وهيااااا نبدء تصويت +تعليق حلو مثلكم
طبعا خاف اكو كلمه فصحى غلسو لان ماعرف اكتبها بالعاميه
  

الكاتبه زهراء نعيم

-----------------------------------------------

بعد ماحجه هيج كلش تعصبت وبدون ماحس ضربته ع وجهه هوه تغيرت ملامح وجهه ورفع ايده عليه راد يضربني بس وكفه صوت خشن ورجولي انداريت ع الصوت وشفت ابو اسد و اسد واكف بصفه
اسد النار صبت بعيونه قبضت ايده والشرايين البارزه شويه وتطلع. وجهه الصار احمر من الغضب اتقرب علينه هوه وابو

ابو اسد بحده(بتهديد أو هيج يعني):اليمد ايده ع حرمه موش زلمه

سيلم بخوف:افا عليك شيخ

اسد بغضب :شلون تتجرئ ترفع ايدك مرت الشيخ اسد

سليم ضل ساكت من الخوف ميعرف شيحجي وابو اسد حجه على اسد وكاله اخذ اسيل واطلع بس اسد مقبل وحاول يضرب سليم بس ابو منعه ورجع كال لتخليني اعيد كلامي اطلع أسد اترخص من ابو ولزم ايدي وطلعني صعدنه اني وياه للغرفه واني بعدي مصدومه

اسد بغضب:شعندج ويه هذا ؟

اسيل بحزن:ج...جنت

قاطع كلامي صفعه(ضربه)من اسد خلت طبع احمر ع وجهي تألمت كلش بس محجيت شي رجع سال نفس السؤال ردت اجاوبه هم ضربني وهاي المره اقوى

كمشني من شعري و كلي انه زلمه والزلمه مايعيد السؤال جاوبي

قاطعنه عمي وهوه دخل الغرفه و غلق الباب وباوع على اسد بنضره غضب وكله

ابو اسد بحده: اذا مديت ايدك عليها ثاني مره اكسرها

اسد بغضب:بويه جانت يم ابن خالتها وحدهم وتريد اضل ساكت انته شدتحجي اليوم اموتهاا

ابو اسد : بنتي احجي ليش هناك جنتي

قاطع سؤاله صراخ ام اسد بـ اسمي

ام اسد: اسسييل اسوووله اسيله وينج تعاااي

باوعت لـ ابو اسد جاوبني

ابو اسد:نزلي شوفيها شتريد وتعاي

نزلت ركض واني امسح بدموعي شافتني ام ااسد

ام اسد بخوف: شبيج؟! جنتي تبجين يمه؟!

اسيل: لا عمه بس عيوني تحركني

ام اسد:ها ماشي لعد هاج هذا الچاي ودي لـ اسد

اسيل بخوف:هاا ماشي ماشي

صعدت واني شايله الجاي دخلت للغرفه ومديت ايدي لـ اسد

اسيل: هذا الچاي عمه سوته الك

رفع عيونه بـ عيوني و نزل نضره للچاي ضرب ايدي قوي وكع الكلاص بالكاع وتطشر الكزاز ووكع على ايدي الچاي وحركني

صرخ بصوت عالي
اسد بغضب: ماريد سممم ماريد

ابو اسد بغضب :لك احترم وجودي واحترم نفسك دتشوف البنيه احترمتك لا تصير رجال براسها خلي نفتهم منها الموضوع

كمل كلامه
ابو اسد: سولفي بنتي شصار 

اسيل ببجي:عمو جنت ادور ع سالي وطبيت اهناك اتفاجئت بـ دخوله حجه وياي شوي ورفع ايده عليه

اسد بغضب:وليش يرفع ايده عليج شسويتتي

اسيل بخوف: مسويت شي والله بس هوه حجه عليه كلام محلو لان يعرف بسالفة اغتصابي ف ضربته وجان يرفع ايده عليه

