هبه :وو عليا
اني:اسسس درتي العار "شبحت متت ضحك ههههه
"عفست علي حفاظه "
اني:حفظات المنصور حفاظ نوع جديد ووووووو مقرف "وخرت وحطيت ايدي علي خشمي"
ولحسن الحظ يعني الوقت وقت مغرب
هبه تبكي :اععععع اهئ اهئ😭تعالي
اني:لالا افيييي حولي
هبه:بلهي عليك اهئ اهئ تعالي نشد ف كتفك ونمشي منقدرش نعفس
اني سكرت خشمي وميته بضحك وصلتها فم باب الحوش وكملت وني ميته ضحك
"وصلت الحوش طحت شديت بطني ونضحك اكرام نزلت تجري واكرم طلع من الكوجينه يحسابوني نبكي لقوني طايحه من الضحك
اكرام:بعقلك هكي تي قريب ركبتيلي السكر "وحطت ايدها علي قلبا"
اكرم :جيت اسحبتها اشبح من دارلها حاجه والله قريب طحت علي وجهي😡
ماما طلعت من الدار حطت ايدها علي راسها ":ليه عليك يابنتي
اكرم وخر قعمز علكرسي يشري ف اميا

اني:ههه ماههههما تي تي هبه عفست علي شمال "حشاكم " تي شملات المنصور ياكبدي هههخ
اكرم :طلعت لميا من خشمه
"الكل نشرك ضحك "
بعدها ركبت بدلت حوايجي لبست توته
وخشيت فراشي ونفكر غير ف هديكا لحديده
-----------------------------الطبعا تاني يوم نضت الصبح وك العاده لبست ومشيت المدرسه
اني وصلت طوول للاداره
اني خبطت ع الباب:السلام عليكم
الاخصائيه قامت راسها :وعليكم السلام اهلين كوتر
اني:اهلين ابله معليش نبي نقولك جت ابله مبروكه
الاخصائيه :شوفيها ف حجره المعلمات
اني:حاضر اسفه ع الازعاج
الاخصائيه بتسمت :لا فيش ازعاش بنتي

"وطلعت مشيت لحجره المعلمات خبطت الباب "
اني :اسلام عليكم صباح الخير
الابلات :وعليكم السلام ورحمه الله
اني طبعا رقتت صوتي وقفتي وقفه وحده متحشمه كنت انطربق ف صوابعي من التوتر
اني:معليش بعد ادنكم نبي ابله مبروكه شويا
الابلات:هههه هي نوضي يابروكه جاك عسل ع صبح
اني ابتسمت
وطلعت
اني:معليش ابله حديتي ياريت ترديهالي
الضفضعه تخزرطت :اي لحظه انجيبها
"خشت شافت شنطتها ملقتهاش "
الضفضعه :اني مش قلت معاش تشوفيها ولا بري لساحه
اني وخرت سويا وقمت كمامي :ابله لو سمحتي هادي الحاجه الوحيده يلي عندي من بابا يااريت تعطيهالي
الضفضعه مع ابتسامه مجامله : اااتعالي الاستراحه خوديها
اني:ابله ياريت تعطيهالي توا من امس علي ععصابي
الضفضعه :منندريش عليها. توا
اني وجهي احمر عيوني دمووع :تيييي كيف متندريش عليها كيف ترا فهميهالي
الضفضعه:اهدي ره صوتك تعلا
اني:يتعلا ولا يطوطا نبي لحديده
الضفضعه :امشي من قدامي
اني ريت بنظره حقد :اي حاضر نمشي لكن نعرف وين نمشي "نزلت كمامي زطربقت صوابعي من العصبيه ومشيت "
"مشيت للاداره نبكي "
اني 😿:معليش ابله
الاخصائيه قربت مني و مسحتلي دموعي :خيرك هكي شن في
اني:لحديده يلي عطهالي بابا ريحتها ابله مبروكه
الاخصائيه :لالا بالك تبصر عليك
اني نبكي ب العبره:ابله ره والله الحاجه الوحيده يلي عندي من بابا بلهي كلميها تعطيهالي والله خلاص"وقعدت نبكي"
الاخصائيه تأتر بكلامي هلبا :خلاص بنتي معاش تبكي بإدن الله نكلمها وتعطيهالك امسحي دموعك وبري لساحه شوفي صحباتك والبنات
اني مسحت دموعي وخرت من عليها :حاضر ابله تو نجيك الحصه التالته لانه ابله العربي قالت عندها ظرف ومش جايه ونشوف القصه
الاخصائيه :تمام بنتي
اني:هي السلام عليكم واسفه علازعاج
الاخصائيه :مفيش ازعاج ف اي وقت تعالي

"عند لبنات ف الساحه "
______________________
رتاج جت للمدرسه
هبه مدت ايدها وسلمت ع رتاج :حمد الله ع سلامه رتاج حد السو ان شالله
رتاج بإبتسامه :الله يسلمك شن جوكم انتم
هبه وخرت وخدت نفس :والله والله نا بنجوك لكن ماسعفش الوقت
رتاج :لالا عادي معليكم املامه وينها كوتر هيا
هبه :مريتهاش بكل اليوم
امل سلمت بإبتسامه خبت :رتاج حمد الله علي سلامتك
رتاج:سلمك ياربي شن جوك شن مدايره
امل :اهو تمام بنات مريتوش كوتر ؟؟ "كانت ادور فيا بعيونها ف ساحه
يمنى :لالا الحق مرينهاش بالك عطلت ف النوم تو تجي

