لا تُحارب شخص قوتهُ الوحيدة الله 🤍

.................................
ضلينه واكفين مصدومات البيت فارغ مابي احد بس هوه يصيح - اليوم اذبحها- دخل للمطبخ رحنه ركض ورا طلع ساطور من الكاونتر طلع من المطبخ.وكفت كدامه احاول افهم منه شي

عسل: شكووو شبيك اتخبلت شدتحجي

خازرني ويصرخ

-وخررري عسل وخري خلي اغسل عاري بيدي -

ردت احجي بس اتفاجئت وراي صوت الشيخ فاقد

التفتنه جاي من بره هوه وام اراي مفزوعين

ابو اراي: شكوووو شصاير هنا ليش صوتك واصل للشارع

ام اراي:يممممه وليدي شنو هاي بيدك

وجهه احمر يلهث من التعب مسح وجهه بحركه سريعه نزل راسه دموعه تنزل

يحجي بغصه كمية القهر واضحه عليه انكسر قلبي عليه

-كشفتها نايمه ويه واحد بغرفتيي خانتني كسرتني بويه-

انصدمنه كلنه من كلامه واحد صافن بوجه الثاني

اتجاهلنه وراح للغرفه صاح عليه

-سيف هذا مو حل طلكها وخل تنقلع الاهلها يلمون شرفهم همه -

اتجاهل كلامه ركض للغرفه ركضنه ورا صاح الشيخ ابو فاقد

ابو اراي: عسل اتصلي على اراي بسرعه خل يجي هوه والشباب ركضي رمز تلفوني 1966 مرتين ركضي

هزيت راسي اي وركضت ادور تلفونه لكيته فتحته ضليت ادور بي لحد ما عرفت جهات الاتصال دورت على اسم اراي اتصلت عليه

اراي

كاعد بالمركز ماعدنه شي نسولف ونشتغل على كم قضية خلصت داروح الايمن وكفني اتصال من ابويه فتحته

اراي: الو؟

عسل :الووو الو دتسمعني

انصدمت من سمعت صوتها شيسوي تلفون ابويه بيدها خفت يطلع صايرله شي حجيت بخوف

اراي:شكووو عسل ابويه صايرله شي

عسل: لا لا مابي شي بس تعال ضرورييي انته وايمن وجيب وياك اخوانك بسرعه حباب بسرعه

حجت جملتها وسدت الاتصال مانتضرت ارد عليها اخذت المحفضه وبصمة السياره وطلعت بسرعه الايمن دخلت

-ايمن امشي للبيت بسرعه-

باوعلي مستغرب

ايمن:شكو خوفتني شصاير

-ماعرف خابرتني عسل من تلفون ابويه تكول تعالو بسرعه للبيت-

ايمن: ان شاء الله خير

عسل

رجعت يمهم خايفه من منضرهم سيف بعده شايل الساطور ويريد يدخل بس ابو لازمه

باوعتلي ام اراي اشرتلي ادخل يم ديمه واقفل الباب هزيت راسي اي

دخلتت للغرفه. متكسره تكسر مابيها شي صاحي دورت على ديمه كاعده ع صفحه تبجي شعرها مكفش وجها مليان دم قفلت باب الغرفة واقتربت منها رفعت عيونها عليه همست بصوت ناصي

-ووالله وحق رأس الحسين مضلومه-

رفعت عيوني بعيونها عندي احساس غريب انو فعلاً مضلومه وبنفس الوكت اكول لا مستحيل سيف شاف الولد بالغرفه هزيت راسي اي وسكتت اقتربت مني

بـ ابتسامه حزينه كالت

-اني حامل-

باوعتلها متفاجئه همست بصوت ناصي مامصدكه

-يا شهر-

-ثالث -

سكتت ماعرف احجي اقتربت مني دموعها تنزل وهمست

-افتحي الباب خل يذبحني -

هزيت راسي لا

ضليت كاعده يمها فزينه على صوت ضربات الباب يصرخ بعصبيه

-ولج اليوم اذبحج يعني اذبحج -

صوت ضربات قويه على الباب لحد ما انكسر بيده دخل للغرفه وجهه احمر كله عرك شعره مكفش حالته تعبانه عيونه حمر بيده الساطور اجه بتجاها وابو ورا يصرخ يريد يوكفه دخلو اراي و ايمن وجود يريدون يفهمون الموضوع مامنتبهين السيـف

اقترب اكثر منها رفع الساطور عليها ركضت صرت بنصهم اتوسله يعوفها ماعرف شنو جنت احس ولا ليش هيج سويت بس شعور بداخلي جبرني هيج انطي رد فعل

