البارت13
لم يكن لقائنا صدفة كان رحمة من الله لقلبي🫀🤍.
لا تنسون التصويت والتعليق 🤍
......................................................
كمت فتحته لكيته ايمن؟!!
ايمن: سلام عليكم
صفنت عليـه لابس قميص جوزي نص ردن وبنطرون اسود ايده مبين اثار الحرك بيها
ذبيت حسره وجان
انتبه بالباب علاليك هواي كدامه
ايمن:سلام عليكم دتسمعين لو انطرشتي
جاوبته بقهر وعليكم السلام
ابتسم وصاح على خاله ام عسل
ايمن:خاااله خااااله شنيييي وينججججج
اجت ركض ع صوته ابتسم واشرلها ع العلاليك
ايمن: هاي مرت عمي ام اراي دزتها تكول وديهن لام عسل ملابس اشترتهم الكم
خاله ضلت ترفض انو تاخذهن وايمن يكولها هدايه ولاطش اله تاخذهن اخر شي استسلمت واخذتهن دخلهم للبييت ورجع يريد يطلع
ابتسم وكال يلا انه اترخص
لحت ويا اله يضل بس ماقبل لان مستعجل عافته ودخلت قبل مايروح
ايمن
فتحت الباب وشفتها ذبلانه ملامحها كلش تعبانه عيونها مورمات واضح انو بجت هواي
حجيت وياهم ونطيتهم الملابس وداروح بس التفتت الها اقتربت وهمست ب اذنها
ايمن: يَهنيال الجمال الشالتهَ عيونكَ
سلام اللهِ عليهن لايحسدونكَ
فتحت عيونها بصدمه
ابتسمت وغمزت الها عفتها ورحت
زينب
اني نفسيتي تعبانه وابويه ميروح من بالي ربي يرحمه وهذا الفارغ هيج يحجي انصدمت وهوه غمز وراح اول ماراح سديت الباب قوي
ورجعت للغرفه كعدت ابجي
ابويه مـجاي يروح من بالي عيونه ملامحه ابتسامته الحنينه الي رغم السوته بينه امي بس ماحجه ولا كلمه محلوه عليها بالعكس جان يطلعلها مبررات
-خطيه تحملت هواي هيه اصلا مريضه مجانت تكدر تشوفج تتاذين من الفقر فعافتنه وووو بعد هواي ولحد اخرر يوم بحياته مانطه بيها رغم صرت كبيره وافهم واصلا من صغري عرفت انو جانت.........
العوده الي الماضي
بـيوم جانت دنيا عصر عمري جان 7سنين طلعت دكيت الباب على بيت عسل ..
طلعت رشا ام عسل فتحت الباب
ابتسمت
ام عسل:دخلي حبيبتي عسل جوه
دخلت وبدينه ساعه نـلعب سوه لحد ما دخل علينه رجـل امها العسل
وارث: ها شدتلعبن
ابتسمت عسل وكالت
عسل: بيت بيوتت
ابتسم وعافنه و طلع من البيت
كملنه لعب للمغرب وجان اكوم
زينب :يلا كافي راح اروح للبيت بعد
عسل:ابقيي شوي دام محد صاحج
هزيت راسي لا
زينب:بابـا ميقبل
باوعت عليه بزعل نزلت شفتها للاسفل عود حزينه اقتربت منها حضنتها
- بااااجر نلعب وعد-
ضحكت وحضنتني اقوه
عفتها وورحت لخاله رشا ام عسل كتلها راح اروح مشت وياي للباب وصلتني ورجعت دخلت لبيتها واني دخلت للبيت
فتحت الباب رحت كبل الابويه اطمن عليه
اول مادخلت سوه نفسه نايم وغمض بس واضح جان يبچي!! دموعه تنزل صدمنييي اقتربت منه بسرعه امسح بدموعه
زينب:شبيك باباا ليش دتبجييي ها شنو يوجعك شي احجي بابا كول
ابتسم بوجهي ابتسامه حنينه
-لا بويه بس عيوني دخل بيها شي فـ دمعت
ماقتنعت بكلامه ولا شوي رغم صغر سني عرفت اكو شي مو طبيعي مايريدني اعرفه
اتغيرت معاملته فجـأه صار يحجي بصوت عالي!!! كـانو يحاول يغوش ع صوا او يضم صوت!!!!
-بويه روحي يم عسل شعندج العبي شوي
هزيت راسي لا
رجع يحجي ويتوسل بيه ودموعه تنزل !!!