"طبعا اني جيت من وراهم "
حطيت ايد علي كتف رتاج وايد علي كتف يمنى
اني :صباااحوووو
لبنات :صباحك ورد
هبه :وين كنتي وخيره وجهك احمر وعيونك حمر
اني وخرت حطيت ايدي علي خدي :اممم لالا والله حراره و زكمه تعبت امس
هبه :تعبتي يا بهيما وامس انتي قريب متي ضحك
اني ابتسمت :ههه مدكرنيش بلهي عليك
رتوجه شن جوك حد السو ياربي
رتاج :تسلميلي يارب
امل جبدت ايدي :تعالي نبيك شوي
اني بإبتسامه بريئه :امل معليشي ف الاستراحه نهدرزو
امل بتوتر :اوكي
خطم زيكو وانس
زيكو :صباح الخير "وضربني ب الكتاب علي راسي
اني:اااي خير دعوتك
زيكو :خيرك امس يا شُوما وخيرها خليقتك هكي تنوض الميت من نومه
اني:دخلكش
انس :صباح الخير بنات صباح الخير امل وغمز
امل بتوتر :صباح الخير
" نحكيلكم شوي ع انس وامل
طبعا انس يحب امل حب لا يرى ولا يحكي مواصفاته عاديه طويل ورقيق شعره طويل ونظامه وقت الضحك يضحك وقت يتعفلق خلاص وهكي هيا من معروف عليها
معندهاش طارقه مع يلي يجي وهوا يشبح فيها مرات مع تهدرز ولا توقف مع ولاد الجامعه يلي يجونا ويسألها تقوله لا صحبه ماهو كانو يقرو ف مدرستنا وهوا يصدقه لانه يحبها وزي ميقولو مرايه الحب عميا..ومن ناحيه تانيه تحب ولد اسمه حسام ف الاساس ولد سلفت ابله الرياضيات وحسام يقرى ف جامعه واحد. صايع ضايع متع حشيش "حشاكم" وكل شي ""
زيكو ضرب انس :تي غير لا صبح ياراجل
اني :ههههههههه مبردك يا زكريا الهم
زيكو :انتي ضمي فمك "وفنص فيا وضحك "
رتاج :مفيش الحمد الله عسلامه "وشبحتله عجنب
زكريا قعد يحك ف شعره :اقسم ب االله لنسيت شن حالك جوجو حد السو ياربي
انس:اوووو رتوجه تي لالا العافن ميموتش معروفه هههه
رتاج : هههه سلمك. زيكو ونتا يا بطاطا مقليه اني عافنه ونتا شنو نبع العفن
انس: خزي
هبه حطت ايدها علي جبهتها :بتنفتح جبها هكي
انس:اسمعوووو
كلنا: نعم
انس :جايب شيشه متع اميه شعير شن رايكم نلعبو صراحه جراءه
زيكو حك ايديه ف بعض :اوووه ميا ميا كوتر من توا شن بتختاري
اني فشلانه خطريش ندوي :اممم جراءه
زيكو :تيييي انتي وجراه
اني:والله كان قلولي قصي شعر زكريا لما نقصه
زكريا :ههههه لالا يراجل ونتي خيره وجهك شاحب هكي
اني:لالا شي عندي موضوع ف الاداره ونبي نحله
هبه ورتاج ويمنى:حييييي وحني اخر من يسمع
اني:بلهي خلوني راه مش متحملا
حتى روحي خلي نشوف وبعدين نقوللكم
هبه طارتلها :به حتى كان متبيش تقولي ع راحتك
رتاج :تمام غير طمنينا
يمنى :ان شالله خير
امل "تحسابه عليها هيا "
امل :اااااا شن شن في
انس:خيرك يا امل البنت عندها شي خيرك متخزرطه وحالتك حاله
زيكو :اعلاش شن في انشالله خير
اني :لالا مافي الا كل خير
زيكو:كلمه وحده شن في
اني :متجبرنيش نقولك شي وني منبيش بعدين خيرك متعفلق تقول قوام عليا
زكريا:به ماشي الحال "ومشي "
اني:خيره مريض هدا اليوم
هبه :انتي خيرك هكي تستور عليك وخلاص وهوا تصرفه غريب هههه
الجرس "تررررن "
درنا طابور وركبنا قعمزت وجنبي هبه طبعا هبه معتطنيش اي وجه
وامل وراي ورتاج يمنى ف الكرسي يلي ف صفه لمين يعني بجنبي
خشت ابله :رياضيات اسمها
وفاه: السلام عليكم
كلنا :وعليكم السلام ورحمه الله وباركاته
""طبعا مقعدنا الاول ف الوسط وقفت وحطت رجلها ف الحديدا يلي تحت وتشوف من غايب ولي مش غايب طبعا هادي الابله معندهاش بنات ف تعتبر فينا بناتها وديما تنصح فينا وتخاف علينا وكانت تكره امل هلبا بس مش موريا
وفاه شافتلي:خيره وجهك احمر شن في
هبه قلبت شواربها 😑
اني نزلت راسي :شي
وفاه:من زعلك نضربه انتي ياهبه
هبه :لا زعلتها لازعلتني
وفاه:املا خيرك
اني :لالا والله مريضه امس دوشت ورقدت مغير من جفف شعري
وفاه:تمام نبيك نهايه الحصه خلي ناخدو درسنا
اني :تمام
"تمينا الدرس ورن الجرس طلعت معاها "
وفاه:خيرك
اني :.....
وفاه:مدسيش عليا شي اني زي امك
اني دموعي ينزلو بروحهم:ابله مبروكه خدت مني لحديده يلي عاطهالي بابا الله يرحمه وريحتها
وفاه:اششش خلاص معاش تبكي تو نوريها لعزوزه الخارفه هادي انتي متبكيش امشي ل حجره المعلمات بري ف شيشمه ف الدار اغسلي وجهك
اني نمسح ف دومعي ونشهق:حاضر😿
"غسلت وجهي وركبت شافتني هبه لقتني واضح عليا كنت نبكي "
هبه :والله منوره بجديات هي باهي من امتا ندسو علي بعض احني
"اني قبل مستحيل ندس علي هبه حاجه بس توا لحكايه فيها بابا واكيف حتسخف وني منحبش من يسخف عليا "
اني بعصبيه :ييييي ياهبه شن تبيني نقولك لحديده متع بابا لعطهالي خدتها ابله مبروكه وريحتها خلاص ف شي تبي تعرفيه تاني هكي الواحد يقعدش ف حاله مسد مضايقه ونساير فيكم فيش من يراعي ظروفي
هبه تأترت :به ياكوتر ليش العصبيه هادي تقدري تتكلمي بشويا
اني:به واحد مسكر فمه شن معناته اااا يعني توا ساعدتيني لما قتلك
هبه عرفت اني مضايقه :به خلاص يا كوتر حقك عليا معاش دخلني فيك اصلا
اني كنت متعفلقه :احسن مدرتي
"رتاج تشبحلي بستغراب كيف تعفلقت وكيف كانت هامتني لحديده هلبا "
رتاج:كوتر صلي عنبي خلاص كل شي ينحل
اني حاطه ايدا ع وجهي :انشالله خير
"خشت ابله الاحيا وخدينا درس وتمت الحصه نزلت امشيت للاخصائيه "
اني :السلام عليكم يا ابله فيش شي جديد
الاخصائيه :واللهي يابنتي كلمتها وقالت اكيد طاحت مني ف ساحه وني تركب ف الطلبه
اني وخرت وحطيت ايديا ع وجهي :يحليلي يا ابله والله مش قادره نستوعب بكل كيف تريح حاجه زي هادي اولا دهب تانيا متع بابا من صغره من وراها فيها تاريخ ملاده ب يعني شي تمين من حياه بابا
الاخصائيه :فيش حل الا انكلمو الطلبه يدوروها
اني كنت بنبكي واعصابي خلاص:خلاص تمام املا شوفيهم
"مشت كلمت فصلنا وفصل زكريا "
عددنا كلنا 60
٣٠ ولد و٣٠ بنت
زكريا :ليش مناديتنا شكلنا بنلعبو كوره