استغرب الكل من رد فعلي صرخ بوجهي بصوت عالي

سيف: وخري عسل وخري قسم بالله اكتلها وخري كتلج

هزيت راسي لا دفعني ورجعت بسرعه كدامها مستغربه منها ماتنطي اي رد فعل ولا تحجي كلمه

عسل: لا لا مضلومه سيف والله مضلومه

ضحك مستههزء بكلامي صرخ بوجهي بعصبيه خوفني

سيف: تصووووير عندي تصوير

صفنت بكلامه ماعندي شي ادافع بي عليها اقنعت انو خاينه بس المشكله شي بداخلي مانعني اصدك دفعني حيل انضربت بالحايط قوي لزمها رفع الساطورر عليها
كلهم ركضو عليه يحاولون يمنعو

صرخت بـ. اعلى صوتي

عسل: حاااامل لا تكتلها حامل

التفتلي مصدوم رجع باوع عليها

سيف: مووو ابني متاكد خاينه هسه يطلع ابن هذا

راد يضربها ركضو الشباب منعو

رفعت عيونها بـ عيونه

ديمه:ابنك

خزرها والتفت يريد يطلع حجت ودموعها تنزل

-اني صح اذيتكم بهذا البيت اعترف بس مستحيل توصل عندي للخيانه اقسم بالله ضلمتني -

باوعلها بستهزاء هز ايده وطلع

طلعت وياهم اباوع اتفاجئت كوثرر موجوده هزت ايدها ودخلت لغرفتها

ايمن :لا تحكم بسرعه يمكن مضلومه صدك

سيف: لك شفتها بغرفتييي ويه حبيبها نايمه دتفهم لو لا استغلت البيت فرغ من اهلنه طلعو خطار وجابت حبيبها

اراي: سيف متاكد؟

لطم على راسه وصرخ بوجهم

سيف: عندييي تصويررر

ابو اراي: سدو الموضوع لهنا ماريد احد يعرفه لا اهلها ولا غيرهم لحد ما البنيه تجيب نسويله تحليل اذا ابنه ناخذه ونشمرها عند اهلها واذا لا تطلكها وتروح الاهلها

سيف: ان شاء الله خير

عافهم وطلع من البيت

التفتلي اراي

اراي: روحي لغرفتها اعتني بيها لحد ما تجيب وازيدلج راتبج

باوعتله ساكته

رحت للمطبخ لحكتني زينب

زينب: لج ماخذه ابن شيوخ وتخونه صدك تحجي هاي

عسل: احساسي يكولي مضلومه صدك

باوعتلي صفح معاجبها كلامي

زينب:لج ديكول تصوير عنده يا احساس يا ضلم بعد

سكتت حايره عفتها وكملت شغل

ام اراي : السلام عليكم

جاوبنا -وعليكم السلام-

ام اراي:سوي اكل يمه عسل ولو محد اله نفس ياكل بس سوي مو زين يضلون بدون اكل

هزيت راسي اي

سويت اكل بسرعه شوي ونزلت كارمن تعبان ساعدتنه شوي

كرار:السلام عليكم

-وعليكم السلام -

كرار: بوووويه باع مريتي فراااشه تشتغل فراشه

كارمن:يعمري فدوه الوجهك

كرار: احم ءشسمه عسل بلا زحمه اكدر استعير مريتي شوي

عسل: طبعا اخذو راحتكم
شوي وطلعو

عسل : زينب ودي الاكل الهم واني احضر الجاي واشوف ديمه

زينب :ماشي

اخذت الاكل وراحت

عسل
داسوي بالجاي واحضر اكل لـ ديمه انتبهت واكف على الباب مستند عليه مبتسم همس بصوت ناصي
-حلقوووومه-
التفتت ادور وراي

ضحك وكال

اراي: انتي حلقومه يمعوده شتدورين

رفعت حاجبي معاجبني كلامه

اراي: حلقومه ورديه وحلوه

خزرته وحجيت

عسل :لا تحاول اراي اقسم بالله اذا تتحرش بيه اذبحك. ومايرفلي جفن فهمت

ضحك بصوت عالي

اراي: يجي يوم واثبتلج حلقومه

سكتت عافني وطلع كملت الاكل داصعد الغرفة ديمه

شفته كاعد ع الدرج ايده على وجهه شعره مكفش رفع راسه شافني ابتعد شوي
انكسر قلبي عليه منضره يقهر

عسل: اسويلك اكل؟

هز راسه لا

عسل: لازم تاكل مو زين

سيف: ماريد ماجوعان

سكتت عفته وصعدت دخلت للغرفه كاعده بالزوايه لامه رجليها لصدرها ودموعها تنزل اقتربت منها. خليت الاكل يمها ردت اطلع صاحتني

