إنتهى الماضي ، فلا تعش فيه.
..........................................

عسل

سويت اكل السيف كلت بلكت ياكل خطيه وديته اله بالمضيف نايم بنصهم وايده ع وجهه  وكلهم كاعدين يسولفون ومقهورين اتقدمت عليه

عسل: جبتلك الاكل اكل شوي

سيف: ماجوعان

عسل: صارلك هواي ماماكل زين

سيف: ماجوعان عسل ما اشتهي

ضليت احاول ويا رفض

سيف: دخيلك يا علي شكد صعبه

عسل: يمكن ضالمها!

ضحك مستهزء

سيف: بـبيتي وبنص غرفتي وعلى جربايتي وتكوليلي ضالمها؟  شنو هل جرائه العدها شلون كدرت تسويها زين اذا هيه ماتحبني ليش ضاله وياي ليش ماعافتني ليش كسرتني وسودت وجهي هيج

عسل: ماعرف شنو احجي والله

كمل كلامه بحسره
ولكممم ااااااخ يا وجع قلبي انهـد حيلي
يا الله صبرني

يحجي بقهر ودموعه تنزل ويدير وجهه حتى لا اشوفه باوعت للشباب عيونهم علينه مقهورين كلش كمت شلت الاكل وطلعت

كارمن
فتحت تلفوني شفت رساله من رقم غريب! فتحتها. وقريت 
-ليش ماسمعت عن طلاقج! -
وبنفس الدقيقه وصلن  صور انتضرت يحملون واني ع اعصابي مصدومه ومامفتهمه شي
حملت ضغطت عليها وجان اشوف الصور كلبت بيهم احس تخبلتت اعصابي تعبت جسمي كله بده يرجف الحراره صعدتت عندي حسيت نفسي انقطع ايدي ترجف كوه مسيطره ع التلفون وصلت رساله جديده عيوني كلها دموع غوشت ماعرفت اشوف بسرعه مسحت دموعي وقريت

-جنت اراقب بيتكم من الكل طلع عرفت انو انتي بالبيت بقيتي دخلت دورت غرفتج اول غرفه شفتها فتحتها جنتي نايمه ومتغطيه بالبطانيه حتى وجهج بدون ماتحسين نمت بصفج واتغطيت وياج وحضنتج جنت منتضر زوجج يدخل حتى اشوفه منو هذا الازوجتي من جنت مسافر. دخل علينه زوجج اتفاجئ بسرعه فتح تلفونه وصور استغربت الصراحه فعله هذا ههههه لان لو بداله اقتل بدون ماصور حتى هههه وبعدها لزمني ضربني بس ههه كله يهون لخاطر ترجعيلي اول ما فلتني كدرت اهرب منه ههه يلا المهم مبروك طلاقج لا تخافين اني اخذج حتى اذا مطلقه راضي بيج-

قريت الكلام وبديت ابجي ركض كرار خايف لزمني -شبيججج - دفعته حيل رجع وره عفته وركضت اصيحح بنص البيت

كارمن:سسسيييف سيييف وينننننه وين راح

دخلت للمطبخ سئلت عسل كالتلي بالمضيف ركضت للمضيف حافيه دفعت الباب قوي الكل انصدم
حالتي حاله جسمي يرجف بدون شال

شفت سيف كاعد بالزاويه منزل راسه وحاط ايده على عيونه  ركضت  يمه سحبت تلفونه من جيبه انصدمو كلهم فتحته جان بي رمز

كارمن:افتح الرمز بسرعه

باوعلي مصدوم

سيف: شبيج؟شبيج كارمن؟

كارمن:افتتح الرمز بسرعه سيف بسررعه

صفن مامفتهم شكو

كملت كلامي

كارمن: افتتتتح التلفونننن سييف ضرورييي

كرار: اتخبلتتتي شبيج شتريدين من تلفونه

اتجاهلتهم فتحه مستغرب اخذته بسرعه  دخلت على الاستوديو شفت اول صوره فتحته وجهه الولد ما مبين كلبت ع الصوره الثانيه وجهه مبينن بهاي الحضه عرفت انو ديمه صدك مضلومه
حجيت واني ابجي

كارمن:سيف سيف ديمه ماخانتك ضلمتووووها

باوعلي مستغرب

كملت كلامي وكلت

كارمن: هذا الولد جاسم

سيف: مجاي افهم شي كارمن

انطيته التلفون كعد يقراها مصدوم رفع عينه

هزيت راسي اي

سيف: هذا الحيوان راد يوكعج الج؟! بس دخل غرفتي بالغلط!!!!!

