[BUTTERFLIES IN MY STOMACH]
by: GreeneverGardenn

08.13.23
(SUNDAY)

✧*⁠.°˳⁠˚⁠∘⁠

Here I am again, nagngisi na sab while ga cellphone. Tungod ani wala ko kabantay nga naa diay akong manghud ga barog sa kilid while ga tan-aw nako nga nagsige ug ngisi.

"Ma! Si ate oh." syagit pa niya nga tawag kay mader. Samok gyud kaayo bataa ay, sige ug pasipsip. Mura man ug dili igsuon.

"Unsa man?!" tubag pa pa ni mama nga naa sa layo.

Baya, basta si mama tawagon mo duol baya na dayon. Unsaon na lang. Masakpan gyud ko aning wala sa oras nga nagcellphone na sab.

"Joke ra bitaw. Hehe." ug gibawi ra sab sa akong manghud iyang gi sulti. Malamang, gi sigahan gud nakos mata. Gawas gyud lagi tanan sekreto ani niya ug mag-una una. Pasaway ra ni pero hadlok ni nako.

"Bayu nimo?" pangutana pa niya sa dihang nakita niya ug kinsa akong ka chat, kay iya man gi silip. Chismoso gyud, liwat ra sa ate.

Ni lingo-lingo ra ko, pasabot na dili. Nakasabot ra man hinuon sab siya.

"Dili? Nga, ga call sign naman gani mo diha. Hala akong ate naay kabebetime pero walay label!" panungog pa niya ug ni katawa pag ayo sa dihang narealize niya na akong ka chat way kami pero murag naay kami. Gets ba?

"Saba diha, Ethan. Label naman na ang call sign." sulti pa nako, tubag sa iyang gi banat sa ako. Pero ang amaw wala ka gets.

"Ana ko ba, way kamo." lalis pa niya. Ipamukha gyud niyang walay kami no? That's supposed to be a joke pero murag dili mi ka humor. Ay, basta naay murag kami payts na. Unsaon manang naay kamo pero murag walay kamo. Di ba?

"Di manghilabot nako gud! Kay naa sab kay uyab baya, basin kitang duha mapatay ni mama. Syempre ikaw mag-una." sungog nako niya, syempre papildi diay ko?

"Naa bitaw kamo. Nya ug e sumbong tika ni mama? 15 pa baya ka, timam-e." dugang pa nako niya dayun gi butang ang cellphone sa kilid sa lababo. Wa naman gud ko replyi. Ni iswag ko ug gamay, nya gi atubang nakog tarong akong pinakamamahal na kapatid nga lami kaayo ilabay ba.

"At least naay kami. Pero walay seryosohay ba para walay sakit, dili pareha nimo nga seyoso na kaayo. Kilig now, maoy unya." ug ni kidhat kini pagkahuman niyag sulti. Basin ganahan siya mag debate? Lamia gyud ilamaw sa iro namo ba, dako baya to.

When it comes to this things basta maglalis na gani mi kay ako gyud ang permi una ma pikon, pero syempre siya ang mo surrender kay mas daghan man kog sekreto niya nga nahibaw-an. Blackmail lang gud.

"Seryoso bitaw ug mapaburos na nimo." seryoso nako na sulti ug gi sigahan siyas mata.

"Naa man protection ba." ug ni ngisi kini. Kani gyud bataa, lami ibalik ug sulod sa tiyan ni mama. "Basta kay naa mi label, nya kamo wala." ug iya kong gi kataw-an.

"ETHANNNNNN!!" ni ulbo na gyud akong kaspa. Nakakita man kos luwag, ako dayon ning gi punit. Ready na unta ilabay nako niya, kay naabot man si mama.

"Naunsa mo?" ni kunot dayon ang agtang ni mama nga nagsulti.

Nagtinutukay na lang mi sa akong manghud dayon sulti niya, "Wa ra ma uy, magkuha ra kog tubig." Pasangil pa niya nga sulti ug nagkuha gyud siyag baso nga gikan pa baya sa akong gi sabunan. Gi paagasan dayon ni niya ug tubig gikan sa water dispenser ug ni gawas nas kusina.

