Di ko ito maliklikha kung walang halong gin

Kung hindi nagdilim itong paningin

Alak na sadyang nakakalasing

Ngunit minsan nakakatulong din

Kinabukasan bulsa ko'y maghihinagpis

Sa pulutan pitaka ko'y biglang ninipis

Ngunit sa maling bagay alam kong makakapulot ng aral ng mabilis

Kung malamang buhay ay lumihis

Ang tumahak sa mali minsa'y kakatwa

Bibigyan ka muna nang saya sa simula

Sa tawanang tila walang katapusan

Na sadyang magwawakas ng di namamalayan

Ang bisyo minsay nagpapaalala

Kung paano minsa'y ika'y lumala

Ngunit isang bagay ang sadyang natutunan

Bumukol ang aral dito sa bunbunan

At kung sakali mang mauulit muli

Hindi ako magsisisi

Dahil minsan ang gimik nagtutuwid ng mali

Tumutulong lumimot sa mga pagkasawi

Marahil humirit ka sa salitang napakinggan

O kaya'y pananaw mo'y di ito naintindihan

Subukan mo minsan kaibigan

Dahil kung hindi kailan ma'y di mo ito maiintindihan...

9-9-2015