هلاا يعمري انتو.
اتمنى تراعون تعبي والله اني طالبه واكعد اكتب الروايه بالدفتر بعدين انقلها بالجهاز

الكاتبه /زهراء نعيم

سهير

وصلنه هوه ضل ساكت نزلنه ولزم ايدي وطببني واني ضليت صافنه ودموعي تنزل مو بيت قصر ماشاء االله الالوان تخبل من دخلت شفت زلم هواي وبنصهم رجال كلش جبير عرفت انو هوه جد احمد والباقين اعمامه و ابو

جد احمد: ابني منو هاي وشعدها هنا وليش لازم ايدها

احمد: جدي هاي البنت انه عشقتها واريد ازوجها

جد احمد بغضب: لك شلووون تزوج وحده غريبه منو كال تحبك اكيد تحب فلوسك وانته تعرف البنت عم أولى من الغريبه لان احنه المربيها

اهنا اني تفاجئت من كلامه وضليت صافنه بس اجتني القوه وكتله

سهير: مو كل شخص عنده فلوس تحبه وحده علمود فلوسه واصلا اني مايهمني فلوسكم اني يهمني بس احمد لان اعشقه

احمد: جدي اني جاي ابلغكم مو جاي اخذ رائيكم

ابو احمد: ابني شبيكك انته

احمد: يابه انه احب واعشق هاي الانسانه ماعندي غيرها وميهمني غيرها

طلعت من البيت بدون ماخذ رائيهم
ورحت كبل ع بيت سهير رجعتها وكعدت يمهم شوي
اترخصت منهم حتى ارجع لبيتي
رجعت للبيت محجيت ويه واحد منهم ولا حتى امي

صعدت لغرفتي واني افكر شلون راح اعوفها علمود اهلي واني بقلبي بس هيه ياااربي نمت واني افكر
كعدت ثاني يوم الصبح سبحت وبدلت وطلعت للكليه علمود اشوف بنت قلبي

اتفاجئت لان مشفتها بالمحاضره وهيه كلش شاطره مستحيل تفوت محاضره

حسيت صاير شي طلعت من المحاضره واني قلبي يدك سريع خفت صارلها شي دكيت الباب مال بيتها محد فتح دكيت مره ثانيه وثالثه ورابعه لحد ما امها فتحت الباب وهيه خايفه

اني عرفت صاير شي سالتها عليها كلتلي

ام سهير :بعصبيه شتريد منها وبسببك مداوم بعد شتريد

سهير سمعت صوتي ركضت عليه وهيه تبچي وكالت
سهير بخوف و بچي: احممد حباب عوفني ماريد يضيع مستقبلي

احمد :حبيبي شبيج هاا شصايرلج

ردت وهيه تبجي وخايفه
سهير :احمد عشيرتك هددوني اذا احجي وياك او امشي وياك ياذوني اني وامي
كملت كلامها وهيه تبجي وتمسح بدموعها..احمد ماريد يصير شي الامي

احمد: حبيبي لتخافين اني وياچ

احمد
من حجت هيج روحي طلعت وعصبت كلش بس مبينت الها طمنتها وفتحت تلفوني واتصلت ع السيد العقد ل مصطفى اجه

احمد: سهير لازم نعقد

سهير: لا مستحيل اهلك يموتونييي

ضليت اقنعها بعدين قبلت وعقدنه واليوم الثاني رحنه يم المحكمه وعقدنه والشهود ام سهير واخو سهير و مصطفى ومروه.

