بنـص الخرابه ورده جـذبتني

………………………………………………

حجيت واني خايفه

-شجابك هناااا؟!-

ابتسم ابتسامته الجانبيه التخوفني

-اجيت اطمن عليج-

خزرته وكلـت

-روح من وجهي احسلك -

ابتسم نزل راسه وكال

-وين نـضرة الحب الجانت بعيونج وين المعه الجانت اتيهني بيج-

قربت منه خزرته وصحت بصوت عالي احاول اسكته

-نصـر هذيج الجانت تهواك ماتتت انساها اني هسه عايشـه بس حتى اكرهك-

اقترب مني خلـه ايده على خدودي ضعفت بهاي الحضه واني اذكر ماضينه همست بصوت مخنوك

-رجعتلي ندمان بعديش؟-

نزل راسه وحجه

-اسف -

همست
-شترجع شتفيد؟-

ابتسم وكال

نصر: اعرف متفيد ومترجع شي بس اعتذر سامحيني وخل نبدي من جديد اني احبج عسل

هزيت ايدي و ضحكت بستهزاء

عسل: وهسه تريدني انسه وكأنو كلشي ماصار مو

اقتربت منه لزمت ايـده وردت احجي بس انتبهت لـشخص بين الاشجـار واكف يباوع ملامحه مو كلش واضحه خفت كلش

عسل: جايب صديقك وياك؟

هز راسه لا

عسل: لعد منو هذاك

اشرتله على المكان باوع شوي وكال

نصر: وينه ماكو احد

انتبهت لنفس المكان صدك ماكو احد انصدمت بس كلت اكيد اتخيلت

رجعت انتبهت لـنصر اشرت على ايده وكلت

عسل: ههه وين الحلقه لازم ضميتها عبالك ماعرف

نزل راسه وكال

نصر: اي ضميتها

مد ايده بجيبوبه وطلع الحلقه لبسها وكال

نصر: خطبتها مجبور الكل وكف ضدي عسل يكولولي ابـن المدينه مايتوالم ويه بنت الريف

ابتسمت بقهر
عسل: انه هم اكول هيج منتوالم

اقترب مني حاول يلزم ايدي ابتعدت وحجيت

بتعب

عسل: روح

مانتضرته يرد عفته ورحت للبيت دخلت وقفلت الباب وهوه واكف ويصيح ويتوسل

نصر:لازم عندج غيرييي

ويرجع يكول

نصر: اسف اسف سامحيني احبج

ويرجع يكول

نصر:بس ادمر حياتج اذا حبيتي غيري لج

ويرجع يكول
نصر: لا لا مادمر حياتج احبج والله احبج

يغلط شوي ويعتذر شوي

عفته ورحت للغرفه سبحت وبدلت ملابسي نزلت سويت اكـل
امي خطيه نعاسه كلش غطيتها وردت اروح جان تكولي

ام عسل: زينب اجتي تكول ابويه مريض وراح اتاخـر يلا اروح لبيت ام اراي  لا تنتضرني

هزيت راسي اي
فتحت الباب حتى اطلع لكيته واكف كدامي رفعت حاجبي وكتله

عسل: شنو جاي تحرس البيت؟!!!

باوعلي بحزن

نصر:عسل ليش مجاي تفتهمين احبج والله

كملت كلامي متجاهله كلامه ابتسمت وكتله

عسل: خوش كلب

بلحضات تغيرت ملامحه لغضب حجه بعصبيه

نصر:احترمي نفسج

ضحكت وهزيت ايدي باوعت بعيونه واني كلي انتصار

عسل: مع احترامي الك بس انت مو مال احترام واني ماحترمك

حجه بتحذير

نصر: عسـل الزمي حدودج

كملت طريقي واني احجي وهوه يمشي وراي

عسل: متخيل من تجيني ندمان راح ابجي واذكر قصه حبنه واحضنك واكلك حبيبي اني هم احبك؟يول نسيت اذيتك الي نسيت الاهانات والغلط الجنت اتحمله منك ومن اهلك ههه مانسه جملة امك من كالت *يحب بنت الريف وياخذ الي بمستوى بنت المدينه*

