Hawa mei bhare gubbaare ki tarah Birju ful ke lehrane laga. Khushi se jhumta hua usne Vineet ke haath ko chum liya. Vineet ne jhat se apna haath khich liya aur tez nazron se Birju ko dekha.

''Oye, ye meri biwi ka haq hai sirf samjha. Jyada uchal maat.'' Vineet gurraya.

Lekin Birju toh sattve aasman pe hai, aakhir Vineet ne usse uss ladki ka number jo de diya hai jiss se wo pyar karta hai kaise bechara apni khushi ko daba le aab. Uska mann toh kar raha hai apni saari sampatti Vineet ke naam kar de lekin afsos Kishori ji ne uske naam pe ek shirt tak na kar rakha. Lekin ye Birju ko Vineet se aadar aur samman pradaan karne se na rok sakta. Jhat se dukan ki tijori kholi aur ek 500 ka kadkadata note Vineet ke haath pe rakh diya.

Aab 500 dekh ke Vineet ki chati khushi se fool gayi.

Usne Birju ki aur dekha,''ek kiss ke 500!! Do char aur karle aur dede 2000!'' Birju ko apni aur khichta hua Vineet bola, Karan bhi unke samne kud pada.

''Meri bhi kissi lele aur paise dede!'' Uttejit hoke Karan bola kyunki Karan aur Vineet ko ye laga ki Birju ne paise issi baat ke diye hai.

Birju ne dono ko dhakel ke piche kar diya,''arey nirlajjon, paise kissi ke nahi number dene ke liye diye hai. Jyada hamari izzat pe najar na daalo, abhi byah hona baki hai hamara. Kya muh dikhayenge hum apni biwi ko!'' Dono ko ghurta hua Birju bola.

Vineet aur Karan ne muh bana diya par jitna mila ussi mei dono khush ho liye, aab 500 kam toh hote nahi wo bhi free ke.

Birju ki dukan chod dono apne ghar ki aur chal diye.

.....

Jahan ek taraf khushi ka mahool tha wahin dusri aur kissi ki khatiya khadi hui padi hai.

Jiski khat khadi hui hai wo aur koi nahi Kunal hai aur Ruhana uski class le rahi hai kyunki jaane se pehle toh wo badi badi baatein kar raha tha lekin wahan jaa ke Karan aur Vineet ne usse dhool chata di.

''Meine tumhe pehle hi kaha tha Kunal ki tumhe mere saath aane ki koi jarurat nahi lekin tum fir bhi aaye aur aab apne saath mujhe bhi nicha dikhwa diya hai tumne. Bade hero banne chale the, huhh, dono ne milke saari hoshiyaari utar di tumhari.'' Tivrata se Ruhana boli.

Ruhana ko iss baat ka gussa na hai ki Kunal aur baki dono mei behes hui par bura toh usse iss baat ka laga ki Kunal ki wajah se ek toh pure college mei ye dhindhora peet gaya ki wo bodyguard leke chalti hai aur upar se Vineet aur Karan ke haathon dhobi pachar ke baadh Kunal ke saath Ruhana ki bhi chavi bigad gayi college mei. Sabke muh pe yahi baatein chal rahi thi aaj college mei aur jaane kab tak ye sab chalega!

Ruhana ne ek gehri sans bhadi, usse Kunal ki koi jarurat nahi hai. Vineet aur Karan jaise roadside romeo ka toh kaam hi yahi hai agar unne bhao na diya gaya aur Ruhana unke saath shakhti se pesh aai toh wo khud apna rasta badal lenge, lekin Kunal ke saath jaane se unhe lagta rahegi ki wo un dono se darti hai.

''Dekho Kunal, tumhe mere saath aane ki koi jarurat nahi hai main apni problem khud solve kar sakti hoon!'' Apne gusse ko shant karte hue dheemi awaj mei Ruhana boli.

''Lekin uncle ne mujhe tumhare saath jaane ko kaha hai, main unka kaha kaise taal sakta hoon.'' Kunal ne apni baat rakhi.

''Unko main samjha dungi, bas tum kalse maat aana yahan. Aur waise bhi tum aache se jaante ho papa kya sochke tumhe mere saath bhejte hai par waisa kabhi hoga nahi aur tum bahut aache se jante ho.'' Har ek sabd pe jor deti hui Ruhana boli.

Kunal ne bas sar hilla diya aur chup chap wahan se chala gaya kyunki aab uske pass koi chara na bacha hai aur na hi kuch bolne ko toh wahan se chale jana hi usne sahi samjha.

Kunal ke jaane ke badh Ruhana bhi apne kamre mei chali gayi. Aab ghar mei koi hai nahi toh unhone socha apne kamre mei jaa ke thoda padhai hi kar li jaaye.

....

Yahan dusri aur Kishori jii se maar khake aur dhakke maar ke dukan se nikale jaane ke badh Birju dukan ke bahar muh latkaye baitha hai. Kuch der pehle bechara khush tha lekin aab fir udas hai, kya kare aab uske pita pie pie ka hisab jo rakhte hai. Dukan pe wapas aate hi unhe pata chal gaya ki 500 rupaye gayab hai jis wajah se Birju ki shamat aayi.

Birju bechara chup chap bahar baitha hai kyunki usse pata hai agar wo yahan se hila toh Kishori ji aur peetenge usse aur na hilla toh galiyan toh de hi rahe hai tabse, fir bhi chup chap sar jhukaaye baitha hai.

Par jab usse kissi ke hansne ki awaj aayi toh usne sar upar uthaya, dekha koi aadmi dukan se saman kharid raha hai aur shayad wahi uske upar hansa hai.
Birju ki bajre uspe gadd gayi aur jab wo aadmi fir uski aur dekh ke hansa toh Birju ka pada chadh sa gaya aur uss de bhi jyada usse jhatka sa laga kyunki wo aadmi aur koi nahi Kunal tha.

Birju ko ye baat khatki kyunki kunal toh kafi dur rehta hai iss mohalle se fir achanak ye yahan kaise aa gaya wo bhi uski dukan pe jabki jahan wo rehta hai wahan uss se bhi bade bade dukan hai aur sab kuch bikte hai fir kis wajah se wo yahan aaya.

Birju jhat se khada ho gaya aur charo aur sar ghumaya toh paya ki Kunal kuch kharidne nahi balki kissi ke baare mei puchta hua yahan aaya hai. Jara jhank ke dekha toh Vineet aur Karan ki photo uske haath mei pai aur uske bagal mei das - pandrah mustande. Birju ko jara bhi waqt na lagga samajhne mei ki kya manjhra hai, dukan chod bhaga Vineet ke pass. Kishori ji awaj lagate reh gaye lekin wo mud ke na dekha.

.....

To be continued