Suno,

Main thodi bawri si hoon,
Tum sambhal looge kya?

Meri badmashiyon ko apne baajuon mei samet,
Unhe sudhar looge kya?

Kabhi kabhi aata gussa bhi hai mujhe,
Bolo jhel paaoge kya?

Meri shaitaaniyan agar badh jaaye toh,
Tum gussa ho jaaoge kya?

Kaho, agar jo maim ruth gayi,
Toh mujhe manaaoge kya?

Kabhi jo jarurat pade,
Apne kandhe pe sulaoge kya?

Batlao toh,
Ruth toh na jaaoge,
Agar kuch mang lun tumse?

Jo kabhi main zidd karu,
Usse apnaoge kya??

Suno na,

Aache toh tum lagte hi ho mujhe,
Kaho, mujhe apni Dulhan banaoge kya??

...