Sa imong ginharian, 

ang kalinung kag kakanay

mga istranghiro nga nagtalang

sa pusod kang akun paminsarun.

Ako ang usa 

kag ikaw ang disyirto

ginauhaw sa kabugnaw 

kang tubig kag musika 

nga ginalambatan

kang mga nagakirinalas 

kag nagadinaguub 

nga riyalidad

imaw kang mga silik 

nga singgit kag tiyabaw 

kang kamatuudan

nga nagalubung 

kang daw dagum ko nga damgo

sa dagami kang kagamo.

San-o ayhan ako makapalagyo

sa pagka-gaid sa imong luyo?

Basi kun bungul run ako!