Kunal ne apni jhooth se ek bada sa hawa mahal khada kar diya, usse laga aise wo sabka dil jeet lega aur sabki nahar mei uncha uth jaayega par usse kya pata hai ki Mishra ji ko pehle hi uspe shaq hai aur Ruhana ko toh sach hi pata chal chuka hai.

Apni badi badi baaton se usne aur bhi sabka shaq pakka kar diya fir bhi Mishra parivar chup raha kyun wo inn betuki baaton mei aana nahi chahte na hi kuch bol ke Kunal ko sharminda karna chahte hai, aakhir saalon ki dosti thehri.

Par Kunal bina kissi aur ant ke lambi lambi pheke jaa raha hai.

''Aap maanengi nahi chahi, wo ladke itne awara hai na ki pucho nahi. Nihaiti badtameez aur nalayak, yahan wahan muh marte firte hai.'' Nishthur bhao se Kunal bola, ye sunke aab Ruhana ko gussa aa gaya.

Wo ladke kaise hai ye baat toh usse nagi pata par kunal kitna aacha hai ye 'Ruhana aache se janti hai aur Kunal bhi fir bhi itni badi badi baat kar raha hai.

''Kunal humei nahi janna tumne kya kiya ya kya nahi par hum kissi ke against police complaint nahi karna chahte. Un ladko se main apne tareeke se nipat lungi, tumhe fikar karne ki jarurat nahi!'' Apne gusse pe kabu rakhti hui Ruhana boli.

Kunal ne kuch waqt unhe dekha fir bola,''aise kaise Ruhana un sabko sabak sikhana jaruri hai nahi toh wo aage badh jaayenge. Aur rahi baat fikra ki toh main kaise tumhari chinta na karu, dost ho tum meri aur zimmedaari bhi!'' Apna haq jatata hua Kunal bola.

Par iss se Ruhana ka para chadh gaya, aakhir kis zimmedaari ki baat kar raha hai Kunal aur dosti wo toh kabki tut gayi, fir bhi wo uspe apna haq jata raha hai wo bhi uske mata pita ke samne. Vineet aur Karan ko toh wo rok hi legi par filhal Kunal ko rokna jyada jaruri hai jo apni had paar kar raha hai. Jhat se Ruhana apni jagah se khadi ho gayi.

''Meri zimmedaari uthane ke liye mere maa papa kafi hai tumhari koi jarurat nahi humein samjhe tum! Main chup hoon toh tum ye maat samajhnaa main kuch bol nahi sakti, apni hadd mei rehke baat kari tum nahi toh aisa na ho muh dikhane layak na raho kahin.'' Gusse se Ruhana chillaai, Mishra ji aur Shakuntala dang reh gaye unhe laga na tha Ruhana aise chilla uthegi. Aab unhe bhi kya pata ki Kunal kya kya harkat karta hai aur unke samne bhola ban jata hai.

Kunal ka muh toh jaise band sa ho gaya par wo Ruhana ki aur badha,''Ruhana tum mujhe galat samajh rahi ho.'' Itna kehte hue Kunal ne Ruhana ka haath pakadne ki koshish ki lekin Ruhana ne uska haath jhatak diya aur jor ka ek tamaacha khich diya uske gaal pe.

Ek sannata sa cha gaya ghar mei. Mishra ji, Shakuntala aur Kunal bhoot bane reh gaye. Kissi ko laga na tha Ruhana koi aisa kaam kar degi par ho gaya, Kunal ki najrein jhuk gayi. Bina kuch bola wo wahan se chala gaya aur Ruhana bhi apne kamre ki aur bhag gayi, Shakuntala uske piche gayi kyunki aab unhe janna hai aakhir aisi kya baat hai jo Ruhana kunal se itna naraj hai ki aaj gusse mei usse thappad hi maar diya.

Ruhana apne kamre mei gusse se jalti hui pahuchi aur uske piche aai Shakuntala. Unhone Ruhana ke kandhe pe haath rakha aur halke se sehlaya.

