Ruhana aur Shakuntala ghar pahuche. Ghar dekh ke Shakuntala ko ek chan dar laga lekin Ruhana saath hai iss baat se thodi himmat aai unhe. 

Dono maa beri ghar mei ghusse, Ruhana ne ghadi pe nazar daali toh ehsas hua sawera hone ko bas. Raat ke teen baaj rahe hai, kuch hi der mei subha ho jaayegi fir usse college bhi jana jana hai Assignment jama karne. 

Ek lambi sans bharti hui Ruhana Shakuntala ko kamre mei le gai aur sula hi, wo khud bhi unke bagal mei let gai, aab subha college jana hai toh kuch der ki nind toh jaroori hai unke liye bhi. Dono maa beti sukoon se so gai kuch der ke liye.

Jahan ek taraf Ruhana aur Shakuntala chen ki nind so rahi thi wahin dusri taraf Sharma niwas mei bhuchal aaya hua hai. Sharma ji, Shukla ji aur Kishori ji pe Sasu maa naam ka pahad tut pada hai. Waise toh teeno ne aachi khashi kaahani suna di thi jismei ladkon ne bhi hami bhadi lekin aab unpe khud musibat aa padi.

''Arey, jab tum teeno ne dekha ki inn teeno ko maar padd rahi hai toh teeno bhoot banke kyun khade rahe, humein bulane na aaya ya fir unn gundo ko peetne na aaya''Sasu maa gurrai.

Aab ye teeno mard bole toh kya bole, jab koi gunde the hi nahi toh maare kisko.

''Amma ji wo sab mustande se the aur kaahan hum teeno adher umar ke kaise samna karte unka aur agar uss waqt yahan sabko bulane aate toh tab tak aur kitna maar lete inn teeno ko, issliye humne un gundo ko jaise taise wahan se bhagaya aur inn teeno ko aaspatal le gaye''ek nayi kaahani gadhte hue Sharma ji bole.

Sasu maa gurrai lekin iss se pehle ki wo kuch bole Rastogi ji bol pade,

''Arey aab bas bhi karo, aur kitna panchayat karoge iss baat pe. Khudka nahi toh aaju baju ke logon ka hi socho sab so rahe honge bichare. Jao aap sab bhi so jao, kal Karan aur Vineet ko college bhi jana hai, jao so jao sab '' Rastogi ji ki ye baat sunke mardon ki jaan mei jaan aai, aakhir koi toh samajhdar hai yahan.

Jald hi teeno ladke Vineet ke kamre mei pahuch gaye, mahilaon ka bistar Sharma ji ke kamre mei laga, Sasu maa aur Rastogi ji guest room mei so gaye bache teeno mard jinke liye koi kamra hi na tha toh teeno aangan mei chatai dal so gaye, aur koi chara hi na tha.

..

Vineet, Karan aur Birju kamre mei lete hue hai, aankhon ki nind teeno ki udi hui hai. 

''Bhaiya aab aage kya hoga.'' Birju ne chuppi todte hue pucha, usse aab ye chinta sataane laagi thi ki agar kissi ko ye pata chal gaya inko chot kaise laggi hai toh jaane kya hoga.

''Jab jo hona hoga wo toh hoga hi, main toh ye soch raha hoon ki agar aaj mujhe current na lagta toh tum dono ki bhabhi se mil leta mei fir do char hafte mei shadi kar lete uske badh mere chote chote bache ghar mei ghoomte nazar aate lekin mil hi na paaya mei, chaeeeee''muh banate hue Vineet bola, Birju ne gusse bhari nigahon se ek baar usse ghura par kuch bola nai.

Karan jo aab tak chup tha bola,'' bhai shadi toh jab hogi tak filhal kal ke assignment ka socho. College toh humein jana hi padega kal lekin hum assignment kaise denge''chinta purwak karan bola, Rastogi ji ne jis tarah college ki baat ki spasht tha chahe kuch ho jaaye kal dono ko college toh jaana hi padega.

Vineet uski aur dekhte hue halka sa muskuraya, ''fikar na kar uska intezaam meine kar diya hai, assignment toh ban bhi chuka hoga. Tu bas kaise bhi apni bhabhi ka naam pata lagwa aur Birjuuuu..'' Iss se pehle Vineet Birju se kuch kehta wo pehle hi bol pada.

''Humse kissi chij ki umeed na karna bhaiya. Aapke pyar ke chakkar mei apna aasan toh gawa chuke hai hum aur kuch na gawa sakte. Waise bhi hum iss halat mei nahi abhi ki kuch kare aapke liye'' ye kehte hue Birju ne apna muh duji aur pher liya.

Vineet kuch der bas usko dekhta raha fir bola,''thik hai, aab tu gang se bahar jaana chahta hai toh main kya kar sakta hoon. Na kar meri madad, lekin yaad rakhna phir mujh se bhi kissi madad ki umeed na rakhna. Tere Babuji tere liye jisko dhundne uss se ghar basa lena apna aur wo teri aab tak na hui dilbara ko bhool jana. Ja so jaa aab'' ye kehte hue Vineet ne bhi muh mod liya.

Sanata!! Pure kamre mei sanata cha gaya, Birju soch mei duba tha ki kuch bole ya chup hi rahe. Itna toh usse bhi pata hai ki bina Vineet ke madad ke wo ladki na pata sakta aur aise mei Kishori ji pakka uski shadi karwa denge. Lekin agar wo Vineet ka saath deta hai toh aur maar padegi. Aaj toh jaan bach gayi par aage ka kya bharosha?? Ye chinta Birju ko sone na de rahi thi. Uss sar ghuma ke dekha toh baki doo chen se so rahe hai, huh, toh wo kyun chinta kare. Birju ne bhi aankhe band kar li aur so gaya.

Agli Subha!

Teeno ladke tabela bech ke so rahe hai din duniya ki koi fikar hi nahi unko lekin Rastogi ji unko toh bahut tension hai Vineet aur Karan ke liye. Dono ladke jaane kabse college hi na gaye hai aur aaj assignment dena hai fir bhi dono ko fark na padd raha par unko toh pata hai na ki agar dono ne assignment bhi nahi diya toh dono ko issi class mei baithna padega.

Lambi lambi saanse lete hue Rastogi ji Vineet ke kamre mei pahuche, dekha toh nawabzyade apne saathiyon sang so rahe hai.

Muh pe paani phek jagaya teeno ko, jhat se teeno baith pade. Rastogi ji ko samne dekh Vineet ne muh banaya,

''Kya mama ji subha subha nind bigadne pe lage ho'' itna kehte hue wo fir bistar pe laitna laga lekin Rastogi ji ne laitne na diya.

''Bhanje, suraj nikal aaya hai aur tere college jaane ka time ho chala hai. Jaldi se uth!'' Itna keh ke Vineet aur Karan ko bistar se utar diya gaya aur bathroom mei bhej diya gaya.

….

To be continued...