هزيت راسي ساكته

عسل: صدك كرار انت شجابك؟

ضحك وكال
كرار: والله جنت كاعد اتغزل بمرتي وجان اراي يتصل عليه

المكالمه الصارت

كرار: الو الـو
اراي: كرار تعال بسرعه

كرار: شنو ليش شكو وينن

اراي : ولككك كرار تعالل للعنون الراح اكوله لك صار حريق ابيت زينب وهسه البنات وحدهم انه حروح للمستشفى ويه ايمن والحجي ابو زينب بس تعال يم البنات خطيه وحدهم

كرار:خـوووش خوش جاي

سديت الخط واجيتكم بسرعه وبس

ابتسمت وتشكرته

سأل بستغراب

كرار:هوه ليش ثنينهم راحو ويه الحجي ليش مابقه واحد منهم وياكم؟

فتحت عيوني من الصدمه

عسل: هاي شبيك؟

كرار: شكو؟

عسل: خويه هوه غير ايمن دخل بنص الحريق وطلع عمي ابو زينب

طفر من مكانه بخوف صاح بصوت عالي

-شنـوووو-

هزيت راسي اي

كرار: وهسه شلووونه

عسل :ماعرف

كام مثل المخبل يدور مفاتيح السياره لكاها اخذها وراد يطلع بس التفت لصوت زينب التصيحه

زينب: اجي وياك

هز راسه لا

خزرته وصاحت بصوت عالي والدموع على خدودها

زينب: كتلك اجي

هز راسه اي راحت بسرعه لبست حذائها وطلعت وياه واني وراهم وصلنه للمستشفى رحنه لغرفة عمو ابو زينب كالولنه حالته مو زينه انهارت زينب تبجي مقهوره كامت بتعب وراحت تدور على ايمن ركض وراها كرار واخذها للغرفه البيها ايمن

دكت الباب بهدوء ولا كانو صارلها ساعه تبجي ومنهاره

صاح بتعب

ايمن: يييعني شلوووون تريدون اكوم افتحه
وانه مريضضض

فتحت الـباب بهدوء ودخلت

زينب: شلونك

ابتسم وعدل كعدته

ايمن: زين

زينب

روحي طالعه على ابويه خايفه اخسره وشلون اعيش بدونه اذكرت ايمن رحت بسرعه ادور عليه دخلت لغرفته شفته ايده الاثنين ملفوفه بالشاش ورجله هم وضهره ابتسم وسألته شلونك واني مادري وين جان عقلي من سألته هيج دخل الدكتور سألته عن حالته

زينب: دكتور طمني شلونه

دكتور:الحمدالله الحرق جان مو قوي ف مجرد ايام ويرجع احسن من قبل

تشكرته واسمع ايمن يحجي بصوت ناصي عباله محد يسمع بس كلنه سمعنه

ايمن:هسه دكول مو زين بلكت تهتملي زينب

صاح كرار بصوت عالي وهوه يضحك

كرار: زاحف ماتصيرلك چاره

راد يجاوبه بس اجا اتصال انتبهت للتلفون مكتوب -الورطه -فتح الاتصال وحجه وياها يطمنها عليه من خلال كلامهم عرفتها البنيه الورطه جود بيها االاسمها نرجس

-بـعد يـومين -

زينب

بهل يومين بابه بالمستشفى واني خلصتها ببـيت ام عسل لان بيتنه صار رماد مارحت الابويه بهل يومين لان حالتي كلش تعبانه وماكدر حتى امشي اكلي صار قليل دموعي ودعائي متوكف على ابويه
ايمن واراي يطمنوني عليه

وره خمس ساعات اجتني عسل اباوع بوجهه ملامحها جامده ماكو اي رد فعل او شي لا ابتسامه ولا ضحك اخذتني لبستني اسود

زينب: عود ليش؟

عسل: امشي وياي لفاتحة كرايبي

باوعتلها بستغراب مجنت اعرف عدها كرايب المهم لبست اسـود وكعدنه ننتضر

زينب: هسه المن ننتضر؟!!!

عسل: ننتضر ايمن واراي

زينب: ليش مو همه يم ابويه وشبسرعه طلعو ايمن من المستشفى

عسل: ايمن مابي شي يكول الدكتور صار زين

زينب:منو راح يبقى يم ابويه

عسل: اووووي كافي زينب اسكتي لا تضلين تسألين اسكتي اسكتي

فجأ انكلبت عليه تحجي وتصيح بوجهي
سكتتت وره دقايق وصلو اراي وايمن صعدنه بالسياره اباوع بوجهم لابسين اسود محد يحجي ساكتين ماكو رد فعل

وصلنه للبيت اول مره اشوفه دخلنه بي هواي نسوان من المنطقه وكم وحده ماعرفها لفت انتباهي ام اراي وكارمن

سألت عسل
زينب: كرايبج ام اراي تعرفه!!

اباوع عليها تتجنب تباوع بوجهي دموعها نزلت تبجي وهيه ساكته رفعت عيونها بعيوني وابتسمت خفيف تحاول تخفي حزنها عني

اقتربـت لخااله ام اراي سلمت عليه وهيه تباوعلي بنضرة احسها عطف!

التفتت العسل وحجيت بهمس
-هذا بيت منو؟!!

