لا تعطي وعد ماتكدر توفي!
ولا تمثل شعور انت ماتحس بي!
ـــــــــــــــــــــــــــــــــــــــــــــــــــــــــــــــــ

التفتنه الصوت اراي واكف تعبان ايده على اصابته يحجي بتعب
اراي: شنو شكو منو مات

ردت كوثر الجانت واكفه باب المطبخ

-عسل ماتت-
الكل انصدم واني قلبي بده يلعب عندي حساس يخوف كلش
عيوني تلقائياً راحت على اراي اشوف رد فعله

فتح عيونه مصدوم ثواني وخرزها

دخلي جوه لا اكسرج تكسر

باوعتله مستهزه اقتربت وجان تكول

-امها جايه ببيتنه تتهمنه خاطفين بنتها الس***-

بس فشرت على عسل ماتحملت بعد ركضت عليها لزمتها من شعرها جريته وضليت اضرب بيها ركضت ام اراي تحاول تبعدني عنها وكفها صوت اراي

-عوفيها يمه لا تدخلين-

كملت عليها اضربها بدون وعي وهيه تحاول تضربني بس ماكدرتلي رغم اليشوفها يكول اقوه من عندي اضرب بيها قوي وجها اتدمه وهيه جواي بس تغلط وتفشر واني اقوي ضرباتي اكثر

شوي وهدئت على صوت ام عسل

-عوفيها بنيتي عوفيهااا راح تموتيها ولج عوفيها لخاطررري -

ابتعدت من عدها بس بعد ما دميتها تدمي

انتبهت لـ اراي دخل للصاله دقايق وطلع مبدل

ابتسم لخاله وكالها
- ارجعها الج لا تخافين-

صاح ايمن ورا
-اراي اني ادور عليها انت بعده جرحك جديد-

هز راسه لا وطلع ركضو ورا ايمن و جود

عسل

فزيت مخروعه راسي يوجعني واحس ماي على كصتي
انتبهت للغرفه الاني بيهاا!!! اعرفها هاي الغرفه اعرفها بس صايره كلها تراب بدون اثاث شبه مهجوره
رجعت بذاكرتي اذكر الصارلي

التفتت ضباب قوي بس مبين الخيال خفت سرعت مشيتي واني ادعيي بخوف

التفتت مخروعه وانضرب قوي على راسي ماحسيت بشي اغمى عليه بوقتها
ايدي مربوطه ورجلي كذالك حاولت افتح ايدي بس ماكدرت
ضليت ابجي واصيح

-يمممه وين اني -

-شتريدوننن منييي-

-ساعدونييي-

-اريد امييي -

احجي وابجي واحاول افك ايدي

انفتحت الباب ودخل مبتسم نضراته غريبه بيده جكاير والايد الثانيه سجينه اقترب مني بس شفت منضره اتهسترت ضليت اتكلب مثل السمكه احاول بس افك نفسي اقترب مني غضمت عيوني بخوف حسيت ايده على وجهي يتلمسه بـ لطف بجيت قوي

