Chapter One

Tahimik

Inayos ko muna ang sarili bago pumasok sa mansiyon. Mukhang nasa dining na sila kaya sumunod na ako doon at naupo sa tabi ni Alecx.

"Sa'n ka galing?" salubong na tanong sa akin ni Alecx. "Kinuha ko lang ang phone ko. Naiwan sa sasakyan."

She nodded. "Mabuti at naabutan mo." Sinabi rin niya na nag-excuse daw si Tita Elsa at may tumawag sa cell phone nito.

Tumango lang ako.

Mayamaya lang ay nakabalik na rin si Tita Elsa. Nakangiti siya sa amin. "Sorry about that. It's my nephews at pupunta raw sila rito." She sighed. Naupo siya at nagsimula nang magsilbi ang mga katulong.

"Thank you for this, Tita," I said.

Umiling siya. "Don't mention it, hija. Sana ay mag-enjoy kayo sa stay ninyo rito." She smiled.

Ang alam ko ay hindi na nakapag-asawa at nagkapamilya si Tita Elsa. Nag-iisa siyang anak na babae at itong isla ang ipinamana sa kanya ng mga yumao niyang magulang.

"I hope you like the food."

Maagap kaming tumango ni Alecx.

Tita Elsa smiled. "You know my nephews, hija?" baling niya sa akin.

Alangan akong umiling. Hindi ko masyadong kilala ang pamilya nila.

She sighed. "You see, wala akong asawa o anak. I'm living alone in this island with the maids and bodyguards. Kaya naisipan ko na ring buksan sa publiko ang ilang parte nitong isla."

"At kilala na po itong island resort ninyo, Tita," I mentioned.

Tumango siya at ngumiti. "Mabuti at naisipan ninyong magbakasyon dito sa akin, hija. Gusto ko sana talagang magkaroon ng kahit pamangkin lang na babae. Pero gaya ng sa mga ama nila ay lalaki pa rin ang ibinigay sa akin. Sabi ko, sa mga magiging girlfriend na lang nila, but those two..." Umiling siya. "... Puro paglalaro pa lang talaga. Although Rye had a serious relationship before. Pero naghiwalay rin sila ng longtime girlfriend niya."

Bahagya kaming natigilan ni Alecx sa huli niyang sinabi.

That was... sad.

Ngumiti si Tita Elsa. "Rye is my nephew, hija. And Russel. Pupunta nga raw sila rito kasama ang ilang kaibigan kaya makikilala n'yo rin sila."

Tumango at ngumiti kami ni Alecx.

Pagkatapos ng lunch ay pinagpahinga na muna kami ni Tita Elsa. The maids brought us to our rooms. Tig-isang kuwarto kami ni Alecx na magkatabi lang din.

The maids offered help or service pero sinabi ko nang kaya na namin. Okay lang naman at nakakahiya rin sa kanila. Baka may iba pa silang trabaho dito sa malaking bahay. Kaya iniwan na lang nila kami pagkatapos.

"Malaki rin ang bahay namin pero mas malaki talaga ito. I like the rooms. Though naisip ko na baka may multo mamayang gabi," Alecx said as she laid down my bed. Nag- aayos naman ako ng ilang gamit galing sa bag ko.

"What are you saying?" Nakangiting napailing na lang ako.

Alecx shrugged. "Sa laki nitong bahay, baka mamaya, nakakatakot, lalo 'pag madilim na."

"You can knock on my door later 'pag natakot ka na sa room mo," I teased her a bit.

"Ha. Ha. I'm not a scaredy-cat, 'no?" she said.

Nakatulugan namin ang hapon na iyon sa pagod na rin siguro sa biyahe. Galing Manila, we had a flight to Cebu. And then nag-seaplane papunta rito sa isla. It was an island in the province of Negros Occidental.

Nang magising kami ni Alecx ay halos palubog na ang araw. Mabilis kaming kumilos at nagbihis. Lumabas kami at sinalubong muli ni Tita Elsa.