هزيت راسي اي واني ابجي

كارمن :ضلمتوها ضلمتو ديمه جانت كلها خطه من جاسم راد يدخل لغرفتي وينام يمي حتى كرار يشوفنه ويطلقني فـ انجبر ارجع يمهم وهوه يغصبني ع الزواج

باوع بوجهي دموعه نزلت ضم وجهه بسرعه

حجه بقهر

سيف :ضلمتهااا؟ كل هذا الوقت تكلي مضلومه وماصدكت شسويتتت اني شسويتتتت

ايمن : كوم اصعد احجي وياهااا واعتذر منها

اراي: وهذا جاسم احنه ناخذ حقنه منه

سيف
هزيت راسي اي طلعت من المضيف صار كدامي ابويه حجيتله كل شي ضل يستغفر وانقهر بسرعه صعدنه للغرفه فتحت الباب عيوني تدورها ماكو اتخبلت ضليت اصيح اريدها ماكو نزلت جوه الكل بده يدور عليها بهاي الحضه عرفت انو هربت ماتحملت الضلم الصارلها عافتني! بعذاب الضمير وراحت!

ايمن

طلعنه اعصابنه تعبانه متحلفين لهذا الحيوان لازم نلكا اخذنه من كارمن العنوان رحنه بسرعه للمكان

نزل اراي يركض ضرب الباب قوي محد يفتحه

اراي:قسم بالله اذا ماتفتحو اكسره على راسكم

ايمن: اراي اهدئ لا يخابرون الشرطه

اراي: طبهم مرض غير افلش البيت ع روسهم

انفتحت الباب طلعت حجيه كبيره

-يواش يمه شبيكم؟-

اراي: حجيه صيحيلنه الحيوان جاسم

-يا يمه چا ليش تغلط عليه؟ -

ايمن: حجيه صيحي فضيها

-خوش -

دخلت شوي وطلعت

-ماموجود يمه -

اراي: حجيه قسم بالله لو يطير هم الزمه

-يا چا شمسوي هل مكموع-

جود: مامسوي شي حجيه روحي نامي

رجعنه للبيت تعبانين اعصابنه تعبانه صعدت لغرفتي هم بدت كوثر تحجي براسي على اهلي واني اعصابي تعبانه كوه لزمت نفسي وما كتلتها.

بكل لحضه عسل ماتروح من بالي بكل لحضه احسها عايشه بروحي منين وشلون حبيتها لهدرجه مادري كل ما اذكر نفسي مزوج اضل استغفر و اطرد هل افكار من بالي بس شلون واني لكيت حبي الحقيقي!

عسل
البيت اجوائه متكهربه الكل ضايج وكاعد سيف راح البيت اخوها مالكاها حجه اله كل الصار والولد تخبل عليه طرده من البيت وحلف اذا صار شي الاخته يذبحه

رجع للبيت وجهه ذبلان صاير اسوء من قبل صعد كبل  لغرفته
سويت اكل ورحت اصعده اله لان صارله هواي ماماكل

وكفت كبال الغرفه دكيت الباب ماكو مايفتح لزمت اليده وفتحتها دخلت الغرفه ماباقي بيها شي صاحي متكسره تكسر ادور عليه كاعد بنفس الزاويه الجانت كاعده بيها ديمه اقتربت اكثر لازم بيده صورت عرسهم ويحجي بقهر

