Kishori ji Birju ki harkat se dang reh gaye, kitni hi awaj lagai usse lekin wo na ruka bas bhagta hi chala gaya jaise pralay aa gaya ho. Kunal bhi kuch hairan sa reh gaya lekin usse kya karna Birju se, wo toh yahan Vineet ke baare mei pata karne aaya hai taki college mei hui beizzati ka badla le sake.

Usne fir Kishori ji ko dikhaya photo, kishori ji ne usse ghurte hue dekha.

''Inke baare mei kyun janna hai tumhe?'' Kishori ji ne pucha, Kunal pehle toh soch mei pada fir jhat se bola.

''Ye dono bahut aache dost hai hamare, inhone hi milne bulaya hai humein lekin inka pata kho gaya humse. Agar aap bata de toh bahut kripa hogi!'' Bade hi mithe swar mei Kunal bola.

Aise toh Kishori ji ko uski baaton pe kuch khas vishwas hua nahi lekin unhone Vineet ke ghar ka pata de diya unhe. Kunal apne saathiyon sang chal diya Vineet ke ghar. Itne saare logon ko ek saath dekh Kishori ji ko khatka aur bina samay vyarth kiye unhone Sharma ji aur Shukla ji dono ko phone kar diya, saath hi khud bhi dukan band kar uss aur chal diye.

....

Ghar ke angaan mei aaram se baith maje se apni maa ke haath se Vineet aur karan khana kha rahe hai, bade pyar se Sharda unhe khila rahi hai.

Chahe pure Dilli mei wo kuch bhi kare lekin apni maa je samne chote bache se baan jaate hai. Vineet ki nani bagal mei ek kursi pe baith ye najara dekh muska rahi hai ki tabhi chillata hua Birju aa dhamka.

''Aye Birju, aise kyun bhaga aa raha hai. Kahin uss Kishori ne fir toh kuch nahi kiya?'' Sakth awaj mei Nani ne pucha.

Birju ne ek tak Vineet aur karan ko dekha fir Sharda aur nani ko par iss se pehle ki wo kuch bole Kunal apne saathiyon sang tapak pada wahan. Itne saare logon ko dekh dono aurtein ghabra gayi. Vineet aur Karan jhat se khade ho gaye.

''Ooho, kya baat hai maje se maa ke haathon se khana khaya jaa raha hai haan.'' Vineet aur karan ko ghurta hua Kunal bola.

Nani bich mei aa padi,''kaun ho tum, kis se kaam hai tumhe haan?'' Kunal pe gurrate hue nani boli.

Lekin kunal ne unpe dhyan na diya nani ko side kar diya aur Vineet ke samne aa khada hua. Nani aur Sharda ko aab ye toh pata chal hi gaya ki Kunal Vineet se milne aaya hai aur uske teevar se ye bhi jahir hai ki wo ladne aaya hai.

Shrada ne Kunal ko piche ki aur dhakela aur Vineet ko apni aur khicha, aab wo apne bete ko kaise chod sakti hai khatre mei.

Kunal jo bas Vineet aur Karan ko dhone aaya tha aab usse Nani aur Sharda pe bhi gussa aa gaya kyunki wo dono bich mei aa rahi hai. Fir bhi usne dono aurton ko bich se haat jaane ki vinti ki par koi manaa nahi toh aakhir mei usne Sharda ko dhakka dete hue side kiya. Ye dekh teeno ladkon ko gussa aa gaya, Karan ne jor se kunal ko piche ki aur dhakela jis se wo apne gundo pe jaa gira.

Idhar Birju Nani aur Sharda ko kamre mei le gaya,unhe aache se samjha ke wahin rehne ko kaha fir baki do ke pass wapas aaya.

''Dekh Kunal bahar ke mamle ghar tak maat la nahi toh aacha nahi hoga.'' Kunal ko ghurte hue Vineet bola.

Tivrata se Kunal se usse dekha,''itna darr hai toh bahar aisa kaam hi kyun karte ho jo yahan tak aana pade logon ko. College mei toh main chup raha kyunki wahan izzat hai meri lekin yahan tumhari saari haddiyaan to dunga.'' Teeno ko darane ki koshish karte hue Kunal bola.

Takkar barabar ka toh nahi hai kyunki kunal ke saath kareeb 10 log aur hai par ye toh teen hi hai lekin iss se inki takat kam nahi ho jaati, teeno fir bhi ladenge.

Vineet, Karan aur Birju kud pade Kunal aur uske saathiyon pe. Dekhte hi dekhte yudh sa mahol cha gaya kabhi Vineet ki toli peet rahi thi toh kabhi Kunal ki. Issi majol mei Sharma ji, Kishori ji aur Shukla ji aa pahuche pehle toh dang reh gaye fir bina kuch soche kud pade maidan mei.

Teeno mardon ne ek ek mustande ko ghasita aur aache se peeta, itna ki aur uth na paaye. Inn teeno ke aane se Vineet ki taqat badh gayi. Issliye baki ko chod wo side Kunal pe chadha aur ussi ki maramat ki aache se.

Baki sab kuch ek taraf par Vineet ko gussa bas iss baat pe tha ki Kunal ne uski maa ko dhakela. Wo kuch bhi bardasth kar sakta hai lekin apni maa ke khilaf kuch nahi seh sakta aur yahan toh unhe dhakka diya gaya hai. Kunal ki shamat toh pakki hai.

''Himmat kaise hui teri meri maa ko dhakka dene ki haan.'' Kunal ke haathon ko apne ghutne (knee) tale kuchalta hua Vineet gurraya.

Yahan Kunal ko bhi samajh aa gaya ki usse kyun peeta jaa raha hai, usne Vineet ko hatane ki koshish ki par kar na paya. Najar ghuma ke dekha toh aadhe se jyada saathi uske bhag chuke hai aur jo bache hai wo bhi peet rahe hai.

Jaise taise Kunal ne Vineet ko dhakela, aab ladne ka koi faida nahi wo na jeet sakta, ye baat kunal ko samajh aa gayi.

Jaise hi Vineet niche girra, Kunal wahan se bhag nikla. Waise aaya toh wo Vineet ko maja chakhane tha lekin khud peet gaya.

Kunal aur uske saathi toh bhag gaye lekin Vineet ka gussa aab tak shant na tha.

Karan aur Birju ne usse iss waqt shant rehne ko ishara kiya kyunki abhi sabhi log hai yahan.

Sharma ji Nani aur Sharda ko le aaye. Sharda ke aate hi Vineet unn se lipat gaya, uski maa uspe sara pyar lutati hai, uske liye sab se ladti hai toh kya wo unke liye itna bhi na karega.

Baki sab ne bhi abhi chup rehna hi sahi samjha. Sharda Vineet ko leke apne kamre mei chali gayi.

....

To be continued..