Pinuri uli niya kami gaya ng ginawa kanina. "Nakapagpahinga ba kayo nang maayos sa mga kuwarto ninyo?" she asked.

Alecx and I nodded.

Niyaya kami ni Tita Elsa sa dining para sa dinner.

Ang bilis ng oras. Parang kanina lang, kaka-lunch pa lang namin.

Pero hindi na lang kami ang nasa hapag dahil dumating na iyong mga pamangkin na binanggit ni Tita Elsa. Saglit kaming nagkabatian bago tuluyang nagsiupuan sa long table at nagsimulang kumain.

"Yes, Russel, she's Christopher's daughter," sabi ni Tita Elsa habang kumakain na kami.

"Oh! I know your dad, Judge Navarro. And Tita Analia," banggit ni Russel sa mga magulang ko, sabay ngiti sa akin. Tita Elsa's nephews were both handsome. Iyon nga lang, mukhang mas friendly iyong Russel compared to Ryder na tahimik lang at hindi talaga halos nagsasalita. But he was polite enough. Pati iyong kaibigan din nilang si Jake. May kasama pa silang dalawang babae.

"Marami tayong puwedeng gawin bukas sa resort!" Si Russel uli na nagsimulang magplano.

Sumang-ayon at nagbigay rin ng suggestions ang mga kaibigan niya.

Mukhang hindi ito ang first time nilang magkakaibigan sa isla. While me and Alecx, it was our first time here. Puro pag-aaral lang talaga ako noon hanggang sa makapasa ako sa Bar. Si Alecx naman ay busy rin sa pagma-manage ng business nila. At ngayon lang din halos nakapagpahinga.

"Hijo, huwag ka nang lumandi sa mga staff ko, please. Nauubusan ako ng empleyado sa 'yo." Si Tita Elsa na hindi ko sigurado kung nagbibiro ba o totoo.

Halos magkamot ng batok si Russel. Pinagtawanan naman siya ng mga kaibigan. Kahit si Ryder na tahimik at inabala lang ang sarili sa pagkain ay nakita kong ngumisi.

Kinabukasan, bumaba kami sa beach. The blue waters welcomed us. My feet touched the white sand. Ang ganda pa ng sikat ng araw. It was exciting!

Kung hindi ko lang muling nakita iyong driver namin kahapon at staff din yata ng resort. Naalala ko ang pagkakakita niya sa kaluluwa ko. I knew it was an accident at hindi naman talaga niya sinasadya. Kasalanan talaga ng dress na suot ko.

Pero ngayon, medyo alangan akong hubarin ang cover-up ko dahil nakikita ko siyang nakatingin.

Bakit ba kasi siya nakatingin?! Wala ba siyang trabaho? Suot naman niya iyong uniform nila dito sa resort.

"The water here is crystal clear. Magandang mag-scuba diving."

Nasa tabi ko na pala si Russel. Bumaling ako sa kanya at tipid siyang nginitian. He was really nice. "I haven't tried that yet."

"Oh." Lalo pa siyang ngumiti. "Don't worry, I'll guide you. It's fun!"

Tumango ako at muling ngumiti. I looked for Alecx and I saw her not so far from where I stood. Halos nakalapit na siya kay Ryder.

Nauna nang lumusong sa dagat si Russel. Sinabi kong susunod na ako. Binalingan ko uli kung saan ko nakita si Tisoy kanina. Yes, I remembered his name. Wala na siya doon. Kaya hinubad ko na iyong cover ko at itinira ang white stringed two-piece. Pinilit lang ako ni Alecx na suotin ito. Kanya ito, actually. Okay na kasi ako sa mga dala kong one-piece bikini. Medyo hindi ako comfortable sa mga ganito at pakiramdam ko, mahuhubad agad sa katawan ko! Kaya pinasiguro ko kanina kay Alecx nang nagbibihis kami sa mansiyon na ayusin niya ang pagkakatali nito.

