"قعمزت نفكر في هديكا لحديده يلي خدتها مني كنت خلاص بنموت مش مستوعبه تنحايتها من ايدي "
يمنى :تعرفو بنات اليو م اخي بكل بلا توأمي
هبه :هههه ي حرااام خلاتك نجيلي توتو ياربي
اني' مبتسمه بسيف ':ههه هوا في حد يمشي ويسيب الأمر ده
هبه :اسسس في ناس محسديه هني
يمنى:طايح سعدك وسعدها 😞صحبتي مريضه تو تبرا اصلا امس ل12 ليل وني جنبها
اني:بيرفكت 👏 صفقولها هههه
لبنات:👏👏👏هييي
يمنى :امشخه طنجره ولقت غطاها سبحانك ياربي
اني:😹حسادي هدا حالهم سكر والضغط رقالهم
هبه:حسادي لا مندور فيهم نعرف روحي سقع عليهم 😂😂
يمنى :حسد علي شن يحسره
اني :دين ومال وجمال😋
هبه:هييي مصح وجهك شن خليتيلي
اني :مصح زومتك مش انتي توامي
هبه:ااا ايي هادي راحت من بالي
يمنى :هههههههه نسيتو نقصات عقل ودين
هبه :ونتي شن اسكتي اسكتي لنقوللهم كم حصلتي ف الكيمياء
اني:اووووووو شكلها مسكره هههههههه
هبه:تتعرفي طربقت العداد
امل:هدا فاش فالحين تفشكو ف الهوا
اني:توا شن حرك شعيرك من طاجينك انتي
امل: لا شعير لا نخاله مخفف دمك
اني :سبحان الله
امل :ديما ونتي تضحكي مبردك كيف عايشه هكي
اني:هههه علاش نضحك من فمك اني تانيا مطلبتش رايك فيا شدي خيرك شرك لانه وحق ربي كان ننواك خلاص
امل:وووو هع خوفتيني
هبه حطت ايدها علي كتفي متع اهدي:انتي شن المطلوب توا
امل لوت شواربها :صحبتك انسانه تعابه
اني: شكرا سلمها المدواقه المعبره😄
امل: شفتي لبراده
اني:هههههه اييي. مقعمزه تحت التكيف امس وني زي متعرفي ترمس لو قمزت تحت التكيف بردت وكان حكيت معاك يقعد دمي رزين لكن تزول الماده بزوال المأثر يعني كان فتك وقعدت فتره حنولي لحالتي الطبعيه وهدا يسمى ... الفزياء
امل :افتحينا دروس ورحمت بوك اخطيني ترا
اني شبحت لساعه :اووه معليك ملامه وخيتي شكلا عندك موعد ف قرقارش وممشيتيش 😯
امل طارتلها :حولوها من عليا هادي
اني:اممم يااالوووحيي تعفلقتي😯 تو بعدين يحلالك الجو مع لولادا يلي ينقزو من ورا المدرسه 😉
امل:مدخلكش فيا بوي حي يشبح فيا ويعلم ابكي علي عزاك يوم تغلطي مافي من ينصحك 😏
اني""وجعتني الكلمه هلبا شن معندي من ينصحني. بلعكس والله مندير ف حاجه تزعل ربي كل شي بنيه عندنا ف مدرستنا عادي بنت توقف علي ولد فيش اي مشكلا لانه عندناش فيه جو الخبت حتى ف الفصل يخبط ولد يستأدن من الابله ينادي بنت يا يبي كراسه او شي