حسيته ابتعد فتحت عيوني واكف على صفحه يدخن باوعلي ابتسم وكال

-انتي انتي جبرتيني اسوي هيج-

ابتسمت مستهزه

-لا انته مخبل-

اتقرب مني بحركه سريعه حط الجكاير على ايدي صرختتت شاغت روحي من الوجع

ابتسم مستهزه

-خلي يجي ينقذج حبيبج الدافعلج-

رغم وجعي باوعت بوجهه بتحدي ورجعت عدت نفس الكلام بس بتقطيع حتى استفزه

مـ . خ .ب .ل

ماحس اله ضربني راشدي فر وجهي فر دموعي نزلت بقهر

باوعت بعيونه وكلت

-نصر تحبني؟-

اتغيرت نضراته ولا كأنو قبل شوي ضربني

هز راسه بسرعه
-اييي اييي احبج -

ضحكت مستهزه

-اكولك شتحس من تخطفني لازم متأثر بالافلام الهنديه -

قرب من وجهي ضايج شوي وصرررخ بوجهي بعصبيه عبالك اتحول

-اسكتيييييييييي-

نزلت راسي ساكته رغم خوفي منه بس واثقه رب العالمين راح يخلصني

رجعت رفعت عيوني عليه يباوعلي ساكت شوي وكلت

-ترا اراي مراح يجي -

باوعلي مصدوم وعصب

-لا تجيبين اسمه على لسانج ولج لا اكطعه
وليش مايجي مو يحبج-

هزيت راسي لا باوعلي مستغرب

-مايحبني ترا مايحبني-

لزمني من زندي قوي قربني من وجهه حجه من بين اسنانه

-يحبجج لا تجذبييين عليه يحبج انه شفت نضراته كلها حب -

باوعتله ساكته شوي وهمست بصوت ناصي

-ترا مزوج -

باوعلي ساكت ورجع كال
-بس يحبج وراح اذبحه كدامج بس يجي -

باوعتله مصدومه وضليت اصرخ

-لالاااا مايحبني عوفه معليك بي لا تأذي حيوان لا تأذي -

دفعني قوي ورجع دفرني ببطني صرخت متاذيه عافني وطلع دموعي تنزل ادعي رب العالمين يحميني ويحمي اراي ماعرف شلون نمت.وجان اشهك مخروعه على راشدي قوي

باوعت بوجهه مبتسم همست بصوت ناصي
-شتريد مني نصر ليش خاطفني فهمني-

كعد كدامي بيده جكاير مبتسم حجه بصوت ناصي

-ترجعين زوجتي-

هزيت راسي لا

رفعت عيوني بعيونه

-تحلم انته ماتستاهلني -

عصب كلش لزم شعري قوي قربني من وجهه حجه بنتر

-لان تحبين هذاك الكلب احجي لج تحبين هذاك الكلب ولججج شلون حبيتي شلوون -

-ماحبه ماااحبه بس نصر انت خربت كلشي اذكررر زين -

دفعني حيل وطلع. ميتته جوع وعطشانه ماعرف شسوي رجعت احاول انام ودموعي تنزل فزيت على صوت موسيقى فتحت عيوني متووقعه او بالاصح جنت اعرف

كاعد مقابيلي بيده عود ويعزف عليه ويباوعلي

ماكدرت اسكت ضحكت بصوت عالي وكلت

-نفسسسس الشي ماتغيييرت نصر-

شمر العود بعيد وركض اقتربلي ضربني ضرب ماينوصف احس روحي راحت بين ايدي

همست بصوت ناصي

-نفس قبل ماتغيرت-

هوه يباوعلي ويرجع يباوع للعود المكسور اتمشى بخطوات هادئه للعود شاله وصار يعزف بي صرخت مقهوره من الصوت رجعلي ذكرررريات ذكرياااات تكسرني تكسر روحي

صرختت بوجع وقهر

-ااااااااخ اشششش لا تعزفف لا تعزف جاي تأذيني -
اتجاهل كلامي واني ويه الحن روحي تروح شعور يجرح الحزن القهر الحقد حجيت بـ انكسار

-تتذكر نصر جنت احبك بجنون من اول يوم شفتك بي من جنت اشتغل بالسوك حبينه بعض عشنه احلا ايام بالخطوبه لحد ما ازوجنه اتحطم كلشي ها تتذكر تتذكر اول يوم بليلة الدخله شصار تتذكر؟-

ابتعد متعصب يهز راسه بهستيريه عيونه حمر يصرخ.