Unti-unti na rin akong lumusong sa dagat. Umahon si Russel at lumapit sa akin nang hanggang baywang ko pa lang iyong tubig. His lips were parted. Nagtatagal ang tingin niya sa akin kaya lalo akong naging uncomfortable.

"Wow... I mean, sorry," sabi niya nang makita siguro ang discomfort ko.

Niyaya na lang niya akong lumangoy. Naroon na rin si Alecx kaya lumapit ako sa kanya. Sobrang sexy din niya sa suot na stringed bikini na kulay-pula naman.

I enjoyed swimming with my best friend and Russel's friends, too. Lalo sa dalawang babae.

Nauna kaming umahon ni Alecx dahil nauuhaw raw siya kaya sinamahan ko. Natigilan nga lang ako sa paglalakad palapit sa malapit na restaurant nang makita ko uli si Tisoy. Mukhang natigilan din siya nang makita ako.

Saglit na saglit na bumaba ang mga mata niya sa katawan ko. Nag-init ang mukha ko. Wala pa naman akong cover-up at hindi ko na naisuot nang umahon. Naging komportable yata ako, lalo at puro naka-bikini naman ang nakikita ko.

"Hey, Andrea?" Binalikan ako ni Alecx at sinundan ang line of vision ko kaya nakita na rin niya si Tisoy. "Oh," sabi niya. "That guy... Nakalimutan ko nga palang sabihin sa 'yo. Kahapon ko pa siya nahuhuling nakatingin sa 'yo. Simula noong pagdating pa lang natin dito na sinalubong nila tayo. Halos hindi na maalis ang mga mata niya sa 'yo. Panay sulyap din siya sa rearview mirror sa loob ng sasakyan nang hinahatid niya tayo."

Hindi ako nakapagsalita. Nakikita naming abala na si Tisoy sa pag-attend sa needs ng ibang guests ng resort. Tumuloy na kami sa resto.

"Not bad. He's so handsome din!" tuloy ni Alecx kahit nakalayo na kami.

I just shook my head. Um-order na kami. Pagkatapos ko nga lang makuha ang order ko ay tumayo ako para kumuha ng drinks. Muli ay nakita ko na naman si Tisoy. This time ay halos sobrang lapit na namin! Mukhang nagulat din siya nang makita ako.

At sa pagkabigla at pagkataranta ay natapon ko tuloy ang laman ng drinks ko sa sarili ko! Agad kong naramdaman ang lamig n'on sa dibdib ko. Hindi agad ako nakagalaw.

Mabilis na dumalo si Tisoy at maagap na pinunasan ng tissue ang... ang dibdib ko!

Pakiramdam ko, hindi na lang mukha, buong katawan ko na yata ang nag-iinit sa kahihiyan.

Agad niyang binawi ang kamay nang ma-realize ang ginagawa. "S-sorry, Ma'am," he said.

Seriously?! What's with him and my boobs?!

Mabilis akong tumakbo paalis ng restaurant dahil doon. "Andrea!" tawag sa akin ni Alecx. "Hey, Andrea Lia!" habol niya. "Are you okay?" Nahawakan na niya ako at pinaharap sa kanya.

Tumango ako kahit alam kong kita sa mukha ko na hindi.

I was... I didn't know. Annoyed?

Nakakainis!

"You're not okay," she concluded. "I saw what happened. He just helped you..." Nakatingin siya sa akin. And then she sighed. "'Lika na nga! Balik na tayo sa kanila."

We just enjoyed the water by swimming all day on our first day at the resort. Marami pa namang araw para sa ibang activities.

