Lahat kami ay abala sa paghahanda para sa gaganaping Family Day. Ilang araw din na-late kami umuwi para sa paghahanda. Dalawang araw na lang ay magaganap na ang event. Kaya kami lahat ay sobrang busy sa mga task namin.

"Need na lang natin ipakita 'to kay Mrs. Sevilla para ma-approve ang mga games," wika ni Keifer.

"Okay lang kaya 'yan," tanong ko sa kanya. Ilang araw din namin 'tong inisip. Kailangan kasi masigurado namin na safe ito laruin at mag-ienjoy sila.

"Huwag ka ng mag-alala, Teacher Leign, sigurado ako sang-ayon si Mrs. Sevilla rito. We can secure the safety of everyone, and I'm sure they will enjoy this," sabi niya sa akin. Siguro masyado lang akong negative mag-isip at kinakabahan na baka hindi magustuhan ni Mrs. Sevilla ito.

Naisipan namin na pumunta sa office ni Mrs. Sevilla upang ipakita ang plano namin at malaman ang dapat ayusin. Pagdating namin doon ay pinakita agad namin. Mabuti na lang at approved kay Mrs. Sevilla lahat nang pinakita namin. Nagpasya kami ni Keifer na bukas na namin bilhin ang mga materials sa game pagkatapos ng klase. Kaya naisip na lang naming tulungan ang ibang teacher habang wala pa kaming ginagawa.

"Teacher Daisy, ako na d'yan," wika ko nang makita siyang nahihirapan sa pagdikit.

"Hulog ka ng langit sa akin, Teacher Leign. Alam mo ba kanina pa nanginginig 'yong tuhod ko baka mahulog ako dahil hindi makaya 'yong bigat ko," masayang wika ni Ms. Daisy at dahan-dahan bumaba. Binigay  sa akin ni Ms. Daisy ang kailangan idikit at pumunta kay Yanna upang tulungan 'to. Umakyat na ako para idikit iyon upang matapos na.

"Mabuti pa kayo tapos na habang kami marami pa dapat gawin. Kasi naman itong si Teacher Hanz ang bagal," rinig kung sabi ni Yanna.

"Bakit naman ako? Ikaw kaya d'yan kanina pa, hindi man lang natapos," sagot ni Hanz. Nagsimula na naman magkapikonan 'tong dalawa. Kung hindi mo sila kilala masasabi mo talaga na para silang may relasyon na nag-aaway lang. Nasanay na kaming lahat dito na ganyan talaga sila parang aso't pusa. Wala kasing gusto magpatalo.

"Hirap kaya nito, bakit ikaw tapos na? Tingnan mo nga Teacher Kiefer kakarating pa lang n'yan pero madami na agad nagawa," sabi ni Yanna na ayaw magpatalo at iniinis pa n'ya lalo si Hanz.

"Tama na, kanina pa kayong dalawa d'yan para tuloy kayong mag-asawa na nag-aaway." Hindi mapigilang sabi ni Teacher Daisy upang awatin ang dalawa.

"Yucks! Teacher Daisy, ang pangit ng joke mo," sabay nasabi ng dalawa. 

At hindi na ako nakarinig ng ingay pa, siguro nanahimik na ang dalawa. Nagpatuloy pa rin ako sa pagdikit at nang idikit ko na 'yong panghuling hawak ko ay biglang na lang nadulas ang paa ko sa aking inaapakan. Kaya nawalan ako ng balanse. Napasigaw ako at pumikit dahil sigurado akong hindi maganda ang bagsak ko dahik medyo mataas ito. Unti-unti ko minulat ang aking mata nang maramdaman na may sumalo sa akin.

"Okay ka lang, Teacher Leign?" Nag-alalang tanong sa akin ni Keifer. Hindi agad ako nakapagsalita dahil sa labis nagulat. Nang ako'y mahimasmasan ay nagpasalamat ako sa ginawa niya. Sinabi na rin niya sa akin na siya na lang ang tatapos sa ginawa ko.

"Muntik na 'yon bes, mabuti na lang at sobrang bilis ni Teacher Keifer makatayo para masalo ka," sabi ni Yanna sa akin.

Hindi na lang ako nagsalita, maiintindihan naman ni Yanna na medyo nabigla pa ako sa nangyari kanina. Tinapos ko na lang ang ginawa ni Keifer kanina. Ilang oras din kaming abala sa aming ginagawa bago namin natapos. Nagpasalamat sila sa tulong namin ni Keifer at napadali 'yong gawain nila.

"Sa wakas makakauwi na tayo," wika ni Yanna at niligpit 'yong mga kalat.

Pag-uwi namin ay agad kami nagpahinga dahil sa sobrang pagod.

Kinabukasan, tapos na aming klase. Hinihintay ko na lang si Keifer dahil kinuha 'yong sasakyan niya sa parking area. Ilang minuto lang lumipas at nakita ko na agad ang kanyang sasakyan. Bumaba siya dito saka lumapit sa akin.

"Saan kayo pupunta?" Boses iyon ni Hanz. Kaya napalingon kami, nakita ko rin si Yanna nasa kanyang likuran.

"Bibili kami ng materials para games," sagot ni Keifer.

"Baka pwede naman ako sumama sa inyo. If pwede lang naman, ayaw ko pa kasi umuwi."

"Ako rin," singit naman ni Yanna.

"Sige ba, para marami tayo," sagot naman ni Keifer at nagmamadaling pumasok ang dalawa. Pinagbuksan ako ni Keifer ng sasakyan kaya nagpasalamat na lang ako.