كانو كلهم واقفين طابور الا اني واقفه جنب الاخصائيه وجهي احمر اواضح عليا كنت نبكي
الاخصائيه:زميلتكم كوتر حديدتها ضاعت من ابله مبروكه ف ساحه حديده دهب فيها تاريخ ملاد من الخلف ياريت ادورو عليها
انس نصدم عرف اني الصبح ع الموضوع هدا

زكريا ادكر ان لما قالي لحديده كيف تعفلقت وليش الصبح طايرتلي وليش عيطت اعليه وقت سالني
زكريا:تمام يا ابله اهو حنديرو جهدنا
"هبه كانت زعلانه من تصرفاتي رغم انها عارفه مش طبعي بس حاجه تمينا"
هبه :خلاص زيكو انتا دور جيهت الملعب واني هني
زكريا:تمام
"اما امل كانت تقول ف سرها انشالله متلقهاش اساسا متحب الخير لحد "
الاخصائيه :تمام تو اني بنمشي للحجره انتم شوفو روحكم
الكل :تمام
اني:بنساعدكم ف التدوير
"زكريا امشي لمقصف وشري عصير و وشكلاطه جردينه يعرف اني نحبها "
زكريا:هاك خودي واضح عليك هبوط خودي
اني:لالا صحيت معنديش نيا تو ندور ف حديدتي
زكريا بتعصب وعلا صوته :مش مليانين عينك حنى خودي وتفدادينيش يا شُوما
اني:ونتا شن دخلك بيا خليني
زكريا:عارف اصلا لياش علاقه بيك خودي بكري سألتك بتعصب لانه عمري مريتك ب شكل هوا وفكيني منك ليصيرلك شي بعدين من بنافس ولا بالك تحسابيني جايبلك علي سواد عيونك
اني:حييي علحيوان حيي
زكريا:هههههههههه غير خودي مخاطريش ندوي معا الشومات عصبح
اني:عليك براده فيك هات "وعطيته خمسه "
زكريا فنص عيونه: هدا شنو
اني ببرود :فلوس
زكريا :فلوس
اني:انتا شن تشبح فيهم
زكريا:بلا براده مش بينا ره تانيا منتجملش عادي يعني اي زميل يديرها
اني:مهما كان مرات فطورك ومش لازم اي زميل عادي حتى زي خوي
زكريا:ههههههه طايح سعدك شن قالولك ناخد ف مصروفي من بوي لالا مش خوك تي كان خوك راني كاسرلك رقبتك ع هبالك
اني:به به خلاص صحيت عارفاتك قرندايزر هههه وتكسر طياح سعدك وهوا يلي يهدرز معاك وينزل لعقلك تقوله هبال خلاص من اليوم نبدا ف جديات
زكريا : لالا ونبي لا ههههه اصلا جو هبالك اطلع طول والله محليا الجو بعدين خيرك هكي عصبيه عليك براده ههههه هي خلي بنمشي عندي مندير وكولي وعد انك تاكلي
اني: انتا تنرفز فيا شن بنديرلك به اممم وحنحاول ناكل
زكريا:حاولي ياشوما حاولي واصلا نحب نرفزك يا شوما هههههه
اني :نننننانننن منيش شوما اني😐
زكريا :غصب عن خشمك شوما ونص وخمسه
وهي سلام
"قعدو يدورو لين رنت الاستراحا "
كلهم :ملقيناهاش
اني ركبتني قشعريره كنت واقفه قعمزت وحطيت ايديا ع وجهي وخديت نفس :قدر الله مشاء فعل ربي يعوضني خير رغم مفيش حاجه تحل مكانها
زكريا :والله درنا جهدنا معليشي معليشي
اني :عادي مدورو شي
هبه قربت وحطت ايديها علي خدودي :متبكيش ومتزعليش ميهونوش عليا دموعك ره
اني قعدت نبكي :سااامحيني يا هبه قسيت عليك بكري والله كنت متعفلقه ونفكر اسفه والله اسفه
هبه حضنتني :ييييييي معقوله الشوما تو نزعل منها
زكريا:يااحيوانه شن شوما متاعك اني بس نقوللها شوما
هبه :😞واللهي برا كان تبي تلعب امشي كانك حاط شي فراسك نحيه يرحم ولديك
يمنى :حيي عجو من امتا جو لكيوت فيك ريحي روحك رانا ف ليبيا
زكريا تعفلق:شن بنحط يعني تانيا انتي معندك لاخدمه اقدمه غير اتبعي عليك براده فيك ههههههه اي اي كوتر بلا جو ضنيني ياختي ضميني نامي ياختي بسلام ههه
يمنى :هييييي ونتم زي ناقر ونقير خيرنا عاد "وفتصت فيهم " وبطل ضحك فيش شي يضحك
هبه:خلاص معاش تبكي حنزيدو نشوفها عند الضفضعه عزوزه لهدود وليمات السود
اني مسحت دموعي وبعدت :انشالله وبعدين مش عامه يا زكريا الضحك ره "ودرتله ضحكه صفره "
زكريا فتش ف جيبه وطلع لحديده :احم احم ادورو ف هادي انتم
الكل فتح عيونه فليتشه :حيييي وين
وين لقيتها
زكريا:ههههههه مخصكمش
اني قريب طرت من الفرحه خديتها :يييي صحيت صحيت الله "كنت نبكي من الفرحه ونضحك ومخلطه "
هبه:يمكااريمكاار لينا ساعه ندورو ليش مقلتش لقيتها
زكريا:شن دخلك لقيتها ف الاخير اصلا
اني :بجد بجد شكرا زكريا مش عارف كيف نعبر علي شكري ليك
زكريا شبحلي من فوق لوطا ويضحك اسمعي ميركبش عليك جو الهنود جو كوشي وارناف
اني شبحتله عجنب :🙁طايح سعدك تو مزال نقولك حاجه تفو بعدين انتا ارنااف اااا حسني دخت قول توم وجري نمشوهالك
زكريا: ياكلو الغله ويسبو الملا 😹😹
اني:ناكل عينك اني منسبش محترمه "ودرتله نضره " 😌
زكريا يأشر عليا :تو معقوله هادي بكري كانت تبكي وتشكر فيا ويقلد فيا "سكرا سكرا ثكريا موت عارفه كيف نعبر علي ثكري "😂😂😂😂
هبه :ووو تقليد مش عادي هههههه
رتاج :لالا قويا هيا هههه
يمنى :والله صح ليك هههههه
اني لبست لحديده :لحظه بس
"ونجري وراه "
زكريا: متاعبيش روحك ماكش زورو 😂
اني تو نوريك الزورو
"وطيحت روحي ودروحني نبكي
هبه جت تجري :عااجبك هكي توا خير جداك
بلهي برا علحالك
رتاج:براده شن هدا
انس:هههههه ايوا 👏👏👏
زكريا: ضم عليا فمك انتا ههههه تانيا جداي رحمه الله عليها حنى عظامها صدو ههه
اني:ااااييي شكلي نكسرت ااااا😣😣😣
هبه خافت :يحليلي يااربي توا ستريحت
زكريا ينطور :الزح مهوش قصدي تانيا هيا لتجري وراي
اني:انتا ناشبتني وخرو نبي نفس خلي نحاول نوقف عليها
"والكل خايف اني بقدره قاادر شديت زكريا وبديت تفشخ فيه علي ضهره "