Kinagabihan ay nagpunta kami sa floating bar kung saan may party. We walked through the boardwalk to go there. Nagpaalam kami kay Tita Elsa kanina. Nagtanong pa siya kung nakapag-dinner na kami and we told her na nakakain na kami sa seafood restaurant. Mabuti nga at wala akong allergy sa seafood kaya na-enjoy ko iyon. Ang sasarap pa naman. Lalo iyong scallops.

They were enjoying the party at ganoon din naman ako. Pero napagod yata ako kaka-swimming kaya naupo na lang ako sa isang tabi mayamaya. O siguro bago pa talaga ito sa akin dahil hindi naman talaga ako mahilig mag-party.

I was holding a cocktail at unti-unting sumisimsim niyon. Ngumiti ako kay Russel nang makita siyang lumalapit sa akin. Nakangiti rin siya. Naupo siya sa tabi ko. We talked for a while about our activities earlier that I really enjoyed until he started asking questions.

"Alecx told me that you never had a boyfriend. Why?" Umiling siya. "I mean, you're beautiful, Andrea." He smiled. "Strict ba sina Tito Chris?"

Umiling din ako. "Not really. Busy kasi akong mag-aral."

"Oh, Alecx also told me that. You're a topnotcher. Wow! Congrats!"

Si Alecx talaga. I smiled. "Thank you."

"So... You already passed the Bar. What's next? Plans?" Ngumiti siyang muli sa akin. "Enter a relationship?"

"Work muna siguro. Hindi ko pa rin naiisip ang pakikipagrelasyon. Gusto kong mag-focus at may mapatunayan. Magagaling na lawyers ang parents ko."

He nodded. "Well, yes, both Tito Chris and Tita Analia are great!"

Napangiti ako nang maalala sina Mommy at Daddy. I missed them already. "Paano mo nga pala nakilala sina Mom at Dad?"

Sinabi ni Russel na dahil din pala kay Tita Elsa kaya niya nakilala ang parents ko. And then we talked some more after that.

Nang lumakas pa ang music ay niyaya ako ni Russel na pumunta sa gitna kung saan naroon din ang mga kaibigan namin. Pero umiling ako at nag-sorry. He said it was okay at hindi rin naman niya ako pinilit.

Bumalik ako sa kinauupuan ko kanina. May naglapag ng tubig sa harap ko mayamaya. Nag-angat ako ng tingin at nakitang si Tisoy iyon.

"Baka gusto n'yo po ng tubig, Ma'am," he said with an unsure smile.

Did I intimidate him? Ang sabi sa akin ni Alecx ay nakaka-intimidate daw ako minsan, lalo kapag tahimik. Kaya naman I tried to smile at him, too.

Lalo naman siyang napangiti kahit naroon pa rin ang hiya. "Thank you... Tisoy," I said and got the glass of water.

"Welcome, Ma'am," he said, still smiling.

He's cute.

"Ayaw mo ba sa maingay, Ma'am? May alam po akong tahimik, uh, kung gusto n'yo lang naman..." Parang nahiya siya.

And then I found myself nodding. "Hindi ka ba hahanapin sa work mo?"

Umiling siya. "Tapos na ang trabaho ko."

Dinala ako ni Tisoy sa mas tahimik na lugar. Napalayo kami sa maingay na bar at naglakad-lakad sa buhanginan sa tabi ng tahimik na ring dagat. Hindi malakas ang hampas ng alon sa baybayin.

Tahimik lang kaming naglalakad. Nakatingin lang ako sa dinaraanan namin. Lumipas pa ang ilang sandali bago nagsalita si Tisoy sa tabi ko. May kaunting distansiya sa pagitan namin.

"Galit ka ba sa 'kin, Ma'am?"

Agad akong napatingin sa kanya. Halos nakanguso siya. Hindi ko napigilang mapangiti. Para pala talaga siyang bata. He was really cute like this. But he was a grown-up man.

Kita naman sa katawan niya. His muscles were in the right places. And his face...

Damn, gorgeous!