سهير
من عقدنه ضلينه سويه وهوه ابد مارجع الاهله

قررنه نروح نعيش بـ بغداد اني وياه وامي

بعد عدت سنوات من زواج سهير و احمد

سهير

ااني واحمد عايشين ملوك و طبعا انرزقنه ببنت واحمد سماها اسيل وبنت ثانيه بعد سنوات كلش صغيره سميناها سالي
وضلينه احلا عيشه عايشين

لحد ما اهل احمد عرفو مكانه و اجو علينه كسرو الباب ودخلو

احمد بخوف: طبي للغرفه بسرعه

وهوه طلعلهم

احمد
مرت سنين واني وسهير عايشين اجمل عيشه وعدنه بنات ثنين لحد ما اجه اليوم الاسود عشيرتي عرفو مكانه كسرو الباب ودخلو علينه اني كلت لسهير تدخل

طلعتلهم اني و بنتي اسيل خاتله وراي لان خايفه

سهير يمها سالي يمها لان كلش صغيره جانت متمشي

جد احمد بغضب: لك اليوم ناخذ روحك انته نزلت راسنه بين الناس

احمد: شنو هلحجي جدي اني مسويت شي خطأ وكله بالحلال وبشرع الله

جد احمد بغضب: لك انته كسرت كلمتي وهربت وياها

احمد: جدي اني انسان ومن حقي اختار البنت التناسبني واالاكمل حياتي وياها

جد احمد بغضب وقهر: احمد اذا مترجع وياي وتزوج بنت عمك رحاب اقسم بالله اموتك اهنا

احمد: وبناتي اخليهن بلا اب؟

جد احمد بغضب: جيبهن انته ورحاب ربيهن

احمد: جديي مارجع وياك اني اعشق زوجتي

وره دقايق وسمعت صوت طلقة بالغرفه
ام سهير جانت بالمطبخ
وسهير وبتنه جانت بالغرفه اني انهبطت و كبل ركضت ع الغرفه فتحت الباب وشفت الغرفة متروسه دم

سهير انتحرت ضاربه الطلقة بقلبها
انتبهت على ورقه جانت بـ كاروك بنتي سالي اخذت الورقه
وركضت شلت زوجتي ووديتها للمستشفى وعشيرتي وياي
صرخت بـ اعلى صوت واجت دكتوره دخلتها للعمليات اسيل واكفه يمي و سالي شايلها واحد من ولد عمي وام سهير يمي واكفه وره ربع ساعه طلعت الدكتوره وكالت

الدكتوره :للاسف ماكدرنه ننقذ المريضه سوينه كل ما بوسعنه بس للاسف الطلقة جايه بقلبها ووكفت قلبها بـنفس الحضه...البقيه بـ حياتكم

اني سمعت هيج ركضت للغرفه ضربت الباب قوي ودخلت

حضنها على قلبه بچه بصوت عالي بحرقة قلب

بچه لـ فقدانه لحبيبته وضحكته
بچه للضلم اليتعرضله من اقرب الناس اله بچه الحنينه وبعده عن حضن وحنان امه بچه الخسارت بناته امهن بچه لحبيبته الاختارت تغضب الله سبحانه بس حتى ترجعه الاهله

احمد:مستحيل تعوفيني لجج كومي يبنت قلبي كوومي لتعبييني كووومي مشتاق لضحكتج ابوس ايدج كوميي لج اتعرفيني مستحيل اسمع كلام جدي تعرفين ماكدر اعيش بددونج لج شسوويتي شنو استفاديتي ليش مطلببتي مني على الاقل اكدررر من بعيد اشووفج ...عافيتي ليش هيجج سويتي مستعد اموت بس ماعوووفج ليش هيج كسرتيني حبيبتي ليش مخليتيني اشوووفج واحجي وياج للمره الاخيره ليش مخليتيني اباوع بعيونج البريئه الاخذت روحي ليش مخليتيني احضنج واشبع منج ليش مخليتني احجي وياج بس كلمتين ليش خسرتي الدنيا والاخره علمود تحميني من ضلم اهلي المارحموني وفضلو تقاليدهم على فرحتي كومي سعادتي ضحكتي كومي احلفج بـ الله