اني :صار زورو يا طايح سعدك
زكريا:ااااااا الهم شن هدا طلعتي سيف النار
اني :مبردك
هبه:حيييي مش كانت رجلك
اني:لا رجلي لا واحد تو نوريه عارفه مش حنقدر نشد: تيك" زي هدا 😂😂😂
زكريا:قويي اسم تيك هدا ههههه لكن ف جغرافيا صف تامن في منها نبته ف جو البرك وهكي
امل:معليش كوتر نبيك فوق ياريت تجي
اني:اكيد هي وتوا نفظا بيك يا تيك ههههه يا فطر ههه
هبه :تمام املا نستناك لوطا "وغمزتلي "
اني:تمامو "وحركتلها حواجبي "
انس:منورنا ياتيك هههه
زكريا: بطل يابارد هههه
"ركبت خشينا الفصل قعمزت حطيت رجل علي رجل ربعت ايديا "
اني بكل برود :تفضلي ليش مناديتني
امل بتوتر:شن سمعتي عليا ونبي قولي
اني ضحكت ضحكه عجنب:اولا مفيش شي يندس كل شي سامعه بيه وعلي قد مننصح فيك فيش فايده لكن خليك ع راحتك بس والله حرام يلي اديري فيه ل انس قصدي والولد يحبك حب اعمى ومش مقصر معاك ف شي والاكتر من هكي واتق فيك تي حرام عليك خافي ربك تي علي قداش ولد تبي تلعبي عليه ويلي شاده بيه ولظهر وتب ف قلبك يضحك عليك
امل :شن تقولي انتي مفهمتكش
اني ساويت تقعميزتي :يييييي شن دروري نقولك انك تكلمي ف حسام ولد سلفت ابله الرياضيات تبيني نقولك ان الابله تندري ولا تبي نقولك وصلتني ادوه انك واقفه علي ف زنقه حتى ولو نيتك صافيه يلي يشوفك يفهمك غلط اسمعي مني راني منبيلك الا كل خير هادي سن مراهقا انسان تمشي بيه عاطفيته قبل عقله
تصرفي ب عقل حرام تكلمي هاده وتشوفي هدا راهو واالله مافيهم خير لو يبوك بجد جو من الباب حتى لو معنداش يتسمي يبيك كلميه ترا وقوليله تعالى اخطب بوي كبسني
امل:واالله لما يجي
اني:منو
امل:حسام
اني:به ليش معشمه انس مش حرام تلعبي ب مشاعر انتي شن طينك يا بنت خاافيي ربييي
امل بكل تكبر :حره اصلا لو اني شينه محد حبني
اني قمت حاجبي قريب ضربتها :نعم قصدك لبسك وعفنك هدا تسمي فيه جماال
امل :لا لبسك طويل ولا سروالك الواسع تقول عندك شحم
اني شبحت بنضر عجب:واو راك كترتي به تو انتي شن المطلوب
امل :نبي من قالك
اني : ن ن ن نفررر مستحيل نقول "وفتحت الباب بنطلع وقفتني "
امل:به بس متقوليش ل انس ب اللهي عليك
اني:ااا تبيه زي ال الفاسد تحتك راقد ع ودانه
امل:اني اولا مقتلاش حبني تانيا حسام هوا يلي يحبني ويبيني هوا اساسا فرخ نديدي شن عنده
اني تعفلقت :تي حسني ملافظك يا بنت احسن
تي والله نبدا فيك الوسخ يلي تحبيه هاتي رقمه
امل بكل تقه :عاطيني شفره وفون وهاك خوديه كلميه عندي الفون توا
اني :هاتيه نوريك
مدت الفون وبكل تقه :هاك
اتصلت...
اني ايوا
حسام :ايوا صباح الخير حبي
اني :لو سمحت حسام منيش امل "فتحت المايك " نبي نقولك ان امل كبسوها اماليها ولازم تجي تعطي فيها اقل شي كلمه او تخلصها
حسام بكل برود :تيي انتي شن تقولي ههههه قالولك مهبول ناخد فضله تي اني يوم ناخد ناخد بنت محترمه صاينه نفسها خايفه ع شرفها مش جابعين منها الدكوره
امل كانت ف حاله صدمه
اني:وليش معشمها
حسام:لانها خفيفه ورخيصه بايعه روحها ف عادي
اني:اممم به اسفه ع الازعاج
حسام :ولو اختي
سكرت "حدفت التلفون عليها "
اني: انتي متستريحيش لين يطيح الفاس ف راس
امل قعدت تبكي تبكي :ليش يصير معاي هكي ليش
اني كنت بنطلع تلفتت :شن قلتي
امل حطت ايدها ع رسها:اني كنت غالطه غاالطه ليش درت هكي بس
اني طبقت ايديا ع بعض:والله يلي يدير بإيده ربي يزيده ومنصحتكش مره ولا تنين
________
________________________
عند انس وزكريا
زكريا :اسمع
انس:ها
زكريا :عصا ع رقبتك
انس:تي شن تبي
زكريا :تو بعدين الحصه الخامسه بنلعبو حقيقه وجراءه نبيك .........
انس:قول الاله الا الله يراجل
زكريا:ازح نحبها نموت فيها تبيها ولا متبيهاش
انس:لكن والله يراجل كوتر مش وجه حب وتشبح فيها ديما ف اكتر من موقف ويوم حبيت امل قالت سريب الحب منحباش ومنفهمش فيه
ومنبيش نخشله
زكريا شد انس من كتافه ويهز فيه :نحبهاا افهمها نمووت فيها كلامها ضحكتها صوتها ملامحها تنرفينها وقت زعلها كل شي كيف تبيني حد. غيري ياخده
انس:والله حنديرو جهدنا لانه كوتر وقت التحديات مستحيل توخر مهما كان لكن ف هادي ياودي ان شالله
زكريا :والله كان علي حياتي هيا ليا هيا ليا
______________
نمشو ل رتاج ولبنات
هبه مقعمزه ع سريه العلم وجنبها رتاج ويمنى
رتاج:عطلت الفرخه كوتر هلبا
هبه:ونتي شن دخلك بيها اني نقول عطلت مش انتي
رتاج:ماهو نبيها
هبه:هه اكيد مصلحه
رتاج :تفو لا مصلحه لا عيونك
يمنى :موقف كوتر متع بكري اتر فيا هلبا متوقعتش انها تحب لحديده هادي بطريقه هادي
رتاج:اي صح ربي يرحم وبيها عايشه يتيمه وديما لما يديرو ف ستدعئات وهكي لازم يكون البو حاضر الا هيا خوها يلي يحضر وكان واضح علي وجها الوقت هداكا كيف متألمه زعلانه
هبه اضايقت وحست انه صحبتها مسكينه وضالمتها الدنيا رغم هدا كله تضحك وتهدرز والاكتر من هكي متحبش من يسخف عليها
هبه اتكت ع كتف""
رتاج:والاكتر من هكي ان مشاكلكم كلها تحللكم فيهم
يمنى:والله صح ديما هي تنصح وتكشخ وتعيط مدايره جو وديما واخده وضع المسيطر وقت امشاكل اناس تحلهم لكن مشاكلها لاتفه الاسباب تعرفش تتصرف
هبه:ربي متحرمني منها متندري شن داس الزمان
رتاج: اي والله