- انسسسي كلشي انسي اتغيرررت ارجعيلي ابوس ايدجج-

باوعت ساكته فجأه بدون مقدمات قرب مني خله الجكاره على ايدي انچوويت نزلت عيوني بقهر همست بصوت ناصي

-ماتتغير ماتتغير اليحب مايأذي معشوگه -

رجع باوع بعيوني يرجف ابتسم وكال

-احبج ماذيتج ماذيج-

ذبيت حسره ودموعي تنزل كام سحبني من شعري صار وجهي كبال وجهه سحب السچينه جانت قريبه منه خلاها على ركبتي ضغط قوي دموعي نزلت عرفت هاي نهايتي ابچي واشهك اذكرت الدعاء الامي علمتني عليه رفعت عيوني بعيونه وكلت

خيرك بين عينيك وشركك تحت قدميك وانا استعين بالله عليك

ميل راسه نضراته فجأه تغيرت شمر السچينه بعيد ابتعد كعد كبالي يباوعلي ويرجع يباوع للحلقه الـ بيده

صفن شوي وجان يكول

-اني احبج يريدون يزوجوني غصب حتى انساج ارجعيلي ليش ماترجعيلي اعرف اني مريض نفسي بس احبج-

صافنه عليه اعرف بي مراح يعوفني بحالي ساكته واباوع عليه فززني صوت صرخته

-لججججج ماتحجييين كولي احبك كولي كلبه حيوانه-

همست بصوت ناصي

-تناقض انفصام-

ماحس اله اجتني دفره احس كسرت عضامي رجع سحب السچينه مشاها على ايدي ضغط اكثر صرخت بوجع احس روحي طلعت بجيت بقهر واني اتوسل

-الله يخليك كافي اذيتني هواي عوفني-

هز راسسه لااا بهستيريه

-لا لا مماذيج -

فجأه وكف لزم العود مره ثانيه بعد ماتكسر يعزف عليه بخياله وهوه متكسر اصلا مابي صوت فجأه باوعلي بسرعه كـأنو اتذكر شي ركض اقترب مني حط ايده على ملابسي قطعهن بخبال واني ارافس جوا ايده احاول انقذ نفسي من خباله

-نصر نصر عوفني عوفني لك لااا عوفني لا تسوي هيج ارحم بحالي عوفني لا لا -

مامهتم لكلامي يقطع بكلامي ويبوس بيه صرخت بصوت جرحني ودموعي تنزل عشررره احتركت روحي

لجججج ييييمه يييييمه دخيييلك ياربي بحق ذبيح كربلااااء احتركتتت روحيييي -

ماهمه كلامي مستمر بـ افعاله القذره انهد حيلي تعبت النفس كوه يصعد انتبهت لوجهه بس صارت عيونه على جسمي ابتعد خاايف ..

__________

زينب
مـر يومين بدون اخبار عن عسل حيلنه مهدود بچيت لحد مانشفن دموعي انكساري بـ ابويه جاي ينعاد بـ فقدان عسل خاله ام عسل حالتها حاله بهل يومين حابسه روحها بالغرفه وبس اسمع صوت بچيها بدون اكل ولا شرب كمت سويتلها اكل كلت بلكت تاكل رحت لغرفتها دكيت الباب ماكو رد

رجعت دكيته ماكو خفت حيل ضربته اقوى وصرخت

-خااااله جاوبيني وجعتي قلبي خوفتيني خاله-

دقايق وانفتحت الباب دخلت شفتها كاعده بصف الباب والقران بيدها قربت منها خليت الاكل كدامها رفعت عيونها مورمه من البجي همست بصوت متعوب

-شلون اكل واشرب وبنتي ماعرف وين-

ابتسمت اطمنها

-ولد الشيخ فاقد مايقصرون جاي يدورو عليها خاله اكلي حبيبتي لا توجعين قلبي عليج رب العالمين يرجعها النه سالمهه -

نزلتت راسها ساكته ردت اوكلها وجان تندك الباب كمت بسرعه اشوف منو اتمنيت بهاي الحضه تطلع عسل حتى احضنها اضمها بـ قلبي