Swerte siya kay naabot si mama, mabukol gyud unta to.

Ga tiwas na lang kog hugas sa mga hugasunon, syempre. Alangan man hugasan nimo ang limpyo, right?

"Oh, dili na ba na gahi?" pangutana pa ni mama sa dihang kakita siya ga hagod-hagod ko.

"Medyo humok na gyud ma, gi tarong man nako." tubag pa nako. Tubagon gyud na kay masuko baya ug dili.

"Gi ingnan bitaw ka ganiha nga hugasi gyud na dayon inig kahuman nimo ug gamit aron dili mo gahi. Gahi man kag ulo!" ratatat phew phew! ga sugod na sab ug yawyaw akong katapad ron diri.

Pero matesting man jud kung asa ang mas gahi, ang ulo ba o kaning luwag kung nahapak to nako akong manghud ganina. Gi sapot na gani ko diri, ni tunga pa gyud na igo ra makiglalis. Karon, napun-an akong sapot nga naay ga yawyaw. Maayo nalang kay naay tao naabot, ka marites na sab siguro ni mader siguro.

Now I know kung asa ko naliwat maong di ta magsaba.

*/ting!

*/ting! ting!

Tingog na sa akong messenger. Di magbuot. Naghugas gihapon kog plato, while akong phone naa ra sa kilid. Maynalang kay wala na si mama diri. Kinsa man mahuman ug dali anang gahapon pa gud sa buntag ning hugasunon ug udto na ron. Mga hayahay kaayo, akoy nahugas sa di akong gi gamit ba. Syempre, buotan baya ko.

Nakaopen ra among convo sa akong ka chat, pero seener lang sa ang ferson kay kugihan man gud ni.

"good noon po."
"nag lunch na ka love?"
"pag lunch na ha?"

Enebe. Hasta ang bitok nako ni apil ug kirig tungod sa akong kakilig.

"Awa ha, paniudto na hapit ug karon pa ka nanghugas." sulti ug kalit ning naa sa akong luyo nagpaingon. Humana guro sila ug chika. Ay di, nangayo ra man diay to ug kalamunggay.

"Unsaon man nagsige ra ug cellphone." dugang pa ni mader while ga hukad ug kan-on ug gibutang kini sa lamesa. That's life. Pati cellphone napasanginlan.

Speaking of-

Ako dayon gi close akong phone, basin masakpan niya ko aning buhata. Bahala siya, unya na ko mo reply. Gisulod dayon nako sa bulsa sakong short ang device ug gi tiwas na lang sa pag waswas ang mga sinabunan nakong plano. After that, kay nakahukad naman si mader maong igo na lang ko sa pagtambong kay aron mangaon na mi. Gutom na sab bitaw. Wa raba koy pamahaw kay alas 9 na ko hapit ni mata.

Sa dihang nakalingkod na ko, ni kalit ug sakit akong tiyan? or unsa ba? Ug medyo nalipong ko nga kasukaon. Oh, gosh I'm not preggy ha.

Maong mi barog ko kay mo suka unta, pero the next thing happened was unexpected.

"Kana ha, maayo kay naa pa kay plano mo mata!" grabi sab ni si mama, ganahan diay siya mawagtangan ug anak nga gwapa?

Nakuyapan lang naman ako. Choss. This is the third time nga nahitabo ni. Gawas na Sige ko ug puyat maong kulang na sa dugo, permi pa gyud ug ka gutoman.

"Permiha na imong cellphone! " singgit nga storya ni mama. Syempre, bisan ing-ana lang siya pero iyang nawong dili na ma drawing sa kabalaka ug gi paningot na gani.

"Ipalamoy gyud ko na nimo sunod. Basin maayo pa ka."

Cellphone lagi dayon pasanginlan, dili pwede akong bebe? Unsaon man gud ni imong anak ma, kilig kilig naman. Abi man gani nakog "butterflies in my stomach", pasmo naman diay. Sunod na ko, di na jud mo usab kay kausa na lang. ツ

end.

~~~

-plagiarism is a crime-
-open for criticisms-

Thank you so much for reading! ^^
@berde