_____
نولو ليا ولي امل
اني قربت منها ومسحت دموعها رغم انها واجعتني هلبا قلبي قطعاته ب كلامها الا اني فوتها
اني:خلاص معاش تبكي هدي سن الانسان يكون فيها الانسان معرض للخطر ومش غلط انك تغلطي الغلط انك تعاودي نفس الغلط
"وخرت من عليها فتحت شنطي اخديت شيشه اميه واعطيتها ""
خودي اشربي اميه
امل من كتر لبكي تشهق:صحيتي ي كوتر صحيتي

اني ابتسمت: عفوا ولو حبيبتي ف اي وقت واجبي بس ديما تخليش عاطفيتك تغلبك وتوا منطولش عليك تستنا فيا هبه "حطيت ايديا ف جيوبي ونزلت ""

"" اما امل كانت تشبحلي بنضره حقد وكراهيا وف سرها والله ماك متهنيا ليش فاش احسن مني انتي ""
هبه :اهي جت الغندوره
اني ضحكت ودرت باديا هكي👐:ههه شكلكم كنتو تقرمو فيا
رتاج:اي عطلتي وخلتيلنا نصك جابلنا القداد ههه
هبه :تفووو عليكم وسخين ههههه
يمنى :هدا يلي يقولك بعد مشبع قال اعييي
اني:تستور ياسي عبسلام هههههه
هبه :هي املا نشوفوكم علي خير
يمنى :بيووووعاااا تي تف ههههه
هبه :تي توا كيف كنتو تلزو فيا ههههه
رتاج:ونتي مصدقتي تانيا نبي كوتر شويا
اني:بتكمل لستراحا وني مكليت شي ههه اووو شن في زعما يا رتاج هههه
هبه شبحتلي من فوق ل لوطا :ولي شراهولك زكريا ونتي
يا وجه الزينقو مافيش كوتر نبيها اني
اني:ووو تي شن هيا عقاب شكلاطه وعصيره
يمنى قعدت تصفق :اووو الكبد حرفا لالا درت كبيده ههههههه شكلاطه وعصير بس حسها شوياهههه
رتاج:تخايلو كوتر تكبد هههههه تي مش راكبه بكل "دارت ايد ع اليمين و ايد ع ليسار" كوتر حب
ههههههه تي لالا من المستحلات السبعه وتامنها ان يصير منكم ولا مع زكريا هههه
اني شفتلها ع جنب :مصحح وجهك قالولك اني زيهم "شبحتلها بضحكه " مريضه وجعانه حب "وضحكت وحطيت ايدي علي فمي"هههه تي اني نص جمالي جكتره " وطبست ودرتلها خشيم"ونص التاني سقع عليك
هبه ضربت معاي خمسه :ههههههه قويااا اصلا مستحيل تحب غيري الشعبوطه هادي
اني ضربتها ع كتفاها :ت تفو ههههه اني شعبوطه يا بطاطا
يمنى:حي علي لمهبلاهههه
اني وهبه ف نفس الوقت خلي يقولو مهبلا واللهي ماني نعدلا
رتاج :ههه مسوو حاجه حمره فيسع
اني ندور ف حاجه حمره ملقناش الا سنتوب حليب جودي شديدته وشداته هبه
يمنى :نهاااري حرش ههههه
اني:كل شي الا هادي لازم منها هههه
هبه :افكووورس هههه
الجرس"تررررن"
هبه :عد ب الله من شكلاتكم اهو تمت الاستراحه هي
رتاج:احسن حاجه توا عندنا رياضه خلي بنلعبو ههه
هبه :اووو متشوقه
اني:اكتر منكم والله
وقفنا طابور
الابله :ستريح.. ستعد
احني بكل كسل :توار احرار
الابله مش كنتم تاكلو توا "وتعيط زي النعجه"
يلا جدع جيه لمين اربعه عداد مع التصفيق
اني بصوت واطي:هههه كان نفهم جدوع والفروع وجو يلي ادير فيه الزفت هههههه
هبه :تفشك قدام المدير متع زعما زعما
اني:طايح سعدها تلخبط ف عزوز
هبه :هههه صنعت لعونس يا ماما هههه اللهم ملاشماته هههه
الابله :انتم من غادي اطلعي ع الحيط
احني طبعا الحوله
اني:....
هبه....
الابله عيطت :اطلعييييي
اني:اني يابله
الابله: انتي ويلي قدامك
اني:ووووك ياربي
هبه تتكلم من تحت سنونها :كلا منك
زكريا يرقص ف حواجبه من بعيد
الابله :مدو يديكم
اني:ا
الابله تعيط بقوه جهدها :مدييي
اني :مديت ها يا ابله
الابله: الخويا ب عشره
اني:به
وكليت وحده وهبه وحده بطوبو لغاز اهئ اهئ
زكريا يشبحلنا وميت بضحك
اني من بعيد بأيدي :والله لما نوريك
زكريا دار شكل واحد خايف ويضحك
"المهم تمينا الطابور احني عندنا رياضه وزكريا فاضيه ابله العربي غايبه وعندنا ف مدرستنا صاله الصاله هادي لما يبدا ف مطر نديرو فيها التمارين ولا لو جاي جماعه الهلال الاحمر والا وحده من الحملات اليبيه ولا الكشافه ولا تمارين لعيد اطفل نستعدو فيها باش نقابلوهم ركبو الفصول كلهم قعدنا غير احني وفصل زكريا "
انس قام ااشيشه فوق :هيا جماعه نلعبو
زكريا حك ايديه ف بعض : هي ياكريم
اني:خلوها ف الصاله اهني عرعورنا كله طالعه بعدين رواشن الفصول يطلو كان بصدفه تشبحنا ابله ديرلنا العار