نام على صدرها ولزم ايدها وكمل كلامه بتعب

...حبيبتي والله حسيت بطعم حياتي بس من حبيتجج ...كومي ماخليج بالكبر وحدج كومي

حاولو يطلعو الدكاتره بس ضل يدفع بيهم وهوه لازم ايدها بـ ايده بقوه

احمد:دفنوني وياهاا...مااعوفها دفنوني وياها

دخل يمهم ابو احمد ولزم ايد احمد وبعدها من ايد سهير

ابو احمد:ابنييي كاافي عوفهااا شننو هل حجي

دفع ابـو حيل وكال بغضب

احمد:لا تكوول ابني..الاب الحقيقي يحمي ابنه ويتمنى سعادته لو انـتتته أب بي خير جان وكفت كدام ابوك بس انته جبااان انته اكبر جبان

نزلن ادموعه وماعرف يجاوب اتقرب من ابنـه وحضنه بقوه وردد بـ اذنه

ابو احمد :انه مو جبان بس انه احترم واحب ابوي فـ ماكدر اوكف بوجهه اعرف نفسي غلطان بس ارجوك سامحني

حجه وهوه يبچي بحسره

احمد:جنت اباوع بعيونك بويه منتضرك تكون سند الي وتوكف وياي بس خذلتني هديت حيلي شفت الحزن بعيوني بس ما حاولت تسوي شي

طلع من الغرفه وهوه يمسح بـ دموعه

ركضت اسيل ع جثة امها و كمشت ايدها وعاتبتها وهيه تبچي

اسيل: مامه كومي كومي..سالي تبچي تريدج مااامه لااا تعوفيني ماممممه لا تعوفيني امييي كومي وين عفتيني ليش نااايمه كوميييي

خلت ايدها الصغيره على وجهه امها ومسحت بـ لطف

اسيل:ماماتي بعد قلبي حاجيني منو مزعلج هاا كوليلي ليش متردين عليه لجج يمه حاجيني

طبعت بوسه خفيفه على وجهه امها وكالت

اسيل: انآ لـ الله وانآ اليه راجعون

حچت هاي الجمله وصارت تبچي
صدمة الكل من كلامها هيه طفله عمرها مايتعده العشر سنين شلون هيج تحجي مثل الكبار اجه ابو احمد ولزم ايد حفيدته وطلعها من الغرفه

ګوِميلَيِّ يِّيمَهِ بِگلَبيّ تسعٌر نِأّر
مَحٌتّأّجِ لَحٌنِأّنِجِ فِّدِوِهِ ضّمَيِّنيّ
ګوِمَيِّليِّ يِّيِّمهِ عٌيِّوِنِيِّ أّجِت خَطّأر
تّشګيِّلَجِ عٌذّأبِي وِغٌربِةّ َّسنِيِّنِيِّ
أَّّسمَعٌيِّنِيِّ أَّّسمَعٌيِّنِيِّ أَّّسمَعٌيِّنِيِّ
أّريِّد بِقِبِرچ أّغفِّهِ وِيأّج خَلَينِي
....................................
اخذيني ييمه
بالقبر وياچ خليني
عندي كلام هواي انتي بس اسمعيني
.......................................

الكاتبه: شنو رأيكم اخلي اسيل تكول الامها الميته *كومي سويلنه محلبي هههه لو اكعد راحه)اوك اسفه كملووو بس يعني لازم اطلعكم من مود الحزن
......................................................

تبچي وتلطم وهيه واكفه بعيد شوي وتباوع جثة بنتها كدامها اقتربت منها بخطوات ثكيله اهتز توازنها هواي بس ماتهتم رادت توكع اكثر من مره بس ماهتمت الطريق البنتها ما يطول خمس دقايق بـ هاي الدقايق شريط حياة بنتها يمر كدامها من انولدت من مشت خطواتها الاولى فرحتها بـ اول كلمه كالتها دخولها للكليه زواجها من الشخص التحبه..فجأ بـ كل هاي الذكريات الحلوه ذكرى جثتها بالارض بصفها المسدس الدم المتناثر بالارض بچي حفيدتها سالي من صوت الطلقه او بالاحرى احساسها بوفاة امها تمشي بخطوات متعبه صارت الدقاييق التمشي بيها بالنسبه الها سنوات طويله بالنسبه الاشتياقها لبنتها
دخلت للغرفه البيها جثة سهير اقتربت منها