جنت ماحبها كسرتها بكلامي نضرات الحب بعيونها ماجانت تهمننني حجيت وياها بكلام قاسي كسرت قلبها وكبريائها اعترف بس بس شوي شوي حبيتها لا مو بس حبيتها عشقتها  شلون اعوضها هسه عافتني وراحت وين اروح وشلون اوصلها ياااا الله وين اروح ياربي حامل حامل ومارحمتها يا الله

كعدت مقابيله سحبت الصوره من ايده نزلت دموعه يحجي بخنكه

-روحي عافتني وين الكه روحي ؟-

عسل :سيف جبتلك اكل كوم اكل شوي مو زين ماماكل صارلك هواي

سيف: ماريد شيلي

عسل: اذا ما تاكل مراح تصير عندك قدره تكوم تدور عليها

باوعلي ساكت كعدت اقنع بي كانو طفل ابتسم وبده ياكل شوي شوي لحد ما خلص اخذت المواعين ونزلت غسلت شوي وحسيت احد وراي التفت

واكف مبتسم  بيده علاكه. اقترب ومد الي العلاكه اخذتها مستغربه

اراي: افتحيها

فتحتها بيها علبتين اخذت علبه فتحتها بيها تلفون!!!!! باوعتله مستغربه ابتسم وكال

اراي: تلفون الج والزينب

رجعته اله رافضه ضل يلح واني ارفض

اراي: علمود الشغل من تريدج امي كبل تتصل عليج

سكتت وبالي اكول *هذا شبي اهله بيا حال وباع هذا *

ديمه

ياا علي ضلموني بشرفي اجيتك مالي غيرك الخنكه البروحي تاكلني هواي غلطت اعترف بس كسرتي بسيف خلتني هيج يااا الله بحق امير المؤمنين علي تبين برائتي

كمت اروح اشتري شي اكله اخذت لفه وكعدت ع صفحه اكلها ويه كل لكمه دموعي تنزل ماراضيه عن حالتي هاي والف فكره تجيبني وتاخذني وين اروح وين انام مو مال انام بفندق وحدي اخاف ابجي وادعي بقلبي

ماحس اله اسمع صوت صدمني!!!!!!!!

عسل
ماخلو مكان مادورو  جاسم العار بي بس اختفى كلش
سيف وضعه كل يوم يسوء كارمن شالت الذنب وبس تبجي محد اله نفس يحجي بالبيت كلهم مقهورين

دنسوي اكل وجان يجي سيف واراي

سيف: عسل  اريدج بموضوع

عسل :كول

سيف: اكو مكانين متاكد ديمه رايحه الهن دام مو عد اهلها

عسل: يي واني شنو اكدر نسوي

كمل كلامه
سيف: النجف وكربلاء يعني مرقد الأمام علي والأمام الحسين والعباس عليهم السلام اريدج ويانه حتى تدوروها بالحضره

باوعتله مصدومه

عسل : مكان كبير شلون ندورها بي

سيف :ماعرف بس عندي احساس قوي انو الكاها هناك ساعديني عسل

عسل: خوش بعيوني

حضرنه نفسنه جابلي عبايه من ديمه وحجه الاهله كلهم ضلو يدعولنه نلكاها واني كلت لزينب حتى تبلغ امي ولا يضل بالها
صعدت ويا بالسياره اراي كاعد بصفه واني وره

وصلنه لكربلاء اول شي نزل سيف وكف كبال مرقد الأمام الحسين وضل يدعي انو يلكاها

دخلت اني لمكان النسوان متاكده مراح الكاها بس جان عندي امل بس للاسف ماكو مثل ماتوقعت طلعت السيف الجانت نضراته تقهر كلش هزيت راسي لا ضل ساكت رحنه لمرقد الأمام العباس وهم سوينه نفس الشي وماكو
رجعتله عنده امل كلش كبير وطول الطريق يكول رب العالمين موجود