هبه:اي والهي صدقتي
زكريا:ههههه اول مره تجي منك تزغرط ياشوما
اني خديت نفس:اللهم اني لا اسالك رد القضاء ولكني اسألك الطف فيه
رتاج:زي الفاروقطوس
يمنى :يعينا ربي عليهم هيا خلي نخشو
وحني خاشين لاقينا الضفضعه
الضفضعه:وين انتي وياها 'وبصوتها يلي زي وجها وبتكشيخ
"طبعا الكل خاف بيولي لساحه "
اني وبكل تقه ونشبحلها بنضرات حاد :معليش نبو نمشو لصاله عندنا منديرو لو سمحتي يعني
"ضفضعه خافت نتكلم معاش تحز بيناتنا "
ضفضعه ابتسم ابتسامه مجامله :به كيف توا خلاص كبرتو انتم
اني بضحكه صفره :ههه والله مش عارفه نحس فروحنا قاعدين سنه اولى عاد من صف الاول مع بعض يعني تو هادي تالت فتره تانويه فيش شي يخوف والاداره تعرف بشي هدا وكلنا خوت عندناش فيه جو الخبت وقلوبنا علي بعضنا ويوم واحد بس ينظلم من ابله الطلبه كلهم يقفو عندنا قانون الجميع للواحد والواحد للجميع
الضفضعه ضحكت وحطت مكسورتها علي كتفي :بري بنيتي خودو راحتكم
اني فتها شبحت للبنات :هي صبايا
"مشيا وحني ف الممر من جيه ليمين زكريا ومن ليسار هبه وفي يلي قدامي وفي يلي وراي "
زكريا:وحق ربي صحه ليك قدرتيها
هبه :ههههههه جو ونتي تتكلمي واتقه
اني هزيت كتافي وضحكت:هع ههه الكلب مايبي غير لخانقه
"وصلنا الصاله درنا دوره "
انس :بنقلب الشيشه من يلي تجي من جيه المغطه بيسأل ويلي تجي من الحافه هدا يلي بينسال
الكل :تمام
لف زكريا من جيه المغطا وني من الحافه
زكريا :هههه اووو هي ياشوما حقيقه ولا جراءه
اني شبحت عجنب :لما تعرف كيف تناديني نرد عليك
زكريا :وني نديتك شوما شن فيها ههههه
اني نرسم ب ايدي ف الهوا :به اني اسمي ك و ت ر واضح ب الخط العريض
زكريا رسم ب ايده ف الهوا : شُ و م اا بلخط الطااويل
اني :به معاش بنلعب اقعد فيها
زكريا يستفز فيا :اهااا شفتوووو خافت تبيش تلعب قتلكم جابانه وحاطه راسها من راسي علساس لعيبه وجو
اني طارتلي لاني مستحيل نوخر ف تحدي مهما كان
اني :مصارليش قاعده علي قلبك نختار جراءه
زكريا:هههههه علي قلبي زي الجتامه عد با الله منك
اني طلعت لساني :ننناان علي قلوب احبتي مش انتا
زكريا:وووه مابعدهم احبتك يلا توا مدامك خترتي جراءه قدها ولا تنسحبي
اني :ننسحب هع ف احلاماحلامك اني والانسحاب خطان متوازيان لا يتقابلا مهما متدا
زكرياقام حاجبه :انتي بتضربي هباااء علا خدها بكل قوتكااا ولي نرا المتدادا هههههههههههه
اني نسخطت (O_O):شن شن شنو منو
زكريا :ههههههه شنو يا القنينا ههه ووو علاستعباط اضربي هبه واضحه علي خليقتها وبكل قوتك
هبه :ليش لبراده اصلا عارفتها مديرهاش
*اني ساكته لاني منقدرش نوخر ف تحدي وفنفس الوقت رفيقت عمري كيف بنضربها رغم انا ديما نضاربو وهدرزتنا كلها ضرب لكن قدام الملاء بايخه القطه "
اني :هئحم هبه يحيوانه هههه تعرفي امس قعدت تلات سعات نضحك اني واكرم وكرام وماما ههههههههه
هبه :تي تفو عليك ونتي زي النعجه دولي ف السياره ههههه ووو منضرك تقول وحده ناسيينها اماليها ع باب الجامع
اني اكتنزت الفرصه اني نضربه باش تتسمي تبع لبصاره ومنها التحدي يلي خترته
اني:هههههه تفو عليك ياحيوانه
هبه ردتلي الكف :ااا يحيوانه حاره
زكريا فاتح فمه ع الخطه يلي درتها ف اقل من 5 دقايق
زكريا😳:صدق من قال ان كيدهن لعظيم
اني:ههههههههه مريت شي
انس :اوووو وطاح القدر ولا سلاطه حي هههههه غير شن صار بس امس
يمنى:ضااربني الفضول الهم شن في احكو
رتاج:ههههه شكلا طاحت قدام شبا ب
زكريا ميت من الضحك:ههههههههههههه تخايلو فتحت سبعه هههههههههه
هبه :نننن دمك ولا زيت نافطه
زكريا :ههههه زيت تُوريا
اني:ههههه هبا نقوووول
هبه :والله نعدمك "وقعدت تفنص "
اني:هبه امس ع ف اااامممممم س هههخههههههه
"هبه اعطتني خبطه علي ضهري لين شهدت "
اني وجهي حمر من قوه الضربه:اااات شن هدا "وقعد ضهري معوج "
هبه:هههههه باش تتعلمي تهديد
رتاج :قولو شن في الزفت الفضول بيقتلني
هبه :انلاااااء
زكريا :به خلاص هي نكملو

