Aksar raat ke taare mujhse ye puchhte hai,

ki aakhir kaun h voh, sapno'n ka tumhara rajkumar.

Bata toh du mai unhe tumhara naam,

par ye kaise bataungi, ki tum nahi jaante mera naam.

Keh toh du mai unse ki khoobsurat bhot ho tum,

par phir kya kahungi, jb puchhenge voh ki kon ho tum?

Kaise bataaun unhe nahi jaante ho tum mujhe,

Kaise bataaungi ki jaanti mai bhi nahi hu tumhe.

Khoj rahi hu mai bhi isii prashn ka jawaab,

Kya tum hi ho sapno'n ke mere Rajkumar.

Kon ho tum? Kya hai tumhari pehchaan?

Aaj de hi do tum in sabhi prashno ke jawaab.

Kya sach me tum vahi ho, jo log kehte hai?

Ya phir hain unki saari baatein bebuniyaad?

Samajh nhi paayi mai aaj tak ye raaz,

Kyo bol nhi paate tum aksar apne man ki baat?

Tum hi de do aaj, mere iss prashn ka jawaab,

Kya tum hi ho sapno ke mere Rajkumar.  

Here is another poem for you dear readers. I hope you'll like it.

Thank you for reading

With love,

Ara💙