ام سهير: بنياتي كومي لازم اني بمكانج حبيباتي لاازم انتي تبچين عليه موو اني ابچي عليج يمممه نضر عينيي كومييي روحي مابتسوه من بعدج حياتي مالها طعم بدونج لج يمه منعتج من احمد هوااااي جنتي ماتسمعين كلامي كتلج عوووفي مايفيدجج ماقبلتي وكلتي مستحيل اكمل حياتي بدونه

احمد

اتصلت بـ اخو سهير وكتله الصار وهو تخبل وضل يبچي واجه لبغداد بنفس اليوم واخذ امه وطلع راد ياخذ بناتي بس اني مقبلت

طلعت ورحت االجدي باوعت عليه بنضرة حقد وكره وكتله
احمد:هاا مرتاح الف الف مبروك لان خربت حياة حفيدك حياتي جانت سعيده قبل متجي انته ومن اجيت كلشي انگلب حزن ذنب سهير بركبتك...هاي البنتين بسببك خسرو امهم

كمل كلامه ودموعه تنزل مسحهم بحركه سريعه
احمد:هسه شكول لـ اسيل وسالي من يكبررن اكلها امكم انتحرت بسبب جدي هاا هيج اكولها

رد وهوه حزين والندم مسيطر عليه

جد احمد بـ ندم: احمد

قاطع كلامه ومخلا يكمل

احمد: ماعندي جد وها صح راح ارجع وياك وازوج بنت عمي حتى ترتاح وهذني البنات بناتي محد يدخل بيهن

اسيل بحزن: بابه يعني بعد منشوف مامه ؟

احمد بحزن: تعاي نروح لبيت جدج بنوتاتي الحلوه

اسيل بحزن: بااابه وين ترووح وتعوف مامه ببابه ليش امي نايمه ومتكوم هااا ليش اكلها مامه كومي وهيه مترد عليه وتضل نايمه باببه احجي

احمد :بنيتي روحي لـ اختج دتبجي

اني وعشيرتي رحنه دفنه زوجتي وضحكتي

رجعت للبيت العشت بي ويه زوجتي وحبيبتي ضميت اغراضنه وطلعنه صعدت اسيل بـ سيارة ابويه و سالي بحضن ابويه واني قبل ماصعد للسياره رجعت دخلت للبيت وشفت كل ذكرياتنه وتذكرت

الرساله كعدت اقراها وجان مكتوب

حبيبي احمد سويت هذا الذنب الـ ماينغفر علمودك ماريد يصيرلك شي بسببي وكل هل سنين وانته بعيد عن اهلك بسببي اريدك ترجع وتزوج بنت عمك بس اسيل و سالي امانه عندك دير بالك عليهن هذني نضر عيني بس تشوفهم اذكرني بيهن وامي حبيبتي رجعها لبيت اخويه حبيبي سامحني احبكك

قريت المكتوب بالرساله واني تخبلت وكفت بنص البيت وصرخت ب اعلى صوت رجولي

احمد: اااخ الله صبرنييي. لج ليش هيج سويتي بيه لج هديتي حيلي بموتج لج يتمتي بناتتج لجج شلون تعوفنيني شلون ينطيج قلبج تعوفيننننه

ومشفت غير ابويه حاط ايده ع كتفي وكلي

ابو احمد: الله يصبرك وليدي

احمد: بويه وين البنات

ابو احمد: اسيل ب سيارتي و سالي بحضن جدك

اني من سمعت هيج تعصبت مرديت ع ابويه طلعت ركضت لسيارت جدي وطبعا جان وراه سيارات مال اعمامي وولد عمي والله حسيتها مو عشيره مافيا (عصابه)
احمد بحقد: منو سمحلك تشيل بنتتي
جد احمد: اني جد ابوها
احمد بحقد وحزن: بس منو كال اني اعرفك انته جدي بس بالاسم
اخذتت سالي منه ورجعت لسيارة ابويه سالي بحضني و اسيل نايمه ع رجلي بنص الطريق وفزت اسيل وكالتلي