قلبنا الشيشه
انس بيسأل
اني يلي بنجاوب
اني :ووووو خيرها عليا الشيشه لالا عاودو
زكريا :هههه لالا هكي غش هيا انس
انس :حقيقه ولا جراءه
اني:حكيكه ههههه
زكريافي خاطره وووك ازح ليش مختارتها
انس :هههه به يمتع الحكيكه بسألك
اني:هههه اهم شن
انس:شن الحديث يلي صار بينك وبين امل لما ركبتو
امل قريب ماتت من الرعب :ااا ليش تبي تعرف شي بيناتنا
انس:كوتر جاوبي 😃
اني :اممم الحديث انه نصحتها شوي علي لبسها وتعاركنا اممم وشن تاني
ااا ايه وعطيتها تنبيهات عن الحب وماشابه
انس خنس:اااا اوكي تمام
قلبنا
هبه تسال
رتاج تجاوب
هبه :صراحه ولا جراءه
رتاج :صراحه
هبه حطت ايدها وراها وتلف زي المحقق كونان ههههه
هبه :امممم يمنى تعرف اسرارك كلهم اممم ولا داسه عليها شي ولاش
رتاج :اممم كل شي تعرفه من كبيره لصغيره بس شي واحد متعرفاش وكل شي ف وقته حلووو
"يمنى اضايقت ومبينتش "
قلبنا
حكيم يسأل اني نجاوب
الكل :ههههههه ناوياتك الشيشه يا كوتر
اني:لالا عاودو شن هدا خيرها هادي
حكيم شبح ل زكريا وبصوت واطي: حندير يلي قلته ل انس وغمز
زكريا ضحك :منور ياصقر
حكيم :هئحم صراحه ولا جراءه
اني ب شفقه وخوف😖:جراءه
حكيم :امممم جراتك انك تبوسي زكريا ع خده خلي نشوفو يلي متوخرش هههههه
هبه ف حاله صدمه
رتاج فاتحه فمها
يمنى تضحك مش قادره تستوعب القصه
اني فتحت عيوني فليتشه وقعدت نوخر وقلبي بدي يدق 120 ف تانيه وجهي احمرر وحاطه ايدعلي راسي وايد ع فمي مش عارفه كيف ندير
تملكت اعصابي و بديت ندوي جديات
اني:كيف هادي وين صارت القطه هادي محناش اجانب ولا طليان جراءه زي هجراءه متندارش ف مجتمعنا
حكيم :اني هدا هوا يلي خترته تانيا اني عايش حيات اجانب عاجبك ولا مش عاجبك انسحبي
"زكريا قريب بيطير من الفرحه ومداير الحوله ولا كلمه وبيموت من اضحك من منضري"

