🖐
"زكريا ناض مروح"
وكانت الساعه 8 يعني ظلام
راجل :يشاب يا شاب
زيكو:ايوا خونا ناديتني
راجل :ايه خوي معليش شويا
زيكو: ان شالله خير
الراجل: والله السياره بتاريتها هابطه ترا خش لسياره وقوف شوفها
زكيو :اي ادلل خوناا
المهم خش واقف علي ركابه
راجل يضربه بطرف حديده علي رقبته

"فقد زكريا الوعي خدي الراجل زكريا وحطه ف الكوفينو وطار بيه لحوش كان ف حوازه ناض زكريا لقي روحه مربوط وعيونه مغمضات"
زكريا:اني وين
الراجل :انتا توا مخطوف يا بابا
زكريا:فكني شن هوا يلي مخطوف شن بيني وبينكم
الراجل:مابيني وبينك شي تو نرفعك لوحده لوحد من الجماعه نسلمك ليهم
زكريا بستهزاء:هع وبعدين
الراجل:يعطوني 7 الاف جني فيدي وبعدين يتصرفو مع اهلك يزيدو السعر
زكريا بتفاجئ:ايوه ايوه ايوه بديتو ف تجاره الناس خلاص معاش فيها وبعدين ومن وين بجيبلهم بوي المبلغ كان 50 ولا 100 الف اني نقولك اقتلني خير لانه حتى ولو ميقدرش يحصله بوي ف وقت اقل من شهر وني عندي قرايا اطلقني فكني من سوك قتلي ساعدني ساعدناك
الراجل:هههه تسخف انتا شن هوا يلي نطلقك بعدين شوف تو معاش في تهديد لو مجبتش الفلوس ف الوقت الفلاني نقتلو ولدك لا ❌ يبابا توا ياخدو شكاره يولعو فيها نار ويحطوها علي لحمك ويفتحو المايك لبوك ويسمع
زكريا تفاجئ وبدي يفكر شن بيصيرله من جرايره :شن بنقولك الا حسبي الله ونعم الوكيل
الراجل : تي
زكريا: به لو سمحت تقدر تفكني بنصلي
الراجل :وشن عرفني بالك تهرب
زكريا ادكر كلامي وقت قتله اني منوخرش كان علي قص رقبتي وكان قلت كلمه خلاص :الهروب مش لتريس وكان قلت كلمه خلاص

راجل :متأكد ره بنطلقك تصلي وبنربطك ره

زكريا :تمام

لتم روحه الراجل وشد مسدس علي راسه وفكه وقعد موجهه عليه السلاح
#m23sara5ع"عموما معظم المواقف يلي نكتب فيها صايره ره والاشخاص نعرفهم شخصيا 💙"
توضا زكريا وصلي ف سجوده يقول "لااله الا ان سبحانك اني كنت من الظالمين اللهم ماني لا اسألك رد القضاء ولكني اسألك اللطف فيه
اللهم مأني اسألك بقدرتك التي حفظت بيها يونس من بطن الحوت وقدرتك التي شفيت بها ايوب بعد ابتلاء الا تجعل لي هما ولا حزنا ولا ضيقا الا فرجه وقضيته يارب العالمين "

""كمل الصلاه جي جيهه العرصا يلي كان مربوط فيها ""
زكريا:تعالي كان بتربط ونتا شادلي السلاح تقول خايف ناكلك
الراجل كان مستغرب من ردود فعله وكيف رغم انه ربي بلاه منساشي :مش لازم ربط اهو الباب مسكر عليك وغدوه نرفعك

زكريا تنهد:تمام

كان ف صراع مع روحه وضغوط احلام ويفكر شن يلي بيصيرله وقرايته وامه وبوه وكوتر يلي يحلم بيها كيف لو عدبوه بطريقه الاجراميه هادي حيتشوه كليا
"وفعلا ناض الصبح ولبس خلاص بيرفعه "

"عند عيله زكريا"
خالد يتكلم ف الفون📞:كيف يا راجل شن هوا يلي مليقتو شي

اكرم خوي:واللهي يا عمي درنا جهدنا كلمت لوليد صاحبي عنده ف جوجو الكتايب وهكي انكلم ساريه ادور عليه
خالد :ان شالله سمحني وليدي تعبتك

زكريا:لا عمي مدورش جيران وجبنا

وكان زكريا مربوط وعيونه مسكرات وبيحطه ف الكوفنو وكان معاه راجل باش ميهربش زيكو

صدفه كان صاحب اكرم وشاب معاه ماشيين بسيارت حميد شبحه يركب ف زكريا نزل ب مسدسه

حميد شاد المسدس:ايديك فوق

اسلام:وخر لنقتلك

الرجاله حطو ايديهم فوق روسهم

"جي حميد فك ل زيكو الرباط "
زكريا يشبح لايديه ويشبح لرجاله :ياربي هدا حلم ولا علم
حميد حط ايده علي كتف زكريا :علم يا خو علم

"طبعا ربطو الرجاله الزوز ورفعوعهم ل الكتيبه باش يحققو معاهم "

______________________

عندي اني والبنات ف المدرسه

اني :والله مشغوله هليه قصدي كيف نخطف مش صغير هوا

انس:تي كنت اني وياه مقعمزين جيهه القهوه مسافه قتله بنشوف بوي تصلت بيه بعدها لقيته مقفل 🔐

هبه:ربي يستر وخلاص ولله مصدقت اول مسمعت

حكيم :لا بادن الله مافي شي بالك طالع ولا مضايق ومشي جيهه شط ولا حاجه

انس :شن تهدرز انتا لو ماشي ره طمني مستحيل
يدير شي بلا شورتي

رتاج:خلاص تو بتتعاركو قدر الله مشاء فعل

انس تلفونه 📞:انس اسسس مكالمه من ولد عمي حميد

انس :ايوه حميد
شن صار طمنا يا راجل

حميد :اهو كيف وصلناه للحوش يا زعاما

انس ب فرحه : بلهي عليك الله الحمد الله الحمد الله

حميد: هي ماشي
انس :بجد تحكي بجديات

حميد توووت

اني :.....

اهلا اسفه عتأخير بس بسبب الامتحنات وقرايا معاش قدرت انزل بسبب لقرايا
لكن حنحاول اقرب فرصه انزل البارت الجاي 💖🙂