صحت منووووووو

اراي
اكثر من اربع ساعات نفتر بالسياره ماخلينه مستشفى مادورنه بي مركز شرطه ماسألنه بي

رجعت للبيت تعبان التفكير موتني
وينها هسه شدتسوي اكيد خايفه احد اذاها لو لا اووووف يا بويه

-اووف شيقنع عقلي مايفكر بييج شيقنننع قلبي مايحبج -

تعبان حيل وكوثر تفتر كدامي تحجي على امي لان تصخرها اعصابي تعبانه ودي اكتلها بس اكول خطيه اسكتلها

نمت ساعتين وكعدت سبحت وبدلت شفت جود وايمن كاعدين ياكلون

ماشتهيت اكل بس شربت جاي لان دايخ حيل انتضرتهم يخلصون وطلعنه

زينب
صحت منووو
وفتحت الباب مانتضرت رد متلهفه تطلع عسل

جود: چا انتضري نرد شبيج مستعجله

ايمن: جود انجب واسكت

نزلت دموعي خاب املي عبالي عسل صارت عيوني على اراي شعره مبهذل لازم ايده بوجع واضح عليه التعب والقهر عاكد حاجبه ويحجي

اراي:وين الحجيه ام عسل

قبل ما اجاوب التفتنه لخاله التمشي بالكوه تعبانه حيل ركضت ساعدتها وصلنه كدامهم

نزل راسه وحجه بقهر
اراي:خجلان منج كلش بس الله شاهد علينه جاي نسوي كلشي نكدر عليه علمود نرجعها دورنه عليها بكل المستشفيات والمراكز ماكو بس لا تفقدون الامل اضل ادورهاا لحد ما الكها وارجعها الحضنج

هزت راسها ساكته اعرف بيها شكد محروك قلبها وشكد بقلبها حجي ااخ يا عسل تعالي وين رحتي وعفيتنه تعاي شوفي امج ضاله جسد بلا رروح

كمل كلامه بقهر

-تشكين بـ احد يكون خاطفها؟-

هزت راسها لا

ذب حسره استغفر وراحو سديت الباب ودخلت كعدت فجأه اجه ببالي طليقها نصرر اعرفه ركضت بره اريد بس الحكهم قبل مايصعدون بالسياره

زينب: اوكفووو اوكفو

ماسمعوني صعدو ضليت اصرخ بعلو صوتي واركض

ايمن
صعدنه للسيارة عيوني صارت على اراي وجهه كلش تعبان ايده لازمها بوجع راد يصعد يسوق بس منعته واني سقت

-تتوقع نلكاها؟-

باوعلي بعيونه الحمره ورجع صفن رجعت عدت السؤال رجع باوعلي وهمس

اراي: ان شاء الله

سكتت شغلت السياره وجان تجي عيوني على مراية السياره شفتها طالعه تركض وكفت السياره بسرعه ونزلت اركض الها

وكفت كدامي تلهث تعبانه من الركض والصياح اتأشرلي بيدها اصبر 

اراي نزل وراي

زينب: طليقهاااا طليقها

يباوعون بوجهي مامفتهمين

اراي:شنو؟

تحجي وتلهث من التعب

زينب: طليق عسسسل
باوعلي مصدوم
اراي:عسل جانت مزوجه؟

هزيت راسي

زينب: ايي واطلقت

انصدم حجه ايمن

ايمن: منو طليقها؟

زينب: نصرر نصر الولد التعاركتو وياا يم بيتكم

وكفو مصدومين من كلامي شوي واستوعبو

اراي: اااااي ليش ماشكيننه بي هذا الاسمه نصر جان يحاول يقتربلها صححح زين زين زينب تعرفين عنوان بيته صح؟

هزت راسها اي

ركضت للسياره جبت ورقه وقلم انطيته بيدها باوعتلي ساكته

فهمت انو ماتعرف تكتب ولا تقره اتعذرت منها ااخذ الورقه والقلم ايمن كالت العنوان حافضته جانت وايمن كتبه اخذنا وركضنه للسياره