ديمه:سيف اكل ؟

هزيت راسي لا

دفعت الاكل منها وكالت

ديمه :ماريد شيلي

عسل: لازم تاكلين مو زين اذا مو علمودج علمود البطنج

ديمه: الي بطني ابو مامعترف بي المن اجيبه للدنيا يتاذه!؟

عسل: لا تلومي السويتي مو قليل انتي سويتي ذنب عظيم عند رب العالمين

بجت بنهيار وضلت تضرب بوجها قوي

ديمه:لججج ماخنته ماخنته لج اعشقه شلون اخونه صح اني اذيتكم هواي وتكبرت عليكم هواي بس ماتوصل عندي اخونه لج احبه لج اتخيلي اتحملت انام ويا واني اشوف وجهه ماطايقني لج يبوسني وهوه ماطايقني بس هذا كله ماهمني لان احبه اتمسكتتت بي دتفهمين

ركضت لزمت ايدها حاولت اهدئها
عسل: اذا انتي مضلومه راح يطلع حقج بس هسه اكلي لخاطر الي ببطنج

هزت راسها يي اكلت عفتها و طلعت من الغرفه دانزل ع الدرج شفته نفس حالته كاعد وايده على وجهه  نزلت من يمه رفع راسه فاز عيونه حمر انصدمت؟!!!! جان يبچي دموعه تنزل بي شافني مسح وجهه بحركه سريعه وكام بسرعه نزل وطلع من البيت

رحت للمطبخ مالكيت زينب رحت ادور عليها شفتها واكفه ع صفحه كدامهم وهمه يسولفون نضراتها حزينه عرفت بيها مشتاقه الهذا الجو العائلي ماعرف شلون اواسيها انكسر قلبي عليها عفته ورجعت للمطبخ

دانضف وحسيت بحركه وراي التفت مفزوعه

اراي: اسم الله اسم الله

عسل: هاي انته فززتني

ابتسم ساكت صافن بوجهي شوي واتحمحم

اراي:احم عسل سويي اكل لسيف خطيه ماماكل من الصبح

عسل :ليش هوه رجع

باوعلي مستغرب

اراي: ليش هوه طلع؟

هزيت راسي اي

اراي:لا حول ولا قوه الا بالله ليش شوكت طلع

عسل: قبل شوي خطيه حالته كلش تعبانه شفته جان يبچي

تحسر مقهور

اراي:حقه عسل حقه تعرفين شنو الخيانه للرجال هاي جريمه بحق رجولته

ضليت ساكته عافني وطلع طلعت ورا شفته صاح ايمن وطلعو لليل يلا رجعو

خلصنه كل شغلنه اترخصنه حتى نطلع اجانه اراي يركض

اراي : اني اوصلكم بويه

عسل: باوع اراي عوفنه لخاطر الله مالنه خلك مرتك ابد قريب البيت ميحتاج احنه نروح

اتجاهل كلامي وطلع رحنه ورا مأيسين

صعدنه للسياره احس من بداية الطريق لنهايته يباوعلي مرات احسه صدك يحبني ومن اذكر مزوج اكول يضحك عليه وصلنه للبيت نزلنه من السياره

زينب
جاي ننزل  وجان يصير كدامنه نصر!!!! واكف يباوع لعسل انتبهت لـ اراي نزل بسرعه وكف بصفها وعسل بدت ترجف من الخوف حاول يقرب منها بسرعه ركضت وره اراي تحتمي بي

نصر:عسل شدتسوييين تحتمين مني يم غريب؟

دموعها تنزل وتحجي بخوف

عسل: انتتتته انته مو انسجنت؟

شوي وتباوع الاراي وتحجي

عسل: مو سجنتتته سجنته لو لا ها احجي

نصر: ماكو دليل انو خطفتج فـ طلعوني

عسل:اراي اراي يريد يعذبني والله يريد يكتلني

راح بسرعه ضربه بوكس

اراي:لا تقرب منها لاجنزك ومحمد

نصر:شعليك انته؟ مالك دخل اني زوجها

رجع ضربه قوي وكع بالكاع يحجي مبتسم

نصر:عسل ديضرب زوجج تقبليها؟

هيه اول ما سمعت كلمة زوجج اتهسترت ضلت تصرخ وتضرب بنفسها

عسل :وخرررره من يميي وخره يريد يعذبني ولك وخررره

ركضت الها احاول الزمها بحركه سريعه بدون ماتحس على نفسها لزمت تيشيرتها شوي شكته ركض عليها اراي نزع تيشيرته لبسه الها وصاح عليه اخذها