لكن هادي البنت حاقده عليا من يوم الدنيا ودين متحبنيش لانه بوها وبوي دارو مشروع ونجح بعدها قرر بوها يقسم المشروع طمع يبي حاجه ليه بروحه وصح خدي حصته من المشروع ودار مشروع تاني وفشل وخسر كل امواله بينما بوي توا مشروعه عند عمامي وصحابه ومورها تمام
"""""
اني حطيت صبعي علي راسها :هع شن فيش من بنصحني راني ساكته كان تبيني نفتح موشح ندلوسي عادي مفيش من ينصحني قالت ههههه هوا به بوك حي وهكي ان شاالله ربي ميخداش خلي يشوف الباقي وبعدين بوي مات مش بيدي امانه وربي خداه راعي مشاعري وشوفي حقارتك اوكي
هبه :امل كترتي علي موصوك شن هكي احترمي نفسك شويا
يمنى :اي صح مهما كان كلنا بمشاعرنا ونحسو باش تقولي بوك مات لا يماما ردي بالك مهما كان نوقفو مع الحق راك زوتيها
امل:متعاطفيلي مع حشره
اني"كنت خلاص وحق ربي مافيا حيل ومعنديش خلوق لشي نساير وخلاص وعلي فكره البنت هادي معروفه من يوم يومها عندها شفرات وتلاقي ف ولاد الجامعه في تراكين وتوقف عليهم برا المدرسه تو خلينا ف المدرسه فيها مافيها ولاد مدرستنا وناعرفوهم وفنفس الوقت ولاد جيرانا وأمهاتهم يعرفو امهاتنا لكن هيا وقت اتجي لستراحا يجونا ولاد كبار هكي يعاكسو وهيا تتمحكلهم ولبسها الله لتروعك ضيق ومش متع مدرسه اصلا ولوشاح مش عارفه لاش حاطاته والابلات ديما يعاركو فيها وعارفين معدنها
اني:حشره سبحان الله جيت اني وياك ف نفس البطن
هبه تشبحلي مصدومه :كوتر خيرك شن فيك
اني:ههه لا غير نازله لمستوى الحشرات انتي عارفه نعاملو كل واحد علي قد عقله ""غمزتلها فهمت اني واخده وضعيه هاجم بصدمات البارده ""
امل:ربي يشفيك
اني :اجمعين اي المهم توا خاطريش نساعدك وننصحك لانك مفيش فيك الخير علي قد محولت معاك يا امل لحكايه شرف يا امل هوا تبيها ولا متبيهاش ره مكلميني عليك واصلتني دوه عليك وربي يستر علجميع
امل "خافت ":ااااا ددوه شنو
اني:مش وقتها الدوه تانيا عندنا كوره بعدين خليني
امل "اصرت تبي تعرف "به بلهي عليك تعالي تبيك ف نعايه الفصل
اني:لو سمحتي عندك كلام معاي اوكي غدوه ساهل لانه توا نبي نفطر ونروق باش نقدر نلعب عندنا احني واولا تانيه رياضه فلهاده اخطيني "طبعا نحرقلها ف دمها ونحرك ف ايديا ونشقلب ف عيوني مدايره لروحي جو 😹😹""

رن الجرس عندنا ستراحا بعدها كوره بنلعبو ضد لولاد
"نزلنا ف دروج اني وهبه "

"كنت ماشيا وجنبي هبه وشارده شويا كان وراي زكريا '"
زكريا:صباااح الخييرر
اني...
هبه: صباح اانور زيكو شن الجو
زكريا 'اشر لهبه بإيده: خيرها هادي
زكريا:هئحم صباااح الخير يا عيلا
اني:ااا صباح النور ازيك يا عم عمل ايه
زكريا: تو دسيها عندك ههههه
اني 'ضربته علي كتفه ':حق ربي حيوان ههه
زكريا: استعدو باش تخسرو بعدين
هبه :نننانننن
اني:ههههه متستبقش الاحدات ههههه راني مدبره خطط وجو
(طبعا زكريا هاده واحد معنا ف المدرسه يعني قاري معاي من الاول ف نفس الفصل لكن ف تنوي فصلونا صح ف نفس الدور ننزلو من نفس الدروج لكن مش نفس القطع
شخصيته قوي عضلات 😻 صوته خفيف ومداير لحيه من غير ولاد فصله كلهم😻 يعني طرف وني وياها ديما نتعاركو من يوم الدنيا ودين معروفين ب المنفسات وهكي )

"تمت لستراحا وبدينا لعب كوره"
كلعاده نحدفو ف الكوره وين ميجي ولما بيدخلو قوول كلنا نتكدسو ف المرما 😂😂
طبعا اني ف خط الهجوم يعني ف نقطه يلي ف الوسط لاني نعرف نلعب😎
وزكريا كدالك 😒
بدي الشوط لاول يعجنو ويطايحو تقول معيز وضان 😂😂😂"

"وانس يبيش يلعب مداير دور المعلق 😂😂😂 وامل تبيش تلعب تفكر ف شن واصلني من خبر "

جت الكوره ف الوسط كانت عند زكريا

زكريا :هههه تقدري تاخديها "ويلعب بيها بين رجليه
انس:وها هوا زيكو ينطلق ويوري ف فلاحته علي كوتر😂😂
اني :" استغليت الفرصه نشبحله 😂😂😂😜كان عندي عيون سحريات لما نركز عليك بيهم تفقد السيطره😼🙈"
اني.:🙂" فخاطري دهب ف امر كان 😂😂😂
وفكيت الكوره
انس:لقد قامت كوتر المكاره المخادعه ب لخبطته زيكو لتخنب الكوره 😂😂😂😂😂
زكريا "فاق ":حيي علحيوانه
اني.:ههههههه وووو تعالو خديتها
" شدها حكيم
لبنات :اينننننسسس حولو هههههه
لولاد :جعان وطاح ف تشيشه