''Bacha, kya baat hai tum itne gusse mei kyun ho? Kuch hua hai kya? Kunal ne kuch kaha tumse?'' Dheemi awaj mei Shakuntala ne pucha.

Ruhana ne naa mei sar hilla diya kyunki kunal ki sachai bata wo apne mata pita ko dhukhi nahin karna chahti. Shakuntala ne unhe khud ki aur ghumaya.

''Humse jhooth bologi!? Tumhari raag raag se waakif hai hum, aise hi bewajah toh itna gussa nahi aayega tumko. Chalo batao kya baat hai!'' Dheeme swar mei, Ruhana ko bistar pe bithaati hui Shakuntala ne pucha.

'Ruhana ne ek gehri sans bhari,''Mujhe wo aacha nahi lagta mumma, wo haar baat mei jhooth bolta hai abhi bhi jhooth hi bol raha tha. Mujhe gussa aata hai jab wo itne bade bade jhooth itni aasani se kehta hai.'' Apne gusse ko shant karti hui Ruhana ne jawab diya, bhale hi wo pura sach na bata sakti par kuch baatein toh bataya jaa hi sakta hai.

Shakuntala kuch achraj mei padd gayi, laga toh unhe bhi ki Kunal ki abhi wali baat jhoothi hai par iske liye usse jhootha nahi thehraya jaa sakta, ye bhi ho sakta hai na ki shayad usse laga hai Mishra ji usse kuch kahenge agar uski galti sabit hui toh.

Apni maa ko soch mei duba dekh Ruhana samajh gayi ki unke mann mei kya chak raha hai. Usne Shakuntala ka haath thama liya aur boli, ''Mumma, main janti hoon aap kya soch rahe ho lekin main sach keh rahi hoon wo jaisa dikhta hai waisa hai nahi, bas methi methi baatein kar papa ko uljha raha hai aur papa ko laag raha hai wo aacha hai. Please, aap dono uski baaton mei na aao.''

Shakuntala ne Ruhana ko najar bhar dekha, itna toh wo samajh gayi Ruhana ki baaton se ki kuch toh hai jo Ruhana bata nahi paa rahi aur shayad unhe uski baat pe gaur karna chahiye aur Kunal ke ghar mei aane pe rok laga deni chahiye kyunki jis vyakti ke aas pass unki beti ko rehna aacha na lage waise insan ka ghar mei aana thik nahi, chahe wo koi kyun na ho. Kyunki kai bar paraye se jyada khatra apno se hota hai.

Shakuntala ne haan mei sar hilate hue Ruhana ke sar pe haath rakha aur chali gayi, unhe jaate dekh 'Ruhana ne gehri saans bhari.

...

Teeno ladke Vineet ke kamre mei pade hue hai kissi baat ki chinta fikir nahi, aaj Birju bhi apne dukan ki chinta chor aaram se bistar pe pada hua hai baki dono ke saath. Teeno hai toh waise saath hi par apni apni duniya mei khoye hue.

Birju soch mei duba hai ki jaane kab aab uski shadi hogi, Vineet Ruhana ko patane ki koi tarkeeb soch raha aur aur Karan, aaj wo bhi kissi ke khayalon mei duba hai - - ek ladki, jisko usne aaj Ruhana ke ghar ke bahar dekha.

''Kitni Sundar hai na wo!'' Apne sapne ki duniya mei ghumta hua Birju bola, chehre oe muskan chai hui.

''Bilkul pari jaisi!'' Sapne ke samandar mei gote khata hua Vineet bola.

'Karan ne karwat li aur takiye ko daboch liya,''jaane kab milegi!!''

Karan ki ye baat sun dono ke kaan khade ho gaye, unka toh pata hai wo kiski baat kar rahe hai par ye kisko milna chahta hai.

Jhat se dono uth baithe aur usse bhi bitha diya, dono ki prashnaatmak bhao dekh Karan samajh gaya dono kya puchna chahte hai issliye bina kissi na noo ke usne apni baat bata di. Teeno be ek duje ko dekha aur fir let gaye apni sapno ki raani ke sapne dekhne ke liye!!

...

To be continued..