نصر: لج انطيني فرررصه ثانيه اتغير علمودج

وكفت ابتسمت وجيت بنبرة استهزاء

عسل: شتتغير هوه انت غير خاطب

قرب مني لزم خدودي بين ايديه وكال

نصر:افسخها ؟

بحلضة ضعف مني هزيت راسي قرب اكثر همس بصوت حنين -احبج يعني رجعتيلي؟!-

ضحكت مستهزئه بصوت عالي انصدم ضل صافن بوجهي دفعته قوي حتى يبتعد وكلت

عسل: خوش نرجع بس امشي نروح الاهلك ونحجي كدامهم وتفسخها وتخطبني خوش حل مو

فتح عيونه مصدوم بلع ريك واضح التوتر عليه ابتسم وحاول يغير الموضوع

نصر:عسل يعني متحبيني مو

ضحكت وهزيت ايدي. كملت طريقي وهوه يمشي وراي ويعتذر ويتوسل

عسل: ليش ترددت اذا تحبني افسخها واخطبني

سكـت شوي وجان يصيح ويخزرني

نصر: انتي قافله عليه قفله مو طبيعيه اكو احد بحياتج  اخذ مكاني موو

تجاهلته وكملت طريقي وهوه يصيح ب اسمي ويكول اوكفي

نصر:لججج هوه انتي كلج خدامه شكو هل تكبر ولج المفروض تفرحين واحد مثلي يحبج بس انتي مو وجه نعمه ولجج العتب عليه حبيت خدامه همجيه مثلج صدك يكولون بنت ريف بعد

. ثواني وسمعت صوته اختفه التفتت وجان اشوفه واكف وواحد واكف كدامه

من صوته عرفته سكتت وكفت اباوع

اراي:منو انت ؟

نصر:وانته شعليك

اراي: احجي لاكسر سنونك منو انت وشتريد منها

نصر: وانته شعليك  لا تصير براسي زلمه

ابتسم بـ ثبات صدمني اتوقعت بعد هاي الجمله يضربه بس جان بارد

اراي: ابتعد عن عسل ولا تزعجها احسلك

اتجاهل كلامه واجه بتجاهي لزم ايدي وسحببني بقوه

نصر :امشي عسل بعد ممنوع تشتغلين اني اصرف عليج

اراي فجأه فطر عليه مثل الاسد الكه فريسته   ضربه على بطنه قوي وكعد فوكاه يضرب بي بوكسيات الحمدالله المنطقه مابي احد جان انفضحنه

اني شفتهم هيج وجان اركض على نصر دفعت عنه اراي قوي وكعدت اطمنت عليه ورجعت لـ اراي الجان مصدوم من رد فعلي

خزرني وكال
اراي:دخلي للبيت ابـدي شغلج يلا

هزيت راسي لا و كلت

عسل: عوفه عليك الله كافي

رفع اصبعه بوجهي وواشرلي ع الباب وحجه بتهديد

اراي: ادخلي للبيت احسلج

رجعت خطوات وره واني اباوع عليهم بدو يتعاركون دخلت للبيت ركض صارت كدامي كوثر وهيه تكلي
-لج نضفيلي الحمام اريد اسبح -

غلست عليها وصعدت ركض لغرفة ايمن دكيتها قوي

فتح الباب وكال

ايمن: شني مداهمه؟

حجيت بسرعه واني ميته خوف

عسل: ايمن الحك اراي جاي يتعارك روححححله

مسح بعيونه وكال مافهمت شي احجي بطيء

حجيت بطيئ واني الهث  استوعب وراح ركض نزل بدون مايلبس شي برجله شافه جود هم ركض ويا التفتت على صياح

كوثر: يبووووووو رجلييييي يبوووو رجلي عمممه رجلي انضررررب

تصيح وتلطم طلعت ركض من البيت بدون حجاب وبمكياج طوخ وبدشداشتها الحصر  وره الشباب اني ضليت واكفه حايره اخاف اطلع ويصيح عليه وماكدر ابقه بالبيت لان اريد اطمن عليهم.

