Saari baatein aab saaf hone lagi thi. Dono ladke aache aur sacche nahi balki dhokhebaaz aur farebi hai. Bas unhe dekh ke badi badi baatein banai gayi. Chalo dusra toh khair thoda thik bhi tha lekin wo jo motorcycle chala raha tha, huhhhh badi badi baatein toh wahi kar raha tha jaalsaaj kahin ka. 

Aab jab Ruhana ko ye pata chal gaya tha ki Vineet asal mei kaisa hai toh jo izzat Vineet ne banane ki koshish ki thi wo dharam se jameen pe aa giri.

Lekin aab Ruhana uss jaalsaaj ke baare mei soch ke apna samay barbad nahi karna chahti thi, kare bhi kyun. 

Nikal gayi college se, ganimat hai ki college ke Gate pe hi auto mil gayi. 

… 

Jahan ek taraf Ruhana aab Vineet ko dekhna bhi nahi chahti thi wahin dusri aur Vineet unse milne ke sapne bunn raha tha. 

Abhi toh bhale hi wo sapne dekh raha hai aur muskura raha hai lekin din mei uski halat kharab thi, ek toh maar ka dard dusra ye dar ki agar Sharda ne sawal puche toh unke jawab wo kya dega. Waise toh Sharda ne kafi koshish ki thi puchne ki lekin wo jab bhi puchne jaati Vineet jaan bujh ke karane lagta tha jor jor se taki jawab na dena pade. Sharma ji ne koshish toh bahut ki thi ki Sharda ke samne wo bole lekin Vineet aisa kahan hone dene wala tha. Akhir jeet ussi ki hui, Sharda ne uss visay ko chod diya. 

Iss samay nawabjaade Vineet aur unka dost Karan, Vineet ke kamre pe bistar pe pade hue hai. Dono apne apne khayalon mei dube hue. 

"kya ladki thi by god. Agar ye do buddhe na hote toh aaj apni setting ho jaati" Karan gusse se sapne mei khoye hue bola. Aab bechara do hafton se akela ghoom raha tha, aaj ek ladki dikhi bhi toh bechara usse pata na paya. 

"Ye chacha ko kya jaroorat thi ghar wapas aane ki, roj toh raat hone pe aate hai aur aaj jaate hi wapas aa gaye huhhhh aur wo duja buddha wo toh mille mujhe kidhar bhi dikhata hoon usko, itni jor ka chanta mara mujhe aab tak dard ho raha hai" Karan ne apna gussa jahir kiya, lekin Vineet kissi aur hi duniya mei khoya hua hai. Usse Karan ki kissi baat ka fark nahi padd raha hai, wo bas apni dhun mei magan hai. 

Ye baat karan ko tab pata chala jab Vineet ne uski baat ka dusri baar jawab na diya, Karan ne sar utha ke Vineet ki aur dekha aur paya ki wo toh khud mei muskuraye jaa raha hai kuch soch ke, khuli aankho se sapne dekh raha hai.

Aab karan itna bhi nadan na tha ki usse pata na chale Vineet kya soch raha hai. 

"kya baat hai bhai, aab tak uss ladki ke baare mei soch rahe ho" Vineet ko hillate hue karan puchta hai. 

Muskurate hue Vineet uski aur dekhta hai, "badi kaamal ki chij thi" Ye bolte hue Vineet bistar pe aise lehraya jaise Naagmani dekh ke Naagin lehrati hai. 

Apne bhai ko khush dekh karan ko bhi khushi hui, "Haan bhai maal toh kadak thi wo suit wali" behti ganga mei karan ne bhi goote lagaye. Vineet ne jhat se ek halke haath ka thappad karan ke gaal pe laga diya. 

"Abey bhabhi hogi teri, izzat se baat karle" Vineet bolta hai, karan haan mei sar hilla deta hai. Iss chote se trailer se usse ye andaja toh ho gaya hai ki scooter wali ladka ka chakkar kuch din chalega. Jaise Vineet ke hao bhao hai wo saaf saaf darshate hai uske upar scooter wali ka nasha chadha hua hai halanki wo bahut jald hi utar hi jaayega.. 

Aab ye pehli martafa thodi hai jo Vineet ne karan ki bhabhi dhuhdhi ho. Ye toh anginat dafa ho chuka hai bas ek aur number badh gaya jo ki jald hi utar bhi jaayega. Muskurate hue Karan Vineet ko dekhta hai, jo aab uss scooter wali ke sang usne kya kya sapne dekhe wo batane laga hai.. 

"main ek badaaa sa ghar banayunga, ek dum Hollywood movies ke ghar jaisa. Main gate se ghuste hi aayega bada sa Hall jahan maa apne pote potiyon ke saath khelengi aur mere bachche papa ko pareshan karenge kyunki wo mujhe pareshan karte hai toh mere pyare pyare bacche unko pareshan karenge. Hall ke samne samne hongi sidhiyan jo upar mere bedroom tak jaayengi jahan meri haseena roj mera wait karegi, jab main aayunga toh pyar se mere Haath se office bag legi aur apne anchal se mera paseena pochegi. Mere liye juice laayegi aur apne haathon se pilayegi. Main roj uske liye gajra layunga Gulab ke phulon wala aur uske lambe lambe baalon mei lagayunga. Raat ko wo mere pasand ka khana banayegi aur apne haathon se khikayegi, main bhi khilayunga usse. Fir hum apne bachon ko sulayenge.. Haaye, life set ho jaayegi "khushi se Vineet aise jhuma ki seedhe jameen pe gir gaya lekin usse koi fark nahi pada.. 

" destination wedding karunga main. Pehle Indian, fir French, German, Italian sab style mei.. Kitna maja aayega "apne sapne ke samundar mei gote lagata hua vineet bolta hai.. 

" itni saari shadi kyun "Karan puchta hai 

" bas aise hi "apni battishi dikhata hua, Vineet bolta hai. Aur aankh band kar aapne sapno ki gadi ko aage badhata hai. Karan bhi aaram se bistar pe let jaata hai, aab ye toh har mahine ka hai. Har mahine koi na koi aisa asar kar hi jaati hai Vineet pe aur wo baith ke aise hi sapne sajata hai. Aur har sapne ek jaise bas ladki badal jaati hai. Aisa nahi hai ki jo mahine mei asar karti hai wahi ek hoti hai Vineet miya ke saath, wo toh bas wo hoti ho jo usko sabse jyada pasand aati hai baki toh roj kissi na kissi sang ghumte dikhte hi hai mahasaye.. 

Karan aache se janta hai ki ye mausam ki bahar hai jo mahine bhar mei utar jaayegi aur agar uss se pehle koi aur takkar ka mil gaya toh pehle hi pata kat jaayega scooter wali ka. Waise bhi karan ko jo mahasaye unpe girre the wo pasand nahi aaye. 

Saari baaton ke ubale apne sar mei ubalte hue dono dost so gaye. 

… 

Aage kya hoga jaane ke liye banne rahiye hamare saath 

Milte hai agle adhyay mei..