Sanjh ho chuki hai, Suraj dhalne laga hai. Vineet, Karan aur Birju karan ki dukan pe hai aur kaafi khush dikh rahe hai ho bhi kyun na itne hi der mei un logon ne dono ladki ke ghar ka pata jo laga liya hai. Ye toh hai hi padma shree milne layak khushi, teeno dost khushi se uchal rahe hai.. 

"aab toh hamari setting ho hi jaayegi bhai" Birju khushi mei uchalta hua bola 

Vineet ne khudpe garv karte hue bola, "meine bola tha na tera bhai teri setting karwa dega. Dekha 3 ghante mei apne saare resources laga ke dono ka pata laga liya" Vineet ne kuch aise bola jaise wo koi CID officer ho aur koi jung jeet aaya ho.

"lekin hum wahan jaayenge kaise bhai? Motorcycle toh tut gayi aapki, chacha garage chod aaye usko!! Aab kya" Karan ne yaad dilate hue bola, kyunki bina motorcycle ke jana mumkin toh hai nahi.

Birju ye baat sunke jhat se bola, "motorcycle toh nahi, lekin hamare pass teen cycle hai chalega" Birju ne pucha. 

Vineet aur Karan ne pehle ek dusre ko dekha, cycle unki personality ko match toh nahi karta lekin iss shanjh ke dhundhle andhere mei kaun unhe pehchanega jaya jaa sakta hai cycle pe. 

Birju ke dekhte hue dono ne haan mei sar hilla diya, Birju muskuraya aur dono ko dukan band karne ko bol cycle laane chala gaya. Vineet aur Karan ne dukan ka palla (gate) laga diya aur chod diya. Tab tak Birju bhi aa gaya cycles le ke, fir teeno dost nikal pade ladkiyon ke ghar ke taraf. 

Cycle chala ke teeno dost pehle Birju ki pasand ki hui ladki ke ghar. Teeno ki sansein phul gayi thi cycle chala chala ke, cycle se utarte hi teeno jameen pe baith gaye lambi lambi sansein bharte hue. 

"abhi toh.. Abhi toh aaye hi hai bas.. Wapas.. Bhi. Toh. Aise. Hi. Jana.. Hai… Humei" gehri sans lene ki koshish karta hua Birju bola 

"fikar.. maat.. kar.. sipahi, jab haseenao… ke ghar.. tak pahuch… gaye hai toh apne… ghar tak bhi chale… hi jaayenge" Karan ne hoshla badhaya. 

Aise kaamon mei dost yaar hoshla itna badhate hai ki kya kehne, agar itne mei se 10 % hoshla bhi ye padhai ke liye badhate toh aaj teeno ki jindagi kissi aur mod pe hoti!! 

Thodi der aaram karke, teeno Birju ke haseena ke ghar ke darwaje pe pahuche aur darwaja khatkhataya lekin andar se kissi ne awaj na di. Ek baar, do baar fir lagatar wo darwaja khatkhatane laage lekin andar se koi halchal na hui. Aab toh Birju ko fir gussa aane laga, ek toh pehle himmat na juta paa raha tha ladki se baat karne ke liye aur aaj jab jutai toh ladki darwaja nahi khol rahi, hadh hai! 

Birju ne apna sar peetna chalu kiya, "lagta hai hamari jindagi mei kissi haseena ka sukh likha hi nahi hai" 

Vineet idhar udhar taka jhaki karne mei vyast tha. Asal mei wo ye dekh raha tha ki kahin agar koi khidki khuli ho toh wo log andar jaa sake lekin aisa nahi tha. 

"Arey ye kya" aachanak karan chillaya, Vineet aur Birju ne uski aur dekha 

"yahan toh tala laga hua hai" Karan bola, Vineet aur Birju ki najar bhi taale pe gayi. Vineet ne jor ka ek chanta Birju ke sar pe lagaya. 

"dikhta nahi hai tereko, aandha hai tu. Itna bada tala laga hua hai. Tabse darwaja thok raha hai, sar peet raha hai ye tala na dekh sakta tha. Teri wajah se kitna time waste hua hamara" Vineet ne usse danta, Birju ka chehra utar gaya. 

Fir Vineet ne dono ko leke scooter wali haseena ke ghar jaane ka socha, waise bhi aab yahan karna kya tha. Jisko dekhne aaye the wo toh hai hi nahi aur unko aadha ghanta bhi barbad ho chuka hai. Toh aab behtar yahi hai ki wo log wahan se chale jaaye lekin Birju aab kahin jana nahi chahta. Vineet ki dant aur ladki na milne ki wajah se wo udash ho gaya hai issliye wo aab sirf apne ghar jana chahta hai. 

Usne Vineet aur Karan se bhi keh diya ki wo kahin nahi jaayega aab. Uski baat sunke dono ko pata chal gaya ki wo udash hai. 

"Arey tu toh bura maan gaya main toh aise hi bol raha tha yaar mere. Chal chalte hai, kya pata wahan se wapas aane tak ye bhi aa jaaye" Vineet ne Birju ko bas udashi se bahar laane ke liye jo uske muh mei aaya bol diya, aab usse toh jana tha aur Birju ko leke jaana tha toh kuch toh bolna hi padega jis se wo saath chale. 

Vineet ki baat sunke Birju ko thoda hosla milla, usne jaane ke liye haami bhadi. Vineet muskuraya aur teeno dost cycle pe sawar ho chal pade. 

Iss baar unhe jyada dur nahi jaana tha bas ek gali se dusre gali tak ka hi safar raha. 

Scooter wali ke ghar tak jaise teeno pahuche ki Vineet kuch iss tarah se khushi mei jhuma ki baki dono ladko ko jhatka laag gaya, aisa laag raha tha jaise usse current laag gaya ho. Vineet ajibo garib awaj nikalne laga, kabhi kutte ki toh kabhi bheriye ki jaane usse kya ho gaya aachanak. Dono ladke soch mei padd gaye. 

Jahan bahar Vineet aisi awajein nikal raha hai wahin dusri aur Shakuntala jo ghar ke andar aab tak akeli hai aur darne lagi hai. 

Ruhana ne unhe phone karke ittila toh kar diya tha ki wo ghar der se aayegi kyunki Mishra ji ko unki sahayeta chahiye. Shakuntala ne usse tassali toh de di ki wo aaram se aaye lekin khud yahan pani pani ho rahi hai. 

Naukar jo bajar gaye the wo aab tak jaane kahan atke hai, ghar mei akeli unki sans atki padi hai aur aab achanak ye kutte bhariyon ki awaj aur kuch ladkon ki hansi unhe aur dara rahi hai. 

Aab wo kare toh kya kare?? 

Jaane bahar khade ye log kaun hai aur kyun aaye hai?? 

Kahin wo koi chor toh nahi!!? 

Ye saare sawal Shakuntala ko satane lagge, unki ghabrahat badhne lagi aur unhone nischay kiya ki wo Mishra ji aur Ruhana ko phone karengi, kyunki aab yahi karna sahi rahega!! 

. 

Aage kya hoga jaane ke liye banne rahiye hamare saath 

Milte hai agle adhyay mei..