صفن دقايق افكر اتمنيت لو زينب وياي اليوم جان كلتلي شسوي بس اليوم متكدر تجي لان ابوها مريض

اخذت قراري كمت وطلعت وراهم وكفت بعيد ايمن و اراي وجود واحد يلزم بالثاني حتى لا يضربون نصر و نصر واكف يغلط ويفشر عليهم. كوثر واكفه تصيح وتلطم وايمن وااراي يصيحون عليها حتى ترروح للبيت
واني صافنه عليهم شافني نصر صاحني

نصر:عسل امشي لج بعد ماتشغلين هنا امشي يلا كدامي

يحجي ويمشي بتجاهي شافه اراي وجان يصبر بنصنه 

اراي: وخر عنها لاكسرك تكسر

اتجاهله وحاول يلزمني من ايدي
عبالك اراي اتحول فجأ صار يضرب بي بدون وعي
ايمن راح بنصهم يفاككهم وكوثر من شافت اني السبب ضلت تفشر وتصيح وتغلط عليه
راحلها جود ودفعها للبيت وقفل الباب صاح اراي على جـود

اراي: اخذ عسل للبيت ودخلها المطبخ وافقله عليها

سمع كلامه. وكلي

جـود: عسل سمعي كلام ودخلي

ردت ادخل وجان اسمع صوت زينب وراي تباوعلي مستغربه

زينب: شصار؟!

ردت احجيلها بس سمعنه صوت اراي يصيح

اراي: لجج دخلي للبيت صار كم مره اعيد

دخلنه ورحنه كبل للمطبخ وجود لازم يدفع بـ كوثر حتى لا تتعارك وياي دخلنه اني وزينب وقفل الباب علينه ونسمع صوت كوثر التغلط وتفشر عليه

كوثر :ولج اله اخابر عمتي تجي تطردج من البيت
حجت زينب بعصبيه

زينب: طبعا راح انعل والديها

عسل: يمعوده عوفيها

سمعنه صوتها تكول

كوثر: ام الولد بنت الشارع الممتربيه خطافة الزلم

تحجي هيج و زينب كاعده على نار متخبله اله تروح تضربها واني كعدت اهدء بيها وبديت احجيلها السالفه كلها

زينب: دخل ينجب هذا نويصر لوكي لو يحبج صدك جان يفسخها من كلتيله مو يغير الموضوع

هزيت راسي اي

زينب :عود وين الباقين شو بس هذوله موجودين

عسل: ماعرف بس سمعت من جـود يكول طالعين خطار لبيت ناس

احنه نسولف وهاي كوثر تضرب بالباب تريد تدخل

واني كوه لزمت زينب حتى متروح تتعارك وياها سمعنه صوت الشباب دخلو وصوت باب المطبخ انفتح وكفنه نباوع جان اراي وجهه تعبان وايده حمره من الضرب وحلكه دم ويلهث

بلعت ريك واني ميته خوف واحراج من الصار بسببي 

همست لزينب بصوت ناصي

عسل:  اكيد وراي رزاله وطرده

هاي كوثر بس شافتني ركضت عليه حتى تضربني بس صارت زينب كدامي وتعاركت وياها واني واكفه ماعرف شسوي لزمت زينب وخرتها ورحت بتجاه باب البيت صاح اراي من وراي

اراي: وين؟

اتجاهلته ومشيت رجع صاح بصوت اعلى

عسل:للبيت

اراي: تعاي لج

اتجاهلته رجع كال تعاي بصوت اعلى وبكل جديه وغضب

عسل: اريد ابطل من الشغل هذا

زينب سمعت هيج ركضت وراي

زينب: اني هم بطلت

كوثر بس سمعتنه نريد نبطل هلهلت ولو  بيدها  حتى تركص صاح عليها اراي سكتت

طلعنه من البيت واني احاول اقنع زينب ترجع بس هيه رافضه جانت اتمشينه ونص الطريق جان نحس اكو سياره ورانه

زينب

نص الطريق وجان نحس اكو سياره لاحكتنه تمشي ورانه من اول ماطلعنه التفت عسل وجان تردد بصوت ناصي -يا الله يا الله يا الله- وكفت بنص الطريق تلهث وفجأ وكعت بالكاع واني احاول اشيلها واصحيها بدون فايده ضليت اصيح احد يساعدني واضرب بوجها بكلت تكعد ماعرف شسوي ……………

يـتبـع

بارت جديد حبااايبي 💖حاولت اذكر اسماء الابطال لان صارلي هواي مكاتبه شي لهاي القصه ف اذا اكو اسماء ابطال خطأ غلسو 😹😹😹