Sharma ji, Kishori ji aur Shukla ji, teeno jis kamre mei unke beton ki marham patti ho rahi thi wahan jaa pahuche, lekin uska kya faida tha agar Sasu maa aur Karan ki maa yahan pahuch gayi aur ladkon ko iss haal mei dekh liya toh saara ilzam in teeno ke mathe marr jaayega aur fir jo maar Sasu maa se in teeno ko padegi wo toh kabhi koi bhool na paayega. 

"Sharma ji, Amma ne dekh liya toh kya hoga?" Kishori ji ghabrate hue puchte hai kyunki unhone kai martafa Sharma ji ki Sasu maa ki chari se maar khai hai. Sirf unhone hi nahi balki Sharma ji aur Shukla ji bhi iss karyakram ke hissedar the. 

"aisa kyun sochte ho Kishori ji. Aur waise bhi Amma ko kahan pata hai hum yahan hai. Ho sakta hai na Amma yahan khudka check up karwane aai ho" Kishori ji ko santwana dete hue Sharma ji bolte hai lekin andar se wo khud bhi hille hue hai 

Lekin Sharma ji ki baat se Shukla ji sehmat na the, "agar check up hi karwana hota toh din mei bhi aa sakti thi Amma lekin abhi aai hai toh pakka hai unko pata chal gaya hai ki koi problem hai aur hum yahan hai. Agar unko ye pata chala na ki teeno ladke yahan bharti hai toh hum sab ka bharta bana dengi Amma "Shukla ji ki ye baat Sharma ji aur Kishori ji ko satt pratisat sach lagi, Amma sach mei bharta bana dengi!! 

Teeno apna deemag daudane laage ki akhir aab khudko bachaye kaise kyunki ye toh pakka hai Amma andar aayenge aur unko aur ladkon ko dekh lengi, aab wo aisa kya kare ki Amma se bach jaaye teeno. Bahut deemag lagaya aur akhir mei ye natija nikala ki teeno bahar phoot phoot ke roye aur jab Amma andar aaye toh unhe ek mangharan kahani suna di jaaye. Iss se wo bach pakka bach jaayenge. 

… 

Jahan ek taraf teeno mard kahani sochne lage wahin dusri taraf Sasu maa aur Auto wale ka jhagda abb tak chal raha tha. 

Auto wale ne Sasu maa ko aisi aisi baatein sunai ki Karan ki maa toh bas dekhti hi reh gayi aur Sasu maa ne uss Auto wale ko dande se maar maar ke badla liya lekin uska koi faida na tha, Auto wala chup na hua paise lene ke liye ladta raha aur Sasu maa aab ye thann chuki thi ki wo paise na degi chahe kuch ho jaaye. 

Pachish minutes beet gaye, jhagda chal hi raha tha tabhi Rastogi ji, Sharda aur Birju ki maa aa pahuche wahan aur ladai dekh ke dang reh gaye. 

Sharda ne Sasu maa ko hataya, "Amma kyun ladd rahi ho" Rastogi ji puchte hai 

Sasu maa unki aur gusse bhari najron se dekhti hai, "iss nalayak se pucho kya hua hai, badtamiji kar raha hai ye humse" 

Apni Amma ki ye baat sun Rastogi ji Auto wale ki taraf mude, "kyun bhai! Kyun badtamiji kar rahe ho" unhone pucha. 

"Arey ye budhiya paagal hai. Ek toh yahan tak aa ke paise na de rahi upar se itna maara mujhe, police complain karunga main" Auto wale ne dhamki di, Sasu maa ne ek aur danda laga diya usse. 

Rastogi ji ko pata chal gaya, jab tak Sasu maa wahan hai ladai hoti rahega issliye unhone Sharda ko ishara kiya ki wo Amma aur baki ko andar le jaaye. Sasu maa jaane ko taiyar na thi lekin aurtein unhe jaise taise le gayi andar. 

Yahan Rastogi ji ne auto wale se mafi mangi aur uske jitne paise bante hai utne de diye fir andar chale aaye. 

…. 

Sharma Parivar ka toh jo haal hai so hai, idhar Mishra parivar ki halat bhi kuch thik na hui thi.

 Shakuntala ka bukhar utar hi na raha tha, Mishra ji aur Ruhana ki chinta badhti jaa rahi thi. 

"papa, mumma ki halat toh bigadti jaa rahi hai. Mujhe bahut tension ho raha hai" Chintapurvak Ruhana bolti hai 

"tension toh mujhe bhi ho rahi hai beta. Iska bukhar utar hi nahi raha, upar se ye light nahi aa rahi. Mujhe lagta hai tumhari mumma ko hospital le jaana thik rahega" Mishra ji sujhao dete hai, Ruhana haan mei sar hilati hai. 

Dono baap beti, Shakuntala ko wheel chair pe bitha dete hai. Waise toh wheelchair bas issliye ghar mei rakha hua hai taki agar mohalle mei kabhi koi emergency aaye toh kaam aa sake wo, kyunki aisa ek baar ho chuka hai ek aadmi ki tang tut gayi thi. Aadmi itna hatta latha tha ki koi uthane ko taiyar na tha bechara chalish minute tak tadapta raha, jab tak ambulance na aai. Fir jab aai toh wo gaya wo bhi kaise kaise ward boys ne usse uthaya, do baar toh gira bhi diya.. Issliye ussi din ke badh se Mishra ji ne ek wheelchair rakh li ghar mei. Aab yahi wheelchair inke kaam bhi aa gayi. 

Shakuntala ko bahar le gaye aur fir car mei bitha diya, baap beti bhi baith gaye aur chal diye Hospital ki aur. Kareeb tees minute mei pahuch gaye. 

Fatafat Shakuntala ko andar le jaya gaya aur ek kamre mei bharti kar diya gaya, Mishra ji ne ek ward boy se kehalwa ke kuch dawaiyan bhi mangwa li aur Shakuntala ko de di lekin koi sudhar na dikha. Jaane kya ho gaya tha unhe. 

Birju ko chaku laag jaane wali baat unke jehen mei baith gayi thi. 

Mishra ji soch hi rahe the kya kiya jaaye ki tabhi ek nurse aake unse kehti hai ki ek marij ko unki jarurat hai. 

Sar hillate hue Mishra ji bahar chale jaate hai, aab marij ko toh dekhna hi padega unhe. Jate jate Ruhana se ye kehte gaye ki agar kuch der mei Shakuntala mei koi sudhar na dikhe toh wo unhe bula ke. 

Aur fir wo chale gaye!! 

….. 

Aage kya hoga jaane ke liye banne rahiye hamare saath 

Milte hai agle adhyay mei..