اراي: دخليها للبيت بسرعه

اخذتها للبيت اتلكتنه خاله تركض

ام عسل: شكو شكو شبيكم

زينب: بعدين اسولفلج

سكتت دخلتها نومتها بحضني اقره ايات عليها وهيه كل شوي تفز تصرخ

عسل: والله والله يريد يموتني

زينب: اشش حبيبتي محد يوصلج

هدئت نامت شوي

العوده الى الماضي

فرحانه بعرسي راح اخذ الهويته كلهم يركصون وفرحانين بينه اجتني زينب تهلهل سحبتني نركص سوه ركصت الفرحه بقلبي مو طبيعيه احس حلم هذا حب حياتي صرت حلاله خلص العرس لليل صعدوني لغرفته دخلت فرحانه
-الف الف الحمدالله ربي -
دخل للغرفه فرحان اقتربت منه

يلا حبيبي نصلي

هز راسه لا باوعتله مستغربه

ابتسم وكال

نصر: اني تارك الصلاة

ضليت احاول ويا بدون فايده رحت صليت وحدي شوي ودخلت بسرعه غسلت ولبست ثوب ابيض حرير جابته امه الي لبسته وطلعت شفته ماموجود استغليت الوضع شفت حومره حاطين خليت منها ورشيت عطر وكعدت انتضره دخل للغرفه قفلها اقترب مني .......

صرخ مفزوع
- مااااكو دم-
باوعتله مستغربه
رجع صرخ بصوت اعلى
-لجججج ماكو دم ماكوووو دتفهمينن-

استوعبت كلامه هزيت راسي بخوف
-ماااعرف ليش ماعرف -

لزمني من حنكي قوي يحجي من بين سنونه

-منو ماااخذج لج منوو -

هزيت راااسي مرعوبه

-والله والله محد صدكني محد-

دفعني قوي على الجربايه ونزل شوي وصعدو ويا اهله

ام نصر:ووولج طلعتي مو زينه مشتج امج ال**براسنه

عسل: احترمي نفسج امي لا تجيبيها ع لسانج ترا قسم بالله انسه انتي مره كبيره

بس حجيت هيج ركض عليه هايج ضربني ضرب وغلط صعبه وحده تتحمله  اتمنيت الموت ولا هل الاهانه

كمت تعبانه احاول احجي ويا

-والله محد واصلي والنبيي صدكني نصر صدكني اني حبيتك الك والله -

لزمني من ايدي قوي سحبني يمشي سريع طلعنه من البيت واني بملابس النوم صرخت عليه اريده ينطيني عبايه استر روحي بيها

-نصر شوف ملابسي بس خل البس عبايه وين ماخذني نصرررر -

ضحك مستهزء

-هسه صرتي شريفه؟-

باوعتله مصدومه هوه هذا الحبيته؟ شوي اكرهه وشوي انطي مبررات انو حقه اي رجال بداله يسوي نفس الشي صعدني بالسياره طول الطريق ابجي واتوسله يصدكني وهوه ولا مهتم وصلنه لبيتنه دفر الباب جانت امي كاعده وزينب يسولفون اتفاجئو ببينه ركضت خاله تريد تفهم شكو

دفعني قوي وكعت بالكاع

-هاج بنتج السا**وباجر توصل ورقه طلاقها-

ركضت لزمت ايده عيوني صارت بعيونه اتوسل بي يصدكني رجع دفعني قوي

-ماتلزمني وحده مو  شريفه -

وكفت كدامه ماعرف منين اجتني القوه

-خليها ببالك المضلوم مايضيع حقه وانته راح ترجع ندمان -

اتجاهلني وطلع ركضت امي تصرخ بوجهي

-شكو شكووو شبي شصار فهميني مو جنتو تحبون بعض وخبصتونه-

كعدت حجيتلهم كل الصار

كعدو يمي يواسوني شوي وزينب راحت لبيتها

طول اليوم مانمت بس ابجي وامي مكابلتني وصافننه
بـ3:00الضهر

جنت ابجي وادعي ربي الكه حل للمصيبه الصارت شوي واجتني امي

-كومي بدلي-

باوعتلها مستغربه
-وين-

ابتسمت وكالت

-ناخذ حقج -

عسل: يعني شنو مافهمت

ام عسل: شوفي ماما رفعت عليهم قضيه وهسه لازم نروح للمحكمه

هزيت راسي اي طلعنه نص ساعه ووصلنه لمحكمه دخلنه للقاعه نصر واهله موجودين الفهمته من خلال صراخهم علينه انو امي رفعت عليهم قضية

بدت الجلسه استقرو على انو اسوي تحليل

ابتمست امي بوجهي وحجت بصوت عالي تسمعهم

-ماما اني اثق بيج حبيبتي بس هذا التحيليل حتى ناخذ حقنه منهم -

هزيت راسي اي

شوي واخذوني نسوي تحليل واكفين بباب المختبر نص ساعه وطلعت الدكتور اتجمعو يمها نصر واهله

الدكتوره:……………

يتبع 🌸