البارت العاشر❤
هيلاو قلبوشاتي تصويت و تعليق لا تنسون
الكاتبه زهراء نعيم
_
_________________________________
اسد :اسيل حضري نفسج عشيرتج وبيت خالتج وسليم باجر يجون
بديت اخاف ووجهي شحب تعبت كلش ردت اوكع من الخوف اتحملت لحد ماراح هوه وبديت ابجي
ياربي سترك شلون راح اخلص من سليم يا ربي سترك ماريد اسد يعرف شي
ارتاحيت شويه ونزلت اساعد ام اسد والبنات بالطبخ
اسيل :اجيت
مرح و فرح :هلا بيج
ام اسد :اسيل عشيرتج هواي لو شويه
اسيل: خير من الله
ام اسد: لعد خلي نبدي من هسه منلحك
اسيل :ماشي عمه بس وين اسد و حسن وعمو ؟
ام اسد : ابو اسد و حسن بل ديوان وأسد يمكن بالحديقه كاعد
اسيل :راح اروح اشوفه
رحت للحديقه وتفاجئت ب امل كاعده تحاول تفهم اسد انو اني ماستاهله وهيج يعني
اسيل :اسودي تعال للغرفه رايدتك بسالفه
اسد بستغراب :اسودي ل ابن شيوخ ؟
اسيل بخبث:امل تكدرين تروحين اريد احجي ويه زوجي
راحت امل بدون كلام بس الحقد والغضب بوجها وبقيت اني و اسد
ردت اروح بس لزمني من ايدي
اسد بخبث:يلا نروح للغرفه انتي مو كلتي
اسيل بخجل:لا لا جنت امثل كدامها
اسد بضحك :حرامات اني صدكت
اسيل بخجل:يلا بااي
اسد
ياربي هاي راح تعبني وياها بديت مو بس احبها اعشقها مستحيل اخليها تعوفني وتروح
من اول يوم شفتها بي واني حبيتها كلش
رحت للغرفه حتى اغير ملابسي واروح شفتها تعدل ملابسي دخلت وغلقت الباب هيه انصدمت وهم ضلت خايفه بس ضلت ترتب بملابسي اتقربتلها وهيه ندارت عليه من الصدمه صار وجها بوجهي وضهرها ع الخزانه ضلت خاييفه ومحجت شي بس تتنفس سريع
اسيل
بعد ماعفته صعدت للغرفه ارتب ملابسه لان كانت هوسه جنت ارتب وهوه صعد وغلق الباب واني ضليت خجلانه ونصدمت بس منطيت رد فعل لحد ماهوه تقربلي واني نداريت عليه وجهي صار بوجهه انفاسي وانفاسه اختلطت قطعت الصمت وكلتله
اسيل بخجل :ه..ها احضرلك الحمام ؟؟
اسد : ماريد شي بس خليني اباوع عليج
اسيل بعدم فهم :ها ؟
اتقربلي وطبع شفته ع شفتي وضل يبوس بيها قوي شافني اختنكت ابتعد عني
وكال عيونج يبنت الشيخ ميلوك لها حزن
وعافني وأخذ ملابسه ودخل يسبح
اني جنت بعدي مصدومه وفرحانه استجمعت نفسي و وكملت تعديل الملابس وشويه وطلع ريحت عطره سابقته دوختني ريحته الرجوليه طلع لابس دشداشه باوع عليه وكال
اسد :ادري اني حلو بس وين ساعتي والمحابس
اسيل :جنت احاول اشوفك حلو و الساعه والمحابس اهناك
عفته ونزلت وشفت ام اسد والبنات سلمت عليهن وكعدنه نشتغل
فرح بحزن : مرح راح تتزوج و انتي اسيل راح تعوفيني يعني اني راح اضل وحيده
اسيل :حياتي اكيد نجي
مرح :خيتي الغاليه ترا بعدني ممخطوبه اصلا
اسيل بضحك :هيه اصلا تريد تخلص منعدنه
فرح بضحك :خواتي الغاليات شلون اخلص منهن
امل :ضحكوني وياجن
اسيل:جاي نضحك عليج شلون تضحكين ويانه؟
مرح وفرح بضحك:يااااا
امل :اضحكي بالاخير تروحين من هذا البيت
اسيل :لا حبي بالاحلام اطلع من هذا البيت
دخل علينه اسد وقال
اسد:اسيل وين الشماخ(مادري شسمه بس لو شماخ لو عكال )
امل : تعال ادوره الك
اسد :اني كلت اسيل انتي شجابج بالنص
اسيل :تعال حبي ادوره الك
صعدت اني وياه للغرفه وكالي
اسد بخبث: حبي ؟؟
اسيل :لتفرح كلت هيج بس كدامها
اسد:لعد دائما اسالج كدامها حتى تكوليلي كلمه حلوه
اسيل :اوك حبي لكيته
اسد بخبث : هاي المره ماكو امل ههه
اسيل بخجل :هااا لا لا طلعت بالغلط والله
اسد :يلا اني رايح للديوان
نزلنه اني وياه و هوه راح للديوان واني رجعت للمطبخ يم البنات وهيج خلص روتيني كالعاده نضرات حقد من امل و ونسه ويه البنات
اليوم الثاني
ساعه 7:00 الصبح
كعدت انتبهت اسد ماكو يمي يمكن نزل سبحت وبدلت
ونزلت شفت عشرتي جاايه كلها وابويه كاعد ويه اسد ركضت بست ابويه وحضنته سالته ع اختي كال اخذها حسن متت ضحك المهم رحت أدور عليها وادعي ماشوف سليم بس لسوء الحظ دعائي مو مستجاب شفته وهوه هم شافني بس اني وياه موجودين كلهم كاعدين بالمضيف والنساء بالصاله الكبيره باوع عليه بنضرات مقرفه واني ميته خوف شويه وابجي تقربلي وكال
سليم :صايره احلا من قبل
اسيل بعدم اهتمام :وانته صاير اقبح من قبل
سليم :بس تدرين روحي طكت على جسمچ اووف
عيوني نقلبت حمر توترت عصبت وجاوبته
اسيل:بس تدري الله موجود ومراح ترتاح بحياتك
ضحك ضحكة استفزاز واستهزاء وكال
سليم :مدام ماكو احد خلينه نرتاح
بعد ماحجه هيج كلش تعصبت وبدون ماحس ضربته ع وجهه هوه تغيرت ملامح وجهه ورفع ايده عليه راد يضربني ..............
انتهى البارت اتمنى ينال اعجابكم
شنو تتوقعون الصار الها
ضربها أو لا ؟
الصراحه اني اكول اي ضربها 🙃🤣
اسفه لان البارتات قصيره بس حاليا رأسي موتني فه مجاي يصير عندي أفكار
Bạn đang đọc truyện trên: AzTruyen.Top