Ito na ang araw na pinakahihintay,

Labing walong taon mong inaasam.

Taon-taon mong binibilang sa iyong tanang buhay,

Ngayo'y iyo ng makakamtan.

Ang araw na lagi mo lamang pinapangarap,

Ngayo'y matutupad na sa hinagap,

Labis na kasiyahan,

Ay wala ng mapagsidlan,

Ang iyong mukhang maaliwalas,

Ay nakikintalan ng ngiting tila hindi na mapipilas.

Iyong angkinin ang araw na ito,

Sapagkat ito ang araw na ang iyong gulang ay husto na.