Ruhana apne kamre mei baithi thi abhi tak iss chinta mei ki aakhir Kunal ki ladai kis se hui. Ek mann toh uska ho raha tha ki shayad wo Vineet se hi ladd ke aaya hai par wo wahan jaayega hi kyun, sab kuch toh college mei khatam ho hi gaya tha.

Uff, aab wo kya kya soche apne padhai ki chinta kare ya inn ladko ki jinki wajah se inki shant jindagi mei bhuchal sa aa gaya hai. Sabse toh jis din se usne Vineet ki sakal dekhi hai saare kaam bigad hi rahe hai unke, har roj koi na koi syapa ho hi jaata hai jaane kab uss nalayak vyakti se chutkara milega unhe.

Huh! Gehri sans bharte hue Ruhana apne bistar se uthi aur aur bathroom ki aur jaane lagi ki tabhi balkani ki taraf se kuch awajein aai.

Ruhana kuch aascharj si reh gayi par jaa ke darwaja khola toh Vineet ko paya jo ki balkani ki railing se latak raha tha. Ruhana ki aankhe phati ki phati reh gayi Vineet ko dekh ke, jhat se uske samne pahuchi.

''Tumhari himmat kaise hui yahan aane ki!'' Gusse se Ruhana chalai.

Uski aur dekh Vineet pyar se muskaya,''aab tum utne pyar se yaad kar rahi ho mujhe toh aana toh padega hi na mujhe meri jaaneman.'' Ruhana ki aur jhukta hua machili awaj mei Vineet bola aur agle hi pal uske komal gaal pe Ruhana ne jordar chanta maar diya.

Pehle se hi uska deemag kharab hua pada tha Kunal ki wajah se aur aab ye banda fir chedkani pe utar aaya hai, thappad toh padna hi tha.

Vineet ko jhatka sa laga par uske chehre se muskan na gayi,''ooho, itni betabi mujhe chune ki haan!!'' Sarart bhadi muskaan deta hua Vineet bola, Ruhana ko aur gussa chadha. Tej nigahon se usne Vineet ko ghura.

''Uff ye tumhara iss tarah se dekhna mujhe tumhari aur jhukne pe majabur kar deta hai chah ke bhi khudko rok nahi paayunga main.'' Ruhana ki aur jhukte hue Vineet bola par Ruhana ne usse piche ki aur dhakel diya.

''Apni hadd mei raho.'' Ruhana ne chetavni di.

Vineet ne hanste hue sar hilaya,''kyun?? Rok nahi paaogi khudko mujh se pyar karne se, haan? I know, I know main hoon hi itna hot and handsome ki ladkiyan rok nahi paati khud ko. Par tum kyun itna hichak rahi ho, tum sidhe sidhe bol sakti ho. Aur haan apne aap ko mujh se pyar karne se rokne ke liye tumhe apne uss kabhi na hone wale pati ko mustandon sang bhejne ki jarurat nahi hai kyunki iska koi fal nahi milne wala tumhe.'' Bade hi aaram aur chalaki se Vineet ne apni baat puchi, Ruhana toh chauk si gayi, wo Vineet ko dekhte hi reh gayi.

''Kya hua, jhatka laga lekin tum fikar na karo tumhare uss fattu bodyguard ko jinda chod diya hai meine.''

Vineet ki ye baat sun Ruhana dang reh gayi aur ye samajhne mei usko jara bhi waqt na laga ki Kunal kahan se peet ke aaya hai aur kaise. Ruhana ka para aur chadh gaya aur gusse mei usne Vineet ko dhakka de diya jo aab tak latak hi raha tha, waise toh wo balkani mei bhi aa sakta tha lekin pichli baar ka jhatka wo aab tak na bhoola hai.

Vineet ka haath railing se chuta aur wo sidhe niche jaa gira sukra hai Birju aur Karan ne usse bacha liya. Ruhana ne niche dekha aur chillai.

''Meine kissi ko nahi bheja samjhe tum.'' Itna kehte hue Ruhana andar chali gayi.

Birju aur karan ne Vineet ko niche utara,''bach gaya rey nahi toh dillagi ke chakkar mei haath paon tut jaate.''khudko aache se dekhta hua Vineet bola.

Fir wo Birju aur Karan ki aur muda,''chalo ye toh pata chala wo chhachundar khud aaya tha hero banne. Aab usko kissi din aache se samjhana padega.'' Karan aur Birju ne haan mei sar hilla diya fir teeno bahar ki aur chale gaye.

Ghar jaane ka koi irada toh tha ni teeno ka issliye teeno mil ke Birju jis ladki ko pasand karta hai wahan chale gaye, aab baat cheet toh karni hi hai na.

Bade maje se jhoomte jhoomte, teeno dost nikal liye.

Yahan gusse se tamtamati Ruhana ne Kunal ko phone kiya aur uske phone uthate hi aache se khabar li uski par wo saaf saaf mukad gaya ki wo Vineet se ladne gaya tha. Balki usne Vineet pe hi iljam  laga diya, gusse se Ruhana ne phone kaat diya.

Bhale hi wo Vineet ke baaton ka yakeen na karegi lekin usse pata hai ki Kunal ki baatein bhi na maani jaa sakti. Kyunki wo khud bhi waisa hai, ek number ka jhootha bas uske mata peeta ke samne aacha banta hai baki uski asaliyat Ruhana se chhipi nahi.

Kuch warsh pehle tak wo bhi Kunal ko aacha samajhti thi par fir usse uski asaliyat malum hui. Kaise wo gareebo marijon ki kidney kissi ameer vyakti ko bech deta hai kuch paiso ke liye wo bhi Mishra ji ke aspataal mei hi saath hi banda ek number ka aaiyash hai, yahan wahan muh marta firta hai. Kai bar toh khud Ruhana ne uske ghar se ladkiyon ko nikalte dekha hai.

Inn sab kaarno se Ruhana ko Kunal se ghin si ho gayi hai par wo ye baat apne mata peeta se nahi batati kyunki unhe dukh hoga wo alag baat hai ki ye dukh ek na ek din toh hona hi hai chahe aaj ho ya kal par hoga toh sahi.

Khudko shant karne ke liye Ruhana nahane chal di, socha shayad aise hi gussa shant ho sakta hai unka.

.....

To be continued...