Hale Suarez

***

6 years later...

"Ma, nakita mo ba kung saan nakalagay ang diaper ni Jino?" sigaw ko habang karga-karga ang walong buwan kong anak.

Nakasuot rin ako ng uniporme dahil may klase pa ako mamayang alas-otso. Pero heto at iniyakan ako ng anak ko.

"Wala ba sa cabinet? Baka ubos na, anak!" sigaw naman ni Mama mula sa baba.

At oo, dito pa rin ako nakatira kina Mama kasama ang asawa ko dahil ayaw nilang pumayag na umalis ako ng bahay. Ayos lang naman kay Jester para raw may kasama ang magulang ko.

"Ha? Ubos agad? Jusko, kakabili lang nung isang linggo ah?" palatak ko habang sinusuklay ang buhok gamit ang kaliwang kamay.

Inosenteng nakatitig sa mukha ko ang anak ko kaya nginitian ko siya at nanggigil na humalik sa lips at pisnge niya.

"Nung isang linggo pa pala eh, ubos na nga 'yun!" malakas na sigaw ni Mama. Sa palagay ko ay nagluluto siya ng umagahan sa kusina.

Pagkatapos kong magsuklay ay bumaba ako at naabutan ko si Papa na nagbabasa ng dyaryo. Sakto naman na bumukas ang pinto at pumasok ang gwapo kong asawa. Magulo at bagsak ang buhok. Nakabukas din ang dalawang butones ng polo at pagod na humalik kay Jino at sa'kin.

"Pagod ka?"

Bobo lang, Hale? Malamang pagod 'yan dahil galing sa trabaho.

"Yes. Nakakapagod ang pag-iimbestiga, pero dahil sa inyo, ng anak ko, nawawala ang lahat no'n," matamis siyang ngumiti bago nagmano kay Papa at kay Mama na pinuntahan niya pa sa kusina.

"Kawaan ka ng Diyos," usal ni Mama.

Bumalik siya sa harapan ko at kinuha si Jino na nakatulog na pala sa braso ko. Hinalikan niya ako sa labi bago umakyat sa kwarto.

Saka lang ako nagkaroon ng pagkakataon para ayusin at maglagay ng konting make up sa mukha. Nagmamadali kong nilagay ang laptop sa bag at kumuha ng isang hotdog na nakahain sa lamesa.

"Ma, aalis na 'ko. Kayo na bahala kay Jino ah!" sigaw ko bago tuluyang umalis sa bahay.

---

"Hale, nakabili ka na ng pangregalo kay Sofia?" tanong ni Nena na nakaupo sa isa sa mga upuan ng estudyante ko.

Tapos na ang klase kaya narito na naman siya. Mamaya ay sina Klea at Vicca.

"Hola, ma'friend!" napabuntong hininga ako s alakas ng boses ni Vicca na basta na lang hinila ang maayos na pagkakahilera ng upuan.

Itinapat niya iyon sa table ko bago malakas na nagpakawala ng buntong hininga.

"Wala pa akong naiisip na iregalo. Sa yaman ni Sofia baka nasa kaniya na ang lahat maliban na lang siguro sa kagandahan," usal niya dahilan para mapatawa kami nina Nena.

Kasunod na pumasok sa room ay si Klea na bitbit ang gamit niya.

"Jusko, buti na lang at friday na. Hello, weekends na!" aniya at masayang pumalakpak.

"Mamaya na ako bibili, dadaan na ako sa mall ngayon at bibili rin ako ng diaper ni Jino," anas ko.

"Ay ako rin, pasama na 'ko. Wala ng gatas si Lorraine ko. Bwesit kasi si Lance, hindi bumili eh galing siya sa mall kahapon," reklamo ni Vicca at kunot na kunot ang noo.

"Sasama na rin ako," sabi ni Klea.

"Ako rin," kibit balikat na ani ni Nena.

Pagkalipas ng isa't kalahating oras ay nakarating ako sa bahay. Rinig na rinig mula sa baba ang tawa ni Jester ay hagikgik ng anak ko. Napangiti ako bago nagmano kay Mama at Papa na nanunuod ng TV.

Pagkatapos ay mabilis akong umakyat at pumasok sa kwarto namin.

"Helloo!" nakangiti kong bungad dahilan para mapatigil ang mag-ama.

"Si Mama! Helloo Mama!" pinaliit niya ang kaniyang boses habang kinakaway ang kamay ni Jino.

Mas lalong lumawak ang ngiti ko bago nakisali sa harutan nilang dalawa.

"Anong oras pala ang kasal bukas?" maya-maya ay tanong ni Jester.

Napatingin ako sa kaniya habang dumedede sa'kin ang anak ko.

"Alas-otso ng umaga. Bumili na 'ko ng panregalo at damit na isusuot ni Jino bukas, makakasama ka ba bukas?" sagot at tanong ko.

Humiga siya sa tabi ko at niyakap ang kamay sa baywang ko. Bahagya niya pang tinulak ang katawan ni Jino para mapulupot niya ang kamay sa buong baywang ko.

Pinalo ko ang kamay niya. "Huwag mong galawin, baka mabulunan!" mahina kong singhal na hindi niya pinansin.

"Ako rin mamaya, padede." pangbabastos niya.

Napatawa ako.

"Siraulo. Ipagtitimpla na lang kita ng gatas." natatawa kong sabi.

"Psh."