عسل:بيت اجرنا لفاتحة المتوفي لان المتوفي ماعنده بيت ولا اهل

سكتت مستغربه اكو شي بقلبي يخوفني اتجاهلته لان جان الشاغل تفكيري ابويه بالمستشفى

اقتربت اكثر من المكان شفت ام عسل تبجي وتصيح ربـي يرحمه اقتربت اكثررر شفتها كاعده بالزاويه لا تبچي ولا تسوي شـي!!!! مسحت عيوني بحركه سريعه ابعد الخواش الصار بسبب صدمتي

امـي!!!!! ااي والله هاي امـي!!!!! مسحت دموعي النزلو فجأ وغدروني عقلي كله تسائلات شنو الموضوع.ليش كل الاعرفهم اهنا منو المرحوم او المرحومه الهاي فاتحته شجاب امي؟ اقتربت منها بتعب بقهر او يمكن بحقد!!! اقتربت منها ودموعي الحاره تچوي روحي قبل وجهي اقتربت منها واتمنى تنطيني سبب واحد يخليني ارجع احبها اقتربت منها واتمنى تكول لا مصار هيج على كل السمعته عنها!!!!

اول ماشافتني كلماتها كسرتني كسرت كل شي بروحي كالـت

-صرتي يتيييمه ياااا يمه-

صـدمه! عقلي وكف يتيمه شلون ابوويه بالمستشفى حالته زينه وامـي هاي كبـالي فـ يتيمه شـلون؟!!!! يمكن بوكتها فهمت معنى كلماتها بـس ردت اقنع روحي بالعكس

حجيت بهمس

-يي صح انتي متي بالنسبه الي صرت يتيمة الام-

اتجاهلت كلامي!!! بچت اكثر صاحت بصوت اعلى توعيني

لجج ابوووووج مـااات

باوعت عليها بصدمه هزت كياني مابقت بيه روح باوعت عليها حجيت بكلمات تطلع مني كوه تجرحنييي

-لا تكذبين ابويه بالمستشفى-

صـاحت بصوت عـالي صدمتني

-لجج مات مات دفنا وانتي ماتدرين وهاي فاتحته

كلامها مثل الرصاص بصدري ضليت صافنه ماعرف شسوي كلولي زين وهسه لبسوني وكاولي ماتتت!!!

بجـيت لطمت ضربت وجهي صحـت عليها بعد ماشفتها راحت كعدت يم مره تضحك وياها

اقتربت منها وكلت

زينب: ياريتتتج متي بداله ياريتجججج انتي المتي مو ابويه

اتفاجئت مني كامت حاولت تحضني دفعتها قوي وكلت

-اطلعي من البيت-

صاحت بوجهي عسل

عسل: لج اسكتي لتحجين ويه امج هيج

النسوان ويه كلامنه كلهم طلعو بس بقت ام عسل وامي وعسل

ماعرف شنو الجان كاسرني حزني على ابويه تحول عصبيه على امي الشيلتها ذنبه

باوعت لعسل بستهزاء وكلت

زينب: لا تكولين امي ماتشرف بيها اني امي رشا(ام عسل) فهمتي مو هاي

عسل: لجج شبيج كافي تبقى هاي امج الجابتج

زينب: ها صرتي حنينه ليش منو الجان سبب بدمارنه غير هاي شنو ماتذكرين

ام عسل: كافي يمه حبيبتي الصار صار هسه اجت ندمانه

زينب: ماريدها اكرههه

ام زينب:بنتي

زينب: اسكتي اسكتي لتكولين بنتي اني امي الربتني بعد ماحضرتج بكتي رجلها وعفتي ابويه الجان يحارب الدنيا علمودنه بكتي فلوسه وهربتي ويه عشيقج

ام عسل: زينب اسكتي

زينب: ليش اسكت شنو مو هاي الحقيقه بعد ما اتوفه ابو عسل انتي ازوجتي رجال ثاني وحياتكم جانت مستقره لحد ما هاي التكولون امي اجتكم وصادقتج وبدون متدرين حطت عينها على رجلج وسوت علاقه ويا واخذته وهربت ههه حتى بدون زواج طفرت بيييي

ام عسل: لجج كافي مو وكت هل حجي هسه فاتحة ابوججج

ابجي واصرخ بقهر

زينب: لااا وكته من تجي الدمرت حياتنه علمود شهواتها وملذات الدنيا الباكت رجل صديقتها وباكت فلوس رجلها وحتى مافكرت ببنتها وبرجلها اليتعب ليل ونهار حتى ينطينها فلوس تصرف على لبسها ومكياجها وتطلع من الصبح لليل وتعوف بنتها بدون اكل ولا تنضفها وكل هذا ورجلها من الصبح لليل يشتغل حتى يجيب فلوس حلال وهسه بكل عين صلفه تجي للفاتحه!!!!

تسمع كل هل حجي وتباوع بدون رد فعل!

وعسل تبچي بهدوء

عفتهم ودخلت للغرفه ثواني وشفت عسل وامها حاضنيني حضنتهم وبجيت على ابويه المراح اشوفه بعد

سوينه الفاتحه يومين و رجعنه لبيت عسل

كاعدين نسولف
ابتسمت وكتلهم بقهر

زينب: خاله اصبري عليه يوم واطلع ادورلي مكان اعيش بي

ام عسل: شبيج زينب شنو هل حجي عيشي ويانه انتي بنتي الثانيه

ابتسمت هزيت راسي لا

عسل: لججج غير انتي اختي ابقي ويانه مستحيل نعوفج

ابتسمت ساكته اقتربو مني وحضنوني بهل لحضه رجعت ابجي

جاي نسولف وجان يندك الباب
كمت فتحته لكيته ايمن؟!!

..............................

يتبع