Hindi ako mabilis ma-attract o maguwapuhan sa isang lalaki. Although I could say that Russel, his cousin, and their friend, Jake, were handsome. Pero hindi ganito tulad ng tingin ko kay Tisoy.

I sighed. Umiling din. "Sorry about how I acted earlier at the resto... I know... Gusto mo lang namang tumulong... Nabigla lang talaga ako," I told him, guilty.

Ngayong nakakasama ko si Tisoy nang matagal, nakikita kong mabuti siyang tao. He was harmless. He even looked like a lost child to me sa kabila ng muscles niya. Nag-e-exercise ba siya? O gawa ng trabaho niya sa resort? He really had a nice body kahit natatakpan pa ng damit, I must admit.

Ngumiti na siya. Pati ang mga mata niya, ngumiti.

His eyes... God, they were beautiful. Ang inosente niyang tingnan...

Parang... may nakikita ako sa mga mata niya. Hindi ko lang talaga matukoy nang husto. Ngumiti na lang din ako.

"Ayos lang po 'yon, Ma'am. Naiintindihan ko naman." Tumango ako.

"Thank you, Tisoy..."

"Akala ko talaga, galit o nagalit ka sa 'kin," he said.

Maagap akong umiling. "Hindi naman..." May naalala ako na sinabi ni Alecx kanina. "Bakit... Bakit mo nga pala kasi ako tinitingnan?" may pag-aalangang tanong ko.

Bahagyang nanlaki ang mga mata ni Tisoy at umawang ang mga labi. Naghintay ako sa isasagot niya. Pero yumuko lang siya.

Agad akong nag-alala at gusto nang bawiin sana ang tanong ko. Baka hindi naman kasi talaga? Baka mali lang si Alecx. Baka ako lang iyong tumitingin sa kanya kaya tumitingin na lang din siya pabalik sa akin.

"Uh... Pasensiya na po kayo, Ma'am. Hindi ko naman sinasadyang magtagal ang tingin sa inyo..." Napadila si Tisoy sa mga labi, sa tingin ko ay parang nanuyo ang mga iyon. "Na... nagagandahan lang po kasi ako sa 'yo, Ma'am..."

Ako naman ang umawang ang mga labi. Hindi iyon ang first time na may nagsabi sa akin na maganda ako. But coming from him? Sobrang guwapo niya para maging ganito na mukhang nahihiya dahil napaamin sa crush niya.

"T-thank you..." I didn't know what to say.

We were interrupted when my phone rang. Si Alecx iyon at mukhang hinahanap na nila ako. Hindi nga pala ako nakapagpaalam sa kanila.

Uuwi na ba kami? Medyo late na rin naman.

Hindi ko agad sinagot ang tawag. Nag-angat muna ako ng tingin kay Tisoy para makapagpaalam. "I have to go... Thank you for the walk, Tisoy," I said.

He nodded and offered to walk me back to my friends. Pero umiling ako. Nakikita ko na rin naman sa malayo sina Alecx.

Muli akong nagpaalam kay Tisoy at nauna nang maglakad pabalik sa mga kaibigan ko.

"Babalik na tayo sa mansiyon?" tanong ko kay Alecx nang makalapit na sa kanila.

She nodded. "Oo, lasing na lasing na kasi si Rye." Pareho kaming bahagyang napangiwi nang magsuka si Ryder sa buhangin. Inalalayan siya nina Russel at Jake para makauwi na kami.

Nakatulog na rin si Ryder sa biyahe pa lang. Nang makarating sa mansiyon ay nag-good night na lang kami sa isa't isa at nagpaalam nang matutulog. Tulog na rin si Tita Elsa na maaga talagang natutulog.

Nahiga na ako sa kama matapos makapagbihis ng komportableng pantulog. I closed my eyes and couldn't help the smile on my lips when I remembered the short conversation I had with Tisoy earlier. Nagagandahan din pala siya sa akin.

Nakatulugan ko ang pag-iisip n'on.