Milya-milya man ang ating pagitan,

Pag-ibig ko sayo'y hindi nito mahihigitan,

Tulad ng sari-sari nitong kulay,

Ikaw ang nagbibigay buhay sa puso kong nalulumbay,

Sa ating munting pag-uusap,

Tila ba ako'y sumasayaw sa alapaap,

Ngunit bakit ganoon?

Parang kay hirap mo pa ring abutin.

Marahil ang pag-ibig ko'y hindi pa sapat,

O marahil para sa iyo,sa akin ay mayroon pang mas higit,

Pero kahit magkaganoon,na iba na tayo ng mundong ginagalawan,

Ayos na ako sa parehong langit na ating tinatanawan.