-باباتي بنيني روحي ابوس ايدج روحي لعبي ويه عسل اعرف تريدين تلعبين بس روحي
زاد الشك بقلبي خصوصاً من سمعت صوت ضحك عالي كمت من مكاني رحت لمصدر الصوت امشي خطوه خطوه التفتت البابا دموعه تنزل سريع احساسه مستحيل احد يوصفه مستحيل احد يتحمله رجال مريض مايكدر يمشي وهيج يصير بي!!! لو نضراته شنو احجي من نضراته هز كل كياني شلون اشرحها قهررر و انكسارر و توسل وضعف نضرتته تشرحلي الواقع الجاي يعيشه ابتسمت اطمنه وكملت طريقي
حالة ابويه الصحيه
ابويه مريض ميكدر يمشي بس اذا حاول عادي يكدر بس يحتاجله جهد يلا يكوم وجسمه كلش ضعيف قبل مااجي اني للدنيا هوه مجان هيج بس من اجيت للدنيا قرر يشتغل شغلين حتى يوفرلي احتياجاتي وضل على هل حال لحد ما بيوم جان يشتغل عماله وجان توكع عليه حديده دخل مستشفى كم يوم ولهسه حالته مامتحسنه بس كالو يحتاج فلوس حتى نكدر نسويله شي يرجعه زين
زينب
جنت طفله فاهمه كلش واعرف الامي دتسوي خطأ!!
استغربت ليش هيج يبجي انقهرت من شفته يتوسل بيه حتى اطلع من هذا البيت الامي لطخته بقذارتها االابويه جان النور الوحيد البي
رحت بتجاه مصدر الصوت مشيت وصلت لبـاب المطبخ اختفى الصوت فتحت الباب وشفـت الجان كفيل يخليني اكره امي واكره الساعه الاجيت بيها للدنيا وعرفت سبب بجي ابويه وتوسله بيه ونضراته الحركت قلبي حتى اطلع وماشوف امي بهاي الوضعيه وماشوف كسرته كدام قذارتها الماكدر يسيطر عليها بسبب حالته الصحيه! بهاي الحضه حقـدت حقد محد يكدر يوصفه كرهتها كره مو طبيعي شفتها ضهرها ع الحايط وكبالها الحيوان العار الجنت اتمنى بعد هل لحضه الزم السكيينه واكتله بيها جان حاضنها ويبوس بيها!!!
بهاي الحضه حزني على ابويه بكفه و تفكيري شلون اذا عافتني منو راح يضل الي جنت اكول هنيالها العسل ع الاقل امها راح تضل يمها مو مثلي امي خانت ابويه واذا اخذها هذا منو تضل الي بكفه !
ابتعدت بسرعه بـس شافتني دفعته عنها ومشت وراي ركضت للغرفه كعدت وحيده بجيـت!! وهيه اجت كبالي تحاول تغير تفكيري عبالها اتقشمر بسرعه صح جنت طفله بس افهم
لهسه كلماتها بدماغي
-لج يمه خطيه رجل ام عسل مريض جان واني جنت اعالجه -
كلامها ابد ماقنعني جنت صغيره بس افهم فهمت ان الدتسوي يغضب رب العالمين بكبرره
بدون ماباوع بوجها وبنبرة حقد كلت
زينب: بـسم الله الرحمن الرحيم
والذين هم لفـروجهم حـافضون الا على ازواجهم او ما ملكت ايمانهم فـ انهم غير ملومين. صدق الله العظيم
باوعت الي بصدمه عرفت انو ماكو فائده بكلامها وانو اني فهمت كل شي
عافتني وراحت
هذا اليوم صـار كابوسي كـل ما اشوفه ودي اتفل بوجهه رغم انو ابد ماذاني وجان حباب حتى ويه عسل وامها وجان صديق ابويه المقرب من الطفوله جانو متربين سوه
بعد وفاة ابو عسل
ابويه عرفه على ام عسل وخلاهم يزوجون وام عسل مقصرت ويا تحبه وتخدمه بس هوه جان حاط عينه على امي
وهيج جازاهم انو حطمنه كلنه
كلما اشوفه ادعي الله انو ميطب يمنه
ادعي ودموعي بعيوني ماتوقعت من امي هيج تحطمني
العوده الى الحاضر
بعد هل ذكريات القاسيه كمت ابجي بنهيار واضرب بروحي اني السبب لو مو اني جان ابويه مايصيرله هيج حتى يجيب احتياجاتي وجان امي مخانته ويه هذاك القذر
اضرب وجهي وابجي واصيح بصوتي الصار يجرحني ودموعي التچويني
زينب :اااااخ كله بسببي كـله بسببيي
ركضت على صوتي عسل حضنتني
صرت ادفع بيها واصرخ
زينب: لججججج ااااااااخ الله يدممرج مثل ما دمرتينيييي الله يحرك بقلبج مثل ماحركتي قلب ابوييه
لجج عسسسل دمرتنهه دمرتنننه اخذذت رجل اممج وخانتتت ابوووويه حطمتنننه ولج عااافتنه وهربت وياااا
..............................
اراي كاعدين بـ الصاله ايمن يكلب بالتلفون واني كذالك فجأه كال ايمن
ايمن: لك اراي لو تشوفها !!!
اراي: منو؟
ايمن: زينب
اراي: شنو مثلا مشايفها شبيك ايمن؟!!
ايمن: لك ماعرف شبيه ماعرف قلبي شبي من اشوفها اضعف كدامها عيونها عذبتني احس غرقت بيها!
اراي: ويعني؟!
