Nagsimula tayong masaya

At punong puno ng ligaya

Hindi maipaliwanag, aking nadarama

Sa tuwing kausap ka.

Ikaw ang pahinga sa bawat pagod

Sa bawat pagpapalitan natin ng mensahe tayo ay nagbuklod

Ikaw lamang ang gustong makasama

At wala ng iba.

Ngunit tila nagbiro si tadhana

Ang ihip ng hangin ay nag-iba

Nauwi ang lahat sa sakit

O bakit tadhana'y napakamapanakit.

Nahihilo, nanghihina, nakatulala

Hindi pa rin makapaniwala

Gusto ko lamang na maging masaya

Bakit tadhana'y napakadaya.

Alam kong mga masasayang araw, hindi na maibabalik pa

Kahit naisin pang ibalik pa

Sana'y sa susunod na buhay

Ikaw at ako na sana.