اراي

صعدت السياره واتحركنه للعنوان اتصلت على
جود حتى يجي ورانه

وصلنه للعنوان

ايمن: يلا ندك الباب

هزيت راسي لا

باوعت مستغرب
ايمن :مو جنت كاتل نفسك حتى تنقذ عسل شنو التغير اراي؟

اراي: ننتضر جود هوه اليروح كلشي يصير خاف ننزل ويشوفنه من الشباك يهرب

ايمن: اي والله صح

ربع ساعه ووصل جود اتصلنه عليه كاعد بسيارته فهمنا انو ينزل يدك الباب ويكولهم هوه صديق نصر

نزل ربع ساعه ورجع

جود: ابو طلعلي يكول مو بالبيت

اراي :استغفرررر الله شنسوي هسه

كمل كلامه

جود:يكول تلكو لو بيت خطيبته لو بالمزرعه بس الاكثر يم خطيبته

ايمن: وكدرت تحاول تجيب عنوان خطيبته؟

هز راسه للاسف لا

ضرب اراي قوي على السياره انهبطنه عليه ركضنه بسرعه

جود: يمعود اشاقه والله

التفتولي مصدومين

خزرني اراي يحاول يفهم

جود:جبت العنوان جبته والله

ايمن:حيوان هوه هذا وكت شقه سخيف مشوف البنيه مخطوفه

سكت صعدنه ورحنه لعنوان بيت خطيبته
وصلنه نزل جود يدك الباب هم ربع ساعه واجه فرحان

ركضله اراي متلهف

اراي: ها ها موجود لو لا احجي بسرعه خل اروح اكسر راسه

جود: ماموجود

اراي: اذا طلعت تشاقه ادفنك اهنا

ابتسم وكال

جود :طلعلي ابو خطيبته  يكول صارله يومين  يروح هواي للمزرعه مو مثل العاده يجي يمهم

صعدنه ورحنه للمزرعه بسرعه دخلنه ندور كل واحد بجهه لحد ما جود اتصل علينه كالو تعالو بسرعه ركضنه للمكان

شفنه جود واكف بعيد كدام بيت كبير ركضنه
اتقربنه من باب البيت دفرت الباب حيل عيوني تدور بالمكان ووراي ايمن وجود

جود:چا ليش تدفره ليش ماتدك الباب

استغفرت وخزرته

اراي : اعذره دلوع الماما مطالع مداهمات

ايمن: خوش ثاني مره ندك الباب حتى يهرب وندخل عيب من الخاطف خاف يريد يتحجب

راحو يدورون واني لفت انتباهي غرفه اول مافتحتها صارت كبالي وجها مدمه ملابسها مشككه تبجي بخفوت اول ما لمحتني صرخت بخوف

-اششش اششش اني اراي اراي -

هدئت شوي لميتها لحضني امسد بشعرها واحجي بهدوء

-لا تخافين اني موجود لا تخافين-

رخت اكثر ابتعدت عنها نزعت قمصلتي لفيتها بيها احاول استرها

دخلو ايمن وجود وراي انصدمو بمنضرها
بدت ترجف بخوف همست بصوت ناصي

-بارده بارده -

حجه جود بسرعه

جود: هسه اراي يستغل الفرصه ويدفيها

ضربه ايمن على علباته
صرخ موجوع

اقتربت اكثر منها لميتها لحضني باوعت ل جود لابس قميص وبنطرون

حجيت بعصبيه
-انزع -

حط ايده على جسمه يحمي نفسه بخوف

-هاي شبيك اراي انه اخوك اذبح روحي اذا شرفي راح-

اراي:جود لا تخليني اكوم اكسر راسك كلب انزع مو وكت شقه

نزع قميصه اخذت القميص لفيته عليها احاول ادفيها اكثر

جود: يتبرع براسي

كلنه ساكتين

كمل كلامه يضحك
-انطيك بنطروني؟-

خزرته سكت ابتعدت عنها شوي شفتها غفت بحضني شلتها بسرعه صعدتها بالسياره كعدتها وكعدت بصفها ايمن يسوق وجود بصفه التفت على عسل صافنه بتعب تنام وترجع تكعد خايفه ونطمنها