ايمن: خويه يمكن هويتها
اراي: اها خـوش مابيها شي ترا
ابتسم ساكت
اراي
اباوع بوجه نضراته بيها حب لمعه مبين صدوك يحبها ابتسمت وكلت
اراي:بالحـلال؟!
باوعلي صفح معاجبه
ايمن: شني شبيك شتعرفني انت طبعا بالحلال
اجه جـود من ورانه يصيح ويضحك
جـود: شررريف ابن شريف
باوعتله صفح ماصاير اطيقه من بعد الورطه الورطها الي
ايمن:غصب عليك يلا ولي منا
ضحك وحط ايده على كتفي
جود: وعلي احبك
باوعتله ساكت ماحب احجي ويا مثل قبل بعد الورطه السواها بيه شوي احس خربنه
رفعت عيوني على ااراي كاعد ومنزل راسه وصافن بالكاع استغربت منه جود يصيحه وهوه متجاهله مدري باله مو يمنه ردت احجي ويا بس وكفنه صوت اتصال من تلفونه
اخذ التلفون فتحه وضل يحجي
الو نعم سيدي
حاضر حاضر نعم جايين لا لا مانتاخر راح نجي
نعم سيدي مع السلامه
سد التلفون وباوعلي مبتسم
اراي: كوم لك
باوعتله صفح
ايمن: وين؟
اراي: مادري القائد اتصل عليه يكول محتاجكم ضروري لازم تجون
ايمن: خوش خل نروح ان شاء الله خير
كمت لغرفتي و ايمن هم صعد لغرفته اخذت ملابس وطبيت للحمام سبحت و طلعت لبست الزي مالتنه وحطيت عطر وطلعت صعدت بالسياره منتضر ايمن نزل ايمن يمي
ايمن: خل اصعد وياك بربك ماببيه حيل اسوق
ضحكت وهزيت راسي صعد وياي ضلينه نسولف نص الطريق
وصلنه للمركز دخلنه صاحنه القائد سوه اجتماع وكال
- محتاجكم بموضوع كلش مهم انت اراي و ايمن العقيد مهيمن و حسين وكاضم وبده يأشر على واحد واحد صرنه تقريبا 15نفر
اراي:خير سيدي بشنو محتاجنه
-عندي الكم عمليه مهمه نكدر نسميها مداهمه بس خطره كلش خطره
ايمن
مانصدمت من كلامه اول وتالي شغلنه خطر بس كلش قلبي مامرتاح احساس غريب ماعرف ليش صافن وقاطعني صوت اراي وهوه يحجي صوت ضحكني بوكتها
اراي
من كال خطره كلش خفت على ايمن كلش ايمن مو مجرد ابن عمي ايمن روحي من الدنيا اخوي الماجابته امي صديق الطفوله و سندي
اراي: سيدي ليش ماتعوف ايمن لا يجي ويانه اذا خطره
صفن عليه مستغرب حقه يمكن عرف خوفي لهدرجه
ابتسم وكال
-اراي اول شي ايمن مو طفل حتى تخاف عليه هيج ثاني شي المن صاير ضابط هوه غير كلها خطوره علينه
سكتت مقتنع بكلامه بس شسوي اخويه هذا اخاف اخسره اجت عيوني على ايمن بالكوه لازم ضحكته خزرته ورجعت باوعت للقائد
-وصلتنه اخبار عصابه جاي تاجر بالمخدرات فـ مهمتكم تلقون القبض عليها بس انتبهو اسلحتهم قويه واعدادهم هواي. مستعدين تواجهوههم لأجـل العراق وشعب العراق؟!
صحنه بصوت عالي
-نعم سيدي-
كملنه العدد حضرنه اسلحتنه صعدنه بالسيارات
متوجهين لمكان الهدف
وصلنه لمكان الهـدف ضلمه فقط ضوه القمر
اخذنـه وضـع الهـجوم طلعنه اسلحتنه كل واحد اتمركـز بـ مكان انتضرنه امـر حتى نرمي
عيوني على ايمن بـكل مهمه اخـاف عليه اخاف اخسره
انطانـه امـر بالـرمي صـار اشتباك قـوي بينه وبين العصابه اتقدمنه عليـهم سيطرنه على الوضع انتبهت للمكان ماكو ايـمن التفتت وعيوني تفتر بالمكان ردت بس المحه حتى گلبي يرتـاح مااكو اتخبلـت وكـفـت بـعيد عن ساتر الطلق يجيني من كل جهه وانه بدون ساتر صحت بصوت عالي
-ايمن وين ايمن-
صاح العقيد مهيمن بصوت عالي
-اكعدد لك راح تتصاوب اكعد-
اسمع جملتـه و ممهتم ضليت مثل المخبل ادور على ايـمن لحـد ما لمحته من بـعيد وهوه يصيح
-اراي اكـعد جسممك مفضوح راح تتصاوب اكعد لتخبلنيي اكعد خوييه-
سمـعت جمـلته وجـان احس شـي دخـل جسمـي حـار كلش واصوات عاليه مافهمت منها وعيوني غواش
________________________________
يتبـع
Bạn đang đọc truyện trên: AzTruyen.Top