---

Sofia Villa and Patrick Mendrano Nuptial

Katatapos lang ng kasal at lahat kami ay narito na sa reception. Karga-karga ni Jester si Jino habang ako naman ay nakakapit sa braso niya. Sinuotan ko ng puting polo at pants ang anak ko at white shoes. Bumili nga rin ako ng white cap kaya ang pogi-pogi ng baby ko.

"Congrats, Mrs. And Mr. Mendrano!" masigla kong bago sa newly wed. Parehas silang malawak ang ngiti.

"Ang pogi naman ng bebe na 'yan ah!" nanggigil ma pinisil ni Sofia ang pisnge ng anak ko kaya bigla itong umatungal ng iyak.

"Tarantado kaya talaga, Sof! Pinaiyak mo ang baby pogi ko!" asik ko bago inagaw si Jino sa Ama niya at hinile.

"Congrats," bati ni Jester sa dalawa.

"Salamat, p're."

"Salamat, Jester!"

"Sige, Sof. Kakain muna kami, bye bye!" pagpapaalam ko dahil nagrereklamo na ang sikmura ko.

Pero bago pa kami makarating sa buffet ay may bigla nang humarang sa daanan at mabilis na inagaw ang anak ko mula sa'kin.

"Hawakan mo sa likod, Yuan!" saway ko.

Mabilis niyang itinakas ang anak ko at dinala sa table nilang mga tukmol. Nakita kong nandoon din anak ni Vicca, Eyan, Dianne at Elise.

"Tara, kakain muna tayo habang may nag-aalaga pa sa anak mo," wika ng asawa ko bago ako hinila sa pagkain.

---

"Shot! Shot! Jia!" sigaw nina Dino at Vincent na halatang tinatamaan na ng alak.

Nandito kami ngayon sa malaking table. Nandito na rin si Gavin kasama ang asawa at anak niya sa Plipinas kaya nakadalo siya. Wala si Sofia dahil kasama niya ang asawa niya.

Umuwi na ang mag-ama ko at hinayaan akong makipag-inuman dito. Well, hindi naman ako umiinom dahil dumedede pa sa'kin si Jino. Nandito lang ako para makisaya sa kanila dahil miss na miss ko na ang pagsasama-sama namin.

Inabutan ni Vincent si Jia ng shot glass. Mabilis na binatukan ni Eyan si Vincent at saka mabilis na inagaw ang baso.

"Tanga, bawal uminom ng alak ang buntis!" asik niya bago inisang inom ang alak.

"Jenny ikaw naman!" kantyaw ni Kian na naka-akbay kay Adam na halos nakapikit ang dalawang mata.

"Bawahl din shakin 'yahn!" nakaingos na sabi ni Jenny.

Malakas na humalakhak si Kian at sina Dino.

"Bakeht, bontish ka bah?" tanong nito. Namumula na ang pisnge.

Napailing-iling ako habang nakatingin sa apat na lasing.

"Endi. Peroh bawal shakin!" inis na sagot ni Jenny.

"Pinagbawalan ka ba ni pareng Ian? Oo nga pala, kailan kayo magpapakasal? Ikaw na lang ang hindi kasal sa mga babae," palatak ni Henry na nasa matino pang kaisipan.

Dahil do'n ay biglang umasim ang reaksyon ni Jenny.

"Bwesit ssha. Napakaj-manhed at boboh! Ilang beshes na hakong nagpaparinig sha kaniyah tungkol sa kashal-kashal na 'yan! Sharap ipakain ang karayom sha kaniya!" kunot na kunot ang noo niya habang nagrereklamo.

Mukhang tinatamaan na rin ng alak si Jenny dahil kanina pa siya tagay ng tagay.

"Kawawa ka naman Jinipir. Tatanda kang dalaga," pang-aasarni Josrael kaya mabilis siyang sinamaan ng tingin.

"Shus, ikaw nga 'di pa rin pinapakashalan ni Joy eh. Nakailang propose ka na ba? Apat? Lima? Nakakahiya," anas nito. Lasing na nga.

"Hindi pa ako nagpopropose, tanga. Fake news 'yang sinasabi mo," tanggi ni Josrael.

"Sus, tanggapin mo ang kahihiyan Josrael at samahan mo 'kong tumandang hindi pinapakasalan," pagkatapos ay humalakhak si Jenny.

"Lasing na ang bobita," bulong ni Vicca na may hawak na orange juice.

"Wasted." natatawang sagot ni Elise.

Magsasalita pa sana si Jenny kaso may biglang humawak sa braso niya dahilan para mapatayo siya sa kinatatayuan.

"I-Ian? Ows, si Ian nga? Taposh na ang shurgerey(surgery) mo?" nakangiting tanong ni Jennifer.

Tumango si Ian para bumati sa amin lahat nago inakay paalis si Jenny sa table. Nagreklamo pa si Jenny at nagpahabol na isang shot.

Napahilot sa sintido si Ian habang nakatingin kay Jenny.

"Let's go," mahina nitong anas.

"Goodbye, guys. Mahal ko kayo!" nagflying kiss siya ng ilang beses bago nakalabas ng gate.

"Siraulo, amputa." natatawang komento ni Eyan.

Bagsak na rin ang apat na lasing na kapwa humihilik. Natira kaming mga nasa katinuan pa at nagkwentuhan na lamang.

1 text message.

From: Jester
-Enjoy lang, Mahal. Ako na bahala kay Jino. I love you:>

***

(End of Kaguluhan 34)