Mishra ji aur Ruhana jaise taise ghar pahuche. Waise toh unka ghar accident hui jagah se jyada dur nahi tha lekin chot ki wajah se unhe itni der laag gayi. Ruhana ke mukable Mishra ji ko jyada chot aayi thi, wo aache se chal bhi na paa rahe the. Wo toh Ruhana saath thi toh unko sahara dete hue ghar tak le aai. Pure raaste Mishra ji ne Vineet aur Karan ko bahut pyari pyari galiyan di hai, waise toh Mishra ji kafi shant saubhav ke hai lekin aaj unhe bahut gussa aaya hai, aaye bhi kyun na aab un dono ki wajah se shayad aaj wo apne hospital bhi na jaa sakenge. Jaane kya hoga, kaise wo saare marijon ko dekhenge aaj jinhone appointment le rakhi hai? Ye chinta unhe sataye jaa rahi hai aur jitni hi unhe chinta hoti hai utna hi gussa aata hai dono ladko pe. 

Mishra ji ne ek lambi sans bhari aur apni ghar ki aur dekha, Shakuntala samne darwaje pe hi khadi ho unki raah dekh rahi thi. Jaise hi wo pahuche, usne dekh liya ki dono ko chot aai hai. Bhag ke pahuchi dono ke pass, Shakuntala ne Mishra ji ko sambhala aur andar le gai Ruhana ki madad se. 

Dono baap - beti ko Shakuntala ne sofe pe bithaya. Naukar jhat se first aid box le aaye, Ruhana ko jyada chot toh aai na thi bas haath mei aur ghutne pe laagi thi lekin Mishra ji ne pehle uski marham patti karwai. Bhale hi chahe chot Mishra ji ko jyada aai ho par fikar unhe Ruhana ki jyada thi. 

Ruhana ki marham patti kar, Shakuntala Mishra ji ke ghao ko ponchne laagi kyunki unpe mitti laggi hui thi fir uspe marham laga ke patti bandh di. Mishra ji ko kafi gehri chotein aai thi aur unke bahut dard bhi ho raha tha, wo kara rahe the dard se. 

Waise toh ek taraf Ruhana ko Vineet se hamdardi bhi thi par dusri taraf usse iss baat ka gussa bhi tha ki usne unko gira diya, upar se mafi bhi nahi mangi na hi unki madad ki.

Akhir galti toh ussi ki thi, one way mei wo dusri taraf se aa raha tha jo jaahir si baat hai accident toh hona hi tha. Agar wo ye mann bhi le ki ye galti se hui toh bhi Vineet aur uske dost ko uss se aur Mishra ji se mafi mangni chahiye thi, unki madad bhi karni chahiye thi. Lekin aisa toh hua nahi balki Karan ne Mishra ji ko ulta sunaya hi. 

Ruhana ne baithe baithe ye than li ki jab wo agli baar Vineet se milegi toh uski madad toh karegi hi lekin saath hi usne jo galti ki uska ehsas bhi usko dilwayegi aur uss se mafi bhi mangwayegi. 

Jahan ek taraf Ruhana aur Mishra ji ke ghao pe marham lagaye jaa rahe the wahin dusri taraf Vineet aur Karan maar kha rahe the. Khayenge bhi kyun nahi, Ruhana ke jaate hi Vineet apni pe utar aaya dadagiri se baat karne laga Sharma ji se kyunki usse pata hai bach toh wo jayega hi aakhir uske saath uski maa Sharda jo hai bhale hi wo abhi ghar pe nahi lekin ek phone karte hi chutki mei pahuch jaayegi ghar aur Sharma ji ki band baja degi uske ladle ko chune ke liye. 

Sharma ji lekin kahan bardasth karne wale the ye, bhale hi badh mei apni biwi sang unka teesra vishwa yudh ho jaaye aur wo haar jaaye lekin abhi toh wo apni talwar niche na rakhenge jab tak aapna gussa na shant karle. 

Road ke ek taraf karan pada tha aur dusri aur Vineet, bich mei khade the Sharma ji haath mei danda liye aur chehre pe krodh. Karan ek baar Road pe lota fir chillaya, 

"Arey chacha Paagla gaye ho kya. Aise bich rashte mei kaun marta hai, Sharm nahi aati aapko jawan beton pe haath uthate hue" dard mei karata hua, apne bam ko malte hue karan chillaya Sharma jii pe aur ye usse fir se ek danda laga kandhe pe.

"aacha mujhe sharm aani chahiye tum dono ko nahi jo Road pe ladkiyon pe line marte firte ho. Dono ki toh koi izzat hai nahi apne baapon ki hi izzat jo hai usko toh bacha ke rakho aise badnam na karo" Sharma ji gusse se ghurte hue chillai 

Vineet jo aab tak pehli maar ka dard seh raha tha aab bola "ooh papa, hamari bhi izzat kuch kam nahi hai. Aapko toh ek do log jaante hai humei toh pura Delhi janta hai, sab bade bade gharon mei hamara contact hai" bari shan se Vineet ne apni tareef ki aur badle mei Sharma ji ne uske lambe baalon ko dabocha. 

Jabse Vineet ne apne baal bade kiye hai tabse Sharma ji ko kaafi aasani ho gayi hai waise toh unhe Vineet ke baal pasand nahi lekin uss baalon ka unhe faida jaroor hua hai. Aab jab bhi Vineet kuch karta hai Sharma ji sidhe uske baalon ko dabochte hai aur noch noch ke peet te hai, iska faida ye hai ki Sharda ko pata nahi chalta kyunki koi nishan nahi aate aur Sharma ji ka kaam bhi ho jaata hai. 

Sharma ji, Vineet ke baalon ko daboch ke khichte hue bole "Haan haan, kyun nahi. Badi izzat hai dono ki, wo bhi ladkiyon mei. Kaise na sab jaanenge tumhe, aakhir choda kisse hai tum dono ne, galti se ekkad dukkad bach gayi hongi. Har jagah toh muh kala karwa hi liya hai dono ne" kehte hue Sharma ji ne ek danda Vineet ke pith pe lagaya, Vineet chikkha 

"Papa yaar, kya kar rahe ho. Dukhta hai na" Vineet ki ye baat sunke, Sharma ji ne ek aur danda lagaya 

"dukhta hai tabhi toh maar raha hoon, sujdharte toh ho nahi dono kam se kam maar ke main apne dil ko thandhak du" Sharma ji bole aur fir Karan ko ek danda lagaya. 

Dono ko dande pe dande pad rahe hai, aas pass ke log tamasha dekh rahe. Dekhe bhi kyun na free mei manoranjan jo ho raha hai unka. 

Wahan ke logon ka kuch manoranjan kar, Sharma ji apne mohalle ki aur badhe dono ko peet te hue aab bari chandani chawk ki thi ye khubsurat nazara dekhne ki. 

…. 

Aage kya hoga jaane ke liye banne rahiye hamare saath 

Milte hai agle adhyay mei..