Sa sulud pa lang ikaw kang akun busong

Wara run ti untat akun kalipay kag yuhum

Ang imo paghulag sa kagab-ihun kag kasanagun

Gatugro kang kalipay sa kabuhi nga madulum.

May mga inadlaw ikaw gapamangkot

Andut ang mga bata may manyika kag robot

Nagsabat ako nga wara kita ti kwarta

Ikaw naghipus lang piro nagtingala.

Sa iskwilahan pirmi ikaw ginasunlog

Hay daan imo bayo kag ang sapatos halog

Piro pag-uli sa balay wara ikaw gapanugid

Ginaagwanta mga harambalun nga masakit.

Aga pa ikaw nagbugtaw kag naghimus

Hay imo kaadlawan piro ikaw nagahipus

Siguro naintyindihan mo nga kita pigado

Bisan gamay nga riklamo wara ko nabatian kanimo.

Sangka adlaw ikaw naglisinsya

Sa inyo iskwilahan ikaw makanta

“Indi lang,” ang sabat ko hay wara kwarta

Ikaw naghipos, luha nag-agay sa imong mga mata.

Gabii run ako nag-uli halin sa obra

Ikaw nagturog run ingud ka bag mo nga pula

Pagbukas sa kaldiro sa lamisa

Ako naghibi sa akun nakita

Midalya kag keyk, nasulat

“Salamat, Nay, sa paghigugma.”