"امل تعفلقت ف خطرها سعدودها جتها ب البارادي "

انس بكل جديه :كوتر هدا يلي خترتيه متبيش اطلعي لكن تكوني تولي ف كلامك ومش قد كلمتك
اني:به كيف ترا فهمهالي كيف ب نبو
"الجماعه كلها تضحك "
"حكيم يتكلم فيا واحد فاد متع اعطينا من لاخير وهوا ميت بضحك من داخله "

حكيم :عندك حاجه من تنين يا ديري يلي قتلك عليه ولا نسحبي
هبه:شن الحقاره يلي عايش فيها انتا ب عقلك
زكريا صغر عيونه وبصوت واطي:خليك بعيد
"هبه شبحتله من فوق ل لوطا فهمت انه هوا يلي طلب الشي هوا "
اني خديت شهيق وزفير :تمام حنفد يلي خترته

"الكل ف حاله صدمه "

وقف زكريا وهوا ميت من الضحك
اني:فيش حاجه اضحك ره
زكريا سكر فمه ب ايده
اني كنت نمشي ومشياتي طباطئو رجليا نحسهم رزان نقرب ونوخر و هوا يضحك ولي متشوق يشوف تقول مسلسل تركي وكلهم بكل تشويق

____________________________
نمشو شوي ل اكرام
طبعا وصلت الجامعه نزلت من السياره لاقت انتيمها حتى هيا كيف جايبها بوها
رغد :صااباااحوووو
اكرام :صباحو عسل شن الجو رغوده
رغد:اهو هايمين ف العسل يا الهب
اكرام:ههههههخ ايوه ايوه معاش نلحقو شن جوه البست لوف
رغد:هههه البست فرين لكن بست لاوف جديده ههههه
"نغرفكم شويا ع رغد رغد هادي متجوزه راجلها حالته الماديه صفر وكان يحبها هلبا يس لسوء الحظ انه ياخد ف مصروفه من امه ويوم يخصل وعشره لا رغد من بين النساوين معندها ماتلبس حوشها مرقع شي بساط اصفر والجلسه خضره وهكي يلي يحصلو يحطوه بوها مرضاش ف بنته تعيش بطريقه هادي خوتها حالفيلها انها مترجعلاش ولا يقابلها الا لما يكون روحه ويوقف ع رجليه وفعلا الراجل لايرقد لا ليل ولا نهار يسعي ميحصل باش يرد رغد""
اني :قولي ماي راجلي ههههههه
رغد :والله امورنا ميا ميا مش ديما نهدرزو مره بعد وين خايفه خوتي يعرفو اني نكلم فيه يقتلوني
اكرام:مصح وجوهم خوتك قليلهم راجلي حلالي مسد حارميني منه مسد منكلماش تانيا قليلهم حقه الشرعي يجي ياخدني غصب عن انفكم
رغد:قالو يوم يستحقك ياخدك اما باش تعيشي امرمده مش لاقينك ف شارع خليك ف حوشك معززه مكرمه خير من العيشه لمرمده يوم تاكلي يوم يخليك جعانه ف بطنك وكلامهم كلا صح تانيا نقظرش تقوللهم نبي نكلمه مهما كان خوتي
اكرام:والله ربي يفرج عليك يا حنه
رغد:والله مضايقه معقوله راجلي حتى وقت نقابله ب درقه شن هدا الهم علي من بنكدب نحبه وحلالي ليش هكي ياربي ليش
اكرام حطت ايدها علي كتفها :اششش تقوليش هكي ربي ادا احب عبدا ابتلاه بعدين تعالى نقولك هههههه
رغد :اووو شكلا عريس
اكرام:يب يب هههههه ياحنه يا منه جتني مره وعزوزه عزموني ف مطعم مرديتهمش المهم طلعو امالي زياد
رغد:حييييييي زياااد لالا قولي والله تي المشفشف هده وجه وجه حب وحق ربي ييان راكز ومش متع جواز
اكرام شافت عجنب:فسش حتى مبروك ولا شي
رغد حضنتها :ييي الف الف مبروك انشالله ربي يهنيك ويكون حلالك ياسرك حتى انتي والله متعبتي شوي ربي يتمملك علي خير
اكرام:اي والله انشالله خير كانه يبيلي الخير ربي يجعله نصيبي وكانه زي سابقه ربي يبعدني عليه
رغد:ياارب هي خلاص المحاضره بتبدا

__________
عندي اني
قربت و.........
يتبع ....
زعمااا هل بسته حق🙈
ولا زعما دخت
ولا زعما صار موقف وقف اختياري كل شي حنعرفوه ف البارت الجاي

اني طولتها قدر المستطاع نسمع ب حد قايل البارت قصير يجيب خيط سبيدروه  نعدمه بيه  😐😹😹😹

دمتم ف امان الله