ابو اسد :ها هسه فهمت شجانت تسوي هناك

اسد :اي بويه عرفت وانه اعتذر وهذا الحيوان انه اتصرف ويا

ابو اسد :ممنوع تسوي شي خوش؟اني الاتصرف و يلا اني طالع للديوان

طلع ابو اسد وبقيت اني وأسد

اسد بندم:اسيل اعذريني لحضه غضب جانت

اسيل بحزن :مصار شي مو مهم

اسد
طلعت ادور ع اسيل سألت امي كلتلي هناك رحت ردت أدخل وشفت ابويه هم فتح الباب دخلنه اني وياه وتفاجئنه ب ابن خالتها رافع ايده عليها ولاحضت بعيونه نضره غير لائقه الها النار صبت بعيوني ابويه شويه حجه وياه واني ترخصت من ابويه لزمتها وطلعت لان لو باقي بعد جان كسرته والله صعدت للغرفه وسالتها مجاوبت ضربتها كم مره من غيرتي عليها دخل ابويه وضل يحجي عليه و سال اسيل جاوبت كلش ندمت لان ضربتها ونقهرت

اتقربت عليها و خليت ايدي ع وجها و اعتذرت منها بس هيه دفعت ايدي وطلعت

اسيل
من حجيت شفت اسد متندم انقهرت عليه بس شويه ضجت لان مسمعني اتقرب عليه وخله ايده ع وجهي ايده بارده خلتني احس بشعور كلش حلو بس استجمعت نفسي ودفعت ايده وطلعت نزلت وشفت البنات كعدت يمهن شويه وهم نفس الروتين امل حاقده عليه و اني مو مهتمه كلهم انتبهو ع الاثر الأحمر ع وجهي وكلتلهم حساسيه رحت لابويه ضليت كاعده يمه اسولف وياه ودخل اسد كعد بصفي و حط ايده ع وايدي وكلي تعاي للغرفه رايدج بموضوع صعد هوه واني وراه دخل وغلق الباب

اسد
من دفعت ايدي وطلعت اني هم طلعت وراها صارت كلما تصير كبالي متباوع بوجهي ولا تهتم لوجودي اني من الندم والحزن الي بقلبي مكدرت اضل بالبيت وهيه زعلانه مني طلعت اني ومرتضى وكم واحد من ولد عمي طلعنه للمطعم وهمه يسولفون بس اني بالي مو يمهم وكل همي اسيل سألني ابن عمي مرتضى

مرتضى:اسد مرتك خلتك تنسانه

اسد :افا عليك انه ماسويها

مرتضى:كول شصايرلك

اسد :زعلت مرتي وماعرف شلون اراضيها

مرتضى:سهله جيبلها هديه

ماجاوبته عفتهم وطلعت اشتريلها ضليت ادور لحد ماشفت ساعه ذهب عجبتني كلش اشتريتها واشتريت باقه ورد حمره وكارت
رجعت للبيت وشفتها كاعده يم ابوها كعدت يمها

حطيت ايدي ع ايدها وهمست كلتها تعاي للغرفه

صعدنه للغرفه وهوه دخل وغلق الباب وحط على السرير هديه و باقه ورد وكارت باوعت عليه وسالته شنو هاي كالي هاي الج اني هم فرحت بس مبينت له
بديت أقره الكارت بي شعر مكتوب

من انتي لتأخذي قلبي هكذا ♤
انضري الي وابتسمي يانضر عيني ◇
قلبي متيم بكِ♡

ابتسمت بدون ماحس ورحت فتحت الهديه وكلش عجبتني واخذت الورود هم ريحتها تخبل باوع عليه وكال

اسد بلهفه:عجبتج

اسيل بضحك:جيده بالنسبه لابن شيوخ

ضحكنه اني وياه بس قاطع ضحكنه صوت حسن وهوه يصرخ بـ اعلى صوت هز المكان هز ركضنه عليه وجان يصرخ بـ اسم ..........

انتهى البااارت اتمنى يعجبكم ❤ باااي نعسانه مكدرت انام اله اخلص البارت الكم ممح ☻❤