وصلنه لبيت اهلها

"في عمق الليل الدامس، تتلاشى أشعة الأمل وتتبدد آمال السعاد  يلتف حزنها حولها كالظلام المحيط. تستكشف عواطفها المتضاربة بين الألم والحنين، والبحث عن الطرق للتغلب على الفقدان وإيجاد الأمل الضائع في عالم مظلم.
..............
"في عمق قلب الأم، ترسمت أجمل لوحات الحنين والألم.  تترك الأمومة جرحًا عميقًا في قلبها. من مشاعر الأم المتضاربة بين الحزن والحنين الذي لا ينتهي.

زينب
الوقت جاي يمر واحنه بكل ثانيه نحترك من الخوف والفقدان خلصناها بس بچي ماعرف شلون راح نصبر  خاله ام عسل لا تاكل ولا تشرب بس تبجي وتدعي كعدت يمها اهون عليها ولو كلامي ماراح يفيدها بـ شي اندكت الباب كمت افتحه متوقعه ولد الشيخ فاقد يكولون انو مالكوها فتحت الباب واجت عيوني عليها حبيبت روحي اكثر من اخت وسند صارتلي بعز ضروفي ركضت بسرعه اصرخ واحضن بيها مامنتبها على جروحها اشتياقي الها نساني كل الدنيا بحضنها

زينب: يروحي انتي يروحي

اراي: عوفيهااا اختي  البنيه تعبانه مو وكت احضان

انتبهت بسرعه بعدت اجت على صوتي خاله شافتها شهكت بخوف ودموعها تنزل

اراي :بس خل نكعدها مو وكت سوالف واحضان

دخلناها اراي لازمها ويمشي بيها بتعب اخذتها منه كعدتها بالكاع

ايمن: يلا خاله نترخص احنه لازم نروح الوكت اتاخر كلش

اراي: الصبح نجي ان شاء الله ديرو بالكم عليها البنيه تاذت هواي

ام عسل: ولك يمه قبل ماتروحون كلولي شبيها ريحو قلبي ليش هيج متاااذيه فهموني

اراي: خاله مو وكت هذا الكلام اهم شي  رجعتلكم سالمه
هزت راسها ساكته ودموعها تنزل

زينب
اتشكرنه منهم  استأذنو وراحو
جبت ادويه عاجلت جروحها ويه كل جرح تصرخ واني وخاله نبجي غيرت ملابسها بالكوه وكلناها شوي و كامت راحت للغرفه وسدت الباب

ام عسل: راح اتخبل شبيها شبيهاااا

زينب: خاله الصبح يجون ولد الشيخ ونفتهم منهم

ام عسل: لج شيصبرررني شيصبر قلبي فهميني

سكتت مـر يومين عسل حابسه روحها بالغرفه
لا تحجي ولا تاكل بس اذا لحينه عليها تاكل شويه وترجع تحبس روحها بالغرفه ولد الشيخ مابينو ولا اني رحت للشغل بعد بس خاله تروح. ماتقبل تضل بالبيت وبنتها هيج حالتها ولا تقبل اني اروح للشغل وحدي بعد ماشافت كوثر شلون تكرهنه

يوم الثالث

خاله رجعت من الشغل كابلت عسل وكعدت اني مثل العاده احاول ويه عسل تاكل حالتها يوم عن يوم تسوء لا تحجي وياي ولا ويه امها

