#السوليه
ركبت العربيه وانا شايل اميره ومينا ساق العربيه
طول الطريق قلبى بيوجعنى اوووى ومش قادر ابطل عيط دموعى بتنزل تلقائى كل لما اميره خلاص هتغمض عنيها اهزها جامد عشان تفتح عنيها
لحد ما غمضت عنيها ومفتحيتهاش تانى
انا بزعيق... بسرعه يا مينا
وصلنا المستشفى شيلتها ودخلت
انا بزعيق .. دكتور حد يلحقنا
الممرضه .. حطها على الترولى بسرعه
حطيتها على الترولى ودخلوها العمليات وانا قعدت على الارض مش مستوعب الى بيحصل اميره ضحت بنفسها علشانى لو جرالها حاجه مستحيل اقدر اسامح نفسي
شويه والبنات واللعيبه اجم
هانى .. ايه الاخبار
مينا .. هى فى العمليات ولسه محدش خرج
عهد بعياط .. انا السبب لو مكنتش خرجت وكنت سمعت كلامها مكنش كل ده حصل وكان زمنها معانا دلوقتى
هانى بيقرب لعهد ومسك ايديها .. متقلقيش ان شاء الله هتكون كويسه قولوا يارب
كلهم .. يارب
شويه والدكتور خرج
السوليه .. خير يا دكتور اخبارها ايه
الدكتور .. الرصاصه اجتلها فى ضهرها احنا خرجناها بس للاسف دخلت فى غيبوبه
الشيخ .. انت بتقول ايه
الدكتور .. اسف يا كباتن بس هى دخلت فى غيبوبه ومفيش حاجه بأدينا نعملها ومش عارفين هتصحى امته من الغيبوبه انا بعتذر بعد اذنكم
سابنا ومشى وانا خلاص مش متخيل انها فى غيبوبه بسببى
السوليه بهستيريه .. انا السبب انا السبب المفروض كنت ابقه انا الى جوه مش هى
هى ضحت بنفسها عشان انا اعيش انا مستهلش الى هى عملته علشانى ده
الشيخ مسكه .. فوق يا عمرو فوق هى هتبقه كويسه وهتفوق اميره اقوى من المرض
السوليه خلاص معدش حاسس بنفسه واغمى عليه ونقلوه لاوضه فى المستشفى واعطوه مهدأ
مينا دخل عند اميره
مينا .. ايه يا بنوتى انت هتسيبينى كده لوحدى مش احنا اتفقنا اننا هنكون مع بعض دايما مش انا اخوكى الى ربنا بعتوه ليكى مش انا بير اسرارك
اصحى بقه انت كل حاجه ليه انت اختى وبنتى الى مقدرش اعيش من غيرها انت لازم تقومى الى انت فيه انت اقوى من المرض انا معرفكيش ضعيفه كده
طبعا كل البنات واللعيبه كانوا متابعين الكلام ده ومنهارين حرفيا
تانى يوم
كلهم كانوا فى الملعب بيدربوا عشان ماتش الاهلى والزمالك السوليه محضرش التدريب وكان قاعد مع اميره فى المستشفى وماسك ايديها وبيتكلم معاها
وهو قاعد على الكرسي نام وحلم ب.....
اميره .. عمرو عمرو
السوليه .. اميره اخيرا صحيتى انا بموت من غيرك
ليه عملتى كده فى نفسك
اميره بابتسامه .. مقدرش اشوف الى بحبهم هيتأذوا وافضل واقفه المهم لازم تروح دلوقتى تدرب عشان تلعب كويس
السوليه .. مش هتيجى معايا
اميره .. مش دلوقتى انا هنا احسن
السوليه .. انت فين
اميره .. فى مكان حلو عشان خاطرى لازم تلعب كويس وتدرب واوعدنى انك هتدخل جول بكره
السوليه .. متتاخريش عليه اوعدك هتضرب كويس وهجيب جول
اميره .. هو ده عمرو ال انا اعرفه سلام بقه
السوليه .. استنى ...
صحه سوليه من النوم وعرف انه كان حلم حس ان اميره بعتاله الرساله دى عشان يفوق
بص عليها وهى نايمه وقال وعد منى هتدرب كويس وهجيب جووول بس اصحى انت بس
وباس راسها وراح النادى
سعد .. اخيرا جيت
السوليه .. يلا عشان نتدرب
الشيخ .. مالك فى ايه
السوليه حكلهم الحلم
هانى .. اكيد اميره عايزه كده يلا نتدرب عشان اميره اللعيبه .. يلا
وفضلوا يتدربوا
وبعدين خلصوا وخدوا البنات وراحوا يزوروا اميره وبعدين مشوا والسوليه فضل قاعد معاها
فى عربيه هانى بيوصل عهد
هانى .. عهد
عهد .. نعم
هانى .. انا عايز اقولك حاجه
عهد.. سمعاك
هانى وقف العربيه على جنب
هانى .. عهد انا بحبك بحبك من اول يوم شوفتك فيه شديتينى ليكى لما بتكونى بعيده عنى ومش شايفك اودامى بحس ان قلبى واجعنى فى حاجه نقصانى
عهد طبعا مصدمه ومفيش غير الدموع الى بتنزل
هانى افتكر انها مش عايزاه
هانى .. اسف لو ضايقتك اعتبرى كانى مقولتش حاجه
وكان لسه هيكمل سواقه
عهد مسكت ايديه
عهد .. انا كمان بحبك اوووى يا محمد فوق ما تتخيل
هانى .. بجد
عهد .. ايوا
هانى .. وانا بموت فيكى يا حياتى
وخدها فى حضنه وهى كانت بتعيط من الفرحه ان ربنا رزقها بواحد زيه
هانى بعد عنها ومسح دموعها
هانى .. طول منا عايش مش عايز اشوف دموعك دى ربنا يخلينى ليكى واقدر اسعدك
عهد .. ربنا يخليك ليا ..
.
.
.
.
خلصت البارت امممممم بالنسبه للبنات الى فى الروايه متخافوش مش نسياكوا والىه بس الشخصيات كتير اوووى وعايزه اعمل لكل بنوته حاجه مميزه وحلوه
والناس الى بتتفرج من غير فوت وكومنت ميصحش والله ترضيها لبوستاتك ورواياتك 😂😂😂
المهم طولت عليكم بااااى