Writing Tip No. 1:  Nang Vs. Ng

~✒~✒~✒~

NANG

✔ Kasing kahulugan ng noong, upang o para

✒ Nang (noong) isilang ka sa mundong ito.

✒ Mag-aral kang mabuti nang (upang) makatapos ka sa iyong pag-aaral.

✔ Para pagsamahin ang 'na' at 'ang'

✒ Labis nang (na ang) panglalait ang natamo niya.

✔ Para pagsamahin ang 'na' at 'ng'

✒ Napahamak nang (na ng) tuluyan ang kanyang anak nang (noong) ito'y kanyang iwan.

✔ Para pagsamahin ang 'na' at 'na'

✒ Umalis ka nang (na na) hindi man lang nagsusuklay.

✔ Para magsaad ng paraan

✒ Manalangin ka nang taimtim nang (upang) makamit mo ang iyong minimithi.

✔ Bilang pang-angkop ng pandiwang inuulit

✒ Iyak nang iyak ang mga batang naulila dahil sa trahedya.

NG

✔ Ginagamit kung sinusundan ng pangngalan, pang-uri o pamilang.

✒ Ang tokador ay puno ng damit.
✒ Bumusina nang malakas ang tsuper ng taksi.
✒ Nagsama siya ng sampung kawal.

✔ Katumbas ng 'of' sa Ingles.

✒ Ang pangalan ng bata ay Yrah.

✔ Ginagamit na pang-ari (possessive case) o pamalit sa katumbaa ng 's' sa Ingles.

✒ Ang panyo ng dalaga. (The maiden's handkerchief.)

✔ Nagpapakilala ng tuwirang paksa o bagay na ugnayan (direct object) ng pandiwang transibo (transitive verb)

✒ Nagtitinda siya ng palay.

✔ Gumagawa o gumaganap ng kilos, katumbas ng 'by' sa Ingles.

✒ Hinabol ng pusa ang daga.

❣Nang / Ng (Same usage but different meaning)❣

✒ Kumuha ka nang papel.
(Kumuha ka na ng papel.)
Nagbibjgay diin na dapat ngayon na.

✒ Kumuha ka ng papel.
Nag-uutos lang na kumuha ng papel.

~✒~✒~✒~

Sources:

1. Manwal ng Masinop na Pagsusulat.

2. WikaPedia

Sana po makatulong!

Eiramana325
Ignoranteng Otor