من شافتها هيج ماترد ضلت تلطم على وجها وتصيح

ام عسل: لج يمه احجيي فهميني شبيججج

زينب: خاله مو وكت هل حجي مو وكتتته مشوفين حالتها

ام عسل: لعععد وحالتي ها وحالتي  داموت لج  عسل النور الوحيد الضل بحياتي خايفه عليها اريد افهم البيها اريد تطمنيييي

عسل :مابيه شي

ام عسل: شنووو مابيج شي شنووو هاي الحاله الجايتيني بيهاا احجي ماما احجي بنتييي

عيوني غواش ايدي ترجف راسسي راح ينفجر

اعصابي تعبت خزرتها وكلت

عسل: ماابيه شي داكلجج

انصدمت اول مره اخزرها اول مره ارفع صوتي عليها دموعها تنزل مثل المطر بس جرحتني ضليت ابجي وهيه هم تبجي

نزلت راسها وكالت

-مراح تحجين مو؟ جايتني بملابس مشكوكه وعيون مزوركه ووجهه مجرح وايد اثار بيها مراح ترحمين بحالي وتكوليلي شبيج مو؟!-

صيحت بصوت عالي ماكدرت الزم اعصابي لطمت على وجهي وخرمشت روحي وجهي كله دم ودموعي تحركني باوعت عليها وصحت بصوت عالي كلش

-ضربني هانييي حاول يغتصبنيي فهمتيي حاول يغتصبني هذااا التريدين تعرفي مووو؟!! رحمت بحالج مو؟!اطمنتي موووو؟-
وعافتنه ودخلت للغرفه قفلت الباب
ماعرف شلون. كدرت اهدي خاله ام عسل من البجي والطم مر الوقت نمنه رغم خوفنه على عسل كعدت رحت اول اطمنت على خاله شفتها نايمه بصف باب غرفة عسل رجعت للباب فتحته طلعو ولد الشيخ

ايمن:السلام عليكم

زينب: وعليكم السلام

اراي: شلونها عسل

نزلت راسي بقهر

زينب: ماعرف حابسه روحها بالغرفه لا تاكل ولا تشرب ولا تحجي ويانه

انصدم دخل بسرعه

ااراي: وين  الغرفه

اشرتله عليها

وكف كبال الباب دكه اكثر من مره ماكو رد

حجه بصوت عالي

اراي: عسل اخذتلج حقج

هم ماكو رد

كمل كلامه

- ذوقته نفس العذاب عسل افتحي الباب وكوليلي شتريدين اسوي بي يلا-

انتضرنه دقايق وانفتحت الباب طلعت كدامنه عيونها مورمه واضح جانت تبجي شعرها عكش ذبلانه هواي

حجت بصوت ناصي

عسل: عذبه!

هز راسه فرحان

اراي: وحق عيونج اعذبه اخلي يكره الساعه الخطفج بيها

هزت راسها فرحانه ابتسمت وراحت غسلت شوي ورجعت للغرفه بس ماقفلتها عيونه تنتقل وياها بكل خطوه راحت طلعت شال وكتاب القران الكريم كعدت تقره بي مبتسمه

ايمن

انتبهت على اراي عيونه مانشالت منها مبتسم اتحمحمت

-احم يلا احنه نترخص بعد-
راحو قفلت الباب وكعدت يم عسل

تسريع الاحداث

بيوم الثاني نفس الروتين خاله راحت لشغلها واني وعسل كاعدين شوي وعسل رادت نروح للشغل احنه هم ضليت احاول امنعها لان بعدها تعبانه ماقبلت عاندت استسلمت لقرارها بدلنه وطلعنه وصلنه قريب من الباب مانسمع اله صوت صراخ وغلط وفشار دخلنه

البيت هـوسه وكله صياح وغلط وفشار وكفر من بين كل الاصوات سمعت صـوت يكول
-خـااانـتنيي الرخيصه خانتني بنت الكلب على فـراشي اليوم انعل والديهااا

يتبع ❤️