"Di ka talaga gentleman no? Mas na una ka pa pumasok," rinig kung sabi ni Yanna. Nasa likuran kasi sila nakaupo. Nagsimula na naman sila.

"Di ka naman lumpo kaya no need ng tulong ko," sagot ni Hanz nakinainis lalo ni Yanna. Natawa na lang kami ni Keifer sa kanilang dalawa. Pagdating namin ay binili kaagad 'yong kailangan na materials sa game. Hindi din mawawala 'yong bangayan ng dalawa namin kasama. Lagi na lang nagtatalo. Pero mabuti na rin at sumama si Hanz para may kasama si Keifer na magdala sa mga pinamili.

"Teacher Yanna, tumulong ka naman huwag kang lumakad na parang Ms. Universe d'yan," hirit ni Hanz na gusto lang inisin si Yanna.

"Bawal ako mapagod at isa pa bagay sayo 'yan. Dapat nga ikaw na lang magdala ng lahat. Ibigay mo nga sa kanya 'yan, Teacher Keifer," sabi nito na kinatawa ni Keifer.

 Pagkatapos namin mabili lahat ay hinatid muna nila Hanz at Keifer ang lahat ng binili sa kotse niya. Naiwan na lang kami ni Yanna. Habang hinihintay ay binibiro ako ni Yanna tungkol kay Keifer pero natigil ito nang ginantihan ko s'ya tungkol kay Hanz. Madali talaga uminit ulo nito basta tungkol kay Hanz.

"Pasensya na kayo at natagalan." Paghingi ng paumanhin nila ng makabalik. Nag-aya naman sila na kumain kaya nagtungo kami sa restaurant.

"Nagutom ako bigla," masiglang sabi ni Hanz nang ihain na ang aming order. Nagsimula na rin kaming kumain. Siguro nagutom din kami sa pamimili namin kanina, kaya wala man lang nagbalak na magsalita sa amin.

 Pagkatapos namin kumain ay binayaran na ng dalawa 'yong kinain namin. Si Keifer na sana magbayad sa lahat pero ayaw naman pumayag ni Hanz. Nagpasalamat na lang kami sa kanilang dalawa at nakatipid kami ngayon. Hinatid na rin kami ni Keifer pag-uwi dahil gabi na at delikado na para sumakay ng jeep.

"Thank you sa paghatid," sabi ko ng makababa na kami sa sasakyan.

"Salamat talaga nakatipid kami sa pamasahe. Joke lang," natatawang sabi ni Yanna.

"No worries, maliit na bagay. Una na ako, kailangan ko pa daanan kapatid ko. Ako na bahala sa mga materials." Paalam niya sa amin at pinaandar na ang kanyang sasakyan at umalis.

"Maswerte ka kapag naging jowa mo 'yon."

"Huwag mo ako simulan Yanna," banta ko sa kanya. Alam ko pa naman kung paano siya inisin, isang tao lang naman pag-uusapan at madali siyang mapikon.

"Sige na, talo na ako," sabi niya at pumasok na kami sa loob.

Kay bilis ng araw at ngayon ang pinakahihintay namin, dahil unang araw ng Family Day ngayon. Pagkatapos ng ilang araw na paghahanda para sa event na 'to. Dumating na ang ilan sa mga parents at stockholders. Hinintay na lang namin ang ilan para masimulan.

"Teachers, tawag tayo ni Mrs. Sevilla may sasabihin yata sa atin." Tawag ni Teacher Daisy. Kaya sumunod kami sa kanya. Pagdating namin doon ay nakita namin agad 'yong ilan sa mga stocksholder. Medyo nakaramdam kami nang kaba kasi bihira lang naman makita namin sila.

"Ito pala ang ating mga grade school teachers," pakilala sa amin ni Mrs. Sevilla.

"Wala akong masabi sa mga teachers na napili mo, Mrs. Sevilla, dahil lahat ay good feedback ang naririnig namin ," sabi ng medyo may edad na pero elegante na tao.

"Thank you Mr. Delo Santos, kailangan para sa learnings ng mga bata."

It's good to hear Mrs. Sevilla, my grandson, is studying here. I want him to have all the best, so I chose this school and to be part of it." Pagsang-ayon naman ng medyo may edad na babae. Iwan ko ba parang ramdam mo talaga na iba sila, na mas mataas sila. Iyong feeling na gusto mo na lang umalis.

"Okay Teach-"

"I think I am late." Napatigil si Ma'am Sevilla ng biglang may nagsalita. Sabay-sabay kaming lumingon sa pinanggalingan ng boses na iyon. At inilabas ang parang isang model na babae. Simula sa kanyang suot na damit, sapatos, alahas at hawak na bag ay makikita mong mamahalin ang bagay na'yon. Pagkatapos 'yong kulay ng kanyang balat ay parang gatas at wala kang makikita nagalos dito. Sobra din itong kinis.

"Hindi pa naman, Mrs. Craige."

"Good," sabi nito at naglakad ito papalapit sa amin. At parang binuhusan ako nang malamig na tubig sa nakikita ko. Kasali ba siya sa dito.

"Hindi maari ito," bulong ko sa aking isipan ng tuluyan nang makita ang tao na kasama ng babae. Naramdaman ko na siniko ako ni Yanna, siguro napansin n'ya rin ang taong papalapit sa amin. Kaya agad-agad ko niyuko ang aking ulo upang hindi n'ya mapansin.

----