وصلنه للنجف وهم دخلت دورت ومالكيتها
طلعت شفته واكف والجكاير بيده مقهور وكل شوي يذب حسره واراي واكف بصفه ويهون عليه وايده على كتفه اول ماشافني رفع راسه  ابتسم فرحان هزيت راسي لا. نزل راسه مقهور فقد الامل ابتسم واعرف ب ابتسامته حزن كبير

سيف: روحي زوري وتعاي منتضريج هنا حتى نرجع

هزيت راسي اي دخلت  زرت ودعيت ينلم شملهم ويرتاح قلبه

طلعت شفتهم منتضريني بالباب مشينه مسافه
وصار كدامنه مركز المفقودين رغم نسمع الندائات بي بس مادري ليش راح عن بالنه كلش نسويها  باوعت لسيف ابتسم صار عنده امل دخل للمركز وكالهم ع اسم مرته الكامل والمحافضه حتى يصيحونها هذا اخر امل عدنه

صاحو ب اسمها مرتين انتضرنه ثلاث ساعات كبال المركز ماكو كل شوي ندخل للمركز نسأل مسؤولين العتبه اجت لو لا ويكولون لا

باوعت لـ اراي مقهور عافنه وراح جاب ماي انطانه وهم ضلينه منتضرين متنه تعب صار المغرب وماكو فقدت الامل اني وأيست نلكاها بس هوه جان عنده امل

كاعد بالكاع سبحته بيده يسبح

سيف: اراي اخذ عسل ورجعو

اراي: وانته

سيف: اني اضل انتضرها لحد ماتجي

اراي: ومنو كال تجي ومنو كال هيه اهنا مو بغير مكان سيف

سيف: اذا مارجعت اني هم ما ارجع ضال اهنا عند امير المؤمنين اذا رجعت تتدمر نفسيتي

اراي:سيف اتخبلت شنو هل تصرفات كوم ارجع ويانه

سيف: ما ارجع اراي مارجع

اراي: بداعت امك بداعت الحسين عليه السلام عليك ترجع ويانه لخاطر امك وابوك

هز راسه وكام حتى نرجع

ديمه

ماحس اله اسمع صوت صدمني!!!!!!!!

على الزائر ديمه --- من محافظه --- التوجه الى مركز المفقودين الاهل في الانتضار

ضليت مصدومه اسمي الكامل ومحافضتي شوي اكول هاي اني اكيد وشوي لا زين اذا اني شلون اروح وهمه يريدون يذبحوني لا ماروح
اكيد يريدون يرجعوني حتى يذبحوني

صار المغرب واني دموعي بس تنزل كمت اتوضيت وصليت خلصت صلاتي وبديت ابجي لان حسيت اكو صوت بداخلي يريدني اروح بجيت بحركه لان مرت خمس ساعات تقريبا يعني حتى اذا رحت مستحيل الكاهم

نزلت دموعي ضليت حايره شوي وكلت هاي هيه اجرب اروح اذا لكيتهم ارجع وخل يذبحوني
كمت دورت المركز ناس تذبني ع ناس لحد ما وصلت اول مادخلت كتلهم ع اسمي ومحافضتي

عسل
مشينه مسافه عن المركز وسيف و اراي دخلو للتفتيش واني جاي ادخل وجان يجيني واحد من مسؤولين اسمعه يصيح
- زااايره اختييي اختييي -
التفتت متسغربه

كال
-السلام عليكم اختي البنيه الصحتو ب اسمها موجوده حاليا داخل المركز اعرف صارلكم هواي منتضريها فـ حبيت ابلغكم -

باوعتله فرحانه احس روحي طرت من الفرح مدري ليش بسرعه التفتت شفتهم عابرين التفتيش وديسولفون التفتو عليه من شافوني ماكو. ضلو يدرون لحد ما اراي شافني قبل التفتيش واكفه ضل يباوعلي مستغرب كلتله المركززززز ورحتت بسرعه رجعت ع المركز