انس: لقد قام حكيم لحماار ب شد الكوره بيده خلاهم يعيطو وبيضربو اينس😂😂😂😂😂😂😂

"اتفقت اني وهبه "
هبه :هي حولو بنضربها "تجري تجري وتنقز من فوق الكوره ونجي نضربها "
لبنات :ووووووو هييييي قووووللل 👏👏👏😂😂😂
زكريا:عجبكم هكي اهو ضحكو عليكم
انس:وهاهيا كوتر ياااالللهووول لقد احرزت هدفا طلعت احرف من ميسي
اني:بلهي وقف قتلتني بتعليقاتك يلي زي وجهك لتفهم لعربي لكردي مخلط 😂😂😂
اني:لكن يمشي معاك قايد والله يا زيكووو"وقعدت ميته بضحك"
زكريا:نننانن بلهي فكيني منك
"تم الشوط لاول "
اني:الخطه رقم تنين بنات انكم لما تبو تاخدو الكوره مش تضربو الكوره اضربو رجليهم باش رجليهم يوجعوهم ومعاش يقدرو يكملو
يمنى:حييي عليك شن الشر لعيشه فيه 😯
اني 'فنصت ':مش عاجبك اطلعي 😐😂
هبه:👏😂😂ايو كدا يقدع
"المهم تمينا نلعبو وربحنا "
اني :وراي بنات فزناااا فزنا ووو وه 😂😂😂😂
هبه:طايح سعدكم هدا غير ولاد
اني:هههههههه ولاد العازه ولقهره ولادنا كيووت حني 😂😂😂
"زكريا يجري وراي " :والله لما نوريك الفوز والكيوت ياشُوما
اني :هههههههه خلاص خلاص دهشت ف جديد نخليك تربح
"زكريا يجري وراي شدني من البرنوص. وني قعدت نجبد فيه "
زكريا :حييي غريبا حديتك وين ههههههه واخيرا نحيتيها ههههه زغرطي ي نشراح😂👏
"اني طارتلي قلت اهو نسيت شو بس دكرني فكيت البرنوص ومشيت ولا كلمه فوق"
زكريا:😕خيرها هادي شن تشعر

____________________&__

كملنا حصص منروحو خشيت الاداره
خبطت علباب

السلام عليكم
الاخصائيه:وعليكم السلام اهلين كوثر
اني ببتسامه:اهلين ابله معليشي بكري ابله مبروكه خدت مني حديده وينها نبي ناخدها
الاخصائيه :والله يابنتي تو هيا روحت شوفيها غدوه
اني تقول من صب عليا اميه سخونه :اي حاضر اسفه لازعاج"وطلعت"

"روحت بروحي مستنيت حد خشيت لا سلام ولاكلام غيرت حوايجي خشيت المربوعه كتبت واجباتي قريت امتحاني ورقدت "
ماما:اكرام خيرها اختك مش عاجبتني لا كلت ولا طلقت السلام
اكرام:نندريش عليها خلي نمشي نشوفها
"اني كنت حاطه مخده فوق راسي مقدرتش نرقد من التفكير "
خشت اكرام ...
اكرام:كوكي خيرك اليوم خاشه ف حجر صحي
اني ضغطت المخده علي راسي :بلهي عليك اكرام اطلعي خليني بروحي لو تكرمتي

"اكرام جت قعمزتني وتربعت قدامي"
اكرام :يلا احكي شن في
اني بنبكي:شي 😿
اكرام قامتلي راسي وحطت ايدها علي خدي :
كوثر شن في احكيلي مدسي عليا شي

"اني كنت خلاص مضايقه لدرجه فشلت اتكيت علي حجرها " ونحكي بهدوؤ والعبره خانقتني

شن قصتها الحديده ؟
وليش هامتني ؟
كل شي حنعرفوه ف البارت الجاي😛😜

😹😹😹😹خلاص عاد نبيش نطولها هلبا
نبيش نتعب عيونكم 😌

اممم سبب قصر الحلقه شوي ضروف مقدرتش نكتب هلبا وعد البارت الجاي نحاول نطوله قدر المستطاع 😌🙂