اسيل: ببـاتي اشتاقيت لمامه امشي خل نروحلها ويننهااا

احمد بحزن وهوه يفكر

شكلج يابنيتي امج انتحرت بسبب جد ابوج لو اكلج ابوج راح يزوج
وقطع تفكيري صوت اسيل

اسيل بنهيار وببچي: بااااابه وين رايحين هااا وين مامه اااحجي.
حاولت اهدئها و اسكتها وهيه هم هدئت وسكتت رجعت نامت وصلنه للبصره واني جسد بلا روح
دخلت لبيت جدي وامي تسالني ع الصار وين راحت مرتي ومنو هذني البنات واني مجاوبتها

ايي نعم متعرف اني عندي بنات لان انكطعت اخباري عنهم ولا تعرف بالصار اليوم

ام احمد: هلا بوليدي شتاقيتلكك يمه حبيبي ووليدي منو هذني الحلوات وين مرتك هاا

ابو احمد: تعاي للمطبخ شوي

ام احمد: ماشي

راحو للمطبخ وكعد يحججيلها كلشي

ابو احمد: هذني بنات ابنج اسيل عمرها عشر سنين و سالي عمرها ثلاث اشهر
وحجااالها كلشي هيه بس مصدومه و تبچي طلعو من المطبخ وامي متفاجئة من السوته سهير

صعدت لغرفتي واني شايل سالي ولازم اسيل كلت ل وولد عمي يصعدون اغراض بناتي لغرفتي بس رحاب اتدخلت وكالت

رحاب: شنووووو هذني البنات راح يبقن ويانه ؟
احمد: هذني البنات بناتي والمعاجبه ممجبور يضل وياي

رحاب :بس اني راح اصير مرتك وماريد هذني البنات ؟
احمد بغضب :انتي هم مصدكه روحج ترا الحذاء بالنسبه الي اغلا منج ومن وجودج واهم منج هم اني ماريدج و بناتي غصبا ماعليج يضلن وياي ويلا ولي من غرفتي اريد انام لـ تخليني اكسر راسج

طلعت بدون ماتحجي شي واني نمت شويه وفزيت مشفت اسيل و سالي متت خوف عليهن وركضت نزلت جوه شفتهم كلهم نايمين دكيت باب غرفة امي وابويه وطلعلي ابويه كتله بعصبيه
احمد: يابه وين بناتي ؟
ابو احمد بستغراب: ماعررف ليش مو جنت منيمهن
ركضت ع امي وكعدتها سالتها كالت اخذهن جدك
ركضت ع غرفة جدي وضربت الباب قوي دخلت شفته يلعب وياهن
اتعصبت وجريت اسيل وشلت سالي وردت اطلعع بس انداريت عليه وكتله بحقد وستهزاء

احمد: غريب مجرم يلعب ويه اطفال ضحيته؟!

جد احمد بحزن :احمد ماجنت اعرف راح توصل لهدرجه اعرف مستحيل راح تسامحني
وحقك اكيد

طلعت من غرفته وصعدت لغرفتي نومت اسيل وقفلت عليها الباب ونزلت لـ امي لان سالي كامت تبجي ماعرف ليش دخلت لغرفتهم وخليت سالي بيد امي

طلعت شفت رحاب اتقربتلي ورادت تحضني بس اني بعدت عنها وكلتلها ولي من كدامي حيوانه وهيه راحت بدون كلام رجعت لغرفة امي
شفت ابويه حاضن بنتي ويلعب وياها وبنتي سالي بيدها الصغيره لازمه وجه ابويه اتقربت داشيلها ابويه مقبل كتله يابه ميصير سهير حاطتلها وقت للنوم ومن ذكررت اسمها زاد حزني اكثر
بس محجيت شي كبل اخذت بنتي وصعدتها لغرفتي نومتها وبنتي اسيل ع السرير وياي حضنت بنتي واني اشم ريحة سهير بيها ضلينه نايمين لحد ما سمعت الباب تنضرب قوي كلش كلش ...............

وانتهى البارت احبكم ❤️لا تنسون لايك وتعليق ممح