سيف: وينها؟وين راحت

اراي: ماعرف بس كالت المركز وراحت

سيف: خاف نست شي بالمركز

اراي: خل نرجع للمركز

ديمه

فقدت الامل انو موجودين بجيت بقهر داطلع وجان انتبهت واحد من المسؤولين دخل و ورا بنيه ركزت بيها عسسسل!!! باوعتلها مامستوعبه شجابها وليش اجت اول ماشافتني ضحكت  وركضت حضنتني حضنتها حيل متندمه ع قساوتي وياها وبدون ما احس دموعي نزلت اباوعلها هيه هم تبجي

همست بصوت ناصي

عسل: اجينه نرجعج لبيتج

بعدتها شوي عني وابتسمت بقهر

ديمه: لا عسل مو بيتي

عسل: لا بيتج و حبيبج جاي يرجعج هم

باوعت الهاا مافاهمه لزمتني من ايدي وسحبتني برا شفته واكف!!!! داير ضهره اول ماقربت منه كلت هاي هيه موتي ع ايده اكيد يريد يذبحنييي ولو ما العالم اهنا يكتلني

وكفت كباله اول ما التفت دموعه نزلت مسحهن بحركه سريعه عيونه حمر يبلع ريك بالكوه
نزل للكاع وسجد شكر وضل يحمد رب العالمين واني مستغربه هذا شبي شديصير مو جانو يكولون خاينه شكو زين ليش هيج فرحان برجوعي معقوله لان يريد يذبحني لو علمود من الطفل يجي يثبت عود خياننتي

اقترب مني ابتسم وكـال بنبره كلها لهفه وفرحه

سيف: يلا نرجع للبيت

خزرته وحجيت بقوه مصطنعه

ديمه:اسمعني زين راجعه وياكم بس وحق علي داحي الباب اذا اجه طفلي و واتاكدت اني بريئه وجهي ووجهه طفلي ماتشوفه لان ماتستاهل تكون ابو

نزل راسه وحجه بغصه واضح شكد مقهور وتعبان

سيف: ديمه اي واحد بمكاني يسوي هيج بس اعتذر والله اسف ماعيدها وعيونج

جاي اريد اجاوب وحسيت شي نزل مني و الم قوي ببطني

حجيت بخوف وصوت ناصي

ديمه:يممممه بطنيييي  طفليييي  يمكن صار بي شي الحكولي 

جان واكف يباوعلي اول ماصرخت نزل نضره لرجلي الجان ينزل منها شي ضل واكف بصدمه ركضت عسل تلطم ع وجها وتركض الي
بسرعه لزمتني من جهه وصرخت على سيف البعده واكف مصدوم ويرجف وجهه صار احمر وعيونه اتجمعن بيها دموع

فز ع صرخت عسل وركض لزمني من الجهه الثاني

روحي طلعت الم كلش قوي وبنفس الوقت احس دينزا مني شي ضليت ابجي وادعي بخوف

ركض اراي كدامنه واسمع المسؤولين بالعتبه يحجون بالاسلكي

-جيبووو السياره التنقل الزائرين بسرعه بسرعه الزايررره بحاجه الها-

بهاي الدقايق هووسه صارت والكل يصرخ وحايرين احس روحي دايخه ماداشوف شي صار غواش كدامي ماحسيت ع شي بعد

★★★★

زينب

كاعده بالمطبخ وكارمن مكابلتني وتبجي

كارمن: كله بسببي اني لو ما اني ماصارت هل سالفه ولا ضلمو البنيه ااووف

زينب: بابا انتي شعليج قابل انتي كتيله يجي مالج دخللل هوه حيوان ومريض وسوه هيج حتى يطلكججج

ضلت تبجي واني اجيبلها ماي وامسح وجهه

ابتسمت وكامت حضنتني

كارمن:شكرا حبيبتي

دقايق و فزينه ع دفرة الباب ركضت اباوع من الشباك يصير ع حديقة البيت
دخلو ثنين ملثمين بيدهم مسدسات بعيونهم واضح الشر والحقد ضليت واكفه من الصدمه ماعرف شسوي من الرعب الحسيت بي اريد احجي اريد احذرهم ماحسيت غير ……